金鳳大餐廳 (新都城中心三期)

营业中

休息中

曾經幫襯過這裏，味道還可，份量足夠，但是想再幫襯，雖然有取票制度，家中老人小朋友亦都喺2分鐘之內會嚟到，但係後邊唔使攞飛嗰個人，可以搶咗我張枱，原因係到齊人，咁請問取票制度愛嚟做乜嘢，然後全店滿座，需要我再等超過1小時，簡直浪費時間，服務態度非常之差，永不再幫襯。

夏威夷薄餅+焗豬扒飯餐：先講pizza 自家製焗爐有問題,餅底一舊白麵包上面肉醬腸仔菠蘿芝士,好似冇焗過咁~只可叫夏威夷三文治!何謂焗豬扒飯,白飯底+茄汁豬扒放面,加芝士一齊焗下都好呀!如果求Q其諗住做得住,奇怪在仲有人試,開左成年都有人話D扒麻麻地,諗住試其他支持下市道,Oh ,又賴野!👽💩👽💩👽💩👽💩👽💩👽

本來今日想去食，等咗三張枱，明明係我已齊人，到咗，叫到我個number ，門口個叫人呀姐叫我等一陣，點知等咗成15分鐘，佢無啦啦叫番前一個號碼，重點係前一個號碼都係唔齊人，都係啱啱先到，佢就叫番前一個號碼入去先，問佢仲要話而家係叫呢個號碼，話叫我再等，問極佢都仲係話叫我等，其實我攞飛到叫我個number 已經等咗30分鐘，到我嘅時候仲要叫咗第二個遲到嘅先，叫我繼續等，服務態度極差，嘢食唔係特別好食，服務態度差到一個點，請我都絕對唔會再去食!blacklist佢!!!

好耐之前去過金鳳食，但係如果兩個人叫兩個扒餐，根本食唔晒， 10分浪費，所以其實我哋都好耐冇來。但係我始終好掛住佢嘅餐湯同埋餐包，所以都係要幫襯一下，今日我先知原來叫沙律菜都可以upgrade做套餐，另外一個就叫扒餐，變咗扒同沙律大家share嚟食，冇咁漏。餐包同餐湯熱辣辣，尤其是羅宋湯一定要叫，辣辣地，非常之惹味。雞扒沙律非常之大碟，胡麻醬雞扒薄切，邊皮仲係煎得香脆，熱辣辣上枱，，好過其他餐廳的雞扒沙律是凍冰冰的雞扒。沙律菜食極都仲有，每一塊都沾上胡麻醬，很清新。扒餐就叫咗牛柳，兩大塊牛柳非常之牛肉，但係入面整得非常腍，一啲都唔韌。配菜薯條都非常之入味。餐飲方面，我們一杯加咗$5叫利賓納，好味。另一杯加$18叫黑牛，加咗朱古力味雪糕嘅可樂零舍creamy。

個個都話唔錯, 所以要叫鐵板餐來試下 食物 : 帶子西冷牛扒餐 $178 ~ 牛扒係薄切, 肉嫩唔韌, 牛味唔係好重, 黑椒汁惹味, 有兩粒帶子, 大大粒幾滑, 套餐還有餐湯+餐包+飲品+雪糕, 叫咗羅宋湯, 味夠濃~正, 餐包附加牛油, 略嫌唔夠熱, 沙律新鮮正常, 凍檸茶正常 芝士肉醬意粉, 加咗$25轉套餐, 包餐湯及飲品 $107 ~ 意粉好大碟好足料, 味道正常, 餐湯叫咗忌廉湯, 味道正常, 飲品叫咗凍檸茶 環境 : 茶餐廳格式, 座位有D窄, 比較嘈 服務 : 職員有禮貌 價錢 : HK$314/2人 (包加一服務費)

呢日黎到新都城呢間金鳳食排餐! 真係好多人! 好彩朋友早左黎拎飛等位, 我地前後等左15分鐘都唔駛就入得! 我地叫左牛柳餐配黑椒汁同埋雞排豬排餐配蒜蓉汁! 牛柳真係好香牛味, 估唔到港式茶記都食到咁高質既牛, 落黑椒汁個陣咋咋聲真係好好睇! 店員都好細心提我地要拎紙巾以防彈到! 另外佢既雞排豬排餐都好好食, 特別係豬! 估唔到咁香豬味, 真係食到停唔到口! 呢兩個排餐仲包左餐湯餐包同野飲, 我地叫左一個紅湯一個白湯, 佢既紅白湯都係咁好飲! 紅湯好多料係入面! 餐包配牛油夠哂香~ 野飲就凍檸茶同檸七! 大滿足, 岩哂我地呢班食肉獸!

入寶琳想食上海菜，可惜餐廳裝修中。隔離有間金鳳，即管試下。午餐煎蛋免治牛肉飯，羅宋湯跟牛油餐包加餐飲，$60免加一，凍飲唔加錢。兩點後，下午茶時段，仲有9折。羅宋湯是兒時味道，料足，飲得出有用心去做，不是坊間有些茶記的頹湯。跟餐麵包微暖，很好，不是梳打餅😃。煎蛋免治牛肉飯份量大，牛肉份量亦夠多，仍然可以保持舊時代味道，有驚喜。侍應招呼周到，很有禮貌。進店時會主動招呼，落單後會覆單，送上食物時會說出食物名稱。客人離開時會提醒客人帶走隨身物品。餐廳地方企理，整個用餐體驗很好。性價比高，如果這是整體香港餐飲業水準，港人就不用北上消費啦。

同朋友去將軍澳新都城行下，之後去咗鋸扒，金鳳大餐廳係將軍澳有分店，當然要去食返餐。餐廳環境整潔舒適，主打西式扒餐。所有扒餐都包括餐湯和指定飲品。餐湯可選羅宋湯、忌廉湯。忌廉湯濃稠適中，口感絲滑醇厚。甜餐包鬆軟，塗上牛油又香又好味。扒餐用牛形鐵板熱辣辣盛載上枱，再由店員倒入由客人自選嘅黑椒汁或蒜蓉汁，鐵板上立即發出沙沙的聲音，香氣撲鼻，令人垂涎三尺。鴛鴦扒餐係雞扒和豬扒，香煎雞扒外皮脆口，內裏多汁，豬扒食落有口感，配搭黑椒汁，非常惹味。香煎豬扒餐加蒜蓉：落單時店員推介加2蚊可以加生蒜蓉，味道會更香，果然！煎得香口嘅豬扒，除咗有惹味嘅黑椒外，仲多咗蒜香味，喜歡蒜味嘅朋友讚口不絕。想食飽啲可以加$18要茄汁意粉，意粉都炒得好香，茄汁酸酸甜甜，越食越開胃。餐茶凍檸茶：喝起來酸酸甜甜，最為解膩。亦可加$18叫特飲，其中雪糕紅豆冰有啖啖的紅豆香，加上順滑濃郁的淡奶和一球雲呢拿雪糕，增加不少口感層次。

一直都好想試，但每次經過都好多人排隊等位，今日行過見唔駛等位即刻入去試雨好唔好味！叫左2份餐，一份係店員講既「貴扒」、一份係「普通扒」。店員推薦鐵板上如果想要7成熟效果就要叫5成熟，好貼心！店員會先上餐包+餐湯，我地叫左1個忌廉湯，1個羅宋湯。（1）牛柳餐（3成熟-黑椒汁）-$144一上枱，店員會拎埋壺黑椒汁來幫你淋落鐵板到，好可惜當時已經覺得唔係好夠熱，個鐵板冇咩「咋咋聲」。食落雖然牛味唔重但肉質好淋，係做到5成熟，可惜食落更加明顯係個鐵板唔夠熱。食完第一塊再切第二塊扒時食落口直情舊扒入面係唔暖。薯條淋哂，但味道都ok。（2）美國德洲頂級西冷+生蒜 （5成熟-黑椒汁）-$200特意選左個所謂「貴扒」試下，上枱時同樣發現店員淋黑椒汁上鐵板時冇咩「咋咋聲」。食落都係唔夠熱，冇鐵板效果，但塊扒可能因為比牛柳薄，所以扒入面雖然唔夠熱但冇牛柳咁明顯。好可惜舊扒肉舊好實同偏硬，而且唔知係因為黑椒汁定咩原因，成塊扒都偏咸。（3）白牛 -$跟餐加$18 凍檸檬茶 -跟餐餐飲白牛一般，冇咩特別，正常味道。檸檬茶茶底好澀，好難飲。坦白講成個晚餐都有少少失望，我覺得食鐵板餐但個鐵板唔夠

我同老公都生酮中🙈所以揀左好耐都係淚定去鋸扒🐮食肉瘦😂😂😂我地6點左右去到冇乜人直入🥰Staff見到我地湊埋阿女就安排梳化卡位坐得舒適 冷氣就稍為大左啲 但夏天嚟講好舒服😌Menu有Dinner Set 我地嗌左兩個餐🍽️睇相同真實都冇相差好遠😆帶子西冷牛扒評分：⭐️⭐️⭐️⭐️⭐️好熱嘅鐵板燒淋上黑椒汁真係好香噴噴😌帶子煎得有輕微脆邊，肉質軟腍新鮮，西冷牛扒好嫩滑😋美式雜扒餐評分：⭐️⭐️⭐️⭐️對比下呢個雜扒餐就比較遜色，牛扒冇西冷牛扒咁軟腍嫩滑，豬扒就煎得有脆邊要加分，份量都算好多，有薯條底座位唔算好寬敞但望落好新淨坐得舒適套餐仲有羅宋湯同忌廉湯，忌廉湯好creamy，味道都唔錯☺️甜品有芒果雪糕😍😍😍好大球好好食😋

Golden Phoenix, as my usual iron board steak place, has a total of 7 branches in HK. This time we stumbled upon their Tsueng Kwan O branch which was spacious, clean, bright and cozy.The boiling hot borscht soup had a lot of veggies inside. Very appetizing. The soft and fluffy bun with melting butter was as good as always.Guests could pick either garlic or black pepper sauce, which was poured over the sizzling plate as soon as the steaks were served. Tenderloin was thick and huge and fried to the

今晚去左將軍澳新都城中心呢間金鳳大餐廳食扒，好耐都冇同老公二人世界，真開心。舖頭裝修得好靚，吾算大所以都要等下位，不過都值得等，因為真係平靚正呀。我點了招牌牛柳餐，包了餐包同餐湯都只係$144，正呀，老公點了美式雜扒餐，仲抵，先$134，食到飽正啊。上碟是鐵板的，在我面前揀黑椒定蒜蓉汁，我同老公都揀後者，勁香咁淋在扒面上，炸炸聲，熱辣辣，先講牛柳入口牛味濃，要左5成熟岩岩好，肉質嫩淋，好食。老公的雜扒餐份量十足，有牛扒兩塊，豬扒一大塊，炸雞翼，腸仔，火腿，瓜同薯條配菜，全部都煎過再上鐵板，超好食，又飽肚，抵食。餐包是熱的，餐湯白湯紅湯都點了，覺得紅湯好飲，少辣很惹味。整體環境服務都好，食物真心平靚正，會再來光顧。

星期六去住係寶琳既朋友屋企玩，夜晚落去食飯，正當苦惱要食啲咩既時候，咁岩就望到一間叫做金鳳大餐廳既懷舊鋸扒餐廳，於是同朋友互望左一眼，睇黎英雄所見略同，襯仲未咁多人要排隊時即刻衝入去.快速地望一望餐牌後9秒9決定到想食咩餐.朋友叫左個牛柳餐加升級海皇焗酥皮湯！我就叫左個香煎雞扒餐加羅送湯！羅宋湯微辣，加上小小酸酸地，食落特別開胃！海皇酥皮湯皮脆湯暖，食落真係好有懷舊既感覺！今次叫左一個碟上一個鐵板上，試下唔同既體驗！雞扒份量夠大，切開後肉香撲鼻，食落嫩而不柴，真係忍唔住一舊接一舊係咁食！牛柳係本人至愛，貪佢夠嫩滑，五成熟既口感將牛柳既肉質發揮得淋漓盡致！好耐冇食過一間咁好食又有懷舊感覺既扒餐，推薦鍾意食扒既朋友仔試下👍🏻

懷舊港式扒房 莫過於金鳳啦🥰佢個鐵板餐簡直係我嘅童年回憶之一呀寶琳早排就開左間 今晚又同老媽子撐下枱腳 俾佢回味一下先🤪▫️招牌牛柳餐🥩 ($144)鐵板餐係今日嘅目標！套餐有餐包、西湯同埋野飲餐包好耐無食過啦夠熱 送埋個白湯好滿足出菜速度都好快 牛扒放低左之後 馬上有店員過黎淋汁👍 五成熟啱啱好肉質好腍 肉味夠 仲有好耐無食嘅波浪薯條🍟 真係好懷念🤩▫️香燒羊扒餐 ($174)好少食羊扒 份量都好大 有3隻羊味好濃😍 揀左蒜蓉汁好香呀 肉厚夠juicy👍 見到枱枱都炸炸聲 真係好有氣氛😍 佢另外仲有每月特選晚餐係幾吸引 目測係最多人嗌嘅餐😗 有沙律仲有甜品堅抵食👍

心思思又想再鋸扒, 睇咗好多間最後揀咗金鳳, 聽就聽得多, 今次第一次食🙊嗌咗美國安格斯肉眼同帶子西冷牛扒, 兩個餐都升級咗酥皮湯安格斯肉眼牛肉味重啲, 兩塊都好淋, 一上枱可以揀黑椒或蒜蓉汁, 我哋揀咗黑椒, 一落汁鐵板就滋滋炸炸, 好味道好正, 我見侍應落單個時枱枱都會問客人加唔加蒜 menu有寫加蒜更加好味🤔下次有機會再試下加蒜帶子西冷嗰個仲有雪糕同沙律, 好飽肚, 我覺得唔洗升級酥皮湯都ok, 除非你好鍾意酥皮湯酥皮湯上面個酥皮比較難拆嚟食 食到有啲「論盡」