金都海鮮酒家 (環翠商場)

营业中

休息中

接近年底, 友人建議聚餐。 聽說有一間酒樓數月前開張, 在柴灣港鐵站附近, 地點可遷就友人, 便去試試吧。星期日晚上六時半, 我們一行四人到達酒樓。 可能時間尚早, 酒樓客人不多。 看看餐牌, 價格也合理。 我們向侍應示意欲點菜, 侍應一走過來即介紹海鮮。 我們明確指出不會點海鮮後, 便說出我們想點的菜名。 點了三道菜後, 侍應又再次介紹海鮮。 我們示意不會後, 繼續點其他餸菜, 但要我們再三重覆 令我們覺得他們有點兒硬銷了。 薑葱火腩生蠔煲 : 蠔經過炸, 所以蠔邊有點脆脆。 再與火腩一齊經薑葱煮一煮, 頗香口。 這個生蠔煲做得不錯。 金莎海皇豆腐煲 : 金莎即鹹蛋。 除了豆腐, 只有少量魚肉碎和魷魚段。 沙爹金菇牛肉煲 : 金菇很少, 牛肉尚可, 粉絲量頗多。 味道一般。 蝦醬翠玉鮮魷煲 : 鮮魷味道是可以的, 不過不失。這間酒樓環境還可, 桌椅分佈也算鬆動。 服務質素就一般了, 希望他們可改善一下。

元旦日一家7個人來飲茶，叫咗18個點心，來咗7個，叫人問咗，話要等，再等足半粒鐘，先發覺其它落漏單，同一張單都落漏，好离譜！唔好意思都冇聲，前後等咗成兩粒鐘，真係成肚氣！

裝潢看似不錯，所以一試。食物極普通都算，因為屋邨酒樓都只係求飽肚。但千萬不要試的原因有二：第一，落單後無貨，一直都無人通知，直到追問先話賣晒。第二，後加的食物忘記落單，直到追問先加單，等左好耐好耐，決定唔等埋單。點知忘記落單的侍應仲好惡地行過來鬧你，好惡地問點解你唔等，仲話炒河要等二十分鐘以上好正常😦 （補充：用餐時間是晚上近九時，只有少於十枱客）可能只是某侍應的問題，但個人感覺服務真的差到無話可說。

附近新開海鮮酒家，我們一行四人，見酒家推介阿拉斯加長腳蟹，打算秤一隻4-5斤的，但侍應說最細隻都6-7斤，便秤咗一隻6斤的，用花雕蛋白蒸要十$100,再叫了一個菜和一個咕嚕肉，但上枱那隻蟹的size和所揀選的很大分別，又無肉😥，埋單要$1460,冇下次😤

原以為諗呢間酒樓新開支持支持一下，見門面好似唔錯，希望係柴灣多個選擇，價錢都中價。不過家人試過話唔好食，我就唔信去試咁就中伏，點心無樣得....鮑魚腸粉 鮑魚燒賣 水平以下腐竹卷 難食菜心 正常我同媽媽兩人被安排，同5對人 一齊坐係12人枱，10人坐12人枱 ....大家唔識嘅情況下真係好逼，好尷尬，有人唔滿意一直嘈 又講粗口，真心坐得唔舒服，原先如果點心好食的話，我都算數，事與願違⋯⋯只此一次。希望呢間酒樓會改善一下點心味道

衛生環境都算乾淨服務個別錯 (有個男嘅應該係經理，會同我哋講下笑 幾幽默 而且 會幫我哋拎食物盒，態度亦不錯) ; (有兩個女嘅態度有啲差)酒樓裝飾得不錯乳豬下的熱石能令乳豬上菜時都還熱，味道亦不錯烏冬太咸，龍蝦夠入味天絲花姿球 雖粉太多但幾好味條魚幾滑，但有啲細條飯，一圍得咁少，只食到油味但飯冇乜味！由於係擺宴所以有半價優惠！總括：！喺柴灣酒樓之中，呢一間算係最好嘅酒樓之一！！！！菜式亦比較特別！！！都值得試食

2018年11月7日，本人一家到此酒樓飲下午茶， 怎知D食品全部都是垃圾非常難食，尤其是蝦腸粉，D蝦好實一粒粒又細，完全都唔似係新開一間酒樓嘅出品，本人埋單之後，打算叫個經理埋嚟話俾佢知，佢哋啲出品好唔掂，提供一下意見，並不是想退款，但係等咗好耐個經理都唔肯行埋嚟，求其搵個二打陸一行埋嚟我度同我講，你唔一早話畀我哋聽，此句後就不了了之，總之一句呢間嘢垃圾千祈唔好去。

夜晚8點，晚飯時間叫十款菜，有8款冇!服務態度差，食物份量還可接收，食物質素係超差!!超差!!超差!!（重要既事要講3次）仲要每次叫侍應過黎等好耐都無人理，感覺真心唔好真心唔會再去!

新餐廳，乾淨都算乾淨，服務都唔錯。上菜速度ok~ 可是食物質素就....真係可一不可再。我唔係成日飲茶都食得出低質～馬拉糕質地好似海綿咁鞋炒飯飯又無味，肉同飯味分開...一口豆腐個皮好似笑口棗咁硬酥炸魷魚係酥炸魷魚干，魷魚好干，初初睇個樣真係估唔到係魷魚..好似炸軟殻蟹～芋頭糕芋頭唔稔，個皮煎到好硬...燒腩仔肉好鞋...皮都唔係脆，大約10件～叉燒腸粉無咩叉燒另一隻與別不同腸蛋散蝦鮫算正常分量極少...決定應該唔會再黎～