金記冰室 (已結業)

今晚同朋友去了一處比較偏遠的地方享受晚餐，去了元朗Park Yoho 裏面附近商場一間冰室。不知是否時間尚早所以冰室不算太多人，安排入座後我們從餐牌上點了兩個餐廳的是日晚餐。鐵板西冷牛扒- 有三種醬料選擇：黑椒、蒜蓉、燒汁。牛扒肉嫩多汁，香噴噴放在鐵板奉上餐枱。再配上了一杯經典的黑牛飲品-（雪糕加可樂）。超級絕配啊！另一款食物就點了家鄉鹽焗雞- 雞味濃郁，多汁嫩滑配上了鹽焗雞粉開的醬油及鋪滿粒粒芝麻！令人難以抗拒。

前幾日去左Park Yoho附近搵野食 貪係果度食野有免費泊車 而且個停車場仲長期有位 好方便！ 經過見到「金記冰室」望落幾好坐 而且食物選擇都算多 所以我地一行二人就決定係果度食晚飯喇餐廳既裝修走懷舊復古路線 望落去乾淨企理 用餐環境舒適好喇 講完環境到講食物喇！ 首先黎左兩杯野飲先雪糕紅豆冰：紅豆起晒沙 配埋雲呢拿雪糕 大滿足！黑牛（朱古力雪糕配可樂）：d童年回憶返晒黎呀！再黎就係老火湯 個湯好足料 飲落冇乜味精！之後就到主角們出場喇！冇諗過個雜果沙律（menu寫係輕鬆小食）咁大份 好驚喜 真係食沙律都飽精選晚餐既鐵板西冷牛扒 塊西冷扒唔會煮得過熟 口感唔錯 大大塊 啖啖肉 醬汁可以揀蒜蓉汁、黑椒汁或者燒汁可以揀配飯、意粉或薯菜 我地揀左薯條 薯條係分開上既 咁就唔怕俾d汁浸到淋晒啦薯條炸到外脆內軟 仲係我最鍾意既坑紋粗薯條 好開心！四川重慶口水雞： 又四川又重慶 聽個名都知佢惹味！ 又香又麻 送飯一流！服務方面 職員好友善 好好既服務態度講到價錢喇wo 叫左咁多野都係3百蚊有找 真係好抵食呀！

朋友新居入伙，所以專登坐巴士去咗元朗(Park Circle 峻巒)，周邊環境空鄺，四面環山，環境好舒服，一落車當然和好友食吓野先☺️！朋友帶咗我去一間好多食物選擇的(金記冰室)，2點鐘時段，午餐，小食，中式西式乜都有😌😌！生炸雞髀配沙律🍗外層脆卜卜，內裏肉質嫩滑多汁非常 Juicy 加上皮下脂肪少，所以唔會有好油膩的感覺！而雜果沙律放在生菜上，完全和雞髀分格，唔會邊食邊沾上雞髀的肉汁，值得一讚👍🏻！吉列魚柳包配沙律魚柳外包了一層麵包糠，油炸後外皮金黃酥脆，咬開內裏就是嫩滑的魚肉，十分香口，配上蕃茄和生菜口感加倍，如果內裏的沙律醬再多些，就更加滋味😋😋！煉奶花生醬多士滿滿的煉奶花生醬，加上多士脆口，愛吃甜既我，超滿足！

今日去咗元朗錦田探個朋友，夜晚佢帶左我去樓下呢個商場仔食飯，佢話呢度其實無咩選擇，得兩間會所餐廳同一間pizza，好彩仲有間有質素既連鎖茶餐廳金記頂住，直頭做左佢既飯堂😂我叫左個鹽焗雞配白飯加老火湯，朋友叫左份海陸空鐵板餐跟蒜蓉汁配熱檸茶～老火湯好足料唔肥膩，天氣熱飲下啲瓜類湯消暑岩晒👍鹽焗雞幾滑，肥瘦適中，唔會太鹹，面頭既醬好香芝麻味👍👍朋友既海陸空鐵板非常有份量！！超多薯條，豬扒好大塊，夠淋兼juicy👏🏻 魚柳外層非常酥脆裡面就滑捋捋😋 雞全翼都係好香脆而唔油膩～我諗呢間金記都會成為我以後黎探佢既飯堂😂 因為抵食好食夾大件👏🏻👏🏻

今日去左呢間冰室叫外賣食，價錢正常，唔會好貴，我最欣賞佢個咖喱同茄汁焗飯，味道好食。應該係馬來西亞咖喱，所以味道會濃，咖喱味夠出👍。個蕃茄焗豬扒飯，豬排夠大塊，茄汁味道都夠，仲食到佢嘅芝士味👍份量足夠。我地仲叫左個鹽焗雞同霸王雞，份量足夠，雞唔會太肥，鹽焗雞都食到佢d醬味，而霸王雞都有佢d薑蔥味道，味道不錯，一個餐都已經食到我好飽。d湯都夠濃。炸雞髀都香脆，沙律都好味，唔會過多既汁。整體來講佢d食物都熱，都算係一間不錯既茶餐廳，餐廳座位都夠闊落，地方都乾淨。

鼠鼠👶出世3個月喇，終於可以見下佢😊Park Circle都係第一次黎，估唔到呢個小小商場有超級市場，餐廳，便利店，非常齊全。呢間金記冰室係鼠鼠爸爸介紹，雖然叫冰室但餐廳裏面佈置並不是懷舊style，反而係帶有越南風嘅裝修感覺，配埋喺呢個悠閒嘅小社區，感覺好似渡假(冇得去旅行嘅自我慰藉mode😭)餐廳環境非常舒適，但受鼠鼠媽嘅指示我地今次係要外賣嘅😂下次先再黎慢慢享受。冰室主要有中式/西或set dinner，有焗飯同咖哩，另外見到d下午茶都好正，不過剛好過左下午茶時段。我地order生炸雞脾配薯條，咖喱吉列豬扒飯，蕃茄焗豬扒意粉，蕃茄焗雞脾飯同西冷牛扒。外賣都出得幾快，等左10分鐘都冇已經有得拎。黎張大合照先✌豬食嘅係焗豬扒意粉，豬扒好大塊又厚身，肉質夠腍又juicy，煎得岩岩好，再配埋新鮮蕃茄，酸酸的好開胃，裏面仲有配菜洋蔥、西芹條，味道似羅宋湯好鬼正🤤意粉軟硬適中，仲keep到食物溫度，💯🈵️老公食西冷牛扒，其實佢想食雜扒，係豬叫錯了😅不過牛扒都好好食丫，係咪🤭牛扒都係好大塊，八，九成熟到，雖然有d d 血水會好食d，不過都整到剛剛好，唔會過老而太鞋或太韌，保持到肉質幼嫩同埋本身肉

我去咗元朗金記冰室食dinner ! 餐廳位於元朗青山公路潭尾段18號Park Circle峻巒地下117。餐廳環境舒適， 地方寬大， 非常舒服。 香濃惹味嘅咖喱牛腩飯， 牛腩唔大肥， 半肥瘦， 口感唔錯， 咖哩爆得好香， 配上香濃牛肉， 牛腩又腍， 又惹味， 配上白飯， 好好食！ 叫咗《地道霸王雞》套餐， 配白飯又老火煬， 半價可以叫飲品！ 雞肉嫰滑，有雞味， 配上秘製醬汁一齊食， 特別惹味！是日餐湯係《幾蟲草合掌瓜煲雞腳湯》， 冇乜味精，味都OK㗎！ 飲品唔派帖啱我👍👍👍餐牌👇

疫情期間，好多餐廳都做緊外賣🥡折扣。因為好多人都唔想起外面用餐🍴！今日遊車河遊到南生圍，呼吸一下新鮮空氣！順便搵下美食！睇睇附近餐廳，無意中搵到環境不錯的餐廳金記冰室。因為唔方便泊車，所以今次叫咗外賣🥡返屋企食！冰室一定少不了試吓紅豆冰同咖啡飲品，除此之外，更加少不了鐵板牛扒，雖然係外賣，但都想試試，服務員好細心，將牛扒同薯菜分開裝好，免破壞左薯條🍟的脆脆感覺。但牛肉就比較失望因為唔夠厚切牛的口感正。再黎一個焗芝士海鮮意粉，海鮮還有青口配搭。因為今次外賣🥡，所以焗類食物應該會保守啲😅。

疫情期間要減少出外，但日日煮飯其實好攰。。。每星期總會有一兩晚買外賣。今晚落雨，方便快趣去左附近呢間金記。入到餐廳做返探熱等動作後直入cashier叫野食。晚餐以扒為主，是日精選係肉燥飯，聽到店員同電話入面嘅人講精選會日日轉，有時係肉醬意粉等等。我地最近叫凍肉已經食左好多扒，今日唔叫晚餐。叫左焗芝士雜菌意粉同咖哩吉列豬扒飯，另外用半價加左凍檸菜同凍檸蜜，外賣冇額外收盒錢。焗芝士雜菌意粉用鍚紙盒裝住，芝士汁份量夠，每一啖意粉都掛到汁，但唔會好鹹好滯，雜菌比想像中多款，有蘑菇、秀珍菇、冬菇同一種黃色類似秀珍菇，仲有少少西蘭花，係健康之選。咖哩吉列豬扒飯超正，有一盒飯加雜豆、一兜咖哩汁同埋用紙袋裝住一塊巨大豬扒（好似出面買鹽酥雞扒咁大！）。咖哩汁多到浸住個飯食都得，係帶有辣味嘅惹味咖哩，完全唔食得辣嘅人應該會覺得幾辣，但我地兩個食得好滋味。塊豬扒炸得均勻又鬆化，大滿足。飲多啖凍檸茶，茶底唔錯幾濃，感覺冇咁熱氣。茶餐廳黎講絕對可以翻兜，影低餐牌for之後用。

抗疫左咁多日，好多時都喺屋企煮煮煮，煮到都有啲悶，又係時候出去補給下個糧倉，就決定去最近既又有得泊車既759買野，順便去隔離金記叫幾個外賣返屋企做晚餐。 餐牌 - 價錢都幾實惠，今時今日五十幾蚊一個焗飯/焗意粉都算係咁。焗鮮茄牛肉意粉 - 真係有大大隻鮮蕃茄，最鐘意有芝士喺面，焗得香脆，牛肉唔韌，幾有口感，個人幾鐘意焗既類別。 咖哩吉列豬扒意粉 - 大大塊豬扒，正，炸得夠鬆脆，仲要配埋咖哩汁，外賣幫我分開盒裝，唔會返到屋企淋晒，唔錯。咖哩汁裡面仲有薯仔添，加分。 生炸雞脾配薯條 - 雞脾炸得岩岩好，唔會太乾，加埋炸薯條，今次真係要跑多幾個圈先掂~外賣黎講算係咁，下次試下佢晚餐先~

近日由於疫情關係，甚少外出用餐，要不是自己煮就是買外賣. 自從搬離了元朗市後，居住環境清靜且更為舒適，不過取而代之就是食肆選擇少了很多. 幸好屋苑內的小商場仍有超市、麵包店以及金記冰室，即使不乘車外出也能買到日用品. 這天不想煮後，就來到金記買外賣. 午市食客也不少，下單後就於店內坐著等待，大約15分鐘，食物就預備好了. 等候期間，也見到Food Panda的速遞員到來提取食物，相信不少人都決定多留家避疫. 午市套餐共有5款選擇，定價由$50-$68，這次就選了一款飯類及一款意粉，另加$10 配上湯靈芝菇娃娃菜. 咖喱豬扒飯 ($65) 咖喱汁是分上的，另配上2大件豬扒，豬扒不會太韌，配上香濃惹味且不太辣的咖喱汁，是很好下飯的呢~燴汁炸雞肶意粉 ($65) 雖然是外賣食物，炸雞肶外皮的香脆程度已減少，幸好雞肉仍算嫩滑，配上酸酸甜甜的醬汁以及有咬口的意粉，味道也不俗. 上湯靈芝菇娃娃菜 ($10) 爽滑的靈芝菇以及索滿上湯的娃娃菜，味道清甜亦不會過鹹. 熱檸水/ 熱奶茶 兩款也是正常水準的熱飲. P.S. 把食物放上餐碟，感覺吃得較為寫意 元朗青山公路潭尾段18號Park Cir

同男朋友今日都放假，不過大家都太懶唔想煮飯，所以決定簡簡單單落樓下解決個晚餐🙈搬左過黎幾個月，好似係附近食飯都無幾多次，好多時都係經荃灣返屋企時順便食埋或者落元朗食😅我地叫左一個蕃茄焗雞脾飯走芝士，蒜蓉汁雜扒配薯條，同埋紅豆冰～個焗飯係炒飯底，好香👍 雞脾皮好脆，裡面既肉超滑😋 雜扒餐勁豐富，有煙肉，火腿，司華力腸，雞扒，豬扒，蕃茄同粟米，見到都飽😂 火腿較厚身有口感，司華力腸同雞扒都好香脆，豬扒唔油膩唔韌👍紅豆冰幾滑，紅豆夠稔好食抵食又方便，係懶得煮飯嘅好選擇👍

忙碌一人晚餐🧐做完一日野😔終於放飯🤩今日食個超大size 雜扒餐餐內有雞扒-煎得5錯，肉質夠飽滿🥰豬扒-麻麻地，又薄5似豬扒😣煙肉-係真煙肉，你懂的🤪司華力腸-普通一條腸火腿-厚切有誠意但好咸我配薯菜同燒汁🤯但薯菜得一片蕃茄同一舊西蘭花😖仲有薯條🍟即炸熱既但外面無林既🤨🤨🤨好難食 +0水一杯😩忙碌一日完$88/set————————————————滿分5🔆🏝環境🔆🔆🔆🔆🛋服務🔆🔆🔆💲價錢🔆🔆🔆😋食物質素🔆🔆💥翻兜指數🔆🔆🔆————————————————📍餐廳名稱：金記

下午茶時間肚餓難耐，決定先到金記醫肚。這裡環境寬敞，有落地玻璃，坐得都幾舒服，也可以靜靜地看看書 (或者看著窗外發呆)。本來想試豬扒包配薯條，但又怕熱氣(假期食煎炸類食了不少了，超quota了 )。最後選了公司三文治(餐牌上叫金記三文治)及熱咖啡。三文治的材料幾豐富，份量充夠，味道不錯。晚上再來，點了焗芝士雜菌飯，焗得好香，芝士味剛好。金記是這屋苑第一間開的餐廳，很喜歡這裡的環境, 有時間還會再來坐，值得推薦。

今日去同朋友去完南生圍，出到去搵左呢間餐廳食下午茶，餐廳環境非常舒適，坐位寬敞，我地兩人行，每人叫左一個下午茶。份糧非常大份，所有食品都新鮮熱辣，薯條脆脆的，冇諗過咁樣嘅價錢有咁既質素，性價比高，大家去可以多一個下午茶既選擇了！