金都海鮮酒家 (環翠商場)

营业中

休息中

大閘蟹季節，見到金都酒家有$38一隻大閘蟹晚飯去試試。大閘蟹：大概有3.5兩一隻，員工介紹全部是公蟹。蟹蓋和蟹鉗都有蟹黃，吃下去有甘苦味，員工說是正常的味道。吃完蟹後記得飲薑茶軀寒。欖豉香酥骨：炸得酥脆可口，香氣四溢，加上有甜甜的醬汁爆炒，每一口都是滿足的享受。一碟的份量也不少。清蒸東星斑：大約一斤，兩個人吃就剛好，蒸煮時間控制得好，魚肉鮮嫩，保留了魚的鮮美，配上簡單的調味，突顯出食材的高質量。蒸魚的魚豉油撈白飯是另一種美味，懂吃得人自然懂😎

中秋叫半圍餐. $3188 一圍 12 位. 6 個人落半圍. 食食下睇單，寫住 3188/2 + 100. 問伙記，話要半圍要加一百蚊！？ 落單時你唔講？！個雞絲生翅乜料都無. 無嚟味道！都開左咁多年，係時候轉第間做啦.

1：30 拜完山一家人諗住坐低飲茶，門口知客冇反應直入諗住自己搵位。 跟住知客畀咗張單點心紙畀我哋但係冇枱號。搵咗三張枱三張枱都話唔坐得。跟住 問啲侍應佢哋態度極差同埋懶懶閒。返出去同個知客講話究竟想點？係撳飛？輪籌？定係自己搵位？ 佢話唔知跟住嬲到冇飲。。 不知所謂啲吉枱其實愛嚟做咩？？？

拜完山，飲茶食點心，又貴又難食，一定冇下次，不知所謂的食物。通菜冇腐乳，蝦角冇沙律將，牛肉球冇give汁。好差。食物又不熱，士應態度差。 近呢幾年，冇一間差過這間了。

我哋朝頭早去金都海鮮酒家飲早茶，喺我哋點餐嘅時候，發現咗餐牌有「蒸」薄撑，我未試過「蒸」薄撑，所以就嗌咗「蒸」薄撑。等咗半個鐘之後，發現仲未上菜，於是就問酒樓嘅員工叫佢幫我哋印張單睇吓有冇漏單。我睇完之後，發現冇漏單，但又我點嘅「蒸」薄撑，變咗「煎」薄撑，我即刻問店員點解「蒸」薄撑，變咗「煎」薄撑，佢就話佢嗰度冇「蒸」薄撑，只有「煎」薄撑。佢仲話餐牌打錯咗。打錯咗都唔係問題，但佢哋不但態度唔好，而且根本沒有跟進。呢個都唔係最大嘅問題，最大問題係，我哋11:11落「蒸」薄撑，去到12:20仲未有嘢食！等咗超過1小時九個字都冇嘢食！喺呢1小時期間，我已經多次催促呢度嘅員工，起碼超過2次，但兩次員工都係叫我哋：等等啦！整緊㗎啦！但1小時超過45分鐘都未有嘢食，我相信他們不用1小時45,才能整一份煎薄撐。今次的進食非常之失望，我下次也不會再來了。

6人都係9xx，抵食。仲有星班、雞及其他海鮮。有酒及甜點。我最愛豆腐帶子好食及新鮮和滑。環境衛生。有支啤送花生。忘了影甜點相，因為除了有糖水，仲有熱呼呼嘅薑汁紅棗糕

嬲到爆！有分量少到，一定要在OpenRice  發表意見！留意，白飯是本人要求少些，這是我接受和同意的。但！！！！重點是沒有要求餸的分量少！豬扒只有兩條。。。菜心只得8條。豬扒只有兩小條。。。我用正常有禮貌的態度問姐姐：豬扒可唔可以多少少？姐姐勁悪:  「係甘架啦！要唔要呀？唔要可以唔要！」。。。連珠炮。。。我只笑笑口點頭，無答了。  但我以後都唔會再光顧！平日我去光顧時，他們的態度都很差很差，但會嘗試理解，可能他們太累太忙。但今次真係過份，不用這麼沒禮貌吧？我只是輕輕問一句。。。「係甘架啦！要唔要呀？唔要可以唔要！」

第一次到這家酒樓，本來諗住山長水遠過到黎好好歎番杯。一入到去，企位只遞張卡同茶包，乜都無講，咁我就自己揾位，揀左兩座位卡座，啲碗碟已經超污糟。職員問我幾多位，我話一位，佢就話一位唔可以坐卡座，咁我就話你計我兩位，到我點野食，我先點兩個點心，因怕凍晒。另一職員行黎又問我幾多位，我話一位，你地已經計我兩位茶錢，佢話計兩位茶錢都唔得👎真係一肚氣，晨早火都黎😡😡😡😡食物都次要，咁嘅服務真係超劣😤我唯有同佢宣傳下，一邊食，一邊聽到啲人鬧爆。

年廿九一早忙忙忙，忙到宜家有時間去買午餐，本想買兩餸飯，但行到金都海鮮酒家，這店有兩餸飯又有點心小炒，不用周圍都找，好方便見D點心好正，最終買咗點心兩盅飯兩籠點心蒸鯪魚球$18大大粒鯪魚球，好有魚味又弹牙，正棉花雞$24雞件好滑好味，但若去雞皮，會更好；魚肚略細件鳳爪排骨飯$25鳳爪拼排骨，真的好夾，排骨大大嚿，不用加鼓油都好有味(蒜蓉豆鼓)，亦都不會太咸，正(有梅香)咸魚肉片飯$25 一開盒，陣陣咸香魚加豬肉味，令你的食欲大增梅香馬友咸魚入口即溶，D肉片吸收咗咸魚味更鮮味，唔洗一陣便食曬

其實香港地有食客爭執或者廚房佬在廚房做野大聲爆粗傳到出店面早已見怪不怪﹐但今日下午去呢間金都飲茶有個阿叔伙記大聲爆粗鬧其他同事長達數十分鐘﹐而且理由似乎只係責怪同事偷懶﹐一路食野要聽住佢爆粗響徹酒樓鬧人都幾影響食慾﹐最恐怖係另外又有個執野阿叔直情一路推住餐具一路沿途爆粗鬧食客﹐X你老X此起彼落未停過﹐呢一刻我相信在場食客同我一樣情感上已經唔係憤怒而係恐懼﹐只想快D埋單走人﹐並且保證以後唔會再幫襯。經營一間酒樓卻對客人用餐情況懵然不知任由狂躁阿叔去趕客﹐咁唔單止呢D員工有問題﹐成間酒樓經營方針都有好大問題。

天氣開始轉涼啦！在寒冷的天氣最適合食暖笠笠既海鮮🦀呢隻長腳蟹🦀 大大大大隻😱😱😱全身啖啖肉🦀 又鮮味🦀 正😋😋無論是清蒸、凍食或熱炒，都令人趨之若鶩😎

平日夜晚收工，一同四人去哩間酒樓食晚飯，每樣小菜又咸，又難食份量又少，哩間嘢厨房師傅真係唔知係邊度學師，服務態度又差啲人都唔知返黎仲乜嘢行行企企，落單扮聽唔到，埋單600百幾一路食一路火滾。都唔知點解仲可以做落去。金都要加油千祈唔好執笠，平日夜晚收工，一同四人去哩間酒樓食晚飯，每樣小菜又咸，又難食份量又少，哩間嘢厨房師傅真係唔知係邊度學師，服務態度又差啲人都唔知返黎仲乜嘢行行企企，落單扮聽唔到，埋單600百幾一路食一路火滾。都唔知點解仲可以做落去。金都要加油千祈唔好執笠，

👉今日又嚟柴灣探朋友，要飲茶～友人會揀呢度。本來諗住普通飲茶食點心，都係嗰啲嘢冇乜好寫，點知食食吓，職員嚟sell麵包蟹，話今朝啱啱到 ～ 環顧四週都冇人叫過，冇sample睇驚中伏🤔 ～ .👆我哋商量中，職員就叫我去魚缸睇吓⋯⋯又好似幾🉐️喎，又大隻又生猛，就叫一份試吓😬📌法國薑蔥麵包蟹🦀 （送粗麵底）$168 ～ 麵包蟹蟹蓋好似隻碟咁大，尚算多糕。📌蟹肉全部經過走油，肉質又爽又甜。粗麵索盡蟹味，配上薑蔥同吃，滋味無窮⋯🤤📌粗麵索盡蟹味，配上薑蔥同吃，滋味無窮⋯🤤📌流心奶皇煎堆仔 $24.8 ～ 上枱已經微暖，雖然仲脆，但已無「流心」狀態，奶皇少甜，入口唔會太膩，概念特別，唔錯✅📌雞絲炸春卷 $23.8 ～ 雖然微暖脆口，但餡料只係一堆肉，冇菜冇蔥冇誠意，可以忽略😞📌其他點心都味道正常，價格相宜，可回頭👍

今晚唔想返屋企煮餸，唔知食乜好，剛剛好經過環翠商埸。見到金都海鮮酒家，於是去望望餐牌，發現有一個三餸三飯套餐，仲要係即時煮的，就即刻Order三個回家做餸。今次叫了紅燒野菌豆腐丶魚香茄子煲及椒鹽焗豬扒。等了大約半小時，終於可以取走了。味道唔錯，熱辣辣，好有鑊氣，是可以滿足的一餐需要。

當日星期六拜完山中午一行6大2小(3歲),收足8位茶$都算🤬,期間分2枱坐,各自都來了冇點過嘅點心,後來埋單16籠要$590😤,仲要食D好普通點心,完全唔係咩貴價野,蝦餃1籠,燒賣2籠,其他只係山竹牛肉,煎腸粉,蒸竽頭糕,潮流粉果呢D,即係平均要30-40/1籠😠,搶$定掠水揾苯,總之冇下次,只係屋邨酒樓,我以呢個價去高級酒樓好過啦！最好笑我哋分2枱要求分枱埋單話唔可以,一定要一齊埋單,咩道理😡,你卡都開2張,枱又分開得遠,咩理由要一齊埋單😠