金銘潮州粉麵

营业中

休息中

實在太誇張 服務態度唔好之餘要多一細兜辣油 竟然要三蚊你去銀行打劫好過啦 幾萬個三蚊可以搶良景 金銘 實在太差係唔係要檢討服務態度連咁少辣油都要賺多三蚊實在太離譜次次要多一兜都冇講要多三蚊突然間話要收錢 離譜到頂

好耐冇幫襯金銘，對上一次去食已經係佢未搬之前既事了，果時我仲係覺得佢同唐記係稱霸屯門既兩大粉麵鋪，但今日試下去新鋪食午餐，結果...好失望舊鋪同新鋪最大既分別就係新鋪轉左做埋其他茶記食品，唔似以前淨係賣粉麵，但質素完全強差人意，以前未落條橋已經聞到陣陣香味，宜家冇香味不在話下，一入門口就聞到好大陣唔知咩黎既臭味，勁趕客!求其搵個位坐低之後我循例叫左碗牛腩河，等左十分鐘先上到，中途因為人多叫我轉枱，但阿姐就送返去原本張枱...搞左一輪終於有得食。碗野望落同一般既差唔多，飲左啖湯已知唔對路，完全冇牛腩湯果陣香料味，唔知佢係唔記得加膽汁落去定係已經成個湯底轉左，唯有自己加醋同辣椒油調味，牛腩就尚可，有牛腩香味但炆得唔夠淋，河粉就落足，夠一個午餐既份量...整體黎講完全唔及未搬之前既質素，仲要加左價，$29淨係牛腩河，加豆漿仲要成$10...之前三十蚊已經有埋豆漿，唉...做生意絕不能將貨就價，否則只會令客人唔會再幫襯你。

呢間麵店係金銘大廈地下叫金銘潮州粉麵一d都不足為奇。奇就奇在佢d面真係好得,真係宵夜首選。閒日(星期三)夜晚十一點黎食都未關門。牛腩麵更加係我覺得咁多款之中最好食,腩肉多,湯夠濃,加埋比正常份量更多既麵,牛腩仲要好香,實肉又好食,真係無食錯宵夜。

今日同一大班朋友黎食宵夜。見到餐牌就知呢到唔係一般既牛腩麵檔，因為佢竟然有得揀唔同部位既牛腩，例如牛坑腩/痴根腩。我就要左坑腩麵。坑腩十分爽口，唔係煮到爛晒果啲。麵好彈牙，湯底都唔太味精。我地另外叫左通菜同生菜，配既腐乳幾好味；炸魚皮，點湯食一流；豆漿，好有豆味，唔會太甜。因為半夜冇咩人，坐得幾舒服，啲侍應姨姨都唔會趕頭趕命，幾有耐性。

金銘遷到大鋪後第一次造訪，店大了三四陪，兼賣粥、泡飯和茶餐，細看菜牌，竟有豬什泡飯，意無反故即叫。送來的冒着白煙的泡飯，因叫扣底，未見飯，熱湯浮着生滾肉片、豬心、膶、心、肚和粉腸各兩件，幾絲芫茜，外加的青葱，撒些胡椒粉和辣椒油，湯鮮燙，豬什和肉片淥得恰到好處，鮮滑嫰，飯粒粒沒煲爛，十分滋味。

有時搭巴士放工去屯門果邊都成十二點，宵夜又唔想食熱氣野，金銘就系開 係好選擇 細個最鐘意係食魚蛋河，大個反而鐘意食米粉 (廢事肥啊，冇乜quota )。雖然只系20多元，但童叟無欺　份量非常足料，四粒魚蛋、三塊魚片，而且米粉份量仲不少添。佢既魚蛋非常爽口彈牙 ，非常好食，好比一般街邊果種粉粉的口感。我仲特地加上少許腩汁，此湯底十分香濃，所以有時我都會食牛腩麵 。呢度一碗麵唔過30元，呢種小店買少見少 ，希望日後既日子仍能幫襯

這是一間香港有特色老店, 也是一間有街坊情的潮州食店. 十幾年來每個星期總會來吃上一碗牛雜面, 味道十年不變, 自制湯底加牛雜好好味. 水餃也不錯,份量十足. 老細話魚蛋是自家出品, 我試過,也是好好味. 希望香港如此好味的食店能夠繼續下去, 把香港文化保留下來.

記得細個20蚊一碗魚蛋粉，通脹關係而家隨意食間粉面都接近30蚊，但金銘魚蛋粉25蚊有找，同埋其實佢既魚蛋粉好出名，鋪頭都貼左好多雜誌既圖！我本身鐘意食牛雜，但次次去金銘都會叫呢個魚蛋粉，因為佢既白魚蛋真係好彈好好味！！必食推介！

十多年前每逢想吃牛什河金銘都是坐亞望冠之選。過去數年已仙遊的蕃茄米線長青的麻辣米線新進的豬大王總搶了金銘的光芒，我也好久沒吃他了。始終如一祇吃牛什河，牛肚牛肺牛粉腸牛膀十多件，河粉還夾着些通菜，灑些葱花辣椒醬，冒着煙吃一口，原應很滋味，可以哇啦哇啦五分鐘內吞噬湯也喝清，但我們結局是斯斯文文各自吃剩少少，是我們不餓還是胃口轉了？歸途上努力研究，都相信是牛什和湯頭少了從前那無以名狀的惹味。可惜。

今晚宵夜去到屯門其中一個宵夜區（紅橋），紅橋最出名既餐廳一定係依間粉麵店，附近有大量既錶位泊車非常方便渣車人仕。泊底車後行入舖坐低叫左個牛什河，店內只有唔過廿個位，所以好多時都要坐街。    三分鐘後，牛什河到步，望落去湯底比一般腩汁湯底深色，食落口，牛膀一d都唔粉，湯底比平    時既什河濃味，河粉好彈牙，總括黎講就係好食，閒外話，依到既店員做事較爽快，所以好多人會覺得依到店員無禮貌，就我個人認為無問題，食碗街邊麵你想比咩服務呢？

這是傷心的一天, 很難接受一個很愛的親人一響不響的離我們而去, 心中豈止不是味兒。這種傷心與不爽沒有跡象, 但腦中卻只有一片空白, 和接下來照料往後事件的盤算。當日吃過了午飯後趕回, 處理了事件, 其實不想回到工作崗位的。可是心知工作的重要與責任所在, 而且現階段亦做不了什麼, 所以決定回去。個人回去雖易, 可是心中久未平伏壓抑著心情, 只好吃東西發洩。結果來到了這家從讀書時代也已存在的粉麵店, 猶記得年少時的宵夜光景。坐下, 沒多想就點了個肥腩金錢肚米粉, 還著師傅多點腩汁。老實說, 雖然點的是肥腩, 但是師傅用肥帶瘦的搭給我, 肥的又甘香又滑, 雖亦未炆得夠稔。瘦的就略略硬了一點, 而且還有點黏牙。金錢肚爽口, 有嚼勁, 來得大片一點, 需嚼耐一點。米粉水煮時間不錯, 不會太淋, 亦不硬。而且加上了腩汁, 濃口美味, 加點辣油就已足夠有餘。雖然這店並非什麼牛腩名店, 但作為一家街坊食肆, 而能在同一個鋪位一段數以十年上的年期, 絕對不可太差吧!! 如果真的要分辨的話, 他們只屬於中挺水平, 不會失望, 同樣亦不會有多驚喜。

首先, 我想聲明我係住在附近的老街坊...以前呢間野真係唔錯的...而家簡直不知所謂!!!我今次真係忍唔住特登開個ac黎評論的.講左服務態度先, 果個戴眼鏡既女人服務態度真係不予置評.差到我都唔知可以講咩, 平時都唔多想理人咁以前晏晝明明有個比較粗聲粗氣既女人係到...而家唔知係咪調左更果個服務態度好過呢個女人多多聲!!!!好啦講返今次, 我叫左碗魚蛋河, 講到明要加腩汁同冬菜我叫果陣講左一次, 拎果陣再講多次, 問佢有冇加到, 因為有哂前科...佢仲大大聲話加左啦, 有架喇, 好不屑咁.返到家一睇, 冇加腩汁同冬菜之餘連汁都冇乜d魚片同魚蛋係幾彈牙既!!!但個湯清到不能再清, 完全無味!!!先唔理d汁唔係個女人負責, 但冬菜係要經佢手加的.咁點解佢要話加左呢我今次連落去叫佢地加返都廢事了..因為我唔會再去幫襯呢間野!!!! 講大話+服務態度差!!!!!

好日也不會來屯門，見是日要入來有點事要辦，就當然在這兒吃午餐，才出回市區，是日想試的兩間店子都在這附近，決定先來這一所腩店。幸而那時天氣仍冷，店內基本上沒什麼冷氣，數張圓枱也如一般的粉麵店，永遠是不會坐得很舒服，都是快吃快走好了。本人貪吃，又想吃牛雜又想吃牛腩，所以通常也會點牛腩牛雜河，此店既然以潮州粉麵自居，那其湯底一定有很濃重的鹵水香了吧，可惜的是湯頭已不見得深色，喝起來這湯底腩汁的滷水味真的不太強，真的有點叫人失望。牛雜也是來來去去那幾位成員吧，牛腸挺為彈牙又帶點脂肪香；牛肺軟滑彈牙而不血腥；金錢肚也如是，有嚼勁真不錯；牛膀好像不太夠粉膶，不過至少不會有血腥感，但那個鹵水味也許真的太薄。是日的牛腩有爽腩供應，爽腩個筋肉位真的吃得人很爽，非常之有嚼勁，這當然一定會比大利的好，個人認為更是要比上環生記的還要好，但個人心目中的第一爽腩仍是華姐的。河粉軟身帶點點米香，如果能再滑身一點，再加個濃味一點的湯，那就更棒了。唔太那碗是雙丸米，吩咐了加色，不過吃起來仍是淡茂茂的，米粉只能說是不粉爛，入口不順不滑。雙丸其實是普寧肉丸加魚蛋，普寧肉丸即是豬肉丸吧，吃起來又是沒什麼味，腍腍的一粒肉球，沒

以前細個我住呢頭成日幫襯佢以前真係好好味, 個湯底又正事隔數年再返來食, 嘩完全唔同左, 個湯底超多味精完全唔掂!!都唔知點解會變成咁, 以前間野真係出名好食, 但而家同外邊12蚊一碗o既冇分別.........我以後我都唔會再幫襯

次次經過金銘未到門口都嗅到香嘖嘖既牛腩香味我食過好多次,佢d牛腩都炆得好香好淋,湯底清香,牛什都ok仲有d牛根炆得好林又好重膠質,正仲有我好鐘意食佢d魚餃,好好食