金裝燉奶佬餐廳 (美孚新邨)

营业中

休息中

會食美孚燉奶佬，絕對係因為方便，因為食得出佢哋既原材料質素唔多掂😑今日叫個早餐A,健怡火腿通粉，通粉轉米粉，結果來咗早餐D,榨菜肉絲湯米粉，算！趕時間費事再轉，出乎意料地又幾好食。

曾經有一段時間經常光顧此店，後來因為廚師下油下得太狠，就沒再光顧。這晚因為趕着回去看奧運比賽，這店不用輪候入座，做再給它一次機會。點了二人套餐，包括湯兩碗，小食一碟，小菜兩個，米飯兩碗，這套餐食物份量充足，以$138的價錢來說，不貴，可惜食物的質素只是一般。湯是中式例湯，應該是蟲草花瘦肉湯，但奇怪的是，湯和湯碗上都有羅宋湯的紅油，湯中甚至有帶有羅宋湯味道的紅蘿蔔和西芹，咖啡和奶茶合起來成了鴛鴦，難道湯也可以混合？小食是黑珍珠木耳，酸酸辣辣的並有大量蒜蓉，是所有食物中最好吃的。小菜兩款，我們選擇的其中一款是上湯菜膽雞，菜心不嫩，口感差，幸好雞的味道還算不錯，雞肉的口感也尚可。我們選的另一款小菜是蝦仁炒蛋，蛋很多，蝦仁也不少，但這小菜的鹽下得不均勻，蝦和部份的蛋味道很淡，底層的蛋才有正常的味道。米飯大大碗的，不過這米飯的口感都只屬一般。這店的小菜不再那麼油膩，不過味道方面還是大有進步空間。

打完防疫針，肚子有點餓。路過這食店，就進內吃點東西吧。店內全部是卡位，坐下頗覺舒適。下午茶選擇頗多，亦包含自由配搭。以下午茶來說，這個羅宋湯通粉份量算是頗足夠。湯的濃度合適，少許番茄再加上兩塊小肉骨，是大路貨色，熱度不足，口感因而受到影響。炸蝦是剛炸起，炸粉份量適中，口感不俗，但蝦餅則是已製作了一段時間，新鮮度打了折扣，味道亦祇屬一般。沙律用料及製作不過不失，冰冷度合適，屬可接受水平。煎餃胡亂擺放，影响外觀，進口即知製作已有一段時間，脆口度不足，但用料尚可。店內有自己品牌湯包及其他食品出售。綜觀是日品嘗的幾樣出品看來，該店的製作祇屬一般，屬大路貨色，幸好價錢不貴，尚可接受。

這間店光顧了多次，每次都慨嘆，不明大家都掛著「燉奶佬」這招牌，但奈何這間店食物質素都是不堪。荃灣果間好得多。過去失望多次，相隔大半年，今天再次給它機會，看看有沒有改善。家人叫了印尼炒飯，明顯較從前的正常了一點，起碼阿仔唔會話難食，飯炒得都可以，仔冇投訴。記得上次啲飯濕淋，顏色淡，今次有改善。但是雞翼煎/炸得唔夠香，而且久放了的。我叫了星州炒米，一送來，感覺濕濕的，看下去似水烚多過炒。口感差到唔多想食，而且配料也不顯眼，只見廖廖可數的小蝦。我認為色香味都唔合格。看來短期內都不願再光顧了

呢排成日留在家，晚餐主要食外賣，試咗好多新餐廳，今日試咗呢間金裝燉奶佬，點左喇沙雜錦湯米線，配吉列蝦、田園蝦餅及叉燒，聽落個配搭有啲奇怪，不過勝在大堆頭好似乜嘢都有咁。取回食物到家，第一時間試吓個湯底，超開心，係我鍾意嘅椰汁味重嘅喇沙湯底 yeah! 食物方面，吉列蝦沒有特別，叉燒係冇味嘅，田園蝦餅都冇乜味，米線亦都係普通嘅米線，全部野夾埋好似大家唔識咁，湯底雖然係我鍾意嘅椰汁味，但感覺味精超重，食完超口乾，全身都有唔自在嘅感覺。價錢方面，全部外賣都有八八折，咁多配菜算係咁啦，果腹而已。

叫咗個煎餃炸蝦羅宋湯通粉，真係好難食。先唔講賣相，啲煎餃炸蝦唔分開上，直接浸入個湯到，咁仲煎黎做咩，炸黎做咩，都算。啲餃子炸蝦都唔知擺咗幾耐，表果浸完全係凍既，更加唔好話個通粉啦⋯⋯本身已經中咗一次伏，不過唔熟美孚，無咩選擇，先焗住黎食。真係無下次

11月26日9:11pm我同一班朋友跑完步係荔枝角公園體育館出嚟，近近地就有一間，米入去食囉。一男一女係樓面，女的服務態度極差，要杯水都係到黑口黑面，話明9:30cut單，10pm close。ok fine, 我哋叫左兩set野，你只黎左一set就要我地埋單（因為要折數）。埋完之後另外個set就無黎到啦，我哋米追囉。女的語氣非常差且我哋問佢仲有啲咩即刻就咁走咗去 ,非常唔好老皮。你走我單跟住又話無湯無salad格硬屈我哋你上麥野我哋就要食麥野，改我單你又上得慢咁我食嘢梗係遲d架，但我地無過10pm喎，9:49pm佢就走埋嚟趕我哋走,嫌我地食得慢。我朋友問個女的你地收幾點，等我地下次唔黎食阻住佢收工。女同男既員工一齊怒啤我哋，話9:30 last order, 只可以坐幾個字。佢哋係咪有病啊？你遲上菜，又要人早食完，之前又話收10點，10點前就趕人？我朋友麥同佢嘈，佢仲發我地long 黎。個男既走出黎話：‘得，你哋可以繼續坐，係我哋既錯，得未？’🙄好似我哋老屈你咁，你覺得自己冇錯？我哋嬲到拉拉聲走，佢地仲怒啤我哋添🖕🏻

美孚好多食市，這舖是不少人去吃飯的地方，勝在價廉物美。我叫了一個焗豬扒飯外賣， 站在門外等了接近半小時。 入店舖一看， 只有大約三位 侍應負責 上菜、清潔和收銀， 非常忙碌， 各人都相當勤快。 眼看遠處的廚師也是忙過不停。 午市時間如此多人光顧， 工作人員人手緊拙， 最終令到食物上菜時間大為延遲。焗豬扒飯分量非常足夠，一整塊大豬扒橫鋪在飯上面，豬扒碎上，豬肉很軟身，咬下去唔會有渣，而且有濃郁的蕃茄味。飯是炒底，很香，還能看見一絲絲蛋花。 之前食過呢間鋪頭覺得食物太鹹， 但今次有改善。 算是物有所值。

首先想講d野食係ok既。但係由疫情爆發起，美孚萬事達廣場店服務欠佳。坐入d卡位入面舉手冇人招呼，剩係叫你等。隔離行既侍應寧願執枱都唔幫左你先。以前服務係好好既，好失望😖😖😖

美孚新邨，香港第一個大型私人屋苑，分八期，我是美孚街坊，一、二、五、六期都住過。美孚社區内有好幾间酒樓、餐廳，多數做街坊生意，和一些從新界西到美孚轉車的途人。美孚的餐飲配套，算可以的！比較弱的是甜品，尤其是中式糖水鋪，金裝燉奶佬是區内，少數供應中式糖水的茶餐廳，我喜歡海帶綠豆沙、椰汁黑糯米，很多時候，是為了吃碗糖水，滋潤一下，就會來金裝燉奶佬。早餐：我喜歡吃餐蛋公仔麵，配即磨咖啡，能量滿滿！午餐：我喜歡吃咖哩飯，豬扒、牛腩都不錯！薯仔是亮點！下午茶：台式肉燥飯很實惠！晚餐比較少來，因為食物比較油膩！總體算合格的店！

今日嚟到美孚金裝燉奶佬食午。同茶餐廳一樣好多選擇，但係今次我木板佢哋嗰個set lunch，食左個鰻魚米線。完全想像唔到鰻魚喺米線嗰度係咩味道。上台見到大大碗米線，但係啲面得半碗。我叫咗喇沙味湯底，味道都算唔錯。不過條蟹柳就出事。炸咗嘅蟹柳好感好奇怪，但係原條鰻魚就會出色，味道保持到，無俾湯沖走D味。雖然同湯底唔算太夾，不過當獨立兩個餸食都算唔錯。凍柑桔蜜好多冰同時又好甜，其實係咪要等啲冰融左先飲。平民價錢其實都算唔差。會再黎食👍🏻

太晚揾飯吃，就去左依間餐廳。職員既態度都好好(我們大概9:45pm)到鋪佢地關門時間前半小時-1小時左右點左兩個套餐食蔥油雞太多骨無肉肉燥飯同豬扒都可以接受最好食都係個沙拉

今朝叫左個牛油+花生醬厚多+凍奶茶，足足等了15-20分鐘，眼見其他遲過我黎d食客都已食緊，我就叫侍應替我跟下，叫左幾次都未到，终於黎到，一看之下，心唸比狗食都冇咁差，一塊冇边的乾爭爭的白麵包上面有pat花生酱，牛油要自己搽，賣相不討好中伏了一次，以後不再幫襯，咁既食物都可以攞出黎比人食

這天在長沙灣聚會後，特意走到美孚找地方吃晚餐，方便在那裡直接乘車回家。行了一圈，看到燉奶佬的二人套餐不錯，就決定在此吃。二人套餐$159，可選一款前菜及兩款小菜，配藜麥飯，奉送例湯及餐飲。滷水豆腐 - 前菜份量也不少例湯有蓮藕😋 ，健康味美紅燒花膠冬菇豆腐煲 - 花膠燜得軟腍入味，而且很足料👍，又有西蘭花🥦原汁蘿蔔牛腩煲 - 有牛筋牛腩，同樣燜得軟腍入味另加$10追加香蔥醬油生菜🥬只是藜麥飯只有零星幾粒藜麥😅

去完醫院探病，搭小巴落返黎！勁肚餓，於是同友人是但揀左間茶餐廳黎食晚餐貪佢快，靚，正！7:45去到，都唔駛點等位！本身坐2人卡位，我地兩個人咩晒背囊，都幾迫，職員主動提出我地轉去四人枱！星州炒米，無乜味，唔夠香濃，無乜鑊氣，係醒在夠大碟，蝦🦐好梅凍檸🍋茶少甜少冰，但無乜茶味，好少可茶記整凍檸茶都整得唔好味！ 利申：不嬲係茶記嗌開少甜少冰！見無乜菜食，所以加碟生菜+$10菠蘿🍍雞粒炒飯！朋友呢個碟我試左少少，好味d