金芝龍日韓美食外賣站 (已結業)

今日落屋企樓下搵嘢食，經過一間新開一陣子嘅外賣店，但之前一路冇去試，今次try try佢啦！睇見Menu選擇好多又幾有新意，好難㨂呀最後我點指乒乒小試牛刀叫咗個芝味雞全餐，飲品方面就紫薯香芋。芝味雞👉一大份嘅雞配蔬菜，雞唔知係燒定煎嘅，非常香口肉又紮實，唔會好似一般嗰d咁一咬就散洒，肉汁仍然有喺道，感覺有研究過點煮，值得推介紫薯香芋👉跟一般出面飲到嘅類似，都係好濃嘅味道，但又唔係死甜嗰隻，個人覺得啱口味，唔錯整體尼講食物質素唔錯，幾十蚊嘢算係好好，起碼以後深水埗多一個好選擇

今日同朋友行深水埗買嘢，經過依一間小店覺得好特別，日韓小食，所以同朋友試下，真係有意想不到的驚喜1）期間限定（韓式小龍包）食落口多汁，D餡料有入口即溶的感覺，感覺好正！2）韓Shake芝味雞全餐，我喜歡食芝士所以覺得好香芝士味，我相信熱愛芝士的人一定鐘意，單骨雞翼，味道好嘢味，做成單骨好方便，真係好細心的一間小食店還有一些菜的配菜味道都一樣咁美味，小食店嚟說整體滿意度都十分，服務態度重好好，有禮貌，笑容甜美親切下次再經過一定會再嚟試下其他美食

遠處比招牌吸引了過去 第一時間睇了野飲 哇～～ 原來呢間野都吾平 ..心唸 應該 貴係有佢道理 試左之後 所有野都麻麻地 好一般食左舊芝士丸 太重芝士味 係口度咬左兩啖 就吾想食雞翼 同出面食開既都係一樣無特色 野飲 更加係一般。吾值呢個價 ...

今日和男朋友去開深水埗，又去呢間Youtuber 伍仔同Zaki開既小食店---金芝龍日韓外賣美食站，我地去個陣下午茶時間，見到個新出既韓shake芝味雞全餐，我地勁鍾意食雞同芝士既，點可以放過，所以立即就叫左呢個餐2個share"""韓shake芝味雞全餐1)雞軟骨 非常惹味，份量都幾多，啖啖肉，骨又唔會太硬2)單骨雞翼8隻 味道好入味，雞翼做成單骨，食就非常方便3)芝士條2條 十分香脆，芝士可以拉到成米長，有得玩又好食4)芝士雞粒6粒 芝士味非常濃郁5)椰菜托底 新鮮椰菜托底，感覺高級，仲有煮過，唔係生係可以食的，好驚喜仲送一杯500ml茉莉綠茶，好香的好好飲，有熱或凍揀十分芝味，非常滋味，誠意推薦!!!

今日放假專誠來到深水埗，幫襯YouTuber伍仔開的金芝龍日韓外賣美食站初到朝聖第一眼的感覺就是店舖的裝修顏色很鮮艷，在很遠的地方也能夠清楚忙到這間店舖。開始揀嘢食，每一樣食物都不容易在外面搵到，非常有特色！香港很多餃子店我也吃過，但他們的江南大餃子和排骨餃子，市面上未曾見過，今次叫了一個餃子全餐！尤其江南大餃子分量一隻有一隻手掌般大入面包着豬肉和粉絲真韓風味排骨搞外面脆味道10分濃郁，餃子餐裏面有兩個小食，一個係芝士魚豆腐外面是預付中間的芝士流心非常好食，另外一款小食是芥末沙律球，入面包着一些酸酸甜甜的芥末汁和魚子小食來說是很開胃。還拌着一點泡菜醒胃老闆說他們的泡菜是新鮮每日即製的，不含防腐劑可以放心食用飲品方面他們有很多選擇，最出名的是寒天黑糖珍珠奶茶和莊莊飲品方面他們有很多選擇，最出名的是寒天黑糖珍珠奶茶和紫薯香芋！但今天我想飲清清地他們就介紹了柚子蜜給我清爽的口感啖啖的果肉總結：這裏是一間很特色的食店，質素拍得住大型的韓國餐廳。款式又多又新奇，非常推薦大家來朝聖打卡

見新開張，又無人排隊，同女友兩個嚟試下，點知中伏😰........以為平嘢無好嘢，點知貴嘢都係無好嘢......叫咗份韓式微辣年糕，點知喺辣味醬撈粉團，賣成$25一碟比人，仲要得果幾舊，食到一肚氣。劣評.....仲有果個餃子和牛漢堡，衰過食M記果個肉醬包，啲餡料漏到周圍都係，牛又無牛味，賣$38蚊，食呢個包貼錢買難受。叫左兩杯野飲，黑糖薑母茶同芝士奶蓋綠茶。味道好一般。我諗是但一間店台式野飲都吾會差得過佢。

路過深水埗見到有試業的金芝龍，有韓式撈麵、芝士條、無骨雞翼等小食，套餐價格由HK$29至HK$38不等，門外不時有人路過購買，更有不少人在店外立食。第一次，就吃吃韓式美食中知名的炒年糕，套餐才HK$29，有得食，有得飲，價格容易接受。份量作小食剛好，年鮮軟度適中，味道剛剛好，有點點泡菜！紅茶是阿薩母紅茶，很開心是無糖的，吃一口年糕，喝一口茶，感覺不錯，不感覺濃味，又會覺得膩，挺清爽的感覺！下次可再試試別的，如即食的朋友，可請店家少用點即棄包裝盒，很快吃完時，感覺有點浪費。