金記冰室 (康怡廣場北座)

营业中

休息中

之前都有幫襯其他冰室，金記就第一次食。新開唔係好耐，平時經過都見唔少人。個晚七點幾到，等左一陣就有位！朋友叫左好多扒既餐，配薯菜。我叫左平時都會成日食既海南雞飯，所以食落會有比較，呢到既海南雞飯感覺一般，唔難食，但無乜特色。下次要試下佢其他餐！

金記冰室，由佢未變成現在的模樣之前我已經一路有食開，以前是有一個伯伯同埋佢老婆一齊經營，主要食火腿通粉，奄列，多士，杯奶茶就好正好滑，但現在這間金記冰室已經變曬，簡直變到成間普通茶餐廳一樣，'非常多元化你想食乜都有，今次就試咗下午茶，豬扒炒烏冬，烏冬多油份量又少，豬扒被發粉發到冇味。以前選擇少食物好味杯茶都靚，而家選擇多但食物一般杯茶真係唔得。味道: 唔得，冇水準環境: 擠迫又嘈，要搭枱衛生: 一般服務: 不好，唔會招呼抵食: 唔抵食

之前已光顧過湾仔及銅鑼湾的金記，不是因食品特別出色、好味，只因地點方便，而且食物款式總比連鎖快餐店的選擇多_。最新的金記坐落於康怡廣場，佔盡地利的優勢，繁忙時間總要等15分鐘或以上。在下午茶時段點選了日式豬扒炒烏冬及西炒飯配港式奶茶，兩款食品味道不俗，份量亦不小，奶茶亦有水準，味道較銅鑼湾及湾仔均要出色。唯獨當日向侍應取碗打算把食物跟朋友分享時，给予的兩個碗除了十分肥膩外，還帶着濃列漂白水味，叫人十分倒胃要求更换時，另一位侍應取走後卻沒有更换，服務及衞生明顯有改善的空間

星期三係aeon 特價日，所以同我老公加奶奶一齊嚟太古呢邊入貨，所以先食咗個晚飯再去掃貨，幫屋企個雪櫃上倉。晚飯期間餐廳座無虛席，亦有不少食客排隊等位。我地見等十張飛左右，所以冇走到係到等，好彩等左20分鐘左右就有枱。我地3個都唔係白飯愛好者，所以叫2個餐加1個小菜。黑松露蝦仁炒蛋蛋炒得都算ok滑，蝦仁又幾大隻，爽口嘅，除左係蛋面加左少少黑松露醬做裝飾外，亦撈左落蛋到，所以啖啖都有黑松露味。略嫌有少少多油，不過炒蛋又真係多油啲嘅。菠蘿生炒骨生炒骨係老公出街食飯必叫，貪佢甜甜酸酸，夠好開胃咼。呢到炒得都幾好食嘅，我就最鐘意食曬啲菠蘿。XO醬西蘭花炒牛肉小菜嘅份量同套餐一樣大碟。牛肉嘅份量好多，唔鞋口，加埋XO醬炒份多惹味！要讚讚餐廳職員個個都好爽快，唔怪得啲客貨如輪轉。

以前金記冰室未開業的時候，對面的壽司舖外面係排滿人，而家金記冰室開埋業， 外面又係塞滿咗人，基本上嗰個位只係見到人龍，好彩兩間餐廳都有嗰啲電子排隊機， 先可以勉強疏散到少許人群。地下有灘水，好彩阿姐都好醒目，好快攞地拖嚟抹咗佢。一張長枱坐八個人，即係有4 pair人， 環境同感覺麻麻地。金記三文治厚蛋好滑，唔易散開，厚餐肉煎得少許燶，可口，白色芝士加少許沙律醬，再配三層麵包，正。豬扒炒烏冬好多油，烏冬好腍，豬扒冇乜味，整碟都好淡口。熱檸水味道正常，有四片檸檬，起碼冇苦澀味。

我不想寫食評不過今曰直係忍無可忍！我中文係麻麻，小弟自小就移民到英國。 Hence I usually write English, and I am only in HK for vacation.我對食物要求唔太高，服務我就更加懶理。念住同啊媽食D懷舊嘢，不過今次真係佛都有火。 落單個後生妺，醒啦。我，我啊媽，我老婆，3個人問佢覆單。3個人，點會叫4杯嘢飲？叫雪糕紅豆冰，就無雪糕，照批$30，平$2。個經理，算啦。毛都未出齊！

午飯時間來到，好彩我地一行3人。都有最後一張卡位坐低。唔係就又食唔到了！ 午餐點了個豬扒飯套餐，加熱奶茶！有人食意粉豬扒兩大塊切得好厚，外面煎得香脆。塊豬扒好入味，軟腍得嚟又有彈性。咖哩同豬扒飯是分開上的。有點似印尼的咖哩...咖喱佢唔係死辣！本身加左少少比較有特色嘅香料，令咖喱食落輕輕帶少少香味，都幾特別....我自己就好鍾意。不過食前真係要撈勻啲飯先食。入口時咖哩味唔覺辣。不過隔幾秒啲辣慢慢再爆出嚟....見到兩朋友好似食得咁過癮⋯⋯但我就唔得囉⋯⋯熱奶茶都幾地道港式味道！

上一次喺金記食過晚餐，質素認真唔錯，所以今次唔知食乜嘢好，喺附近見到金記，又入嚟試吓佢個下午茶點樣先。下午茶都幾多選擇，有成10幾款炒粉麵，價錢都係$50左右，唔算貴，坐得舒服食得舒服都幾重要。今日我叫咗個乾炒三絲米，配料都係傳統嘅火腿絲叉燒絲，味道唔錯喎，炒得幾乾身，無燶，幾香口。亦唔會話過咸，食完無口乾。分量亦都幾多，我一碟都食唔晒。睇嚟食下午茶又多咗個選擇，遲啲有機會嚟試埋其他唔同類型嘅下午茶先。

啱啱開業 好多人排隊 終於呢排少啲人 有機會試到 沙嗲公仔麵好好 侍應會因應你口味而叫廚師煮淋啲啲noodles 而見外面有包賣 環境又夠復古 一定會再嚟 一個飽嘅早餐好重要 一定會嚟！

灣仔、銅鑼灣的金記都光顧過，無論環境、服務、食物、價格都很一般，沒有再去過⋯⋯今天到太古城逛街，想吃豬扒，又不想排等到腳軟的大戶屋，看到康怡金記的食評不錯，便和肥老公去試試。原址以前是秋櫻屋，現在裝修了環境也一樣光猛整潔⋯⋯星期五晚飯時間，等七張枱，約十五分鐘，不算太久⋯⋯有二人卡位，不用搭枱，座位不算很窄，good！餐牌上中西食品都有，感覺有點像上市那家翠x餐廳⋯⋯不知食物份量多少，就叫了一個雞扒拼魚柳set dinner跟意粉，再單點一個豬扒沙律，大家share吃。先説set dinner⋯⋯餐湯要了紅湯，比較稀和辣，作為一個羅宋湯就不太合格⋯⋯主菜很快上枱，有一塊炸魚柳和兩塊（！）厚雞扒，份量比翠x多三分之一起碼！⋯⋯當然一味多是不夠的，味道也很重要，雞扒嫰滑，魚柳稍嫌比較薄、肉易散，蒜蓉汁香濃偏鹹，但加在沒有味道的意粉上剛好，總的來說是好吃的⋯⋯早知份量那麼多，就不用再叫豬扒沙律了⋯⋯說是煎，但我覺得仍是炸的，是為了快熟吧？⋯⋯要在街外吃到真正的煎豬扒真不容易！⋯⋯薄薄的一片加了點蜜糖，味道也不錯⋯⋯另有兩大球港式沙律，微酸剛可解去吃太多肉的膩。餐飲要了凍檸茶，沒有特別之處。再

與朋友仔相約在太古，朋友想飲凍檸檬茶🍹，想好飲首選當然是茶餐廳啦！ 所以，看看open rice，又選擇了去金記，原來太古也有分店，這算是頗新開的，而我也是第一次來！同樣是很多人，下午三四點都坐滿人！門口要取票等待安排入坐.....很久沒吃乾炒牛河......這個算是色香味俱全😋不過真的heavy，茶餐分量剛剛好。茶走☕香滑..... 與乾炒牛河簡直是 perfect match💗！ 邪惡👹的選擇😆埋單$48，下午茶餐在太古算是合理。

新年去完黃大仙行大運，見黃大仙太多人等位食晏， 所以決定返太古城食。一出地鐵見到金記冰室唔多人等位，就去試啦！室內天花設計好有香港味道，顏色好靚。但室內坐位好窄，我哋四個人坐卡位仲要旁邊加個二人位人搭枱， 成間件事好 Sad。餐牌好有趣。有啲細字講冷知識。由於我哋有四個人，所以叫咗四份餐睇賣相好豐富。焗飯份量超大，蕃茄好新鮮，好甜。推介 蕃茄焗豬扒飯 !。煎薄牛肉配炒飯很好味我最愛，很難得係茶餐廳食到好牛肉。

來過「太古金記」兩次晚餐，叫飯餐的白米飯都只是微溫偏凍，今餐食左叉燒炒蛋飯，對比餸是即做的，但飯好似盛了出來好一陣子放凉了一来樣！其實，開飯只是想食碗熱飯食，望有改善！補充，其他食物係好既！

很久沒有來太古了，今次是為了lego 而來的。逛lego 之前，當然是吃飽儲滿能量先吧。聽說這間餐廳的焗豬扒飯很有名而且好吃，就即管試一試吧。這個焗豬扒飯真的很好吃，以下午茶來說，份量可算十足呀，再配一杯凍奶茶，簡直一絕。下次過來一定要再吃過。

金記冰室--之前係筲箕灣有成45年歷史，店舖係位於巷子內，唔係有人帶去食都唔知呢間店舖以下就係當時店舖既地址呢間冰室由上一代細細個就去食緊，到左下一代既我又係細細個幫襯至結業，即使而家重開咁多間分店都已經唔係個種味道了呢間冰室雖然唔係昔日的風味，不過由好多汽水膠箱裝修都幾特別下午茶當然食最邪惡既炸雞翼薯條一上枱個陣仲熱辣辣，外皮炸得好香脆呢個咖哩炒飯幾有驚喜，一上枱個咖哩味幾香濃，飯炒得好乾身同粒粒都充滿咖哩味，海鮮份量都幾足料去茶記當然係要飲返杯茶走，飲落奶味幾香滑，茶味幾濃不過就略嫌有少少澀餐牌⬇⬇總括黎講:新一派茶記裝修得有特式，食物質素不錯，下午茶黎講價錢有少少貴，偶然食下都唔錯