金翠餐廳 (已搬遷) 新店位置

金翠其實以前都黎過，因為貪佢大件夾抵食，但係次次行過都大排長龍，平日夜晚係個到食係一個忍耐大挑戰。個日係大陸番黎，係大陸最怕食一樣野，就係食扒，因為大陸食扒真係豐檢由人，我食過11蚊既扒飯，幾蚊一塊炸豬扒，所以食扒一定番香港食。講下鐵板餐，其實佢係黎自香港既茶記，佢同外國好唔同，日本仔個鐵板就由未熟煮到熟，香港地就唔係，就係熟左既扒擺上去鐵板到再淋上醬汁，用張紙巾遮住塊面，聽住佢渣渣聲，係食鐵板既享受。試過係大陸食，塊板根本唔熱，完全無feel!其實金鳳距離地鐵都要行五到十分鐘，去到門口好易認，因為總會有人龍，個日就去食，好好彩唔知係咪早左去所以等左十分鐘就有位。一坐底就問你紅定白，叫左個紅湯，佢個紅湯係冇肉，佢飲落去唔係辣，係少少酸，所以都好足料好開胃。跟住就menu，都係港式西餐廳，咩扒都有得揀，最後嗌左兩個餐，一個美國1855特級肉眼牛扒（因為個staff極力推介）一個香草煎羊鞍。美國1855特級肉眼牛扒 148元148蚊食塊扒貴唔貴?係金翠黎講佢算貴，但是係外面黎講真係唔貴，同埋塊扒堅高質，同埋夠大塊，所以個性價比都好高。《食扒要加蒜！ 食扒要加蒜！ 食扒要加蒜！》由於好緊要要

金鳳平時就聽得多，今次呢間係金翠，門口大大隻字寫住金鳳原班人馬，所以就走左入去。一入到去睇一睇就見倒個公告，即刻放心哂，唔驚會食倒巴西肉。餐湯有紅湯同白湯紅湯一睇就知好多料，入面有好多蔬菜好開胃好健康。而個白湯就較為傑，入面有小小粟米，所以飲落唔會覺得溜。呢個係1855肉眼扒，一睇倒塊扒就好開心喇，塊扒仲大過塊鐵板。啲黑椒汁好香，一落gelgel聲，聽倒都覺得興奮。啲肉好霖，肥瘦適中，食到邊邊位雖然多小小肥肉，但係好滑。帶子牛扒加埋生蒜，呢塊牛扒比起頭先果塊就冇咁霖，不過就厚啲。而且牛味都濃啲。加左生蒜仲正，食落好香蒜蓉味，而且仲辣辣地帶子都好大粒，食落好爽，即使係鐵板上但都唔會熱到老哂。啲牛扒水準都唔差，而且價錢又好扺，岩哂我呢啲平民食

LUNCH 食扒會唔會過份左D?! 哈哈...一D都唔過份, 因為黎得呢間餐廳就緊係要食扒啦, 開頭我都唔信, 因為外表係一個茶餐廳的模樣, 但黎到見到真係起碼有8成人都係食扒, 於是我地坐低就打開餐牌睇下有咩扒食先, 有豬,牛,雞,羊等........牛扒都分好多種, 有平有貴, 哈哈...睇下想食邊種口感既牛.我地叫左個美國安格斯西冷牛扒餐$133, 有餐湯,牛油餐包同飲品, 另外加了意粉$10, 意粉係用了茄汁煮的, 正! 跟住講下塊扒先, 上枱後店員會問要燒汁還是黑椒汁, 我選了燒汁, 打開餐巾, 炸......很香哦, 仲有薯條同椰菜做配菜, 牛扒厚厚的, 大大塊的, 我點了7成, 好有咬口, 不會太鞋, 不用再點太多汁都OK, 因為本身已經有醃製過的.另外呢款係金翠牛柳餐$90, 都係有餐湯,牛油餐包同飲品, 呢個加左飯$6, 仲有加左隻蛋$6, 牛柳比起牛扒淋得多, 仲好JUICY, 好香牛味, 都係用左薯條同椰菜做配菜.餐飲叫了熱檸水同凍朱古力.其實真係好睇自己鍾意食邊隻口感, 下次試下其他先, 同埋都估唔到LUNCH 都咁多人食扒, 哈哈.....仲要全日免收加一.

1）服務態度差，一行入黎未坐低即刻問飲咩湯、飲咩餐飲呀，個feel成個佐敦「光速餐」咁，以為佢好好食先會咁快手，想人快啲食完到下個啦⋯2）食物質素低，簡直係劣食，叫一份牛排同一個肉醬意粉，牛排超韌又無牛味，肉醬意粉味道超級淡，似食齋意粉。3）cp值低，兩個人食左150$垃圾總結：食一般快餐店好過啦

未食完就趕人走咁 一早準備好張單比你埋 餐飲就你未食完就叫 想慢慢食都好難 味道一般 要左塊7成既牛扒 但系好難切 完全吾似7成 枱同枱之間太貼 好迫 坐到人好唔舒服 吾會再有下次去

呢間餐廳之前好多人介紹鋸扒，餐廳用好傳統鐵板，呢間餐廳大件夾底食，聽聞餐廳廚師是金鳳餐廳既人，味道舊式，份量十足，味道都係還好，唔係特別超級好食，只係食回憶，食到回憶已經好滿足，$70幾蚊一個扒真係唔知邊到搵，牛扒接近同個鐵板一樣咁大。

今日去完花虛行街，夜左就同老公去搵食，係FB見話呢間唔錯就食呢間，地址都容易搵，由太子道轉右入荔枝角道就見！來到門前有幾個人等位，大約8點，等左一陣有位，門口個姐姐好好人，比椅我地坐，又介紹d扒比我地識入到去環境oK，都有食扒氣氛，我同老公叫左2個西冷，先來湯和包，湯夠熱，味道幾好，包一般，尚可！到西冷來，係我地面前霖汁，要左克召汁，好大煙，好香克召味好惹味，要左7成剛好7成，有肉味，好霖但重有咬口，唔似平時出面果d一係硬，一係就梅肉一樣，完全唔似係食緊70幾蚊的牛扒，正呀！最後要左檸茶，好香茶味，一d都唔馬夫，加2蚊就有大杯！最後一提，如食得蒜蓉一定要加，只要加2蚊，多左蒜蓉可以令牛扒提升去另一層次，唔係講笑

除左放假只要翻工日日都來，因為金翠是價廉物美，價錢停留於我讀書年代！三十二蚊有一個午餐依家去邊度搵！餐湯羅宋湯十分足料，帶有少少酸辣，偏甜！今日食河粉，豉汁好有味，肉又好多好霖，最特別係河粉，非出面用的炒河又粗又厚，係用湯河炒，幼d滑d，好入味！能令我日日如是都來，除左食物質數高，最重要係呢度有人情味，呢度老闆員工打成一片，對d客人有講有笑，對熟客口味清楚，未出口己記得要咩，多飯少飯也可，令人有一家人的感覺，平時午餐好多人排隊架夜晚好少食，眼見有人話服務態度差，我又唔係好想信啦，不過知道呢度係會急d，無非都係薄利多消做多d生意，收咁平價錢自會明白人地需要，係呢度食野聽最多一定係笑聲，自覺服務態度一流，不過明白同行如敵國，實有呢d野，見他們全家人落力工作，作為香港人一定會支持呢d小店，希望多d呢種店出現啦！加油努力

請我都唔再去食…一入到去未坐低…問你飲咩野餐湯都冇問題…岩岩坐低3min唔夠…同你講…有要大枱要你轉枱…命令式地要你轉…都算…咁叫野食都ok既…到野食黎…都未食到一半要你寫餐飲ok…黎先都得既…好啦…咁食完個扒…即有人收餐具…冇問題…你都要時間返枱既…但兩個杯餐飲都未飲岩岩開始飲…冇3min就拎單黎同你講…要你埋單有人等位！仲要態度唔係好囉！！！😡你間餐廳食快餐定係食扒？前後冇40min!但又唔係話快餐店咁快出到餐囉！！！野唔係十分好食！一般！但態度真的不能接受！永遠blacklist💀

今日同老婆同個仔去呢間金翠，門口無乜人排隊，都知有啲問题，入到去無乜人，阿仔因為细個，食唔晒一個扒，於是咪諗住叫兩個扒餐，点知一知道我叫两個扒，個收銀四眼女人，就九秒九攞個兒童餐牌黎，話人頭收费，每人最少三十大元，總知一人最少收费三十蚊，真係火都黎埋，大佬，我叫兩個餐都兩佰幾埋單啦，攪到成間餐廰啲人都以為我無錢食飯咁，OK！咁我咪唯有起身去第間食，無謂阻住你招呼其他大客！好失望！呢間野由開將幫襯到而家，以前帶個仔去食，都係兩個人食一個餐，估唔到而家有啲生意，就咁大個鼻，黑名單，永不幫襯！

臨近聖誕食飯， 周圍都好多人， 本身成班老友記諗住去食金鳳，但排長龍既情況太勁， 見附近有金翠，又話係金鳳嘅班底而且唔係太多人等， 咁退而求其次就去試下啦~一行五人，比我地坐四人卡位，真係逼到爆，大家 不停手踭撞嚟撞去白湯好咸又冇料~紅湯都係偏咸，但係好味啲又多料~我食嘅羊鞍， 味道就ok嘅，但係食到骨嘅位置係完全咬唔到開囉老友記既牛柳，依個有牛味又唔會好難咬，依個唔錯老友記既美式什扒，我試過個豬扒幾彈口唔鞋身，幾好食老友記嘅鴛鴦什扒，佢話塊雞都唔錯~依邊加生蒜要加2蚊

今時今日要搵到價錢平，份量十足，質素有番咁上下嘅已經好小了！之不過金翠就做到啦！😄今日帶個朋友來試新野，我要左牛小排，朋友要奄央扒，朋友有雞扒和豬扒，份量十足，雞扒妳厚肉，豬扒前得好香，肉汁豐富，易咬開！我要左牛小排，肉味超重入口即溶，人間美食能夠見到d汁加落鐵扳到一刻，現在而經很少了！

行去太子買聖誕禮物，行到夜晚就入咗呢間餐廳，都有８９成滿座，本人唔食牛，要了一個鴛鴦扒，有朱扒和雞扒，坐低先來一個餐湯和包，好有效率！餐包軟熟，忌廉湯十分足料有奶味！好快鴛鴦扒就到，好大塊雞扒和豬扒，雞扒好厚身，好重香料味，朱扒肉厚多汁，入口融化，肉質非常爽滑，本人推薦一定要加蒜容，因為有畫龍點睛效果，好食好多，餐茶要咗朱古力，出面已經好少呢道咁濃朱古力味

太子區近年開左好多餐廳，多咗好多選擇，但我一向視金翠為飯堂！因為又平又正份量又大，平時繁忙時段都有人排隊！午餐有餐湯餐包，我最愛尼度的羅宋湯，好夠味，有開胃，餐包熱辣辣！今日叫左炒粉面食，即叫即炒，味道一流，唔油膩，材料十分多，香味十足餐飲大杯好濃味，絕無偷工減料，難怪咁多捧場客

從來未寫過食評都忍唔住要專登開過a/c發表一下個人感想因為佢既食物質素同服務態度真係太差啦!！！我同屋企人去食晚餐叫左一份牛柳，一份西冷牛扒同一份羊鞍， 牛扒同牛柳叫左五成熟所以正常應該會咬得到黎食，但係佢哋啲扒根本咬唔到黎食，嚴格黎講，可以話有一半以上係食唔到既，同佢哋啲人反映意見佢哋直情當聽唔到，最離譜係飲品都未飲完已叫你埋單走，以後唔會再幫襯!