金隆雲南米線大王 (已結業)

係銅鑼灣行吓街唔知食咩好,見鋪頭出面啲相片幾吸引,就入去試吓,我叫酸辣小鍋米線(小辣)再加辣腩肉&菜肉餃,唔錯,啲配料都算多,整碗都好入味,而我男朋友叫咗雞湯過橋米線,雖然唔係分開上,但無所謂啦,橫掂最後都倒入去,呢碗湯底好濃郁,而且有好多餸,好似有扎肉,豬潤,腐竹,生菜,醃春蛋(不過好快溶咗)等,都幾正,值得推介!估唔到無端端發掘到好嘢!~

$25。撈薯粉+$5豬軟骨撈薯粉有花生、酸豆角和豬肉碎，另有一小堆辣椒花生不脆薯粉爽滑酸豆角不太酸肉碎較多肥今次豬軟骨得三件，size還要小小的，幸好仍是入味今次中辣幾ok可能無湯，所以撈埋吃都幾夠辣！

平時行過都見到店內有好多顧客. 今天見無咩人, 不妨進內嘗一嘗。點了酸辣紅著粉+ 秘製黃鱔黃鱔個味OK, 但個粉個湯不得. 不酸又不辣, 不知是什麼味道都不明白點解有咁多人食同有咁多雜誌訪問

$20。秘製小鍋米線：芽菜、9菜、酸菜配料$5@豬軟骨、豬皮、香滑齋豬軟骨唔差，超入味，而且軟骨範圍好多，最緊要豬軟骨完全唔肥，吃得美味又安心豬皮尚算爽口香滑齋普通碗野都幾多肥野浮面麻辣湯底。中辣：但都唔太辣$35

This is the worst dinning experience in my life !!When I was dinning with my girlfriend this afternoon, after I ordered two bowls of 米線, I ask the waitress there if I can have some oyster sauce, but her answer is " I don't know why you need oyster sauce!!". What an incredible answer!!! This is the first and the last time I would run into this restaurant in my life !!!!btw The food quality is fair, but the price is not.

渣甸街的店開了又關關了又開數數手指金隆在此好像已有五年既然不是連鎖的又沒有馳名的金隆始終是在老銅的街坊店夜宵-通常就是我出沒此店的時間是晚ot沒有吃過東西,所以來這吃個dinpper點了五香牛肉飯-多飯加了一個送可樂的春卷牛肉是肥牛的味道醬汁惹味春卷是剛炸的老樣子的內容服務是街坊的伙計也不可能是專業的吃的很多也是自由神吃不慣茶餐廳的來醬裡隨手的叫一個半個米線都說這是街坊店不是老銅的街坊是神州的街坊你們給喊面的我只想跟你說放下身段放輕鬆這兒是雲南市愛國三路二巷四弄的正宗雲南米線和正宗的雲南街坊服務

臨時要止口痕, 不想吃甜的, 又不要吃熱的東西, 經過渣甸街一系列食店, 最終在 N 年沒有來過的金隆雲南米線大王落腳。店內之 LCD 電視正播著鳳凰衛視, 嘩, 咁型?吃了個撈薯粉 ($25), 貪其沒有湯不怕湯汁濺出, 又不會熱。最基本的撈薯粉有花生、酸豆角和(豬)肉碎作配料, 可另加錢加餸, 但我又不餓, 而且這麼一碗粉已不便宜了, 便沒有加料。可指明辣度, 我要了小辣, 不似我的風格哩...出來的薯粉 by default 是酸辣的 (另可選麻辣), 基本指明的三種配菜都有齊, 另加一小堆辣椒醬/油。辣度對這天較為疲累的我是適合的, 而酸辣則主要來自那埋肉醬, 反而酸豆角是不太酸的。但最弊的是, 薯粉雖爽滑, 但是是既不暖又不涼的, 最怕這種曖昧的溫度, 想是煮完之後匆匆過冷河不夠冷的結果。反而阿姐幾好禮貌, 地方又算乾淨, 是附近一帶食肆中硬件比較好的。

本來與女友想吃日本菜的，就在伊呂波的那幢大廈外之際，打了數個電確定是有午市吃的，怎知道由於時間太晚的關係，全部的日本店子都說午餐已經Last Order了，此時慌不擇路，最後到了對面馬路的米線店。入內坐好之後，都點吃了，經店員的介紹，店員說以同等辣度來計，麻辣是比酸辣較辣的，最後女友要了小酸辣，而我雖很喜吃辣，但近來腸胃不太妥當，所以最後點了小麻辣，至於價錢方面，麻辣是比酸辣的貴三元，其實兩者也是有芽菜、韮菜及酸菜的，但麻辣的就多了肉碎，至於其他配料就要逐樣計。最後我的選擇是小麻辣薯粉配雞翼尖、豬大腸及秘製黃鱔，麻辣湯先喝一口，有點有形無神的感覺，空有燙口的麻感，而沒有麻椒帶來的香味，而芽菜及韮菜夠爽口，酸菜不是太酸，而且又太過細碎，豬肉也有太碎這個毛病，好不容易才撈到來吃，而薯粉吃起來煙韌有咬勁，但比起雲貴川及旦王的還差點點，這碗麻辣米線，以它這個沒有麻香的味道，可說是未能帶人升上宇宙的麻辣。另外配料又如何？雞翼尖算是夠大隻，大隻起來又算夠入味，但比起之前同區的新記及榮記吃到的，鹵水味還是不夠濃；豬大腸切得太細太薄了，縱使見到腸壁內有不少脂肪，但吃起來也不是太甘香，可能是未達至能在口

在銅鑼灣食午餐，因爲行開o個邊，所以是但搵間野食。不幸地我地俾個牌“米綫大王”厄左...我order左一個小窩米綫（唔辣），走牙菜，餸就要左芝士腸，冬菇同蟹子丸。最後黎o既竟然係一碗好多牙菜，3粒芝士腸，3粒細冬菇同兩粒丸o既麵！$5一個餸竟然得o甘少！而且味道麻麻，尤其是d米綫，都煮到差不多一pat，冬菇無味，d湯無味，仲有碗米綫係無腐竹，總知就唔好食！最後埋單碗麵要$35，超唔抵！

琴晚同阿媽搵野食原本打算係車仔面 最後阿媽話不如米線見到間野門面ok乾淨就入左去坐我地向個 (女職員A) <點解咁強調 一陣你就知 order左我: 薯粉 芝士丸 魚付 大腸 凍奶茶 我媽 薯粉 雞中亦 加底(加$5) 熱豆漿 ($5)一碟油菜($12)最後黎左芝士丸變芝士腸 幾舊似魚旦多d既野 凍奶茶冇黎我媽果碗加左底既薯粉同我果碗冇加底既係差唔多份量..... (最抵死既係個女職員A同我媽講”係咁嫁啦 加左嫁啦”)算 差唔多je 食飽就算 (食完其實係唔夠飽...)食食下黎左一對男女搭台 向女職員A order1. 薯粉 加三樣唔記得咩送2. 淨豬耳 雲耳最後又黎錯 薯粉變米線 豬耳唔記左變咩耳...個女職員A 仲要 “接”一聲比佢地聽到 最後個男人出聲醒佢好啦 以上一大段都係講間野服務點樣唔掂 依家講味道 薯粉應該IN IN UN UN 唔會咁林嫁個酸辣湯底 普通 叫少辣 真係唔多辣 HAHAHAH埋單唔普通既價錢 $35+$35+$12= $82 兩個字 唔值!!

9月12日, 今日出咗銅鑼灣, 但係唔知食乜好, 最後揀咗黎新開喺渣甸坊嘅雲南米線, 因為太熱嘅關係其實我唔想食辣野, 但係佢都有客飯套餐, 咁呀菲又可以食拌米線, 一舉兩得~::: 咖哩牛腩飯 ::: $32叫飯跟個例湯, 今日係菜乾豬展, 麻麻地冇乜味好淡勝在夠清, 菜乾亦都冇味, 算啦對呢d餐廳嘅例湯冇期望, 志在有淡水落肚…咖哩牛腩飯嘅咖哩色水好淡, 椰汁明顯過多, 搞到冇咖哩味, 牛腩偏韌, 亦索唔到咖哩, 反而薯仔過多, 一碗都係! 拌白飯嘅椰茶味道反而ok, 都幾新鮮~::: 雞絲涼拌米線 + 凍檸茶 ::: $30 + $5拌米線d雞絲好碎濕濕, 肉質偏老… 其他材料仲有肉碎, 花生同酸豆角. 其實米線本身尚算彈牙, 但材料扣分! 雞濕又乾又鹹, 肉碎普通, 酸豆角鹹酸味一般, 只有香脆花生比較可取…如果係黎食米線價錢都真係幾貴, 不過如果我地食個飯餐$32喺銅鑼灣都叫做ok… 環境確實十分迫夾, 櫈亦好細張, 不過都唔知點解好多人食, 可能俾佢個木薯粉吸引咗, 下次食雲南米線都係去第二度… 要稱皇? 尚遠……

今餐真係一路食一路火都黎埋首先我係第一次來既...成條街都係食肆..見到有米線不如試下..點知就....成碗野...芽菜同粉既比例係7:3..完全唔知自己食左幾多粉落肚...D 粉好碎...夾到既都係芽菜@@之後我係叫中辣既酸辣...講真我食得辣..個人口味覺得..一D都唔酸..得幾條酸菜係度浮浮下甘.以為中辣已經好勁...點知食到自己加辣...比起出面好多既米線鋪佢地真係大大輸蝕...如果無叫豆漿飲..真係唔會飽咯~都唔知食左D咩!!!佢D配料係就係貴左D..不過都OK既~D雞翼吖,雞翼尖都入味...下次我就唔會去幫襯佢啦一定...趕客既!!!

晚上原本已選好晚飯既餐廳, 但都o係時代o個邊.由於食完飯諗住去維園, 所以避免走來走去, o係就近揀一間餐廳好了指了一間米線鋪就入去. 本人其實想食飯, 見到佢d 飯都幾抵食, 但哩度話到明米線做主題, 點都試下啦.一個米線/薯粉$20, 加一樣餸要加$5-$8, 絕對貴中之貴. 兩餸已經$30, 叫埋野飲$35叫左白肉+炸醬紅薯粉酸辣湯走酸菜, 小辣, 因為我好怕佢d 酸菜好似雲桂川o個d 酸縮味黎到, 嘩, 好紅!先試一試d 炸醬, 好辣, 唔甜. 唔好食. 可能食慣譚仔o個d, 自然覺得哩d 唔好食. 種之冇味, 得個辣字白肉, 冇蒜泥既. 我只係o係紅磡一間酸辣粉度食過蒜泥白肉, 人地$40 有5大片, 哩度, 雖然唔係蒜泥, 但都冇理由比兩塊肉碎我就當係一樣餸, 簡直孤寒到死.朋友叫既水餃都係得兩粉, 肥牛又得兩條, 雞翼又得兩隻, 豆付又得兩舊. 仲要賣咁貴.紅薯粉都係咁, 冇話特別煮得差, 都幾彈牙.我哩碗係走左酸菜, 但個湯真係走左酸菜就冇酸味... 又係得個辣字.對佢似乎期望太大, 將譚仔o個套套左o係哩間鋪度, 以為理所當然, 都係自己既錯.地方都幾好坐既, d

同朋友去時代辦點事,8點幾,諗住簡單食碗麵便算,隨便入一間,一人一碗米線+汽水,朋友叫酸辣+韮菜餃+魚腐,我當然叫麻辣+冬菇,另加炸魚皮,酸辣+韮菜餃+魚腐:湯底酸度不足,韮菜餃和魚腐,普通麻辣+冬菇:朋友試我的湯底話好辣,我反而覺得唔算辣只有麻炸魚皮:那一件件所謂魚皮,厚粉到唔知自己食緊什麼東東,好似翻炸咁,又油,好難食!食一件已經頂唔順!只是一間普通粉麵店罷,距離米線大王很遠呢!

食個quick dinner，想食粉麵就黎試我要個豬軟骨米線豬軟骨好硬，米線冇咩味，兩樣野好似分開煮咁米線好難會好難食，而呢次豬軟骨係我食過之中最唔掂既一次朋友個薯粉都唔係好得好多，我地食完仲好口渴，好味精過隔離食車仔麵好過！