金記粥店

营业中

休息中

🔹️聽聞柴灣 “金記粥店”口碑唔錯🤔便去買外賣試試🥣🛍 到步後發現堂食和外賣也人流湧湧, 大受歡迎, 價錢超級親民💰店員姐姐也十分友善👩‍💼🔸️粥類🥣買了艇仔粥、皮蛋瘦肉粥、魚片粥、豬什粥, 粥底十分綿滑, 不多味精😋🔸️無敵炸兩🌯見到 ‘’無敵‘’ 二字, 禁不住買來試試, 雖然食不出無敵味道, 但油條也十分香脆, 腸粉皮夠幼滑👍🔸️芽菜豉油皇炒麵🍝豉油皇炒麵十分入味, 唯獨係少芽菜😅🔸️腸粉🫔熱辣辣、夠幼滑🤤

位於漁灣街市熟食中心, 環境尚算乾淨寬敞.點了皮蛋艇仔粥22元和牛肉炸兩25元, 好快送到, 份量正常, 粥夠綿, 足料, 炸兩油炸鬼夠脆腸粉皮夠滑, 牛肉就無乜味感覺唔太夾, 建議炸兩叫蝦米或普通, 整體算高質

___________🏖餐廳環境🏖___________ 金記粥店是柴灣街坊日常聚腳地，廣為人知的粥店，很多他區的人也會慕名而來，最多人喜歡的必定是炸兩和粥品。店舖細細，位於街市熟食中心內，與鄰近店家關係良好，可以購買自己喜歡的東西於店內進食。例如：朋友A想吃金記的炸兩白粥，而朋友B亦可以買B鋪的沙嗲牛麵在金記內一同進食。- _____________🍽食物🍽_____________🦐蝦米卷 $25推介指數 ■■■■■蝦米卷其實是蝦米香蔥腸粉跟油炸鬼的混合體， 腸粉淋滑，油炸鬼香脆，配合得非常好，而且份量很大，一份已經夠一人吃飽。🌶📝 光顧過大約六次，基本上有五次都有點蝦米卷，品質非常穩定（ 當然堂食脆度會更加好）沒有點的那次是因為時間太晏，已經售罄了。-🐷豬紅粥 $20推介指數 ■■■□□今次點的豬紅粥就略為遜色了，可能豬紅始終不是肉類，所以沒有肉汁令粥味道更香甜，就是正常白粥的味道。不過豬紅品質很好，不會一夾就散，而且有少許黏口，算是中等偏高的豬紅。但如果下次就會叫雙拼粥，搭一款肉類，必定味道會更佳。- _________🌶辣椒紙總結📝__________整體：🌶🌶🌶 環境：🌶🌶

慕名而來，聽講柴灣好正嘅炸両，就去試吓。金記粥麵位於熟食街市上，雖然粥店在街市上，但難得乾乾淨淨，老闆都幾有禮貌。呢款美食相信系佢哋首創，創意卷共三款，牛肉卷、叉燒卷、蝦米蔥花卷。試左「牛肉卷」$25正式系牛肉+炸両依三款卷價錢較貴，其他粥品比坊間平小小，慕名而來，聽講柴灣好正嘅炸両，就去試吓。當日雖然天氣熱但都吾少客人。牛肉卷即點即整，豉油另上。老闆再三強調不要將豉油倒落去牛肉卷，食先點！食前加上大量芝麻、甜醬，有埋麻醬就perfect。加左碎牛嘅炸両，老實講味道又冇乜特別，只係多左少少肉香，而油炸鬼仍脆，腸粉也拉得簿且滑，不期望過高，仍可以一試的。當日雖然天氣熱但都吾少客人。

之前都聽過呢度嘅腸粉好滑好好味今次特登過嚟食點知真係俾到驚喜我最鍾意係個叉燒炸兩炸兩入面仲有叉燒都少見，外粉幼滑，有米香入面條油炸鬼仲要依然脆嘅😋蔥花腸，再自己混醬都好正另外重叫咗碎牛肉粥，都好綿好味炒麵就一般般上菜速度好快，粥同油炸鬼一叫就到腸粉因為即做，所以等一陣都抵，食住等都唔覺佢幾時到雖然街市熟食中心入面都預咗環境衛生無咁好，但食物質素高所以都無失望

走入柴灣漁灣邨街市買餸煮飯前，我先上樓上熟食中心醫左我的五臟廟。上到2樓一轉右發現呢間粥品舗好多人，我二話不説即時坐低叫了一碗魚片碎牛粥和一碟炸兩。粥一上枱用匙攪拌一下，感到材料夠多，一吃上口感覺粥底好正美中不足是炸兩內的油條不夠脆，失了少少分

今日嚟咗呢度食午餐，呢度勝在環境夠大，我今日食左個皮蛋瘦肉粥，加糯米飯。嗰個糯米飯都唔錯，啲糯米煮得幾香口啊，同埋幾有口感，嗰皮蛋瘦肉粥就夠大碗。價錢總共34元，好抵食啊呢個午餐

今日去柴灣探訪一位老人家。 她每天均到屋邨街市內熟食樓層裏一間食肆進食午餐。 既然今日跟她見過, 那當然隨她一起去。那是較舊式的街市。 熟食樓層其實是「大排檔」格局。 顧客自己找位子坐下, 便有店員走過來招呼。 老人家每天來都會點一碗「皮蛋艇仔粥」。 我就要了一碗「艇仔粥」。 另外, 亦點了「咸肉粽」。 艇仔粥 : 粥底算綿, 但味道淡, 餡料份量一般。 皮蛋艇仔粥 : 只是艇仔粥加了皮蛋而已。 咸肉粽 : 咸肉粽的綠豆多一點較好吃, 這個綠豆不多, 肥肉不香, 所以整體味道也較淡。

食過好多地方既炸兩，始終覺得依度係最好食! 雖然係熟食市場，不過環境都叫企理。炸兩個豉油同個炸兩又夾，個油炸鬼本身又好食(出面食過一係太林，一係就脆到唔好食)。除左炸兩，我地都會叫多樣野既，我最常叫既係糯米飯，佢係個隻餸既糯米飯，得幾粒花生係面個隻，但係唔知點解我覺得好好食。或者我都會叫粽，鹹肉粽加糖都好食呀。不過我有次叫左炒麵就唔係咁好食，太林啦! 而今次我叫左個碎牛粥，無驚喜不過幾好食，下次去我會叫返糯米飯。

星期六日想吃中式早餐時, 除了飲早茶, 間中會光顧這家柴灣街市的老店。價錢比一般平民化粥店貴一些, 但因為喜歡這裡的食物, 也會不時光顧。環境則不太舒適, 畢竟時街市食店, 街市衛生環境一般, 此食店的座位清潔度亦算一般。但街市食店來說可謂不過不失。此店很有「街坊風味」的味道, 不論是食物還是環境, 都別有一番街坊情的獨特風味, 是現今不可能在連鎖食店體驗到的。這店的老闆有一項用頭頂著多碗粥的技能, 是這裡的生招牌。今次點了四款食物 (2人用), 分別是:艇仔粥, 豬什粥, 牛利酥 和 蔥花腸粉艇仔粥 ($18)用料充足, 有豬皮,、魷魚、牛肉、花生，並加上蔥花, 層次豐富, 口感多變, 味道很好, 粥亦不算太稀。豬什粥 ($18)有瘦肉, 豬肚等配料, 豬肚烹調得好, 不會太韌, 而且不會切得太大, 相對易入口, 粥亦綿滑。牛利酥 ($10)新鮮, 香脆可口, 砂糖的份量適中, 不會覺得太油膩。布拉蔥花腸粉 ($18)腸粉夠滑, 蔥花亦是腸粉的絕佳配搭, 令腸粉更美味, 腸粉皮厚薄適中。根據過往經驗, 繁忙時間有時會暫停供應。

《最愛的粥店》今日難得放假，同屋企人到漁灣街市1樓食早餐。每到假日，必定到金記食一碗粥，清一清腸胃。我最愛叫《皮蛋瘦肉粥》$18，性價比好高👍🏻已經好少可以用呢個平民價去食一碗粥，平時都要$3x🙈金記的粥好棉，食得出係煲左好多個小時先會甘👍🏻而且新鮮出爐熱騰騰👍🏻而且好足料，好多瘦肉同至少半隻皮蛋如果當食lunch ,可以叫埋佢即蒸的叉燒腸粉，因為好滑好好食，都係必點菜式之一👍🏻不過我今日就無叫😂難怪佢會十幾年都甘受歡迎👍🏻

週末放假秋意漸濃，經過樓下買送，當然上去熟食市場歎返個早餐🍴別有一番風味呢到既炸両真係超推介即叫即包，皮薄且滑，包住既油炸鬼仲會香脆鬆軟😍👍真係好脆卜卜，個豉油甜甜地(個人上比較中意甜豉油)，再加埋甜醬就一流了p.s因為友人唔食得，所以唯有叫一條自己食，一條炸両名“炸一“😂粥底細綿，味道唔錯，唔覺有味精味而配料都幾足，仲會有蔥同花生，中規中矩糯米飯又係我呢到必食之一飯底炒得好煙韌彈牙，又唔會太濕或太軟身，雖然係冇加臘味少左陣香味，但配上甜豉油都已經好惹味😋餐牌👇👇總括黎講: 味道質素中上，炸両同糯米飯絕對係CP值高👍👍🍳🍴味道: 8.5/10👩👨服務: 6.5/10🏠💺環境: 5/10💰💸抵食: 8/10總消費: $68 (2人)

今日感冒，諗住去食碗粥，9:30am去到，見近廚房位置有位，坐低叫左白粥炸兩。伙記落單後，因為感冒要食藥，於是叫伙記俾杯水，無幾耐伙記攞左一jar水同一隻濕嘅碗俾我，其間我同檯兩個食客起身埋單走人，當時檯面佢地食剩嘅碗碟杯等等未有人執。我見個碗濕，於是好正路地攞水洗洗，然後將d洗碗水倒落頭先走左嘅食客嘅一個杯到（呢個做法好正路，唔痛倒落地下咩）就係呢個時候，一個穿紅色T恤，企喺吧頭打荷位嘅中年伙記好大聲罵：「仲裝你唔倒，將d洗碗水倒落我個杯到俾我飲，#@#$% (下刪粗口)」我當堂打左個突！😰喂大佬，個杯擺喺食客檯，混埋其他走左食客嘅碗碟到，鬼知喺你嘅咩！你私人杯喺咪應該擺喺「私人」d嘅地方，你咁樣擺係人都會以為係客架啦！除非你專登擺喺到打盲毛搵交嗌😡當時我諗住息事寧人，就講聲：「唔好意思，唔知個杯係你，我以為係客架！」點知呢個「丁蟹」仲繼續罵! 我當時病到死下死下，就由得佢唔理，但我唔會再幫襯！😡呢間金記d野幾好食都好，但呢個伙記真係變態架☝🏻我唔會叫讀者唔去呢度，只希望大家小心呢隻經常著紅色短袖T恤嘅「丁蟹」

「由屯門跑到柴灣都要食？」😱無錯！！因為，餐牌真係咁寫嫁！😂😂#無敵炸兩，一碟賣到$18到底有幾巴閉有幾無敵先👀無敵腸粉 $18即叫即包，腸粉皮薄又夠滑，包住油炸鬼仍然保留香脆鬆軟口感🤤重點來啦，原來係#極品豉油！甜豉油真心正，都真係稱得上推薦的招牌，正呀喂🤤至尊蝦米腸炸兩 $23$18炸兩份量已經夠大，而這個蝦米腸炸兩簡直係海量🤣🤣大到上枱真係嚇左跳🤣🤣一如炸兩嘅好食，仲要加多左蝦米倍添香氣！😍好想講，蝦米大大粒一啲都唔「米」😂總括說，炸兩的確正，住柴灣的朋友真的可以一試😋不過粥品相對較失色啦！皮蛋瘦肉粥$18，但粥底未夠綿密，皮蛋不是溏心，個人偏好食粥首選都係食灣仔的#忠記粥品 ！！🤤

今日做個孝順孫，陪阿嫲去逛街市買阿婆衫，並專程帶阿嫲上街市的熟食中心吃早餐，雖然要同老人家行樓梯上一樓有些不便，但好彩只是一層樓，她也應付到。阿嫲點了魚片粥及綠豆糉，她的意見是「粥底幾好，魚片冇骨，糉很綿很大隻、但豉油太甜」，我叫了艇仔粥及炸両，很開心炸両內的油炸鬼還是脆的，近來除了在貴價酒樓內可以吃到脆的炸両，在平價粥舖中吃到甚是驚喜！雖然老闆落單時有些心急會令要慢慢選擇的人覺得緊張，但堅要讚的是他們的記憶力，在隔離檔點單的客人他們也不會錯單！