金隆雲南米線大王 (已結業)

上了我的第一次勞作課後, 一人去渣甸街食返晚餐.記得上次有間吃米線的, 就入到黎.沒什麼期望, 只想快趣吃完.快快就要了水餃米線清湯底. 再環顧四周, 十時多都算多客人, 十居其九都是叫米線.等左一兩個字, 如圖, 四件水餃, 韮菜芽菜米線, 都幾夠份量, 小姐們可能食唔哂添.米線係腍左少少, 但也滑都不算太差. 水餃皮不厚, 也沒有皮開肉裂. 都算係咁.湯就似乎有師傅, 咸左少少.$26 算係唔好唔差咁.後記:1.有少少不太開心, 個袋跌低件勞作毁左容, 但俾人話有水準都開心返d~

3-8-2005 2313等完朋友放工後，就落銅鑼灣食少少野，我就點了酸辣雲吞，而她就點了清湯雲吞，我個一食落去感覺都幾酸，皮薄靚，汁方面，應該是落了黑醋，辣反而唔係咁勁，不過咁夜就冇乜所為啦，埋單24蚊，是一個平平地既宵夜。之前睇番別人的食評，點其他菜式出事，感到自己有點兒幸運。

今日中午三時左右，同幾個朋友路經渣甸街，看見門口幾吸引而且有好多人，咪入去試下囉，下午茶都是20蚊，有一碗米線連飲品，雙拼加四蚊，好似食車仔麵！我點了炸醬加貢丸，朋友點了雲南燜肉米線及香菇丸、香酥肉米線，都話ok，又加了炸排及？？牛餅，幾好食喎？四個人唔駛$100蚊，招呼都唔錯，未入門口以經有個啊姐招呼，唯一缺點冷氣不足，食食下好似好熱！

是夜同朋友行完街，行去取車時途經渣甸街，望見一句特色氣鍋雞！反正未食晚飯，試下都唔錯。可惜…睇完餐牌睇埋隔離檯本來想起身但被友人阻止。問下個伙計氣鍋食有幾多雞，9唔答8咁話不如要田7氣鍋雞啦。睇清楚D，都不過係$28，心諗都係大極有限。再求其叫多個白肉。阿化學老師前後問左我4次，講完又唔記我叫乜，連張檯幾多號都唔清楚。算係咩招呼！？得幾啖水，無咩雞可言。蒜泥白肉更毫無特色好彩無叫埋米線，食完食夾唔頭。

同一班同事每日都在渣甸街食午飯，金隆亦是其中一間，之前樓面多是一些年青男女，服務態度勁差，現在轉了一些呀姐樓面，服務態度親切，有禮貌，是為改善之一，退步者為食物出品了，通常等幾個字先有得食，紅燒肉飯又肥，食開的黃鱔米線又成日無供應，終於有一次可以點黃鱔米線了，但黃鱔份量越做越少？又無了豬皮？初時以為加少了豬皮，便問樓面喇，點之d房大哥大大聲對樓面說，不嬲都無喇！大哥，您估我第一日來咩，可以加分的便是木瓜水了，不太甜又特別！可以一試！

有日都差唔多接近夜晚六點，先走出去同屋企人去銅鑼灣搵野食,阿爸想食米線,見依間有下午茶就走入去,服務態度良好,可能冇乜人掛...以下小人淺見評語:-香酥肉米線　　　肉都幾脆，米線韌度未夠　-腐竹米線　　　　腐竹唔好味（家姐講既）-春卷　　　　　　同一般冇乜分別-南瓜餅　　　　　唔知點解中間會酸酸地，我地都唔鐘　　　　　　　　意-木瓜水　　　　　似無味喱，餐後甜品算幾可口淸甜

琴日年初三同個fd去食，有d食物未能供應都算啦，開得門做生意就唔好咁計較，竟然飲品又收原價，仲要加一喎！當自己係咩野呀，麵鋪都要係新年加一？唔知佢係唔係環保呢？個張「飲品收原價」，「收費加一」的紙條只得一張1/4 A4 咁大，仲要貼係收銀處到。我叫左碗醬爆貢丸麵，D米線斷開一段段，成粒貢丸都搵唔到半小粒冬菇，點睇都似豬肉丸多過貢丸。下次真係搵鬼去啦！

今晚同太座上完個講座都成九點幾，凍凍地，諗住食番個煲仔飯暖下胃。但見附近幾間賣煲仔飯的都坐滿客，又唔想等位，都係求奇搵間冇咁多人的入去食算吧。在這裡叫左個所謂招牌米線，話有二十幾種配料喎...有掛，可能食左都唔知。米線都幾粗下，毫無彈性可言，仲以為係漂白左的油麵。另外叫左個菜心，有好多沙呀，差、懶！再一次証明如果成條街的舖都好多人，唯獨是某d 是少人d，入之前都真係要諗諗。

尋日同朋友2人去左食lunch, 點了炸醬米線($25)同黃鱔米線+ 白肉($28 + $4)大大碗, 炸醬米線面頭有一層辣油, 開始食時有點辛苦因辣油好易刺激到我敏感的喉嚨丁攪到我咳...吃左四份一之後, 開始嘗到碗米線真正的味道, 都不錯...隔離有位阿哥同我一樣食炸醬米線, 但他吃得滿頭大汗好誇張又辛苦, 對他來說可能過辣了...不過他也可以食哂.朋友吃的黃鱔米線都算辣, 味道也ok

2個人食晚飯,嗌左醬爆沙魚丸米線,香酥肉米線,加豆漿2枝同埋尤魚酥..米線: 食米線最緊要米線同個湯底好,但呢到d米線好似意粉咁粗,d湯底話就話清湯,但都唔駛清到無乜味,好似水溝雞粉咁...食左一啖,已經知,唉,入錯舖!沙魚丸米線$26: 我其實都唔知沙魚丸係乜,因為又唔係呢個「鯊」,咁即係乜野呢?食落咪好似白色魚蛋包住d肉醬之類0既野.唔算好特別!香酥肉米線$24: 一般炸(雞?)肉,炸到香一香脆一脆,炸皮多過肉咁囉.枝裝豆漿$6: 因為跟米線嗌,所以只加6蚊就有一枝,好純0既豆漿, 0岩鐘意唔甜口味0既朋友,個人認為唔錯.尤魚酥$22 :好香口,有尤魚味,不過就好油好油,加上$22一碟,份量少過街頭10蚊一包0既尤魚酥,唔係咁底囉.本來嗌左小食(牛展)一碟,我地估係落漏左單,不過我地見d野都唔係咁好食,都費事再嗌番,慳番廿幾蚊都好..!

早幾日和男友到金隆食米線，本身我好喜歡點木瓜水，所以帶同男友一起前往，無去一排，質數差了，點了招牌過橋米線雞湯湯底一般，雞味唔夠重，配料多得好像很亂，都未看清楚有什麼配料，個伙記第一時間全放在雞湯內？香酥肉好大碟，最低食！另我最不滿便是埋單時，那個長髮女收銀的態度簡直不知所謂，男友埋單時，不停靚仔前，靚仔後，靚仔多謝晒喔！雙眼望著我男友，好像當我透明似的，我馬上走出店外，男友追出來都說離譜，好似未見過男人咁，真後想再去都難！

星期六晚長頸鹿收工後,陪我在銅鑼灣shopping,我們在Sogo 4樓行幾個圈,才買到兩件衫(仲要係一人一件),只怪我的身形同加德里奧無異(=_="). 行完街當然肚餓,本來佢話想食潮苑,但我近來好想食酸辣野(唔知係咪...),所以就拉佢入去試.見menu有我想食的酸辣米線,本來好想要,但為了遷就男友,最終只叫了一碗肥牛雞湯過橋米線,一碗酸辣餃同一杯凍檸茶兩份share.咁大個女都係第一次食過橋米線,以為會係傳統那種,有一碗熱騰騰的雞湯,而未熟的材料同米線另上,點知係同普通米線一樣整碗上,好失望!講番個米線,menu話有豬頸肉,肥牛,腐皮,豬肝,香菇等材料,話就話幾大碗,不過d料少左d,豬頸肉太細條,仲以為無食過;肥牛被熱湯淥得過熟,唔滑,仲要同豬肝一模一樣,搞到我食錯一塊豬肝添(小妹最憎食肝臟);腐皮都幾滑,似係新鮮那種;香菇望落就知係用即熟香菇片,唔係鮮冬菇,味道麻麻;個湯底淡左d,無乜雞味.至於個酸辣餃,個酸辣度適中,有少少酸菜,不過個汁都幾似墨汁,用來伴著米線食剛剛好.最後係杯檸茶,一般茶記水準,還ok.好彩我倆當時不算太肚餓,否則肯定唔夠飽,或者未必會再來食,就算係,都可能

因為未夠鐘上堂,所以入去食碗米線, 叫炆肉米線,要酸辣湯底, 拍黃瓜, 豆漿. 個酸辣湯非常之油,同埋米線好似未煮熟咁,食食下都放棄左, 我怕食左落肚,都唔知點樣去番D油出! 拍黃瓜個汁好酒怪,佢地落左有顏色隻醋,好鬼難聞.豆漿係買番架, 所以唔使我多講la.

可能我幾鍾意食酸野，所以我都幾ｂuy 佢ｄ米線,夠酸!冷食熱食都鍾意．但講到好食就一定係長沙灣天悅附近ｏ個間ｌａ！金隆雲南米線大王ｄ　ｓｅｒｖｉｃｅ好唔得！！唔係繁忙時段都唔掂，更何況係繁忙時段？！ｄ伙計好像想殺死你，因為你比野佢做攪到佢地無得吹水娛樂．所以就算我鍾意食，食過幾次後都唔想再去ｌｕ．唸起唯一ｏ個次ｏ係繁忙時段既場面就有陰影！

試左炆肉米線同炸醬米線酸辣湯底酸多過辣, 一般米線煮得0岩0岩好, 唔會淋哂~d炆肉就認真麻麻, 冇咩味之餘質感唔掂overall來講, 後者較好呢間試一次就夠了, 想食米線都係去景霖最穩陣