金裝燉奶佬餐廳 (已結業)

今日去灣仔買嘢，周圍行下行下經過燉奶走，想食Lunch 又想食甜品，所以走左入去食。佢地Lunch有好多選擇，而且價錢相對地抵，適合一般人去食。 西冷薄牛扒伴蕃茄醬意粉 $55牛扒唔韌，意粉正常，蕃茄醬OK. 焗咖哩帆立貝雞扒飯 $59外貌雖然欠佳，但其實幾好味。帆立貝夠大粒，雞扒出奇地滑和腍，有咬口得黎又唔霉唔韌，焗飯唔容易做到。雜果西米露 ＋$4加四蚊有西米露，好抵凍奶茶 ＋$6我對奶茶要求好高，這杯奶茶落煉奶，甜過頭。鹵水豆腐 ＋$8加八蚊有豆腐，大大碟，而且好味，不是Cheap cheap 嘢整體而言，午餐多款多選擇，價錢抵，而且裝潢 企理，以卡位為主，可以一試再試。

同事下星期會調去東區工作，我地兩支公去食餐飯，順便送行。佢揀左依間餐廳，咁我哋就一人食咗個午餐，佢食咕嚕肉炸蝦飯，我食乾炒牛河。佢嗰碟好唔好食，我就唔知，但係我嗰碟，剛剛炒好上碟，很有鍋氣，很好味，不過就真係太細碟，我食完都仲係覺得肚空虛。食唔飽，點算？

最近間唔中都會黎開呢頭上堂，食lunch既時候又去覓食。之前係馬鞍山見過呢間野但無入去食，所以今次就入去幫襯一下。雖然係lunch hour但人唔算好多，所以我好快就有位坐，而且仲比我一個人坐係四人枱到，真舒服。上完堂太餓唔想用太多時間諗食咩，所以就隨便叫左個雪菜肉絲湯米粉常餐。真係不得不讚，呢到效率好高，d人叫完餐好快就到，而食完又好快就收野！最好食既係個蛋，好滑好香，將蛋同火腿放去個包到自制三文治都好好食。而個雪菜肉絲湯米粉就不過不失，不過雪菜唔多，多d會更好食。

今日又到灣仔上堂，每次去灣仔食lunch都係極頭痛，因為一係無位，一係就好貴。行下行下去到太和街，見到呢間金裝燉奶佬餐廳不用等位，就即刻入去了午餐選擇都係嗰d，無乜驚喜，最後叫咗台式肉燥魚柳飯台式肉燥魚柳飯叫得呢個飯就不會有任何期望，因為呢d咁例牌嘅食物，唔使食都知係咩味道。碟飯一上枱就知道同預期一樣，肉燥味道正正常常，鹵水豆腐反而幾入味，魚柳幾大塊，但略嫌比較淡味咗d整體嚟講，呢度都唔太差，喺灣仔唔想等位可以嚟試下

早上吃過早餐便會一天都精神爽利，今天去了金裝燉奶佬食早餐，到時A、B、C、D、E餐揀，其實都幾冇新意，看見朝早都不是太多人吃，好今日就叫了炒蛋米粉早餐，價錢有少少貴，味道都不是太好，我想在這價位都應該有很多特別的選擇

嗰日做嘢之前搵地方食嘢，因為食晏時間好多人，所以隨便見到一間就入咗去。午餐都有好多選擇。點咗個菠蘿咕嚕豬柳飯，豬肉爽口彈牙，啲汁好酸，講唔鍾意食太多汁嘅可以叫小汁。加埋杯熱檸茶埋單都唔使＄50。

I've tried this long time ago and the dessert is quite okay. However, the overall quality is decreased now. We ordered the fried noodle with beef, it too dry and didn't have any seasoning at all. Like you are eating plain noodle...And the fried chicken with noodle($35) is fine, although the noodle too soft and no seasoning again but the chicken is good. Would be better if they can clean up the washroom and table before serving customer. 

等成20分鐘先有野食，價錢不合理 一個豬扒炒公仔面得勁小面 ，幾啖食完 ，印度炒飯黃色既 仲以為係咖里炒反，仲有蛋殻。灣仔區黎講大把選擇一定唔洗再黎呢到。冷氣又不夠 。難

燉奶佬豬頸肉煎蛋麵餐，連餐飲 $35。記得我黎過 3 次，2 次係叫呢個餐，每次食時都叫自己下次唔好叫呢個餐，點知，又重複犯錯......點解咁講？！其實冇咩嘅，講賣相，佢大大碗，份量十足。至於 D 麵亦夠入味，唔似滾水淥。豬頸肉都有成 5 片；杯奶茶都算滑同埋幾好飲。只係呢度 D 豬頸肉嘅水準 / 煮法好似冇變過......隔左咁耐再殷食都仲好似有陣怪味，就好似 "有 D 羶+燒味汁" 混埋果種味道......食埋今次，我一定一定叫自己記住，下次就算再黎食都唔好再叫呢個豬頸肉餐！！！

2017年5月21日11:32分跟朋友到該茶餐廳午餐，由於本人非常肚餓，所以點了一個焗飯，而友人則點了一個米粉。店員的黑囗黑囗我都忍得，煱飯明明跟飲品但店員無問亦無提示，都算。友人的米粉好快送到，而本人亦明白焗飯需時10-15分鐘。因此過了20分鐘後我才追問焗飯的order。起初店長回應話：「焗飯係要等的」（我再重申我針對的不是語氣）之後我回應：「我已經等左20分鐘！」該店長才慢條斯理地走到了出餐處嘗試係一堆已出菜的單入面揾出本人的單，之後再來好不耐煩地話要再等多2鐘。明顯地2分鐘係無可能做得出一個焗飯，所以本人只能叫店長取消焗飯的order。但店長及店員此時只是極力游說本人多等2分鐘，並未有幫本人cut order。最後要本人多次強調趕返工、無時間，店長才極不情願地取消order。最後結帳時，店長並黑起塊面，一言不發的收錢找續。

態度極差 d waiter大呼小叫 碗麵仲要有蚊 叫佢換仲要勁唔gur咁 隔離枱問佢啲嘢食到未 仲要喝番個客轉頭 全部waiter見到人舉手都唔理人 $@&!#^%**&$!!!!

我5點8到 餐廳 想食個扒餐 佢話要六點先有 我要求睇個扒餐餐牌 六點先叫 待應完全無視客人要求等到6點 我再叫餐 再度多次無視 態度更極其差劣 甚至再者之前 有瞪眼的表現 間餐廳所有樓面態度何其差劣無比 以後見到呢間野都掉頭走

呢日係灣仔附近工作, 下午茶時間行下行下見到門口餐牌幾吸引就入左呢間燉奶佬喇~我叫左個粟米班腩飯, 眼見人地叫個D野望落都唔錯, 心諗呢個飯都唔會差得去邊既!!(何況係燉奶佬)結果, 黎到睇落都唔差既, 食落去個芡汁係杰撻撻的, 有D膠膠地既感覺吧....班腩雪味重, 都幾難接受。至於熱檸茶都係麻麻地喇, 同出面既茶記都有一D既距離...呢個時候我有D明白點解咁大間舖頭入面竟然唔係好多人食野囉。總結: 真係估唔到粟米班腩飯係可以咁難食既....真心有D後悔點解自己唔叫再穩陣D既豬扒飯呢!?

今日喺呢頭做完野等上堂,正當諗緊如何醫肚之際,經過呢間餐廳門前就落起小雨,我只好順應天意,喺呢到用膳了~呢個時段餐廳唔算多人~我可以揀個心儀的位置坐下~睇睇張餐牌~款式唔少~又中有西仲有咖哩,我就點左個簡單D的店長推介焗意粉~餐牌上寫係鮮茄水牛芝士焗豬扒飯的~服務員話可以轉意粉~所以我就轉了~等左陣~鮮茄水牛芝士焗豬扒意粉上枱了~~!鮮茄的份量比想像中多~食埋大約有兩個蕃茄~煮得大約有89成熟,食落仲有口感,唔會煮到爛晒認唔到樣~!水牛芝士就唔係咁見到~份量好少~有乜芝士的感覺~!有少少失望~我好主要係為左食芝士而點的~! 豬扒方面就~一片薄切豬扒外層見有沾上炸漿炸過一野,之後再拎去焗,即使加埋蕃茄汁去焗,入口感覺依然好乾身~意粉份量勁多~係成份餐的8成半~入口感覺煮得太淋,欄欄地~ 一個簡單的焗意粉都唔算好有難度,相信可以做得更好!!食完後仍未夠鐘上堂~客人唔算多~我就喺到睇左陣書~總括黎講...真係唔好咁易相信''推介''呢D說話,真心希望佢地他日可以有進步!!

茶記格局，地方算上光猛。一客黑椒汁香腸豬扒意粉，老實說手功不多，黑椒汁調味普通，略稠，香腸無特別，豬扒腍身算理想，意粉OK。跟餐要一杯檸檬蘆薈利賓納需加$8，感覺有點貴。檸檬只有一片，蘆薈粒亦不多，味道普普通通喇！