金記冰室 (屯門時代廣場北翼) (已結業)

有一晚收工有經過金記冰室，時間尚早，又想偷懶唔煮飯，同老公上次食個評價都唔錯，今次又叫返我最鍾意嘅金銀蛋莧菜，另外仲叫咗個海南雞飯，每一碟都份量極多，好適合一家人落嚟食飯share，海南雞飯啲雞非常之滑，全部都去晒骨非常方便食用，至於金銀蛋莧菜，餐廳真係有用炸蒜，非常之用心，最後我仲叫咗個杏仁茶，估唔到香得來又唔算好甜，另外餐廳其實都有啲精選嘅晚餐，偷望到隔離枱有叫，樣樣餸都幾靚仔，又有藉口下次唔煮飯嚟幫襯過啦！

好耐冇黎過金記食，估唔到今日黎食終於都可以唔駛等位，非常難得，之前無論邊間分店，每次都要等差唔多20 分鐘先有得坐，冇計啦，好野係要排下隊嘅。見到今日晚餐餐牌上面有我平時最鐘意食嘅韮黃蝦仁炒滑蛋，仲有元貝粒添，咁梗係要叫啦。另外仲叫左個二人小菜晚餐，分別係XO醬蝦球炒西蘭花，同埋新鮮菠蘿咕嚕肉。今次嘅XO醬蝦球炒西蘭花落多左XO醬，所以食落勁惹味。新鮮菠蘿咕嚕肉啖啖肉，酸酸甜甜好開胃，菠蘿撈埋飯一齊食一流。中湯同西湯羅宋湯都幾足料。凍檸茶 熱杏霜今餐飯比較失色嘅係呢個元貝粒韮黃蝦仁炒滑蛋，因為蝦嘅數量大幅減少，可能係由於加多左元貝粒嘅關係，但如果比我再簡一次我就要返D蝦lu。

約咗住屯門嘅老友一齊出嚟吽😝😝有乜搞作玩樂之前…都要醫好個肚先得架…喺市中心會合嘅我哋決定就近搵間茶記食啲嘢先行動！見到呢間位置方便又光猛明亮！朋友就拉晒班猶豫不決嘅人類入去試試啦🤣. ✨ 無骨海南雞(油飯)套餐 $72有位fd子午餐都未食就出咗嚟！一嚟就話要叫飯食！仲加配埋青翠白灼菜心(+$16) & 椰汁味濃且豆味十足紅豆冰 (+$10) 睇嚟真係好餓😜佢話雞夠新鮮又入味！配埋油飯食一流！好食係好食係略嫌太細份量啫！.✨金記三文治 $44另外叫咗公司三文治！烘底程度仲可以自行選擇😉層層配料好豐富！有煎蛋, 午餐肉, 蕃茄, 芝士, 火腿, 生菜！個口細啲都唔可以原件入囗呀！唔錯唔錯！.另外叫咗啲下午茶餐一齊share食❤️✨ 金牌乾炒牛河 $50果然係招牌之一！炒得色水夠之餘！牛肉醃得剛好且一啲都唔韌！最欣賞嘅係河粉Q彈幼滑質感！叫得過！.✨ 炸雞髀配迷你西多士(煉奶) $42炸脾都大大隻！厚肉得嚟但唔會炸得唔夠而入面滲哂血水👌件西多士配牛油煉奶真心perfect match！！！.✨ 深海吉列魚柳沙律$40件魚柳炸得卜卜脆！伴住嘅沙律就正常茶記質素！不過不失咁啦！.✨凍奶茶 (+$

金記冰室好像總有一間喺左右似的，今日去了屯門市中心行完Donki就去開餐了。這裡座位闊落，自助下單夠方便快捷；試過八點幾入座大部份食物都已經沽清，今日特意七點前入座😁我們點了很多川味的小菜呢～川味回鍋肉炒烏冬：厚切豬腩肉配上豆腐乾都又辣又香口，鍾意食辣嘅人一定啱～四川重慶口水雞：醬汁發揮到重大嘅作用，好好味有水準的四川麻辣汁，啖啖肉雞肉鮮嫩值得一讚～招牌鮮豬膶通粉豬潤軟淋，湯多薑夠甜一點腥味都沒有，一個人食就啱啱好～無骨海南雞套餐配油飯丶老火湯丶仲有一碟特色醬油。老火湯沒有味精～雞肉嫩滑份量大油飯香囗，姜蓉及秘製豉油才是靈魂所在。清炒時菜合時的菜心夠曬甜，簡單地帶出食物的原味道。

叫左個雞髀薯條餐，等左成15-20分鐘先到，一食啲薯條凍既，同啊姐講薯條凍既，個啊姐9588同返我講薯條無凍，再講我意思係啲薯條凍嫁，先聽得明都算啦，換左之後係熱，但係炸到硬曬，算！一早叫左杯凍既黑糖涼粉冰同凍檸茶，半個鐘都無黎，期間問過兩次，食完哂再等，想起身走先慢慢黎囉。真心難食囉間野，理解唔到點解會有人話好食。出餐慢，飲品慢，慢五都算啦，仲要甘難食收成50蚊個餐，隔離大快活都好食過去囉。🤮🤮🤮🤮

忙左成朝去到下午餐時間先得閒食飯，去左金記冰室食，下午時段都唔少人喎，大概八成滿左右，好彩都唔使等位。揀左張卡位坐，居然有得斟水幾特別，而且落單用qr code，一間新款嘅茶餐廳喎。朋友點嘅鐵板餐有個湯送，揀左西湯羅宋湯，幾足料，酸酸地帶蔬菜味，好飲吖。鐵板西冷配薯菜同燒汁，上枱時熱辣辣幾香喎。塊扒點左七成熟但都幾乎熟晒，哈哈，茶餐廳係咁上下啦。塊扒唔算太多鬆肉粉，都軟腍嘅，有牛味亦重黑椒味，大大塊幾抵食。薯菜份量多，勁多薯條，其他有西蘭花，粟米同三色豆，仲有啲洋蔥墊底。自己就點左口水雞套餐，個餐包中湯同白飯。雞件嫩滑，雞皮下唔肥膩喎，個口水辣汁好好味，辣度啱啱好，撈飯超正。例湯同白飯正正常常啦，夠熱無投訴。另外仲加左下午茶餐，因為淨加杯凍飲都廿幾蚊，加份餐仲抵嘛。芝士西多士真係好邪惡呀～麵包炸得香口，中間夾住半瀜芝士，熱力又瀜埋塊牛油，再淋埋糖漿好味到暈。仲有炸魚沙律，魚柳大大塊炸得香脆，沙律係雜果薯仔沙律，調味酸酸甜甜好味。飲品要左凍檸茶走甜，茶底香又夠凍。qr code落單清楚易用，自己㩒唔怕落錯單啦。

金記呢度嘅韮黃滑蛋炒蝦球比起早前喺其他地方食嘅叉燒炒滑蛋質素好好多，蛋唔會死實實，係真係滑嘅，蝦同叉燒就冇得比啦，但質素都係高嘅。沙嗲肥牛粉絲煲粉絲可能係因為落單時講左加底，所以份量特別多，牛肉份量有冇因為咁少到就唔知，不過牛肉份量都合理嘅，沙嗲味道還好，花生味再重D 就更好。菠蘿中式牛小排係同中式牛柳好似，之不過用嘅牛部位有所不同，所以口感亦都大不同，我個人就更鐘意牛小排嘅口感，亦估唔到原來牛小排都可以咁樣整。XO醬海鮮炒烏冬幾夠辣，烏冬都炒得幾夠鑊氣。

因為工作今日黎到屯門, 晚餐就想簡簡單單地食就算了. 7點左右, 餐廳門口已經充滿等候的人, 有等外賣亦有等位, 看來口碑唔錯.入到餐廳, 整體都相當乾淨, 店員反應速度都好快, 用手機app落十分方便例湯一入口完全唔覺有味精, 青紅蘿蔔配上陳皮香, 正韮黃叉燒炒滑蛋叉燒是半肥半瘦, 當中的蜜汁味配上雞蛋香, 滑蛋炒得適中, 雞蛋的嫩滑加上爽口的韮黃, 還有叉燒的蜜香, 十分好的配搭XO醬蝦球炒西蘭花蝦球炒得彈牙爽口, 西蘭花煮得剛好, 唔會太淋, 保持爽脆. XO醬十分惹味, 帶出了整碟菜的鮮味, 送飯一流粟米魚柳魚柳的炸層未會太厚, 做到外脆內軟. 粟米汁味道唔錯, 是一種港式味道, 亦唔少粟米粒, 正總結:3道小菜味道唔錯之餘, 份量亦相當唔少. 最可惜的是當晚的海南雞已經沽清, 下次再試

放工不想煮系列，首選一定是茶餐廳，今日就試了這間冰室。店員有禮貌、非常快帶入座，餐廳用qr code下單，非常方便。海南雞飯至愛海南雞的我，看到餐牌上有海南雞，所以就一定叫來試試。無骨雞嫩滑，雞皮夠簿，雞肉味濃，油飯味濃，夠油香。媽嗎喜歡這裏的小菜夠鑊氣，因為家裏做唔到，所以就一連叫了三個餸。京都肉排全家都愛酸酸甜甜的感覺，所以就叫了這個，果然沒有失望，肉排份量多，配上洋蔥和菠蘿，中和肉排的油膩感。咕嚕肉值得一讚，這裏的咕嚕肉一點都不敷衍，菠蘿是用上新鮮的，不是用罐頭。咕嚕肉的醬汁酸度剛剛好，肉炸得剛剛好，脆脆的外皮包裹著仍然有肉汁的肉。四季豆炒茄子食肉獸都要叫一個素食中和中和，四季豆炒得非常香口，配上茄子，足鑊氣，炒得很香口。冰室少不了特色飲品，紅豆冰及蛋白杏仁茶，紅豆冰竟然可以走甜，最適合我愛喝但又怕肥的人。蛋白杏仁茶媽媽至愛，杏仁味濃郁，喝一口已感受到滑順的感覺。

今日同老婆去屯門市中心行街，行到午飯都無食，極度肚餓，經過屯門金記，頂唔到啦，入去剧個扒做晚餐先。環境方面：裝修仲好新，好乾淨，冷氣充足👍服務方面：啲職員好有禮貌，仲好細心，食食下飯期間，有一對年長夫婦入嚟，坐咗個冷氣特別勁嘅位，個男職員即時提佢，同安排另一個位置俾對老夫婦。😍食物方面：呢間嘢中西式類似茶記嘅餐廳，有好多選揀，我哋兩個人叫左兩個西餐，加一碟例牌沙薑雞，逐樣介紹先：我食左西冷扒，5成熟，勁大塊，內汁多，一啲都唔韌，好好食，仲有好多薯條，食唔晒。😆我老婆食鐵板海陸空，有魚柳，豬扒同雞翼，老婆話，魚柳普通，豬扒入味，雞翼有孜然味，都幾出色，又係食唔晒啲薯條😌兩個餐都有跟餐湯，ok 嘅例牌沙薑雞，啲雞好滑，沙薑夠味但唔太鹹，好快食晒😆😆😆即磨咖啡，好香。總結：食咁多嘢都唔使300元，性價俾高，睇下相就知道，出食物速度亦啱啱好，有服務，可以再嚟。😘

今晚行徑屯門市廣場地下果層，見到呢度地方好大有好多位置好歡堂，就入去同朋友試吓，我哋嗌左呢兩份扒餐，扒餐份量好大一份什扒裏面有雞扒豬扒同埋炸魚，亦都有好多配菜，包括西蘭花仲有啲蕃茄，而且啲汁呢亦都係非常之香濃可口，可以揀薯菜啦意粉或者飯，我係選擇左薯菜嘅，另外呢我哋都嗌左一份七成熟嘅牛扒，嚟到之後，真係嚇咗我地一跳啊，因為呢佢真係厚切，同埋啲肉汁亦都係非常係鎖住咗喺扒裏面，亦都係非常之美味呀，十分之Juice我都係有西蘭花啦粟米啦做配菜嘅，加埋個薯菜呢，亦都係非常之係飽嘅，又熱又抵食又大份另外我就加$3叫左杯凍檸茶，我朋友就加$10飲佢地嘅特飲，就係蛋白杏仁茶，真係必叫之作，又補身又好飲所以非常之化算，之後叫咗碟油菜，呢個加$16亦都係非常之靚又好味，實在係回味無窮，另外我哋仲叫左個招牌公司三文治🥪 今晚真係好滿足

與家人到屯門閒逛，見到屯門時代廣場原來也開了金記冰室，就到來吃下午茶了. 餐廳面積很大，即使平日下午依然有不少食客，生意也真不錯~以QR code下單，實在很方便，而且桌上也放有一壼保溫瓶，可以隨時自酙熱水. 炸雞翼配沙律 ($38)/ 炸雞髀配沙律 ($40)家人選了炸雞翼配沙律，至於我則選了炸雞髀配沙律，炸雞髀不算大隻，但外皮炸得香脆，內裡雞肉也算嫩滑，配上酸甜可口的雜果沙律，有助解膩~鐵板西冷牛扒 ($102)跟餐奉送餐湯及餐飲，雜菜湯酸甜中帶少辣，內有不少蔬菜，酸甜頗開胃. 蒜蓉汁配西冷牛扒，切開後可見肉質仍粉嫩，牛肉不會過韌; 配菜的薯條炸得金黃，外脆內軟，頗好吃，如果薯條份量再多一點就更好~白灼菜心 (跟餐加配$16)吃了太多肉，雖要吃點蔬菜，跟餐的灼菜份量也頗多，而且相當翠綠亦夠嫩，$16/ 碟相當抵食. 法蘭西多士 (單點) ($29)炸得金黃的西多士，內裡夾有粗粒的花生醬，配上香甜糖漿，作為餐後甜品剛剛好.  紅豆冰 (跟餐加$10)紅豆冰選了少甜的，甜度輕怡，配上軟稔的紅豆，都幾好喝~食物選擇相當多，而且出餐相當快，難怪下午茶時段食客依然絡繹不絕.   屯門屯隆街2

屯門市廣場這間 金記冰室長期都要等位😅😅今晚見人少少，咁一於嚟試吓二人餐，座位都算多乾淨整潔，QR code落單，方便又快捷👍👍店員服務用心，上菜快，仲有自助茶水😌二人歺、四人歺，包人頭飲品、白飯、餐湯小菜選擇都好多，見到佢哋嘅事菠蘿咕嚕肉係招牌菜試吓先酸酸甜甜，熱辣辣有三、四件鮮菠蘿🍍好甜呀，仲有青椒做配菜，份量亦都唔少！肥瘦適中，肉質仲好充實添🤗🤗XO醬蝦球炒西蘭花蝦球好大隻，爽口鮮甜爽脆，XO醬好惹味，配西蘭花就一流啦　仲可以有咩最愛嘅凍檸茶老公最愛凍檸樂，晚餐來講每人$80真係好抵呀！

鐵板西冷牛扒 $102西冷牛扒勁大塊，未見過咁厚嘅牛扒，因為好厚，所以好生，熟少少好啲囉！！味道茶餐廳水準啦，鐵板唔係好夠熱，但薯條好脆好食。仲有兩舊西蘭花，仲一舊甜粟米！！整體都抵食嘅！鐵板海陸空 $92海陸空即係雞全翼，豬扒同魚柳，份量好多，食左隻雞翼同薯條都包左九成，建議唔好淋汁，點汁會好啲，要多啲汁應可以蓋住啲雪味。薯條好好食，配菜好好食。**扒類肉類重好雪味 可能要醃耐啲先得可選飯意粉或薯菜可選蒜汁 黑椒汁 洋蔥汁包熱飲 凍飲加$3加$15有菜芯菜芯好食呀，細細條，又淋又甜，仲好大碟喎！！遮遮服務都唔錯，茶餐廳黎講有笑容又殷勤，店舖又清淨，睇得出金記老闆好想搞好檔生意，用埋QR code落單，其實都幾方便。只係好多野好早都就賣晒，冇特飲冇甜品冇雪糕。

金記冰室今日放工即刻趕去同朋友去食飯，叫左XO醬蝦球炒西蘭花同埋魚香茄子魚柳煲，再加一份西冷牛扒鐵板餐。而咁熱嘅天氣，梗係叫杯咸檸七解渴降溫喇。 魚香茄子煲拎過來嘅時候都好熱，煲仔最緊要熱食，魚柳同茄子都好脆口，唔會煮到一pat pat，味道唔錯，值得再試。 XO 醬西蘭花蝦球好彈牙，蝦球份量非常之大，一啲都唔論識食材，仲非常惹味添。 至於鐵板餐，牛扒非常之厚，仲可以做到五成熟，茶餐廳嚟講，屬於難得知足，而且份量十足。