金華美食

营业中

休息中

👍🏻魚肉燒賣 $8/5粒煙韌彈牙又有魚味👍🏻👍🏻👍🏻豉油老闆有調較過，燒賣沾滿哂豉油都唔會好咸推薦落辣油！幾滴已經好辣，好惹味🤪🌶味道：10/10性價比：9/10-📍金華美食深水埗昌華街20號金華閣地下1號舖

呢間小店最令𝚅𝚒𝚎𝚗𝚗掛住係佢d醬料🫕 #就係果種陣陣鴨油香🤤好鬼正⋯第2度未試過（有請告知🙏🏼）$𝟭𝟬腸粉 $𝟴燒賣 $𝟭𝟮牛肉球➰老老實實腸粉係好普通姐、燒賣亦都係用金龍燒賣、牛肉球不值一提🙃➰但咁普通嘅小食⋯⋯唔知點解加咗有🦆#鴨油香嘅醬油 就變得唔普通，好似細個係某間大廈食到走鬼檔嘅 #兒時回憶➰就係呢陣味道，當腸粉癮起都會諗起金華➰如果大家都想試吓 #鴨油香嘅腸粉，可以嚟試吓➰想食腸粉滑同靚，請迴避🥲📍金華美食 (深水埗)🔖深水埗昌華街20號金華閣地下1號舖⏰ 07:00am ~ 21:00pm#長沙灣美食 #深水埗美食 #腸粉控 #肥dodo食記 #foodporn #hkfoodblogger #hkiger #必吃小食 #腸粉 #香港小食 #香港地道小食 #香港地道嘅

$8一串五粒燒賣有辣有唔辣伯伯會加勁重手豉油/ 辣油秘製辣油都幾辣架～由五年前讀書幫襯到依家燒賣勁q彈牙好好食！係我食過最好食既街邊檔唔係講笑除左燒賣，牛肉球都好好食！

長沙灣區街坊人龍小店，兩夫妻共同經營，這家小店的燒賣最有名氣，老闆平日喜歡與排隊的客人談笑風生，十分幽默。金華美食的燒賣口感夠煙靭，味道不錯。這裏還有魚蛋，還有腸粉丶腸仔及牛肉球賣。腸粉也算滑，味道不錯。不過最重要的靈魂是這家的秘製辣油，阿叔會問客人要不要辣，其實加幾辣已經很辣，吃了會出汗的，刺激喜歡辣的朋友仔一定要試試金華阿叔的秘制辣油，這是會吃到上癮的辣油🔥如果冬天吃這辣油燒賣更有風味，可暖暖身子。

每次行過都見到好多人買佢既野食。今日午餐得白飯，想加餸，於是決定試下佢既魚蛋燒賣。佢既魚蛋係陳皮魚蛋，好香好食。而佢既燒賣大粒，但味道不過不失，唔夠魚肉味，而且有少少膠。平時見人最多食係腸粉，醬料好香，下次再試。

這間在附近都幾出名，都有不少人來排隊，我都在這裡買過燒賣和腸粉的確味道不錯，腸粉都幾滑，但今日五點多來到時，沒有人排隊，原來是因為腸粉己賣完，唯有今次買燒賣和粉果，十八元有一串燒賣和二粒粉果，老闆問要不要豉油和辣油？我說要，但沒想到豉油太多吧，辣椒油不多，但已經十分咸燒賣今次沒有那麼熱，口感都可以，下面的粉果一咬十分厚身，而且粉果料好少，味道都可以但因為低部十分多豉油，浸了一陣粉果，所以皮好咸，不好吃，又凍，下次都是食腸粉燒賣會好點。

今日勁早起身，六點食咗個麥當勞早餐之後，晏晝十二點就肚餓到嘔 ╮(￣▽￣"")╭ 肥妹真係難服侍ಠ_ಠ友人一邊揸車，一邊問我要食咩？雖然我個肚喺度咕嚕咕嚕叫，但食嘢又唔可以太求奇。本來諗住去合益泰食腸粉，但行到長沙灣，諗起金華，就轉移目的地，走咗去食阿伯腸粉。十二點半已經開始有人排隊。結果就買咗一份腸粉，一份魚旦，同一份牛肉。$20 (￣∇￣)一如既往，非常好味。腸粉 - 夠熱，腸粉皮好滑。阿伯用嘅醬汁，係芝麻醬，而唔係一般嘅花生醬，值得推介(因為好少地方用㗎喇)。而且阿伯出手大方，比好多醬㗎！魚旦 - 陳皮魚旦，識貨就明。牛肉 - 大粒抵食，而且接近茶樓texture，唔係街邊貨色。一個字，正！Rmks，阿伯收咗我廿二蚊，可能係太忙計錯🤷🏻‍♀️

用朱古力黎形容真係不為過，事關呢間舖嘅魚蛋有特製辣椒油，啊伯喺蒸櫃串好魚蛋蘸好個醬就見到一粒粒好濃厚汁嘅魚蛋，食落真係好過癮！除咗魚蛋，呢道嘅腸粉拉得好爽口，絕唔會見到痴埋一嚿。質素一流，路過長沙灣一定要試！👍🏻

係長沙灣番工，我成日經過呢間金華都見到好多人排隊，今日經過就去左排隊買來試下，排左4個人先到我，都排左15分鐘，比較耐🤢下午4點腸粉已經賣晒，我只好叫左一條腸仔，一串燒賣同埋一串牛肉球，然後叫左小辣。先試左腸仔，應該浸左好耐，成條腸仔好入味，絕對唔係就咁蒸熱果種，加埋佢既辣椒醬🌶，好好味！之後我就試佢串牛肉球，牛肉味夠，咬落去比較（林），雖然同埋辣椒醬一齊食分數有所提升，但我鐘意食有小小彈牙既牛肉球。最後就食埋串燒賣，燒賣口感一流夠晒入味。😋😋😋整體來講佢同出面普通既小食店味道差唔多，最吸引人地來排隊食既應該係佢既招牌辣椒醬。鐘意食辣既朋友一定要去試，正常食開小辣既人，係呢道叫小辣都會辣到噴火。而呢間店有堂食，但只會比一個碟你企係門口出而食，食完再比番隻碟佢，通常客人都係外賣居多。老闆同老闆婆都好小同客人講野。因為鐘意食辣既關係，我都會再去食佢！

有次食完米線經過見到哩間小食店排長龍，好奇之下試過一次就每次都特登經過買番串，燒賣魚蛋俱佳，食得辣一定要試佢個辣汁，第一啖無乜感受以為流野，點知幾秒之後，辣到條脷痛得泥仲會瘋狂出汗，爽！

有一日經過咁多人排緊隊，究竟排緊乜呢？原來個個都買緊燒賣、腸粉、魚蛋同牛肉球。我就走過去睇吓有乜fu fit我冇試到魚蛋同腸粉，有機會試吓🤨辣油，食得辣一定要試！仲有，老闆伯伯好風趣幽默

混醬腸粉🥳$10混醬混得唔錯😋在場唔少街坊排隊幫襯😎而且企響街邊食😂好有童年回憶🙈陳皮魚蛋(辣)🍡$8有5粒😎真係好鬼辣🌶雖然好辣，但不失陳皮魚蛋本身的味道👍

🥢長沙灣好味魚肉燒賣 必落超辣辣椒油🥢位於長沙灣的老店細細，又舊又污糟，見到不斷有人買燒賣 魚肉 魚蛋 牛肉 ,而燒賣個樣又幾靚仔，就知道應該唔會差得去邊🥢魚肉燒賣 $8 / 串 (5 粒）食第一粒感覺彈牙有魚味，真係唔錯，加埋叔叔不姑寒的淋上鼓油，燒賣索曬汁，加勁辣辣椒油，燒賣來講真係幾好味🥢叔叔都是風趣攪笑型，感覺是充滿人情味，但小店衛生程度實在麻麻，感覺就似完全無清潔過的一樣，到處都是污漬如果接受到先過去試試

心血來潮到長沙灣試一試一間石磨皺皮腸粉，點知去到先發覺冇開，十分掃興之際，喺附近遇到呢間店仔細細，但竟然有人龍排隊嘅「金華美食」，望一望原來係賣魚蛋燒賣腸粉，抱住跌左個橙，執返粒柑嘅心態，決定跟隊排一排，睇下有咩咁好食！食店由兩位年紀較大嘅夫婦（相信係）主持，又要整又要賣，呢個亦係要排隊嘅原因，食物選擇亦不多，魚蛋、腸粉、燒賣、牛肉球，價錢放在當眼處，所以排到你落單先知幾錢。結果嗌左腸粉、魚蛋同燒賣，加混醬唔辣。食一啖，不得了，講緊個混醬，用左豬油、甜醬油、麻醬、甜醬混成，完全係唔講成本咁落，加埋熱辣辣腸粉食落，正！魚蛋用陳皮魚蛋已經冇得輸，燒賣唔粉亦好食，簡簡單單已經整到香港最好味嘅街頭小吃！總結而言是「好吃！」，不過都平衡返一句，如果店主再搞好少少店舖衛生，又將收錢同食物嘅位置搞好少少就更好了！

黎到長沙灣就一定會食番串既金華燒賣。燒賣唔會粉唔會膠，牛肉彈牙，豉油正。最重要係大叔做左咁多年，都繼續默默耕耘，排一次隊你就知有幾多熟客黎食同搵佢吹水，因為呢度既野食唔係味道咁簡單，仲有回憶同人情味。