金記冰室 (海港中心)

营业中

休息中

金記本身擁有多間分店，但近期唔少金記茶餐廳分店相繼結業，今日試一試尚未結業的金記茶餐廳。去到茶餐廳，梗係要嗌一嗌常餐，當日就嗌咗呢個豬潤麵常餐，配炒蛋多士。豬膶麵份量唔多，豬膶細塊薄身唔好食，而且湯頭唔好飲，相比起以前食物嘅質素明顯差咗。而且豬潤麵上菜嘅時候湯汁灑滿碗邊，賣相亦都唔靚唔衛生。至於炒蛋多士，質素同普通快餐店相同，冇咩特別驚喜。最後跟餐仲有個熱檸茶，可惜嘅係熱檸茶遲遲未上，係食完所有食物口等多10分鐘先至有，令到整個用餐體驗都未如理想。希望餐廳之後會有所改善。

厚切午餐肉煎蛋飯。 份量大大碟。蛋可以選擇太陽蛋，煎蛋。 午餐肉有兩大塊，再加一條腸仔，飯上有少少豉油汁。 味道ok ，免費加熱飲。服務方面，因為9點半last order, 我地9點3先到，有少少趕收工感覺。總體來說，港式冰室。多選擇

===========================客家沙薑雞飯$84 包括中湯、熱飲1）雞選的雞較肥，脂肪仲多過啲肉沙薑調味味道夠濃，但汁偏鹹；其中一塊雞不太熟，見血水且肉不離骨2）湯中湯不過不失，有兩粒肉咁3）熱飲普通檸水，怕酸的人可選1片檸檬4）座位環境座位ok , 兩個人也可以坐卡位 ， 較舒適但四週放滿雜物===========================總結：唔算太難食但呢個價錢連雞都未煮熟係有啲過份

會展office,游客區，服務態度差到咁，野食遲遲未上，食完就已經俾職員提示用餐時間己過。香港飲食真係無得玩，服務差，態度差，環境差，金記多人食都做得唔好，唉，無得唔負評

去完美食展又攰又餓，記得附近有間金記，之前食過lunch 質素唔差，剛岩去到好快有位，經apps點了以下食物：1. 二人套餐 - 四川重慶口水雞 + 新鮮菠蘿咕嚕肉配油菜、例湯、白飯及飲品：2個餸份量足秤幾大份，口水雞肉質滑嫩，真新鮮菠蘿加上咕嚕肉大塊又夠脆，一食就知係即叫即製，口感好唔同，仲有碟油菜送，2人餐4個人絕對夠食。2. 川味回鍋肉炒烏冬：夠鑊氣、炒得好靚、夠乾唔濕，冇想像中咁辣，正....服務態度還好，上菜速度快，留意晚餐有限定時間用餐，讚讚讚!!!

【灣仔區】【金記冰室】同大家提過我有時要喺會展嗰邊幫手做嘢，冇時間食飯，好多時都係求其買便利店啲麵包、蛋糕就算。不過有時都仲有半個鐘至一個鐘食飯，去之前講過嘅 Triple O's 就多數都滿座，行遠少少去海港中心地下呢間茶記就好啲。今次同一個朋友去，佢話佢畀錢所以我就由佢揀，先揀到呢間。茶記好吖，選擇多，乜都有得食，價錢上又豐儉由人。不過我嗰日由於唔太夠瞓，加上係人哋畀錢，所以我都唔打算叫到太多嘢咁，都係一人一個午餐咁就算。我叫咗個 $76 嘅「白汁粟米焗牛舌意粉」，雖然我當刻冇咩胃口，但係都居然覺得佢幾好食。白汁芝士味濃，牛脷亦都又腍又香，唔錯。用 QR Code 落單令我夠膽叫「熱奶水」做飲品，不過飲落偏淡，可能水吧都好少整呢款。朋友食 $68 嘅「蔥油雞扒腸仔飯」加底，勁呀，果然係後生仔，極速啪晒個飯。飲品方面佢加 $3 飲「凍檸茶少甜」，不過件事太急，其實都唔知佢係咪好肚餓先食咁快，我估應該質素都唔差嘅。埋單 $147，只能講多謝晒。。。（地址：灣仔港灣道25號海港中心地下G4-G5號舖）

今天我去了金記茶餐廳，被他們多種多樣的選擇和實惠的價格所吸引。這家茶餐廳提供了豐富的菜單，讓我有機會品嚐到各種不同的美食。我選擇了一份經典的香脆炸雞配沙律，外酥內嫩的炸雞🍗讓我感受到了滿足。不僅如此，茶餐廳的價格也非常抵食。儘管提供了如此多種類的菜單選擇，價格卻相對經濟實惠，讓我可以在不花費太多的情況下享受美味的食物。今天的用餐體驗在我心中留下了美好的印象。一定會再去幫襯多一次食多次雞髀沙律餐。

下午四時多在會展看完旅遊展出來，外面又下大雨，近近地去了這間金記提早吃晚餐。兩人餐有湯，兩個小菜，一碟油菜，兩個白飯，兩杯餐飲，足夠飽肚。例湯，內有合掌瓜瘦肉，湯夠味道，又夠熱。新鮮菠蘿咕嚕肉，咕嚕肉炸得香脆可口，肉質淋滑，啖啖肉，菠蘿切大粒，甜中帶微酸，除了一般西椒、洋蔥作伴菜外，更特別是放了提子乾同炒，我喜愛吃提子乾，這種做法又很適合夏天吃，十分開胃。醬汁不過份，剛好掛上食材上。XO醬蝦球炒西蘭花，西蘭花賣相不佳，青青黃黃，幸好沒有破壞口感，西蘭花口感仍是爽脆。蝦球有五隻，肉質彈牙。蠔油焯菜芯，菜芯嫩綠可口。熱奶茶，夠港式，入口醇滑，茶味香濃，茶杯又夠創意。不錯。

每逢星期五都會同同事一齊食lunch,今個星期五我地決定近近地食下茶記，就揀咗公司附近既金記冰室。餐廳上餐速度好快，我叫咗吉列豬扒烏冬配黑松露炒蛋。黑松露炒蛋好滑好重黑松露味值得一讚，唯獨係烏冬比較硬身，可以改進一下。

今日中午同同事去食lunch, 大家睇完個menu覺得d價錢怪怪地, 應該加左價喇！(我地呢排差不多每星期嚟食1次)🤔返到公司再研究下, 發現同事手上外賣紙係2022年12月份嘅版本, 我手上嘅係2023年1月份嘅版本, 原來兩張外賣紙嘅價錢都已經有2蚊左右嘅差別。估唔到今個星期又再加價😵，加左3-5蚊左右! 即係半年內已經加左5-8蚊喇!真係有夠誇張呢！😵‍💫🙄有同事話可能因為通關後生意太好做唔切, 所以加完又加, 反正食得起嘅人都會繼續幫襯呢間分店😶

最近轉咗新工，係公司附近見到有金記。同事話上年先新開。lunch嘅時候一齊去試下。金記𣲙室嘅lunch有好多款唔同嘅嘢㨂，個人好鐘意乾炒牛河。所以完全唔諗梗係㨂乾炒牛河啦。乾炒牛河最緊要唔好太油仲要有豉油香味。佢炒出嚟都尚算有少少豉油香同埋唔太油，份量都好够嘅。如果炒得上色均勻就更好啦。同事叫咗個叉燒炒蛋。佢話個叉燒炒蛋幾好食。蛋都係嫩滑，叉燒都算半肥瘦，兩者配在一齊，味道啱啱好，算係正常水準高少少。價錢方面係算係正常茶記價錢。灣仔嚟講60幾蚊食個lunch算收貨啦。

朋友係灣仔呢頭收工知道呢邊開咗間新餐廳就一於嚟試一試😍估唔到除左環境舒適之外食物都相當唔錯😆.💎 $108 鐵板西冷牛扒外表好吸引既西冷牛扒🤩配上自選既燒汁牛肉吸收左醬汁味之後更加香🥳牛扒既肉味好濃郁，油花分佈平均食落好正🤣真心估唔到冰室都有咁好味既牛扒😍.💎 $72 XO豬扒炒烏冬份量頗多既炒烏冬豬扒好食 肥瘦剛剛好 😍食落唔會乾每一啖都好重XO醬香味有炒香左既味道絕對係惹味之選😋.💎 $48 金記三文治外表好靚又好好味既公司三文治配料亦好豐富😇有火腿, 蕃茄, 雞蛋, 生菜等配搭好fresh.💎 $45 鮮魚湯紫菜魚蛋河粉高質的湯河粉😎魚蛋同魚片頭都好大件同彈牙食得出十分新鮮而鮮魚湯湯底都好好味食完一D口乾感覺都冇🤩配埋紫菜同河粉好食.💎 $26 港式小食（春卷、咖哩角、沙律）一次滿足幾個願望既港式小食拼盤春卷同咖哩角都十分香口外層超脆 好好食🤣而沙律都好新鮮中和左炸物既油膩感😆.💎 檸檬水💎 香滑奶茶.

位置方便會展站港鐵及巴士總站乘客跑馬地 1M 直達掃二維碼點餐 週末人流不多 即點即到飯後可以到對面灣仔海濱長廊溜溜或乘港鐵東鐵綫 遊新界各地或灣仔碼頭 乘天星小輪到尖沙嘴