金翠餐廳 (已搬遷) 新店位置

今日返工，同同事下午叫左個外賣，叫左金翠茶餐廳，叫左個牛扒餐配薯條，外賣很快到，很有效率，但係，當打開個盒嘅時候，第一時間就係叉個薯條食啦，點知啲薯條係蒸的😩食落去, 完兩回事，右邊的牛扒本身係冇咩問題，但係啲汁多到變左湯咁，睇到有啲唔想食，好似水浸咁，變左黑椒湯，我要求其實不高，有啲餐都不會太差，始終呢個價格不高，跟餐的紅湯係咁好飲，餐包都不差，只係係個主菜係有些問題，希望以後會有少少改善了。🙏🏾

今晚小編同有人突然好想鋸扒，於是又上網搵咗鋸扒推介。我哋都係抱住試吓嘅心態嚟到呢一間餐廳，一入到舖頭細個嘅感覺就返晒嚟。舖頭雖然唔係好大，但係員工嘅服務態度好好，而且亦都有好多唔同嘅組合同選擇。於是我哋就叫咗一個巨型T骨牛扒同埋鴛鴦扒。最驚喜嘅位置係店員會叫我哋打開張紙巾，然後即刻林啲汁落去，嗰啲咋渣聲就係細個嘅感覺，相信而家好多餐廳都做唔到依個效果。巨型牛扒不過不失，我哋揀咗燒汁，但感覺配黑椒汁應該會更加夾。鴛鴦扒我哋就揀咗黑椒汁，本身覺得雞扒會普通啲，但估唔到個雞扒滑得來又大塊，我哋覺得仲好食過塊豬扒。總括依然，如果你想懷舊一下，不妨黎依間餐廳搵返兒時既感覺🥰

每個星期六帶老婆去搵食已經係疫情下既指定動作，今日去食牛扒，去到太子金鳳，排長龍，大肚婆唔企得，膽粗粗去試下金翠，因為有位唔使等。Order 兩個餐，鐵板西冷 5 成 同鐵板牛柳 4 成，湯同餐包唔錯，到上主菜，賣相幾好，開始從邊切過去食，肉質 ok，係西冷筋多，但去到中間就瀨野了，5 成西冷變 3 成，4 成牛柳變 2 成，完全唔掂，兩個餐放哂喺檯，侍應收野問係咪唔要，我點點頭，笑左一笑，同佢講問題所在，佢一句唔好意思說走開左，即係點？以後唔會去幫襯

想食鐵板餐就會去太子荔枝角金翠餐廳👍🏼雖然佢哋同一般茶餐廳無異座位比較逼，但我相信試過佢哋鐵板餐嘅朋友一定唔會失望🙌🏻我都唔記得去過幾多次由於我唔食🐮但朋友食過佢哋出品嘅牛確係🉐️而我就叫過香草🐑鞍、香煎🐓扒及西班牙黑豚🐷鞍扒都唔錯👍🏼👏🏻份量十足😬而食過以上三款扒全部肉質係靚嘅，入口Juicy🤤再加埋佢哋嘅黑椒汁及蒜蓉汁上枱香噴噴滿足晒食慾🤗最後一提佢哋嘅羅宋湯好飲😚只係用雜菜淆成所以唔食牛嘅我有口福✌🏻

好耐之前試過呢間覺得不錯價錢同同類型果間差不多但味道呢邊好少少一坐低會先問你要羅宋湯定忌廉湯我地揀左一紅一白其實兩個湯我都鍾意羅宋湯好足料落埋胡椒粉辣辣地好開胃白湯就一般快餐店果種(其實我好鍾意)反而高級餐廳果D好重奶味我麻麻跟湯有個餐包暖暖地上檯的呢個好加分點住湯黎食好正呀今晚揀左什扒餐好大份呀有豬扒, 牛扒, 腸仔, 雞扒我地仲加左蒜容同帶子呢兩個係主角好讚個帶子係好嫰好滑剛剛好果隻蒜容就每次必叫落左香好多我地要左黑椒汁幾惹味豬扒比想像中好無諗到咁鞋牛扒同雞扒正常啦都預左什扒餐唔會用高質素的扒但熱辣辣有埋蒜容已經好滿足

食得西餐多，想偶然食下港式鐵板餐😂所以搵個中式扒房平衡下，想食肉，預期金翠應該同莎樂美質素差唔多～一試無妨，扒質唔存期望，唔敢叫太生！未叫餐就已經黎左餐包同湯，岩晒肚餓之人！野飲要叫先黎。半膝腿$90，勁大份，骨大大，肉多多，有少許羊味。羊比牛好食。薯條好難食😂生生的，軟軟的，好肉未炸好咁，轉意粉好過肉眼$90叫左五成熟，黎到個時揀咗黑椒汁，食落普普通通，點嫌牛肉有點鬆散，唔香牛味，應該牛柳好食啲～

下午茶時段，本來想襯人少去金鳳鋸扒，行過呢間叫金翠嘅餐廳，門外標榜係金鳳前員工所開嘅餐廳，一樣有蘇格蘭牛扒，標價$90 。由於我自己本身都好耐冇去過金鳳，唔知道而家係乜嘢價錢，但係覺得$90呢個價其實都唔算太便宜，但抱住一個比較嘅心態，即管入去試一試。一份蘇格蘭牛扒，加蒜蓉要加兩蚊，有餐茶有餐包有餐湯。味道同金鳳差唔多，但係嗰兩塊所謂牛扒非常之細塊，而且仲係唔係完整一塊，而係分開兩細塊。淨係呢一樣嘢已經非常失望。薯條椰菜蘿蔔同牛扒嘅比例大約係一比一。可能而家經營真係好困難，埋單$94,但係應該唔會再回頭幫襯。

對於學生來說，是一個非常抵讚的一個餐廳。 餐牌上的首四款餐(ABCD)每日都會轉，穿著校服到餐廳吃午飯的學生都可以以$35的學生價吃到，其他人就要俾正價的錢。其餘兩款餐就每週轉一次，沒有學生價。每一個餐都附有一個餐包(連一盒牛油)一款餐湯(羅宋湯或忌廉湯)和熱飲(可加$2轉凍飲，學生可免費轉)。我每次都會吃D餐，D餐通常會是一塊肉扒+汁+飯/意粉/薯菜+ 雖然餐牌指定是什麼汁，但是你可以讓服務員替你轉汁。份量十足，一定夠飽👍🏻服務員嘅態度都幾nice㗎~

車仔麵冇油麵！想食個樣冇個樣，大佬。食車仔麵緊係食油麵架啦，冇油麵又唔補貨，油麵係車仔麵靈魂，大大力入貨啦，癡能線，冇油麵，做咩車仔麵！？點曬單先話冇，先啱啱入夜6點幾7點，做西。一心想食油麵就冇油麵，係咪玩客？市道咁差，祝店好運啦。

第一天突然想吃鐵板燒，於是上Openrice 四圍搵。搵到呢間金翠，見佢在太子，那麼方便，於是下午4-5點去試一試佢。我們2人點了一份西冷牛扒配燒汁，一份肉眼扒配黑椒汁，大家都選6成熟。很快就有得食了，熱辣辣，香氣撲鼻，西冷味道很濃郁肉眼扒就有點熟過龍，不過都好大塊，好足料再order多份意粉，正價錢方便，八十幾蚊吃到咁大塊扒，抵到爛！而且坐得舒適，呢個時間人都唔多個，服務生都只招待我們。下次會再去，嚐嚐其他既扒

懷舊式牛扒餐廳，有多年歷史，地方比較細，需要搭檯坐，但坐位尚算可以「黑椒汁西冷扒」黑椒汁味濃，牛扒鬆軟，不錯「鴛鴦汁肉眼扒」黑椒汁蓋過了蒜蓉味道，但都不錯，肉眼扒反而肉汁不多和不夠淋，要用好長時間食完一口「羅宋湯」味道不夠

太子有很多扒房，上一次已經食過金鳯，今次就試試這間前金鳯廚師主理的平民扒房。環境方面餐廳不是太大間，由於早去，去到時只有3-4枱客，被安排去旁邊的卡座，所以位置較大較舒服。服務方面一般正常的服務，態度不差，不過這樣的價錢當然不會有五星級服務喇，所以還好。食物方面餐湯及餐包—點餐後一分鐘就送上，餐湯不熱，暖暖的，忌廉湯接近沒有料，但味道還可以，羅宋湯較足料，但不夠濃郁，餐飽就是一般的貨式，普遍來說合格的肉眼扒及金翠牛柳—肉質軟諗，雖然食得出有用鬆肉粉，但是仍然食到本身的肉味，肉質都唔會乸到霉，兩者的分別不大，就是肉眼較薄較軟諗，牛柳較厚身，相對多肉汁，但不夠肉眼諗。另外加了2蚊的蒜茸也非常香，黑椒汁也不會太咸，整體是好吃的，下次都會再去

2019年6月2日約左上朋友屋企玩。玩之前就食飯先。行行下見到佢。就決定試佢。開頭睇都唔抱大期望。入到去見到超級正路。又抵食。係迫左啲。好正路既羅宋湯好夠熱既餐包。餐包一熱就好食牛排蒜蓉好似加1蚊定2蚊。加唔加都冇乜所謂，除左你好中意蒜蓉味。我地人多。但咁樣食都仲係好抵食。係坐得有啲迫。不過人少既話。應該都坐得好像啲既。係因為我地冇咁大張長台。我個塊叫左五成熟。但黎到都仲有啲生。好彩佢係鐵板。唔知係咪因爲佢係鐵板。所以佢整生啲。可能我食得慢。食食下變左全熟

本身諗住食飛鷹,見到價錢都要150.160就轉左食金鳳條隊又好長,最後食左金翠餐廳,叫五成一滴血都無,食牛柳我諗系今年以黎食過最伏最伏最伏既一間鋸扒,吾會再食請都吾食。想中伏就去試下完。

太子其實唔算少選擇，不過星期日夜晚食飯時間餐廳好多都滿座，周圍搵野食見倒金翠餐廳條隊相對短啲同啱食啲就排，大約五分鐘就入得。牛扒選擇都算多，普通叫左份肉眼五成熟，餐包餐湯餐飲齊全，份量都相當足夠。一般喺其他餐廳叫五成熟廚房都會整熟啲，始終唔係我想要既程度又驚如果叫生啲又真係會太生，今次份扒就啱啱好係我心目中既，肉質比我預期中好少筋又少脂肪。不過餐廳唔算大，我地一行七個人坐得唔太舒服。整體價錢合理抵食。