金記冰室 (康怡廣場北座)

营业中

休息中

康怡有好多餐廳, 成日都好多人排隊, 呢間都唔例外~金記都食過好次, 最喜愛呢度食物選擇夠多就算平日, 都好多人等位~門口等位有顯示屏!MENU 好多選擇貼心之選，卡位有充電位~MENU 設計很有港式情懷, 非常精美兒童餐都有呢~叫左個海南雞飯餐飲碗羅宋湯先~ 好足料!!秒速已送到面前~雞非常嫩滑，而且係無骨! 啖啖肉! 推介喔~ 而且個油飯好香好香又唔太油~仲有個菜, 均衡營養~另外叫左個欖菜肉碎四季豆, 咸度適中又唔太油，口感豐富, 送飯一流~當然要點我至愛的杏仁茶~呢度D杏仁茶有豐富的蛋白, 質素超班, 香濃可口~

充滿懷舊港式風情既冰室價錢親民大份又飽肚估唔到味道就相當唔錯忝菠蘿生炒骨$73酸甜度拿捏得非常出色生炒骨肉質鬆軟 而且粉漿到幾薄 賣相同埋味道都好好滑蛋韭黃炒蝦仁$73炒蛋整得非常香滑配以鮮味十足既彈牙蝦仁同埋好香嘅韭黃 加添一份香味陣間將整個菜式嘅味道層次無骨海南雞配油飯$70晚市套餐包餐湯 價格非常親民海南雞超級嫩滑 非常可口油飯好香 同雞肉既味道簡直係絕配本身想試埋冰室特別飲品 例如黑牛等等點知唔知係咪太夜去 所以冇晒雪糕同汽水

自己一個人食午餐 ,最好就梗係去茶餐廳食個飯啦。 見到金記冰室新開,仲日日都咁長龍。今日有時間就去試下。裝修好有特色,加咗啲以前懷舊冰室既元素, 但係就俾舊式冰室光猛乾淨企理好多。午市套餐 大概都係六七十蚊一個。喺太古城啲嚟講就唔算貴喇。 除咗一般炒粉麵 ,焗飯 ,仲有沙律,海南雞,西餐,扒餐,貫徹港室冰室既作風。咩都有得食。就算午餐唔啱食, 主餐牌都有好多選擇。 價錢都差唔多,不過就係少左杯嘢飲。我自己就叫咗個金記 薄燒牛柳配炒飯沙律 $75沙律好新鮮,啲菜食落去索索聲, 番茄亦都有甜味。薄燒牛柳 首先個份量都幾多,起碼我食曬啲飯都仲有牛柳未食完。 牛柳都做到唔硬 ,七成熟,咬開入面仲有少少粉紅色,唔會過熟。襯埋佢哋個燒汁,好惹味。$75 既牛有咁嘅質素,唔錯。絕對唔係出面拿到冇曬味嘅牛肉。今天天氣凍，見到佢有蛋白杏仁茶，就+$18叫返杯嚟補補身。都有唔少蛋白,而杏仁茶都幾香,最緊要唔會太甜,唔係就咁攞杏仁粉開,飲落真係有杏仁味嘅杏仁茶。太古城嚟講,價錢唔算貴但係質素有番咁上下,唔怪得之日都咁多人排隊啦。

今晚路過太古附近, 見呢間茶記幾多人食, 就入左去一試. 原來呢間金記都有幾耐歷史, 前身係大排檔黎.佢地都有幾多野食, 我地叫左一個鐵板餐, 幾個小菜, 份量都幾足, 價錢都合理, 係一間幾平民既餐廳鐵板西冷牛扒, 幾大份, 厚身有牛味, 味道不俗滑蛋蝦仁, 蛋炒得幾滑, 蝦仁都算大隻但偏淡, 略為失色 糖醋芝麻骨, 炸得幾脆口, 酸甜適中風沙黃金豆腐, 外脆內嫩, 不愧為其中一款招牌菜另外跟餐半價試埋個蛋白杏仁茶同紅豆冰, 大滿足!呢間茶記既性價比都幾高, 一定會再返黎食過.

✿╮❤╭✿ ✿雜感女生 好味日記✿ ˚*•✰。金記冰室(康怡)．港式滋味小廚。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 早前在太古開會後，入康怡吃飯飯 看到很有香港風味的金記冰室已開到這裡 於是排隊拎籌等食 My comfort drink 是香港味的飲品 我點了香滑奶茶，很有傳統的港式奶茶風味，非常香滑 同事點了：凍檸檬茶，也是足料炮製，醒神好飲 金記出品的小菜和小炒選擇很多 而且可以半價配白飯、飲品，非常不錯 滑蛋韭王炒蝦仁 香滑有蛋香，韭王多 蝦仁大大隻好彈牙 令人食不停口 蜜桃中式牛柳 蜜桃果汁甜甜的，牛柳夠鬆軟好吃 是白飯的好朋友 芝麻黑糖醋骨 酸酸甜甜，香脆開胃 令人覺得白飯很可愛

平時黎冰室，通常都係食常餐，但今次破例試下佢既晚餐先，其實呢度真係咩都有得食，就連小炒都難唔到金記冰室以下既海南雞尚算滑溜，仲附有一碗雞油飯同中湯添苦瓜唔太苦，一向怕食苦瓜既我都食左唔少想食到夠哂鑊氣既小炒不妨可以食呢款小菜，仲有好多隻大蝦添冰室既滑蛋大家真係要試下，真係特別滑溜架，仲要蝦肉夠哂爽彈，起碼有成6隻以上，size仲好大添由於有金銀蛋既關係，所以食落係有d起沙既感覺，加埋新鮮既白菜仔一齊食，好快就將佢ko左跟餐係有湯送架我仲叫左杯正宗既凍檸茶，茶底真係唔錯

今日去咗太古康怡嗰邊買野， 行到去康怡廣場北座 地面好多餐廳嗰層， 見到有間懷舊茶餐廳。 未到晚市，門口已經勁多人等， 人氣十足，一於入去試吓。包裝過的懷舊茶餐廳， 預咗價錢一啲都唔懷舊。 希望食物質素搭夠餐廳裝修有懷舊冰室feel， 天花燈用了五顏六色裝樽裝汽水的盤， 非常特別 而且好搶眼。仲有幾分鐘到六點， 即時畀佢嘅茶餐吸引。金牌乾炒牛河茶餐 $48送上檯香氣撲鼻熱辣辣夠鑊氣， 每條河粉都夠味道， 灑上芝麻， 仲有韭黃芽菜配搭，非常美味！配埋凍檸茶，極有紅茶味，！兒童餐$62叫咗個兒童餐畀阿仔， 似乎樣樣都啱食。 套餐包括 肉醬意粉，粟米， 去骨雞翼，炸薯條 ，煙肉腸仔卷。但肉醬意粉比較碎。 甜品有棉花糖朱古力醬。 唔知原本係唔係雪糕？因為當日連雪糕紅豆冰都冇。 阿仔成個餐KO咗， 冇機會試應該味道唔錯。雜扒鐵板 $78細個時候嘅豪華版雜扒餐, 揀咗蒜蓉汁, 鐵板好夠熱, 聽到滋滋声夠曬懷舊同有鋸扒feel！ 呢款什扒係冇牛扒，但取而代之係牛脷。 牛脷軟熟又入味， 配蒜蓉汁真係冇得頂。跟餐嘅熱朱古力又濃又香。仲试咗佢出名嘅鹹牛肉炒蛋軍艦$32， 個包外脆內軟仲充滿牛油香，配上咸牛

康怡廣場開了一間金記冰室，我地又多了一個飯堂嘅選擇。今晚屋企無人煮飯，唯有落街食金記。晚飯時間超多人排隊，睇黎大家都唔想煮飯。等了十幾分鐘，終於坐低了。細佬二話不說就要食鐵板西冷，爸媽就要正正經經食小菜白飯，所以就叫鐵板西冷牛扒，涼瓜炆魚柳，風沙炸豆腐，金銀蛋肉碎浸時蔬。西冷牛扒好大塊，差不多有整塊鐵板咁大，切落去好冧，啱啱七成熟，食落好有牛味，一d都唔老，正，比大x樂果d好得多。涼瓜魚柳份量好大，涼瓜好爽脆，唔會好苦，略帶甘甜。班腩炸得好脆，炸粉好薄，魚肉好滑。金磚風沙炸豆腐好滑，唔係一般嘅滑，係非常滑，炸粉非常非常嘅薄，外脆內軟，非常好味。金銀蛋肉碎浸時蔬好清，個湯好甜，即使唔係炒都一樣咁好味。原來想叫杯咸檸七，結果原來係無，咁唯有叫杯凍檸賓頂住先。

満懷希望來到這裡！已經是第二次了！但每次落單都很亂，總是漏單，要客人等好耐！很多人在投訴！奶茶不熱，勁令人失望！食品如蛋撻，豬扒飯是不錯的！要加油才回再給機會了。

下午茶餐，餐牌有炒飯麵，想食三文治，叫了鮮牛蛋治餐。因為聽老一輩人講，香港依家冇地方食鮮牛治，所以叫嚟試下，本人也從來未食過。鮮牛蛋治👌蛋不過不失，可以滑啲，要看厨房能耐。牛肉很滑，其實喺蛋牛飯嘅牛肉。有淹過。麵包冇"看” 底，發覺自己原來唔識寫呢個字，唯有括住。要”看"，應該要加錢。以冇"看”嘅包嚟睇，就要夠鬆軟，好明顯佢唔夠。奶茶👌金記應該有自己formula去沖，味道與APM店一樣。當然好飲過麥記。可以。成個茶餐要40蚊，可接受。如果，單叫一件鮮牛治，收我30蚊，可以接受。

就黎冬至，因為我哥要照顧小朋友關係所以我就專登出來太古同佢食飯，經佢介紹之下就去左呢間金記冰室食小菜。我地一行4 人每人都點左一個餐，另外再加一個菜SHARE 黎食金銀蛋肉碎時蔬金銀蛋肉碎時蔬涼瓜炆魚柳涼瓜甘而不苦，睇得出廚師都有用心去處理過苦瓜嘅籽，去得好乾淨芝麻黑糖醋骨味道酸酸甜甜，同食開嘅咕嚕肉果種酸甜唔同，值得一試滑蛋韮王炒蝦仁滑蛋配大蝦向來都係我嘅最愛，而呢度嘅蝦仁大大粒，比較少見而蛋亦都維持水準咁滑無骨海南雞去骨嘅海南雞啖啖肉，而且肉質夠滑，如果覺得唔夠味仲可以點薑蓉/醬油TIM

今日去左太古個邊探ar 姨因為佢住康怡我一日見到有金記就request 要食lee 間Lee 間裝修得都幾特別鐘意上面d 紅黃藍綠色的膠盤一定要叫lee個海南雞飯套雞肉香滑肉質唔粗糙仲叫我左個蜜桃🍑豬頸肉酸酸甜甜的配埋白飯好開胃天氣凍凍地最啱就係叫熱飲必飲推介杏仁蛋白茶炸雞翼見到對面叫好香所以跟住叫呀姨話要驅寒所以叫左杯薑檸樂我地仲叫左西多士可惜今日冇曬ice cream lol 配左棉花糖冇咁好味不過都好出色Yummy Yummy !!

尋日阿仔生日，帶咗阿仔去康怡廣場食餐好嘅。好耐冇同阿仔出街食飯啦。 我哋去咗間新開嘅餐廳，金記冰室。間嘢真係好好易去呀！就喺康怡廣場地下果層，元氣壽司對面就係。成間鋪頭店面都幾大，環境好好呀！我哋坐嘅卡位啱啱好可以望住出面大馬路。 一打開餐牌，見到入面有好多冰室話嘅解釋。比如話「靚仔」係指白飯、「啡走」、「兜亂」、「制水」等等等等，每頁嘅餐牌都會有一個字詞嘅解釋，好有香港舊式風味呀！ 主菜我叫咗碟XO醬豬扒炒烏冬。辣度適中，啱晒我呢啲女人仔食。豬扒又唔會太韌，成碟烏冬油油地，我本人好鍾意食少少油膩嘅嘢食，感覺好開胃。 阿仔就叫咗鐵板雜扒，黑椒汁跟個「靚仔」。成盤鐵板仲有牛扒、煙肉、豬扒、雞扒、腸仔(應該唔係廚師腸)塊鐵板夠晒熱呀！啲黑椒汁一倒即刻*喳喳*聲，醬汁彈到我好痛呀！牛扒煎得幾成熟呢我都唔知，不過聽阿仔講係好好食㗎，佢一下子就食晒手掌咁大塊牛扒。我趁佢去廁所偷食咗佢一小塊雞扒，真心唔錯㗎！雞肉好滑好嫩，完全唔老，雞皮都唔會好油。 小菜方面，阿仔幫我叫咗個金磚風沙炸豆腐。塊豆真係香到呢……金黃色又香又脆的外皮，內裡係滑嫩的豆腐。簡直係香港民間嘅B級美食。 飲品我哋就叫咗紅豆冰。

又到一年一度普天同慶嘅聖誕節，每個小朋友都最鍾意呢個節日，因為可以放長假。呢一日大哥大嫂嗰兩公婆突然交咗個重要嘅任務比我，佢哋兩個想過澳門過返一日二人世界，所以要我做返一日奶爸幫佢湊女，好在我個侄女都幾精靈乖巧又聼話，所以我都好樂意接受呢個任務。我帶咗佢去太古城溜冰場玩，又帶佢去康怡廣場嘅遊樂場盡情玩，買玩具。玩左全日攰喇係時候去食晚飯喇。我哋落咗去廣場地下搵左間〈金記冰室〉。呢間餐廳裝修得好有懷舊氣氛，地方都幾寬敞坐得幾舒服，佢哋嘅餐牌設計都做得好特別好似一本日曆。我點咗個鐵板西冷牛扒意粉同埋一杯紅豆冰，嗰塊牛扒都好大塊，食落都好嫩滑。我侄女就點咗個專設計比小朋友食嘅兒童餐：薯角、雞翼、肉醬意粉、粟米、橙汁，全部都係香港小朋友最鍾意食嘅嘢嚟喎。而且價錢都唔係太貴啫。佢見到我飲紅豆冰佢話都想要飲所以我都加多杯。阿侄女話今日玩得好開心，佢話會叫佢爸爸媽媽多啲去旅行，然後過嚟跟住我，聽完之後我差啲反白眼暈低，哈哈哈。

金記開到太古了，一出地鐵站就到，好方便。鍾意呢種懷舊的麵包櫃。晚市人流不斷，好熱鬧，等位都好快有位。晚市好多選擇，中式小菜、咖喱、焗飯、鐵板餐都做到，連兒童餐都照顧到，好細心。餐單仲有小教室，講解好多茶餐廳名詞，十分有趣。芝麻黑糖醋骨($73)可以配白飯或飲品或餐湯半價。豬肉肉質扎實，食到軟骨位，很脆很爽口。炸得乾身，不會很油，黑醋味道酸酸甜甜，很好下飯。金磚風沙炸豆腐($73)，份量蠻多的，很大塊。炸漿炸得很酥很薄，豆腐超滑，加左椒鹽超惹味，豆腐都可以咁好食，吃到停唔到口。凍檸茶$13(正價$26)茶記必飲。白飯$6 (正價$12)老王瓜湯$9 (正價$18)欖菜肉碎四季豆($73)芳香撲鼻，四季豆爽口，欖菜惹味，肉碎幼滑，味道不錯。XO醬豬扒炒即食麵($65)，豬扒很嫩，有不少椰菜、芽菜和洋蔥一齊炒，公仔麵份量很多，可以share食。唔係咁多地方有，綿滑蛋白杏仁茶$15(正價$30)，淡淡杏仁香飄散，蛋白真係幾綿滑，女士皮膚白滑恩物。