金華美食

营业中

休息中

系长沙湾番工，我成日经过呢间金华都见到好多人排队，今日经过就去左排队买来试下，排左4个人先到我，都排左15分钟，比较耐🤢下午4点肠粉已经卖晒，我只好叫左一条肠仔，一串烧卖同埋一串牛肉球，然后叫左小辣。先试左肠仔，应该浸左好耐，成条肠仔好入味，绝对唔系就咁蒸热果种，加埋佢既辣椒酱🌶，好好味！之后我就试佢串牛肉球，牛肉味够，咬落去比较（林），虽然同埋辣椒酱一齐食分数有所提升，但我钟意食有小小弹牙既牛肉球。最后就食埋串烧卖，烧卖口感一流够晒入味。😋😋😋整体来讲佢同出面普通既小食店味道差唔多，最吸引人地来排队食既应该系佢既招牌辣椒酱。钟意食辣既朋友一定要去试，正常食开小辣既人，系呢道叫小辣都会辣到喷火。而呢间店有堂食，但只会比一个碟你企系门口出而食，食完再比番只碟佢，通常客人都系外卖居多。老板同老板婆都好小同客人讲野。因为钟意食辣既关系，我都会再去食佢！