金船泰國菜

营业中

休息中

衣間泰國菜都幫襯咗好多年，啲食物沒有減分只會繼續保持好味，咁啱去開九龍城買嘢，見好耐冇食過泰國菜就去食，每一次點菜嘅時候都會叫一杯芒果沙冰，同埋佢個生菜飽，串燒，但我每次點串燒都係會叫雞肉，因為佢個豬肉會有少少韌。啲食物質素保持味道好好，價錢又不算特別太貴。

2-10-2023 （星期日） 諗住去馬仔打邊爐， 6點幾去到一如既往更係排隊得位啦， 等左30分鐘。真係好肚餓， 見金船話有位， 就改左去食泰菜， 之前未去過依間， 認住咁既時間仲有位 會唔會中伏呢， 唔理啦， 一於去試左先算 咁我地一行4人就即刻坐低叫野食， 點知佢第一個泰式鳳爪已經覺得好好食， 味道剛剛好， 又夠凍， 又多料， d鳳爪爽口。正👍， 我都仲叫左 生蝦 ， 冬陰公， 炸蝦餅， 炒菜， 生菜包， Pad Thai , 燒雞全翼 同燒豬頸肉， 仲有4杯冰凍沙冰， 除左個Pad Thai 比較濕（個人喜好） 外， 其他都有8-9分 （10分滿分） ， 埋單都係7百幾， 低食， 最起碼大家食完無投訴，仲話會再黎

過年前好多野要買。 所以有一日,我就去左九龍城買左一堆賀年禮品,由於 買太多野,行行吓已經下午三點,好肚餓,就入咗九龍城街市嘅熟食中心,揀咗呢間金龍小食食個下午茶。由真正泰國人主理,簡單叫咗個冬陰功湯河加龍眼冰, 已經好好味! 特別係個冬陰功湯河,好足料 入面有蝦有蠔,其實都只係$55。 見我係香港人,特登問我是否要小辣。整個味道唔會好辣但係就好香想食又平有好味既泰國菜,一定要黎九龍城街市!同 場仲有其他泰國食檔架!

店員服務態度真係唔得 叫咗一個螄蚶淨係得上面幾隻開咗口 叫店員退款或者轉其他又話幫我地開翻佢地就算 既唔新鮮又唔好味 真係唔知點形容 芒果糯米飯同樣一般 唯一ok就係雞腳 大家謹慎嘗試

喺九龍城食泰國野嘅選擇之多,  競爭之大,   其實街邊個亞婆都知.    今次去試一間未食過嘅,   結果就咁燒焦. 坐低佢放低兩本餐牌,   兩本野入面同一個 number 寫嘅菜名可以係唔同嘅,   叫完野食,  上菜又上錯,  又漏單,  個串燒 食晒所有野都未嚟,  追佢佢就話「整緊」,  最後無奈取消,  上生菜包唔上生菜,  但係上木瓜沙律就跟生菜,   叫五杯野飲其中一杯係上晒菜都未嚟,  追佢佢又係話「整緊」,   但係其間不停出其他枱嘅野飲.   呢種玩法嘅餐廳真係好耐都無見過..    對比起同一個場嘅另外兩間餐廳,   佢地嘅服務同質素實在係天同地比.  講返啲菜,   燒鰂魚係最好喇,   中規中矩另外,  呢杯係西瓜沙冰,    係一上枱果陣影嘅,   成杯同沙或者冰係無太大關係,   主要係西瓜味嘅糖水.   其他菜嘅相唔 post 了,    都無乜分別 

真係好易搞錯。5點半，喺隔離體育館打完波，跟手就推門去對面熟食中心。諗住係去泰x小食，啲泰侍應話要6點先坐得，於是乎話叫啲啤酒飲住坐低等，佢地就ok。離遠見到難得有椅背嘅凳就一個箭步衝埋去，但見啲侍應唔上前就覺得怪怪。安頓好，揭餐牌先發現：原來去咗對面「金船小食」。一問之後，兩家本是親戚，幾年前分了家各據一方營運。細心睇亦發現金鉛呢邊每枱有枱號牌，亦每枱有抽紙巾。食物上一眼睇到有獅蚶，至少十年冇食過，於是冒住極易通腸胃嘅風險嚟一碟。真係剛剛好灼熟（或半生熟？），仲有血色，好鮮味，至少食完幾日都冇瀉，證明都夠乾淨。餐牌寫串燒得雞、豬，實則有牛、羊。點咗雞牛豬。只少許燶邊角，豬比較鞋，雞牛都做番九龍城泰式串燒水平。芒果沙冰極濃味，落咗唔少芒果肉，嚼到輕微水果肉碎；西瓜沙冰賣相就唔多掂，搞得好唔均勻，啲冰走埋一堆，於是一邊有西瓜汁一邊得雪水味。海南雞已去骨，不過欠咗啲油香味，雞件都比較乾，有部分皮肉分離，薑蓉汁底有啲醒辣救番一把。印象中收$8x一碟，有啲唔值。炸蝦餅叫做合格，但冇種燙口感。裏面有碎蝦肉，但唔夠香。泰式炒金邊粉有五六隻鮮蝦，味酸酸甜甜，開胃嘢。走時7點半，已見成行人排哂隊近大門

性價比：⭐️⭐️⭐️⭐️回頭率：⭐️⭐️⭐️⭐️滿分為5⭐如果嫌街市環境迫又坐得唔舒服係可以完全Skip呢篇😂同屋企人一行四人嚟食點咗炸蝦餅、串燒（雞牛豬）、生菜包、炒椰菜苗、炒飯等等炸蝦餅雖然好大機會都係急凍來貨, 不過佢炸得香脆食落唔會覺得好油好膩串燒 食得出真係燒出來, 唔會太乾生菜包食落唔辣, 但原來辣粉放左旁邊, 呢個位係幾細心其他野食質素都正常, 價錢都唔算貴，唔怪之得星期六日會full house

喺九龍仔運動場做完運動過嚟九龍塘街市3樓嘅泰國菜館有兩間, 金船係只幫襯過一次。 所以這天想幫襯一次。午餐同船河餐都同樣是45蚊, 另加半只海南雞。老闆話海南雞係今日先劏。食落又似鮮雞喎。沾雞食嘅啡橙色帶椰汁味嘅醬幾特別。午餐叫咗脆肉炒芥蘭飯, 脆肉其實指五花腩片, 同個"脆"字無關。肉片好少芥蘭為主。打個薄蠔油獻汁船河餐叫泰式牛丸湯河 要注意呢個湯飲完會相當口渴。牛丸算係彈牙嘅。

今日叫左炒通菜，但係覺得有啲鹹，再叫左個炸蝦餅，超級脆同埋都大件，另外就叫咗個明爐蒸烏頭，啲肉就有少少鞋，辣度就夠嘅，再叫咗個串燒，分別系4牛2豬，兩隻都幾好味，最後就叫咗個椰青，似椰皇多啲，入邊冇乜水，另外再叫做杯龍眼冰，唔係太夠甜，環境就一般，比較迫，其實而家疫情期間應該啲枱分開多少少會比較好啲