金葵苑越南餐廳 (已結業)

小弟好少打食評,花生友嚟,通常睇食評多。雖然由細食到大,但今次真係好過分。食到碗麪一面,浮咗隻昆蟲上嚟,疑似曱甴,真係好恐怖,朋友即刻嘔咗岀嚟同喊咗,所以以後都唔會再幫襯。但最後老闆都好客氣,好有禮貌,好有誠意道歉,亦無收到碗麵錢。但真係過唔到心理關口,要搵個地方抒發情緒。越南間餐廳開咗十幾年,質素都一般般,不過不失,環境都舒適,但今次真係好失望。小弟都明白飲食業其實廚房都好惡劣,但寧俾人知莫俾人見。

明天是父親節，我們決定提早一天慶祝，避開人潮。 我們7點去到，餐廳已坐滿大半，可能大家想法都一樣。餐牌有7－8個咁多，有中式和越式的午餐，下午茶餐和晚餐，非常多選擇。 我們在眾多餐牌中選了茄子🍆排骨㷛，南乳什菜㷛🥬🥦，和咸菜胡椒浸烏頭🐟。但在枱多侍應少的情況下，我等了十幾分鐘才有侍應幫我落單，此時已經晩上7點幾，食晚飯的人越來越多，餐廳都差不多坐滿了。 侍應送來的茄子🍆排骨㷛，很香仲聽到㷛仔啫啫聲叫，茄子很新鮮，但排骨飛水未夠仲有雪味😧。 南乳什菜㷛，南乳汁很香。什菜有西蘭花🥦、白菜、菜心🥬、生菜，旺菜和支竹，有少少粉絲底，材料多，$68都算抵食。 咸菜胡椒浸烏頭🐟，因烏頭還未熟透要退回廚房。再送出來，明顯今次烏頭過熟，肉質有D鞋，幸好有咸菜和胡椒吊味，勉強食到。$108價錢不算貴但都要令食客食得安心。 這餐廳的食物款式很多，但人手和食物處理要再下工夫，期待下次再來有改善！

住石籬嘅人平時食下午茶都可能會去石籬商場度搵吓有咩食而呢間野下午茶種類好多有烏冬 有炒飯 有常餐 有粉面 仲有快餐炸薯條等等雖然整體上價錢都幾平又唔需要比加一但係嘢食來講都唔算太後好食 中規中矩例如羊小扒炒烏東 羊肉係好大浸蘇味 真係好難入口不過 雞粒炒飯又唔錯 好有鑊氣仲有個下午茶餐嘅燒春雞 35蚊 有薯條有嘢飲但個雞就好乾身 仲要等左差唔多成半個鐘先有得食 加上嘢飲份量好少 所以係唔建議大家食不過個香茅豬扒飯可能係呢間鋪最好食嘅飯我建議大家可以試一試

住喺度附近， 由細食到大。。但真係越做越差！野食冇問題，但服務真係好差！人手嚴重唔够！諗住番工前食D熱野，一入去叫我隨便揾個位坐。係。。係有位，但枱枱都未汁，叫我點坐？好啦， 焗住坐低，坐左超奈都未有人汁。。叫左幾次冇人理！想叫個餐都冇人同你落單！坐左成 25分鐘成個白痴甘！就算幾有感情都好，以后唔會再去！到最後真係等唔到，結果空肚趕開工！真係多謝曬！會叫屋企人唔好再去，費事好似我咁激親（屋企人唔激得）

越南河我食過甘多次，今次真係伏到一個點！ 星期六無下午茶。我叫個28蚊嘅生牛河，其他乜都無叫。諗住試左好唔好味先，點知。。碗河粉嚟到我有少少o左。我叫生牛河喎？用筷子撩下，河粉真係超多。但牛肉係好明顯先烚熟左放左一斷時間再加上面，d牛肉一舊舊痴住左，有d核突。另外越南粉肉必有的芽菜係無嘅，另上的指天椒，九層撘同青檸就更加唔使講係無啦。我問店員拎指天椒，佢指住支醋話(即有辣椒碎係底果支)呢支咪有辣椒囉！我話我係要指天椒喎。最後就拎左幾粒碎俾我。食落牛肉乾，又硬，仲有陣油益味。湯底完全錯晒唔識形容。我加左指天椒，又加左醋汁都救唔番。最後食左2啖就走人。不過28蚊一碗又甘多粉係真心抵食嘅，當然價錢同質素成正比。 我本人就絶對無下次

如果唔識做越南野，就倒不如普通做返間茶歺廳。諗住生熟牛河係越南餐廳食係錯不了，點知嘩！點解可以咁難食既。飲第一囗湯，完全冇牛肉味，剩係得d 肥牛既雪藏味！佢知唔知做越南牛肉河，個湯底好緊要架？！既然個湯底既基本功都做唔到，其他部分你亦不難想像有幾差。無論牛肉定河粉，都係「腍」同「散」。食左兩啖，我已經支持唔到。另外叫左個海鮮檬粉，正常d, 都勉強合格。做越南歺廳，食物唔得，連普通生辣椒呀青檸檬呀都冇。我真係百思不得其解。雖然係屋邨商場姐，但「臨時演員都係演員」，你專業d可以嗎？

食物質素極差價錢貴，服務態度更差，寫錯單落漏單，店員仲要鬧客人，仲要圍埋幾個店員，話個客食唔起就唔好食，今時今日仲有咁嘅服務，sorry唔會再有下一次，大家都唔好試

今日黎到呢度附近，商場無咩特別餐廳，就試下越南野。場幾大～人幾多～本身諗住食生牛河算～點知原來有咁多茶記野Ｘ越南野掙扎左好耐。。。先決定放棄生牛河食星洲炒金邊粉大大碟又夠味道性價比高呀同行友人食慣左唔會相機食先..恕無其他食物圖提供了結論:抵食！絕對會覆灼！推介青檸SODA 同小食雞翼串(有去骨)！（友人吃的）

lunch經過食個pho, 真係無奈到爆。生牛肉金邊粉，唔好話要求牛肉湯底，連味都無！只係白烚肥牛粉！要落咗檯面半支辣醋先有味，但就邊咗撈濛囉。生牛？係邊呀？係雪櫃呀？跟本就係全熟佳佬肥牛片。上檯完全無是拉差，海鮮醬，指天椒，青檸，或九層塔，芽菜在碗內。完全港式，呃人無食過pho呀？唔識做你就唔好叫自己做越式餐廳啦。$38 一碗粉+凍ot完全唔貴，但不如你收鬼貴d比碗正常嘅pho我啦？d野仲差過茶記，請都唔食！服務方面，無服務，無投訴。

呢度既熱奶茶好好味，而且夠滑食物方面椒鹽肉排飯都唔差，只係豉油勁少，要問侍應拎，但好多時差唔多食晒豉油先到，而且啲姐姐唔太願意拎比你。試過自己行去拎豉油，啲姐姐都唔比⋯⋯炒野方面，豉椒排骨炒面好好味，排骨好腍！食物質素係ok, 但班姐姐既態度非常差，已經唔係第一次黎，去咁多次每次都係咁差，今次食仲過份，朋友落單姐姐寫錯，個姐姐仲指住話係我講既，之後想拎豉油，個姐姐拎黎比我個陣仲話我唔洗見人就舉手拎 （但我只舉左一次手問左一次），朋友見佢態度咁差叫左老細黎講，點知個姐姐走返黎話我，豉油唔夠咩？點解要同老細講，叫我唔好成日舉手......我已經講左只舉左一次手，問左一次！咁都好屈我？態度實在非常差，比錢買難受，食物幾好味都冇用！

很少見到屋邨的食店生意可以如此大牌長龍，坐滿一枱二枱的家庭客。雖然地方大，但是枱與枱之間還是顯得擠逼，通道比較窄，店員或客人出入都很容易撞到正在用餐的客人。很不幸，今天被安排坐到較近門口的位置，一餐一小時的晚餐中，經歷十多次被人撞，三次起身讓位給bb車或輪椅通過，這頓飯吃到好不忙碌。說回食物，招牌的南乳燒雞半隻$88，幾乎每枱都可以見到它的蹤影。雞皮燒得香脆，入口帶少許南乳的鹹香，對於口味比較清淡的我，調味做得不錯。雞肉部分尚算結實，雞胸的肉質也不會鞋，依然嫩滑。這道黃金魷魚雖然沒有上次在金潮小廚般出色，但也有75分的水準。鹹蛋黃沒有呈現流沙狀的包裹著魷魚的外層，是獨立分開的。但味道還是不錯，一定要趁熱吃，否則會見到越來越油。凍奶茶的茶味香濃又夠滑，是香港茶餐廳的特色。然而紅豆冰就差得多了，味道淡，紅豆依然硬身，可以不試。

係附近讀書既 都知 金葵苑既晏就幾扺 當然有學生價更扺我就去食下啦我叫左一個春卷乾檬幾有驚喜喎係屋邨搵到有得食乾檬既地方已經唔易有呢款傳統春卷食既更難春卷真係好好味 咬落幾好口感其他野就平平凡凡啦 個春卷無疑係令我愛上左黎呢到用膳 不過除呢到既野飲都幾好飲外 其他都平平無奇 地方仲有少少污漕 當然係小小 影響不大

今日入石籬探朋友，去左樓下食晚飯，個度細細地，但好熱鬧，見到好多街坊，好有人情味呀！不過都好易搵位～等左五分鐘就有嗌左個滑蛋蝦仁飯，做街坊生意，竟然要$39，份量都唔多，得幾隻蝦，芡又少，d白飯都係乾啃！蝦又唔夠彈牙，乾爭爭咁，飯又少，我真係食完都覺得肚餓，好唔抵！不過佢都杯野飲，算啦。但係間野就難搵左d啦，因為附近冇地鐵站，得幾架巴士去到，仲要行上大斜路先到，地理位置真係一般！

起公司附近可供選擇既食店唔多，10隻手指數得完，地鐵唔到既工業區通常都係食市較少，呢間越南餐廳食過好多次，但近半年無再吃原因聽過同事話我知一次經歷之後...同事Ａ同我講佢上次腕朦粉入面，有半隻強哥既屍體，嚇到我近半年都唔敢再去 呢間店舖著校服有優惠可以平幾蚊一個午餐。所以都幾多學生哥去食。識食一定食豬扒飯，朱扒咬落去有口感，加埋佢加左少少甜甜地醬料，味道唔錯。埋單朱扒飯+杯熱飲$34價錢唔貴

是日搵食 本人都幾中二食撈檬 見有撈檬 入去試試啦叫左兩個撈檬 一個湯粉 一碟尤魚so 加一碟鳳爪先黎鳳爪 唔錯 再黎撈檬 加檬汁啦撈檬其實我心中屬清淡菜式 但佢個檬汁真係好辣 一d 都唔清淡 係佢特色定出面間間都做唔到佢要求的好呢？ 講真 咁我寧願食出面d 清淡既食食下 大大隻烏繩飛埋黎 真係好嘔心 飛完呢碟飛戈碟 食市仲要室內都咁 差左少少囉