金船泰國菜

营业中

休息中

真系好易搞错。5点半，喺隔离体育馆打完波，跟手就推门去对面熟食中心。谂住系去泰x小食，啲泰侍应话要6点先坐得，于是乎话叫啲啤酒饮住坐低等，佢地就ok。离远见到难得有椅背嘅凳就一个箭步冲埋去，但见啲侍应唔上前就觉得怪怪。安顿好，揭餐牌先发现：原来去咗对面「金船小食」。一问之后，两家本是亲戚，几年前分了家各据一方营运。细心睇亦发现金铅呢边每枱有枱号牌，亦每枱有抽纸巾。食物上一眼睇到有狮蚶，至少十年冇食过，于是冒住极易通肠胃嘅风险嚟一碟。真系刚刚好灼熟（或半生熟？），仲有血色，好鲜味，至少食完几日都冇泻，证明都够干净。餐牌写串烧得鸡、猪，实则有牛、羊。点咗鸡牛猪。只少许㶶边角，猪比较鞋，鸡牛都做番九龙城泰式串烧水平。芒果沙冰极浓味，落咗唔少芒果肉，嚼到轻微水果肉碎；西瓜沙冰卖相就唔多掂，搞得好唔均匀，啲冰走埋一堆，于是一边有西瓜汁一边得雪水味。海南鸡已去骨，不过欠咗啲油香味，鸡件都比较干，有部分皮肉分离，姜蓉汁底有啲醒辣救番一把。印象中收$8x一碟，有啲唔值。炸虾饼叫做合格，但冇种烫口感。里面有碎虾肉，但唔够香。泰式炒金边粉有五六只鲜虾，味酸酸甜甜，开胃嘢。走时7点半，已见成行人排哂队近大门