金閣海鮮酒家

营业中

休息中

今日去咗牛頭角依家明星食晚飯叫咗半位酒席食，星期六日假期半席要加150蚊=$1148，已經包曬茶芥加一所有費用。餸菜碟碟都大碟仲要食到打包都幾抵食。街坊酒店來講都唔錯1架嗱。1。乳豬全體：半席有半隻，件件都大皮脆有少少肉汁，味道ok啦2。醬爆花姿蝦仁：都好大碟，西蘭花同花姿蝦球都好，多味道都唔錯，最鍾意就去碟蝦醬🤣3。鮮果沙律茶果子白蝦球：個蝦球入面啲肉都少少彈牙ok啦4。紅燒龍皇魚肚翅：魚肚都大大粒又唔會有腥味，份量都多每人食到兩碗。5。翡翠北蔬玉掌：啲冬菇超大粒有厚度，鵝掌都好大隻同蚊得淋，個芡汁有啲結同多咗少少，但整體嚟講都ok嘅。6。清蒸大沙巴龍躉：魚一條ok好食7。當紅一品燒雞：個皮幾脆入味肉質就有啲乾呀8。瑤柱蛋白海王炒飯：無諗過都幾好味9。個餐要咗蟠桃半打：熱辣辣每個都幾大舊個餡唔會好甜10。合時生果：西瓜ok正常發揮甜嘅，橙有啲酸整體嚟講呢個價錢大打碟飽到食到打包真心ok。味道就一般街坊酒樓，食得過嘅。注意：所有職員清一色冇表情，有啲甚至乎會黑面見你唔到....但要讚下個瘦瘦地嘅男部長，我哋叫人攞番個生日蛋糕出來執枱要切生日蛋糕，個部長嚟嘅時候都係完全零表情，聽完行咗去

呢個位置嘅茶樓轉左好幾手，都係做茶樓，我諗係因為交通非常方便，但係就唔方便老人家，因為佢有一條長樓梯，但係又冇lift,上到去樓底好矮，導致佢嘅缺點就係噪音好勁，BB去過2次一去到就俾啲嘈雜聲嘈到喊要即刻走食物不過不失，下午茶都係好多優惠，晚市都有好多海鮮特價，但係海鮮質素參差，有時好新鮮，有時無味，keep唔到個品質

淘大的酒家 / 茶樓不算多，大概三間左右，這間在淘大商場（牛頭角道），要行上一層，無升降機或扶手電梯，行動不便的長者，或輪椅人士，就招呼不到，要揀另一間了！上到來，樓面都算大，夠光，枱都有點點距離，一兩個人坐細枱的話，都夠闊落的。再望望早市有甚麼點心先！？孖寶一般三十蚊左右，這裡都不算貴。單點一碟就由十五蚊起。我還未落單，就先聽到旁邊的侍應講粗口，罵不知哪位茶客（是非通處飛），之後侍應來問我是否落單，我都好有禮貌的話「係啊！唔該妳！」她完全沒有回應，大概是我太細聲最後我急急腳，叫了碟菜，有點油，我怕油，所以沖一沖水，快快脆食完就走了。埋單：HK$27.00（連一位茶錢）

平時好少同老豆食飯，主要係因為大家收工時間唔同，加上我成日出街，有時幾日先見到佢一次haha…今日老豆放假就做下乖女陪下佢食飯😂老豆話要去淘大食飯，收到！收工就去做乖女😎.上湯焗西澳龍蝦伊麵 $218龍蝦多肉新鮮，伊麵份量多兩個人都食唔唒伊麵唔會好咸，整體幾抵食.蒜蓉粉絲蒸蟶子 $108蟶子鮮甜再配上蒜蓉同粉絲好惹味.虎班仔同燒鵝係一個set黎$228清蒸虎斑仔🐟細細個就好鐘意食蒸魚，成條我都食得唒😂魚肉鮮甜嫩滑，好食🤤.金閣燒鵝(例) 燒鵝肥瘦均勻，外脆內嫩.整體黎講每樣都唔錯，性價比高會keep住去食😎希望水準keep到啦

未試過呢間酒樓的晚飯，就黎試下。點知一入到去勁多人，差唔多枱枱都有人，所以得返d唔靚位坐，都唔緊要，反正都冇咩期望。點知餸一上，竟然有意外驚喜。首先係隻秘製雞，好滑唔鞋口，係連雞胸位置都一樣，而且唔貴👍👍👍👍跟住係例牌乳豬，皮脆口，有肥有瘦，就算唔點醬都有味，價錢唔算貴👍👍👍👍再黎係咕嚕肉，略嫌冇菠蘿同肥肉多過瘦肉，粉唔厚，但出黎已經冧左，可以當做冇咁熱氣啦。仲有雜菜煲，中規中矩啦。最後係籠仔蟹蒸糯米飯，呢個超抵，$88勁大籠，蟹預期中咁細啦，但糯米幾香幾軟。總括黎講，係高於期望ge中菜。

🇭🇰坐落於九龍灣淘大花園的金閣酒家，外表上平平無奇，而且要步行上1樓才可以進餐。很多住在九龍灣的居民都會到德福廣場吃晚飯，因為那裏的選擇很多。小廚神與大吃貨今天想嘗試一點新的東西，對比連鎖餐廳，現在想試試一些老牌街坊小店的中菜，金閣酒家便成為了我們的目標。🥰一進店，已經看到餐廳寫上，附送甜品（奶凍）給所有食客。這雖然算不上是很昂貴的食品，但是在晚飯過後有免費甜品，實在令人感到窩心又貼心。❤️🤣在一番選擇之下，我們點了一些特價小菜。當中包括🦞上湯西澳龍蝦（伊麵底）、🐷即燒乳豬（ ¼隻）以及🐟薑蔥斑腩煲。🦞首先是上湯龍蝦，龍蝦多肉新鮮，而且伊麵的份量充足，令我們二人吃得津津有味。🐷而乳豬更是小廚神的最愛，不到一會兒，他已把三分之二清光了。🐟最後是薑蔥斑腩煲，一上菜已經聽到吱吱作響，那些香味撲鼻而來，大吃貨比較少吃這種小菜，這次小廚神的選擇實在令大吃貨大開眼界！令大吃貨忍不住也吃了四五塊呢！除了光顧連鎖食店外，小廚神與大吃貨也鼓勵大家多多光顧一些老牌街坊小店，一定有想不到的驚喜‼️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️金閣海鮮酒家地址：牛頭角牛頭角道165號地下至1樓電話：27

年紀越大越懷念過去日子及景物，8月27日揾食肥華和靚媽同返童年生活地方，牛頭角佐敦谷，緬懷過去，重拾童年回憶，雖然谷内熟識的景物外表己非當年模樣，但輪廓仍在依然能鈎起肥華和靚媽不少前塵往事，發思古之幽情，當肥華和靚媽浪漫完畢就要面對現實，要揾地方食午餐嘞，結果就選擇咗呢間在路口的酒楼醫肚，雖然選擇求其但卻有驚喜，除咗食到一碟鑊氣十足食到最後一箸粉都係熱辣辣嘅豉椒炒牛河外，亦食到碟口味一新嘅涼瓜藕餅，再加上此店奉客茶葉質素甚佳，其他食品亦有一般酒楼水準，所以肥華和靚媽對呢餐誤打誤撞嘅午餐都感到滿意😁👍

犀利犀利犀犀利😧大隻到不得了呀🤪個肉質當然就係鮮甜啦😍個蟹肉又有彈性又有咬口🤤🤤好似食緊雞髀咁🤩一路食一路啲蟹水就滴滴幾多落碗我就乾曬佢😂爽今次蟹膏少左dd但都好食畢竟蟹季尾呀其他小菜嘅質素都唔錯嘅尤其九肚魚嗰個入口即溶嘅快感😋真係爽#foodiehk #food #美食 #美食家 #肥仔覓食 #食物 #hongkong #hk #食家 #食評 #香港 #香港人 #hker #hkfoodie #delicious #crab #蟹 #蟹季 #長腳蟹 #小菜 #中菜 #煲仔菜 #鮑魚雞煲 #蟹水 #foodporn #foodslut

今日跟屋企人去淘大花園探下長輩，之前因為疫情都少咗見面，所以都好珍惜眼前人😍今日見一見都發福唔少，可能多咗留係屋企飲飲食食，少咗做運動啦。午餐就去附近既屋邨酒樓，估唔到又有驚喜，雖然無咩特別點心，但性價比唔錯🤑 .酒樓要行上一層先到正門，雖然係平日但都唔多上班族，茶客年紀都係大d黎嘆下一盅兩件🧓午茶精選推介都已經各有十幾款大路點心同埋炒粉麵飯，再加埋正常點心紙既都夠飽哂📜 🎋上湯鮮竹卷 $17.8呢款幾好，唔會好似其他酒樓勾到個芡汁太濃太假，有d湯暖一暖身。鮮竹卷入面既材料都仲爽實，唔會死霉霉咁。 🍞原籠馬拉糕 $23.8原本以為呢類舊式酒樓會係古法馬拉糕，不過呢款入口都有蛋香味，份量勁大可以當主食。 🧈XO醬炒蘿蔔糕 $31一睇就知係炒完焗咗好耐既貨色，雖然蘿蔔糕個底唔錯，但XO醬香味已經流失哂，唔太推薦。 🥘迷你福建炒飯 $58今餐最佳之選，見佢係迷你版就諗住試一試，點知黎到仲大碟過平時去茶記食果碟，仲要賣呢個價錢真係堅料，入面有蝦有肉，仲有自家雜菜唔係用批發三色豆，炒底有鑊氣，撈埋一齊食好惹味。 🌯紅米脆皮腸粉 $31紅當當夠哂好意頭，加埋油炸既脆皮，兩者碰撞下好好味，肉餡都算調

臨近生日就簡簡單單同屋企人食過晚飯當慶祝生日，因為想食少少海鮮但又唔想太貴，就諗起去明星金閣了。服務方面，一貫屋村茶樓水準和態度，樓下嗌位姐姐係唔係咁睬人㗎喇，好正常嘅啫😁 但係講低幾多位，就迅速叫咗我哋上樓上，就即刻有位入座，可能我哋當時還算早吧，完全唔需要等位。優惠方面，做緊推廣晚飯每一位送半隻乳鴿，或者北菇扣鵝掌，全枱都冇人食鵝掌，所以就一定係揀咗乳鴿，乳鴿味道都唔錯，但當然唔會太大隻啦，細細隻先至肉滑。餸菜方面，叫咗沙薑雞半隻，雞真係好細隻，咁嘅價錢應該係咁細隻吧！避風塘炸鮮魷、上湯龍蝦伊麵，呢兩味都算唔錯。啫啫通菜煲，就唔算好多油，整體味道就中規中矩啦，冇乜驚喜，勝在舒舒服服食餐飯。不過好記得有一次外賣自取，叫過芥蘭炒臘味，真係超級難食，我自己煮都好食過佢，成個盒都係油，芥蘭完全冇落薑汁和糖去炒，呢個餸大家千祈唔好叫！我覺得佢哋煮海鮮就有一定水準，某啲海鮮以外的餸菜，就可能煮得麻麻，所以睇吓你好唔好彩叫啱餸。埋單嘅時候中有糖水食，不過就好似唔係枱枱都有，咁啱個侍應姐姐望到我同我有眼神接觸，所以就俾咗糖水我哋呢一台，佢都幾好人啦見我有小朋友，仲問我要唔要俾多碗佢食？呢碗糖水算係

幾日前到淘大附近工作，一同前往嘅同事介紹咗呢間酒樓，一開始以為 金閣 係新鮮嘢，事後上網查一下，原來呢間野喺明星？😂唔怪得味道同餐牌都咁熟悉，不過唔討厭嘅，畢竟價錢親民，味道都OK。當日午市點左嘅都係平時鍾意食嘅🦐類點心（冇影晒所有食物），乳鴿，仲有芝士鮮🦐伊麵。圖中嘅🦐餃、乳鴿、伊麵味道都唔錯，一貫明星水準，不過菜苗🦐餃食落去就冇乜🦐，得菜💀。btw當日上菜速度都幾快，唔駛等。👍🏻

下午茶時段由2點開始，但其實未到2點就讓客人入座了。叉燒腸粉超長，而且有趣的是，裡面包的不是叉燒“肉粒”，而是叉燒“肉塊”，夠重料。鹹水角，外皮炸得香脆，新鮮熱辣。炸雲吞配水果沙律，雲吞皮炸得酥脆不油膩，不過沙律醬太多也沒什麼水果，其實沙律醬什麼的擺在一邊伴碟讓客人自己蘸取不會更好嗎。香煎蘿蔔糕，味道正正常常，不過其他茶樓多是3件，這裡有4件。蟹皇燒賣，內藏原粒蝦仁，爽口彈牙。手剁牛肉球，不過不失。咸菜胡椒豬肚湯，豬肚爽口，咸菜也不會過鹹。雪菜鴨絲炆米，份量超大，飽肚之選。四個人八樣菜埋單用了HKD250，不貴，難怪吸引到這麼多街坊來飲茶了。

今日係附近做嘢，買咗呢個飯做lunch,呢間酒樓都開咗十幾廿年了，好似轉咗手，以前叫明星，家下叫金閣。油雞飯$23 ⭐️⭐️⭐️⭐️⭐️比咗個雞髀我😆又滑又多肉，好入味好香，仲有半隻咸蛋送飯，搭咗條菜仔，當營養均衡了🤪唯一美中不足係唔夠鼓油撈飯食，下次有機會食叫佢比多啲我先😗服務幾好，等個飯斬比我，個阿姐比張櫈坐住等。

今晚打算淘大尼間酒樓食晚餐，等位上樓唔比探熱。疫情期間。上樓後自己搵位坐，請問有乜茶選？你自己選。問題我想知道有咩茶類供選擇？那請問有無炒飯炒面？無！那有咩主食，飯！今時今日尼種態度，全港都好難搵。

琴晚去食，以為會好少人，但都ok喎唔會太靜。但原來因為九龍灣附近三間餐廳既晚市關剩一間。至尊燒鵝王半隻$148六人只可叫半隻🙈 不過佢唔算好多肉，仲好肥添，肉質同味道好燒雞、龍躉餐，配大澳魚香茄子$248三樣野既餐 🥰 燒雞勁正好咸香！龍躉炸上，都好鮮味。魚香茄子用煲上，熱辣辣！白飯魚菜甫煎蛋$78啲菜甫好好好好咸！山西孜然骨$88好味！孜然粉份量適中，排骨肉骨分離，肥瘦適中。芝士焗生蝦伊面配野菌紅燒豆腐$128麻麻地，芝士麵好乾，我地有叫蒸蝦，比上黎，麵個蝦就好唔新鮮。楊州炒飯$98不錯！好多肉好菜粒，足料！