金門荷香籠仔飯專門店

营业中

休息中

用咗openrice 咁多年，第一次寫食評就係要鬧爆人話說下午路過見佢有蒸魚飯，晚飯就去叫咗份外賣龍躉蒸飯，兩個點心，一個“燉”湯返屋企食。返到屋企一打開盒飯，全部都係骨同皮，挑哂全部都唔夠一兩魚肉比阿仔做晚餐。龍躉皮都唔係話唔食得，但係佢連最基本嘅刨鱗都唔刨，每一口都攪到成口鱗，點食呀？我唔係叫蒸魚骨飯喎！連埋個盒仲要收人成舊水兩個點心，一般的貴，冇嘢好講個所謂的“燉”湯，同普通茶記例湯冇分別，但係收你4草，啱唔啱飲就見仁見智如果你見到我本人，以上每一句都必定加入廣東話的精髓。成餐飯兩舊幾水買個經驗，“冇下次”

夜麻麻唔知食乜好，搜尋之下見到呢間籠仔飯餐廳收凌晨12點，好肚餓一於入去食啦！女服務員好熱情，一定要開茶位，我點咗滑蛋牛肉籠仔飯，等咗大概15分鐘終於上菜啦！好大籠，好大舊牛肉餅和太陽蛋，好食！😋食完仲有甜品桂花糕送！正啊！🤩

媽媽在中山食過陳村粉，在香港比較少地方有得食。 今日帶她來金門回味一下，我地叫佐“龍躉陳村粉”和“煎芋絲餅” ， 2樣都好好食。 店員幫我地陳村粉的鼓油另上，喜歡放多少就放多少，好細心。我地比較喜歡放好少鼓油，因為這樣先食到魚的自然味道。陳村粉好滑，好食。煎芋絲餅，芋頭絲脆脆的，煎的香但不油，好色。還有煎釀虎皮椒， 蒸釀魚肚都想食，但今日兩樣嘢食已經好飽，唯有下次再來食啦。不時有熟客到店，聽說開佐好耐，應該出品不錯先可以做咁耐。我地下次再來！你呢？經過路過入去試試。：>

黎呢度嘅主要原因係因為屋企老人家話之前喺附近經過 見到有間蒸飯 所以今次再過嚟元朗 想黎試一試 本身一入門口 已經見到店面感覺有啲污糟 地板多污漬 見到店員用毛巾抹過嘅枱面係肥淋淋 即時觀感已經唔係幾好 但因為費事老人家再周圍走揾嘢食 所以都係選擇坐低 安置左兩位老人家之後 我離開左間店去接另一位家人 翻到鋪頭 知道兩位老人家已經自行落左自己份量嘅菜式 因為佢哋食得少 所以只係叫左一籠廚師推介嘅梅菜扣肉飯 同求其叫多碟菜 而佢哋應該都係只係見到牆上大大隻字貼住 所以先叫 同埋佢哋因為太老 睇唔到清楚菜單 係用口頭方式告知店員去落單 過左大概10分鐘之後 我同另一位家人翻到間店 開始落我哋想食嘅餸 我哋叫左六小碟 春風得意腸 班蘭千層糕 同椰皇燉鮮奶 店員過左兩分鐘之後同我哋表示無哂椰皇燉鮮奶 問我轉唔轉熱雙皮奶 我心諗 可以賣晒 咁應該質素都唔差 點知一上到枱 嘩 皮都無層 普通奶凍咁 算啦 可能味道OK 一食落口 面頭只係稍暖嘅温度 底層係凍嘅 仲要係好大陣大陸假奶味 係有陣似鐵銹又唔知點形容嘅味道 呢個時候已經距離兩位老人家大概有半個鐘嘅時間 老人家見到我後來先上岸已經有些少不滿

元朗最難食並沒有之一， 千萬不要中伏！！！叫咗外賣 ，- 叉燒腸， 粉張厚餡料是唔得少量肉碎，感覺成日團粉入口. 龍躉陳村粉， 全部喺魚頭魚尾魚骨部位一啖肉都冇， 而且就算用蒜蓉蒸咗都係有好大魚腥味， 陳村粉厚到199一啲汁都過。。。 真係食過吏上最難食並沒有之一!桂花糕, 應該唔會中伏但完全冇桂花清香味, 結論係叫左2XX 外賣， 食咗啲空氣落肚全部嘢食咗幾啖 難食到食唔落, 從來未試過元朗原來有咁差嘅食肆。 千祈千祈唔好中伏！！！

突然下大雨，想找地方避雨，見這間餐廳有位，入這間餐廳食午餐，順便避雨💞雲耳滑雞籠仔飯😭 $48可是招牌籠仔飯🥲，第一次上台時，吃下去是霉的，米飯有酸叔味，立即叫店員姐姐換一個，第二個飯就正常好吃，份量大大份💞點心✅️點了蝦餃 $34、燒賣 $32、咸水角 $25、粉果 $25每一款點心都唔錯，而且大件份量多💞天麻川芎白芷燉魚雲湯✅️ $55材料都足料，味夠濃郁💞環境😭比較骯髒，枱椅都有黏黏的感覺每位茶芥$10

最正就係 “ 荷 葉 蒸 飯 ”。點心即叫即蒸。食物質素穩定。價錢, 質素成正比。員工態度友善。附近仲有停車場位置大約喺又新街中間，近大馬路巴士站。行去 元朗站 大約10分鐘—————我的最愛 : ●鳳爪排骨飯● 竟然唔係只得一隻鳳爪，仲要好多排骨，荷葉味好香，分量十足●馬拉糕● 熱辣辣，軟綿綿，好好吃●春風得意腸● 試過你就知—————點心舖開 早6點，收 凌晨12點/1點😅掛飲早茶，食午餐，下午茶，食宵夜，都冇問題—————我提早打電話叫定外賣，大約15分鐘後去取，不用等—————會介紹朋友去，可以試試！