金裝燉奶佬餐廳 (已結業)

今日食早餐，放棄了大飯堂愉景新城，跑到遠一些在荃灣廣場附近的燉奶佬。看餐牌上早餐的選擇有很多，我最後揀了最普通的粟米火腿扭紋粉，配以炒蛋，牛油餐包和頂級午餐肉。幾分鐘後便有野食，炒蛋軟滑，味道略淡，而份量多。牛油餐包好軟熟但唔夠暖，附有一小盒牛油，椰菜都有幾片，多啲纖維呀！而我最期待的是頂級午餐肉，煎得很乾身，無乜油，午餐肉本身都很少脂肪，所以口感稍乾，最得意是它十分薄，相信真係頂級的貴！扭紋粉是普通的水準，粉不是特別煙韌，湯是清清的。有一位高高的女服務員，可能喉嚨痕，不停咳，她應該帶口罩啦，企在食物旁咳，好唔合衛生呀！

自稱巴基斯坦咖哩，其實就是普通咖哩也不如的咖哩，完全沒有咖哩味，見到的只是一堆沒有味的黃色醬汁，咖哩牛腩，內裏只有3件肥牛腩，其他全部也是薯仔，連凍飲品，午餐60多元，下次不會再吃。難怪其他餐廳滿座，只有這裏有空位。

7月17日, 上晝十一點四十五分左右, 與太太幫襯兩份常餐, 要求由炒蛋改為太陽蛋, 五分鐘後, 樓面返嚟話廚房通知“唔可以改”, 我強調, 係“唔可以”呢三個字! 我問點解? 樓面答話唔知, 我叫佢問返廚, 係咪唔識煎太陽蛋?如果咁都做唔到嘅就取消order, 我唔幫襯。跟住我得到嘅答案係“唔會做!” 吖，好L嘢!佢今日一句“唔會做”, 人客一個咁簡單嘅要求, 作為一間港式集團餐廳，佢唔係冇咗區區八十幾蚊生意, 佢係冇咗將來n個顧客同 reputation! BAD LISTED!

星期六在荃灣廣場對面的燉奶佬食早餐，我們4人選好後侍應說即磨咖啡機壞了, 沒有熱咖啡, 可以加$3要凍咖啡, 可是我們都不想要凍飲, 於是我們建議可否不加冰要熱咖啡, 不用即磨咖啡, 普通咖啡就可以了,  但侍應說不可以. 我們都習慣了早上要飲咖啡提神, 於是就叫侍應請經理過來談談, 這位侍應態度都是可以的, 而我們也一直心平氣和, 想不到那位男經理過來就一副黑面, 好像欠他錢一樣, 說無論如何一定要加$3, 一定要凍飲, 沒有普通咖啡不加冰這個選擇, 然後也沒有替我們跟進就走了...之後我們點了3杯熱奶茶1杯熱檸茶, 但是熱檸茶又來錯了凍奶茶, 我們跟他說應是熱檸茶不是凍奶茶, 怎料又等了很久都沒有送來熱檸茶, 那送錯飲品的侍應態度也是非常的差, 又是黑面一族....其實, 即磨機壞了, 你可以給我普通咖啡就是了, 不加冰也不加凍飲的價錢, 可能公司沒有這個規矩, 但是, 即使公司沒有這樣的規距, 你也可以客氣地告訴我們, 而不是給顧客看面色吧,  一般侍應尚該如此, 更何況是經理呢!燉奶佬食物不差, 環境也舒適, 只是經理及部分員工態度差勁, 一副事不關己的模樣, 希望管理階層多加

今日加班加到好夜, 所以一於試下有宵夜餐的餐廳吧！但食後真心好失望....先點了肉醬雞扒鹵蛋鹵肉飯, 肉醬其實無乜味的, 一堆醬撈埋囉, 鹵蛋是全個飯最正常的, 非常全熟蛋, 而雞扒真係好乾好硬, 完全感受唔到係雞另外, 同事點了黑椒豬扒腸仔意粉, 黑椒汁無黑椒味, 好似水咁, 而唔知點解腸仔會係德國幼腸, 仲張係無味的, 估計冰鮮左好耐, 而豬扒就好淋鬧口感, 算係正常, 最出事就係意粉, 唔爛一堆好乾, 同埋超級硬, 真係可一不可再

話說這天去了這間燉奶佬去試一試茶餐廳。原本的目的是想去試嘉樂冰室，卻因多人而選擇去了這間。不過，卻是一個不錯的決定（味道上）入了去，環境還可以（都是一般港式餐廳），四處也貼了吳業坤的廣告（都好難頂）。和朋友一起叫了一個乾炒牛河及一個魚柳包。先講一講牛河。味道濃郁，而有鑊氣，非一般茶記水準，甚至有過至而無不及。入口一流且河粉十足滑口，絕對十分推薦。那種牛味十足，淋的肉質，令人一試難忘。至於魚柳包，十分大個，而賣相不錯，也是不錯之選。可惜的是，錯單問題卻十分嚴重。在魚柳包餐上，選擇配搭炸薯條。店員卻給了米粉。於是，再去問店員去轉回。一轉，轉了二十分鐘才有薯條，令人十分蹉異。上桌後，薯條還要不是熱的......真的十分失望

今日一家人黎荃灣广場行街，行到差唔多到食飯时間喇，我哋黎左金裝燉奶佬餐廳，我揀左個肉眼扒，今次呢個肉眼扒係七层熟我揀左黑椒汁，刀切落去都唔算太硬，咬一啖啲肉好鮮嫩多汁，虽然黑椒汁係咸咸辣辣味道，但肉眼扒啲肉味全都保留住濃郁的肉香味，仲好大塊呢個價錢都幾抵食。

一個人唔知去边度食野看到燉奶佬的生意幾火爆，我就干脆选擇呢間餐廳食野，我叫左干炒牛河等左20分鐘才送来，看卖像唔错唔知食起來如何，估唔到D牛肉食起來很肉质鲜嫩，河粉都幾入味爽滑，味道幾ok份量也很足。

趁放假來荃灣行街及午飯。本來想去另一間，不過見環境麻麻，就轉了來這間金裝燉奶佬一坐低就被枱面的泰式豬頸肉炒河圖片吸引，仲有餐湯送。於是很快就落了order。因為常常忘了食的日期和價錢，所以最近記得的話也會影一影張單。可惜記得影單不記得影食物，記得時已食了一半了。雖然這樣影法賣相不太好看，但也可見豬頸肉和牛河的比例不錯，油也不會太多。河粉很爽滑，沒黏在一起。豬頸肉也厚薄適中，鮮美，味道很配合河粉，口感也不錯。餐湯我選了羅宋湯，味道不過不失，沒甚麼特別意見。價錢雖然不平民化，不過是幾好食。

星期六諗住入荃灣同婆婆飲茶 點知到到都好多人 費事老人家餓親見燉奶佬有位就入左去食的位勁窄，佢的櫈set實左唔可以郁，其實我都算瘦都覺得好逼，尤其冬天著咁多衫 下午茶選都算多！未食晏可以食飯，想輕食食沙律或者包都得。值得注意一點就係熱飲可以免費升級糖水，我就揀左熱腐竹雞蛋糖水 其實本身真係冇咩期望架！點知飲一啖，得喎！唔會好甜腐竹微微融化散發出好香既腐竹香，仲有少少薏米同一整隻蛋係入面。食完已經暖笠笠 再黎豬扒包，麵包烘得脆得黎又軟 入面有生菜、蕃茄、沙律醬、仲有主角炸豬扒。豬扒都幾juicy唔乾唔硬亦都冇雪味 其他人食左沙律餐同粟米魚柳飯都話唔錯！真係喜出望外呀但環境同服務都有少少扣左分，所以都係比個OK你

店名：金裝燉奶佬餐廳 Daniel's Restaurant地點：新界荃灣大壩街63-65號地下，電話：24985662 / 24147639(1) 麻辣豬扒米線；(2) 乾炒牛河；(3) 華田火山；共二人享用本餐，合共一百零三元。食物的色香味如何：味道和烹調不錯，麻辣的確充滿著麻辣的香味，官能刺激十足，而且豬扒軟硬適中，而且配了半隻雞蛋，美味可口和賣相良好；乾炒牛河也不肥膩，洋蔥和牛肉製作精美。此外，華田火山比一般茶餐廳的華田製作突出，除了香口外，面頭倒了一些華田粉，製造出小火山的效果，外表吸引，味道如同吃了可可一樣，好!!!!!!!環境：樓面堂皇。服務和衛生：元旦出外吃飯奇遇記之樓面堂皇，食物美味。然而，服務/清潔衛生奇差........首先，甫進入該店，就發現1) 地面佈滿食物殘渣，但久久不清理，任由污物自己乾涸，這樣會形成衛生問題，也容易導致滑倒；(2) 服務生放下食物或點菜單時並不禮貌，"啪"的一聲拋下就走；(3) 服務生在要求下才給食客清水，而且即使是兩個或以上相識的人同坐，若其中一人要求清水，他們只給一杯清水而已，而且只有半杯滿。抵食：結論是該店的軟件(服務)差勁，但硬件

星期日4:30黎食下午茶，唔太多人唔洗等位。劉服務員一埋黎就問叫咩，阿媽幫我叫一個蛋白燉奶，我加一句要凍，服務員用疑惑眼光望住我，我問係咪有熱&凍，佢冷淡一句答係，我話咁要凍蛋白燉奶。之後阿媽自己要下午茶咖央多士配滋潤甜品(熱銀耳木瓜)。等左陣，食物就黎。首先係蛋白燉奶，點知黎左熱既；之後銀耳木瓜，黎左個凍既。。點解咁都撈亂？而多士就沒有咖央味。總結，不會再來。

又到下午茶時間, 同朋友行過燉奶佬，見到個餐牌，都幾多野食，見到有炸雞脾拼薯角，好似好好味，但又覺得好邪惡，不過最後我最後都叫咗。雞脾炸得好香，外皮脆卜卜，肉質都好嫩滑，唔乾身，超級好味，薯角炸到金黃色，唔會油淋淋，落少少鹽，一陣就比我食晒。西多士，好有蛋香，中間仲夾有花生醬，揸上牛油加埋糖醬一齊食，好好味。仲加6蚊要一個細嘅雪菜肉絲米粉，味道ok，清清地，都幾抵食。最後叫埋杯餐涷檸茶，可惜佢唔夠凍，覺得掙咗少少。其實食炸雞脾同西多士，可以講係童年回憶，因為細個同屋企人食下午茶一定有依兩樣，人大咗就已經好小食, 所以覺得特別好食。

其實今次試了另一間分店，這兒水準其實麻麻，叫了個雜扒飯同後加了熱的海帶綠豆糖水。熱海帶綠豆糖水糖水太稀，料亦唔多，味亦太淡，感覺似係加了很多熱水... 雜扒飯豬扒同牛扒都入味同肉質都適中嫩，個汁都可以接受，但雞翼D肉就好不新鮮...一隻雞翼, 一碗糖水就讓我今餐很失望... ...$56 係荃灣可以找到很多美味的牛餐了... ...

呢間燉奶佬，d 食物淡而無味，一行3人去食晚餐，點咗個葡汁雜菜海鮮意粉，忌廉雞飯 同埋巴基斯坦咖哩牛腩飯。先講葡汁雜菜海鮮意粉， 意粉煮得太林， 一pack 嘢咁， 個汁完全冇味， 大佬， 葡汁都可以無味咁你諗下碟嘢好食極有限啦 ，完全食唔落口， 簡直榮登難食之最，留番成碟意粉係度 利申，本人係極度珍惜食物，連細個小學個d 飯商個d好難食個d 飯我都全部可以食哂而個忌廉汁又一樣，淡過水，完全無味個咖喱稀過水，又無味，點解仲可以攞到獎，有欺騙消費者之嫌一定唔會再光顧