金鳳大餐廳 (山林道)

营业中

休息中

好耐都冇去鋸扒，喺尖沙咀行行吓街，見到金鳳排晒隊就知道穩陣幸好等候時間唔算好耐，大約等咗5至8分鐘就安排到座位。一坐低職員好體貼放低兩杯水俾我哋，仲同我哋講慢慢睇吓食乜，唔會催你落單趕做下一枱最後叫咗一個貴族牛扒同埋頂級西冷，分別都係三成熟鐵板上，我個人比較喜歡貴族牛扒，因為相對比較腍，同埋多肉汁，而西冷就牛味比較重啲，可以因應個人喜好而選擇。總括而言，個人非常滿意，唯獨是剛好牛柳售罄，期待下一次再來嘗試

💯牛味超濃的中式扒房@金鳯大餐廳=====$142 牛柳餐配一湯一包=====(牛柳每100g只有324卡, 高蛋白質)❤️兩塊巴掌大的牛柳用熱騰騰的鐵板上，黑椒汁一澆，白煙四竄，要用紙巾才擋得住跳脫的汁液，但也因為如此，牛柳表面有少少脆口，五成熟的肉質鮮嫩，沒有血水，牛味亦夠濃厚，以這個價錢來說性價比不錯。❤️羅宋湯是茶記的水準，但餐包上碟時仍暖暖的，牛油是半融的狀態，搽上餐包吃剛剛好======================P.S. 當晚環顧四週，全場賓客幾乎都是點鐵板燒的扒，如果八點才來大概要等一等才可入座。#香港必食#香港扒房 #佐敦美食 

琴晚放工做gym前，諗住做下食肉獸食多啲protein，於是喺gym附近搵到呢間港式扒房試試佢！門面同裝修風格都好懷舊～有好多唔同款式嘅扒餐選擇，價錢都係$140-$220之間呢個range左右首先前菜部分，餐包軟熟暖笠笠，我個人就好中意餐包搽完牛油再浸個紅湯嚟食😝飲品都大大杯，凍檸茶甜味同澀味平衡得幾好🐑香燒羊扒餐同店員講我要3成熟，店員話：「你唔怕羶味先好叫咁生喎」我聽到之後，更加堅定要叫3成熟😆出嚟個效果冇令我失望！首先以呢個價錢，有3舊咁厚身嘅羊架已經好surprised, 之後切落去個下都好驚喜！個羊架厚得嚟但非常軟熟，一開始望落好似好生，但其實用鐵板上食食下就會再熟多少少，所以係啱啱好👍🏻口感好嫩滑但同時保有咬口，羊羶味超重‼️好滿足☺️🥩貴族牛扒餐呢個係美國牛肩扒，牛肉味非常香濃。我地都係叫左3成熟，落完個蒜蓉汁”ja”下個扒之後個熟度就差唔多～肉質軟滑，口感厚實，肉味濃👍🏻呢個餐仲係配薯格添架！-總結：呢餐兩個人大約食左$400左右，以呢個質素同份量嘅牛扒同羊架，我覺得非常值得😋大家行過山林道都可以試試佢！

踏入金鳳大餐廳，空氣中撲鼻而來嘅係熱騰騰鐵板嘅香味，已經令人食指大動🍴。今次我揀咗美國牛小排餐，喺呢間享負盛名嘅餐廳，果然名不虛傳。餐前先嚟個餐湯暖暖胃，再係炒得啱啱好嘅牛油餐包提提神。啖啖牛小排肉質極佳，啖啖肉汁，煮到五成熟恰到好處，即係外皮微焦香脆，入口即溶嘅極致享受。換輪鴛鴦扒餐，雞扒豬扒配搭經典之餘，重點係牛氣衝天嘅蒜蓉汁！個汁足以令呢盤普通嘅扒餐，滋味瞬間提升，跟住呢股香氣，令人一次過滿足曬視覺同嗅覺。👃最後嘅小甜品——蜜味雞中翼，糖香嗆鼻，帶出少女心嗰種甜蜜滋味。啲翼炸得外脆內嫩，黏黏甜甜，手指頭都要舔乾淨咁解悶。整體嚟講，金鳳唔單止提供一個溫馨嘅環境，更送上一趟感官嘅盛宴。食物質素同服務都堪稱一流。至於價錢，絕對適合平民口袋，所以無論同屋企人定係三五知己，嚟到都會有開心嘅一餐。🍽️💖👏

金鳳大餐廳位於山林道，是一家提供高品質餐飲的餐廳。他們的招牌菜之一是美國安格斯肉眼扒餐。這道菜使用優質的安格斯牛眼肉，在鐵板上煎烤至完美的火候。你可以選擇搭配黑椒汁，使肉眼扒更加香濃。配菜方面，薯格和翠肉瓜提供了豐富的口感和營養。如果你喜歡湯品，可以選擇加錢轉換成龍蝦湯，否則預設是羅宋湯。龍蝦湯具有濃郁的海鮮味道，是一道豪華的選擇。而羅宋湯則是一道經典的紅色湯品，搭配餐食非常適合。除了主餐，他們還提供美味的餐包配牛油。這些餐包鬆軟濕潤，搭配上香濃的牛油，增添了一份滿足感。在餐飲方面，金鳳大餐廳提供奶茶作為飲品選擇。這種濃郁的奶茶口感順滑，帶有茶香和奶香的結合，非常適合搭配餐食。另外一道推薦的菜品是經典蕃茄蓉芝士肉醬焗意粉。這道意粉以蕃茄蓉和芝士肉醬烤製而成，搭配著意粉的軟嫩口感，味道豐富且美味。烤製過程中，芝士融化在意粉上，形成一層香濃的奶酪皮，給予食物更多的層次感。總的來說，金鳳大餐廳以其提供的高品質餐飲聞名。他們的美國安格斯肉眼扒餐和經典蕃茄蓉芝士肉醬焗意粉都是值得一試的招牌菜。此外，龍蝦湯和奶茶也是增添了餐食體驗的不可錯過的選項。如果你想品嚐美味的餐飲，金鳳大餐廳是一個不錯的選擇

好耐無食過呢間野今次放工同朋友黎到尖沙咀同食多啲肉增加protein，就搵左呢間野黎鋸扒，呢間餐廳個位相對隱蔽少少，但係個招牌好明顯，一見到就知道係老字號，事不宜遲好快就走咗入去食，入到去見到有晚餐set同普通餐牌，叫咗個帶子西冷牛扒套餐，嚟到塊扒香噴噴佢會幫你淋埋汁，叫咗三成熟啲肉質好嫩啖啖肉，最後仲有個朱古力雪糕食，侍應態度尚可，價錢大概係$180左右，我覺得都可以接受，如果下次再嚟我會食朋友嗰個牛柳，因為仲更加腍

港片中让人记忆犹新的地方，莫非那种中古感十足的西式餐厅了。坐落在尖沙咀这个风云变换的地方，每一家店背后都有它浓浓的历史气息～ 【金凤大餐厅】，正如其名，几十年的历史让这家店的口味相当在线，他们家主打西式扒餐，味道相当棒！ 门口的装修就能感受到其深厚的历史沉淀，进屋后满屋的local更是验证了我的想法，来对地方了！ 我们点了西冷牛扒和杂扒餐，有附送饮料、餐包和餐汤，我们要了冻柠水和忌廉奶油汤（这个超好喝！！！），点完以后很快就送上来了。 西冷牛扒要的五分熟，肉非常嫩，吃起来好满足！！！黑椒汁香浓，冬天的晚上真的给味蕾大大的震撼！ 扒餐里除了牛、猪和鸡扒，还有各式烤肠，味道非常棒！吃完还想再refill一份～ 他们家所有的菜都是现做现上，热气十足，超级推荐～

今日提早收工可以同老公去尖沙咀行，行行下就去左佐敦附近，見到金鳳都好耐冇食，天氣又有啲涼，不如去食個熱辣辣嘅鐵板啦。入到餐廳見到依嫁主打推介緊四款美國牛扒餐，我就點左個美國牛小排餐試試。老公就點左之前食過嘅牛柳餐。金鳳靈魂一定係加蒜蓉!!!點完餐無耐店員就先上左兩碗熱辣辣既紅白湯同餐包，上菜好快手。美國牛小排份量都幾多，牛味比較重，完全冇筋位，叫5成熟就剛剛好，食既時候記得要加埋啲蒜蓉勁香，一咬落去肉汁保存到又完全唔會靭。牛柳餐就一如既往保持到水準。牛味雖然冇美國牛小排咁重，但勝在肉質鮮嫩食落冇筋，而且呢個份量絕對對得住個價錢，真心平靚正。去得舊式扒房，飲品方面加錢都要叫紅豆冰啦。佢嘅紅豆冰唔算太甜，仲要粒粒紅豆推介大家去試吓。

山林道呢間金鳳一直開業多年，每隔一排又會心血來潮想去食，佢嘅懷舊港式西餐就係有種魅力令人間中又會掛住雖然鐵板扒餐先係主菜，但佢嘅羅宋湯才係我的最愛。呢道嘅羅宋湯黑椒味香濃，酸甜味平衡得剛剛好又多配料，配上佢鬆軟嘅餐包一流我點選了牛肋骨鐵板餐配黑椒汁，牛肉揀左7成熟，牛肋骨有兩大條份量多到我食唔晒，而且肉質嫩冧，底下仲配有薯格，有醬汁嘅關係薯格偏冧，但食落啖啖薯蓉另外朋友點了雜扒餐，分別有一件雞扒及豬扒，同樣配了黑椒汁，兩件肉咬落都多汁唔會太乾，底下則配有粗薯條最後仲有跟餐飲品，以呢個價錢有咁嘅食物份量來講相當抵食，食物水準亦無令我失望

又到聖誕節，每年我都一定要去一去依間經典老店食扒，比起x王之王，x園餐廳，我一直覺得呢間係我目中港式扒房嘅表表者。所以佢咁多年都屹立不倒。 🍖港式扒房我覺得最緊要有氣氛，因為價錢公道，吸引好多唔同階層同年紀嘅人，坐係我地身邊有一對情侶，同埋一家三口。再遠啲又有另外一對年長夫婦。對情侶會切完啲扒交換黎食。個爸爸切完，會一人吉一塊俾個老婆同個女。年長夫婦一坐低，店員已經知道食咩。呢啲咁溫馨既氣氛，係講求table manner同behavior 既西餐廳喺永遠都做唔到。 🍖每次影親鐵板牛扒，基本上攝影技巧幾好，背景都一定係一片白色，因為果張又大又長既紙巾，一定要完全打開先至可以擋到鐵板同汁醬撞埋嘅時候彈出嚟熱辣辣既汁。細個嘅時候最中意就係伸個頭喺側邊，戰戰兢兢咁睇下佢彈咗幾多係紙巾。就係因為咁，牛肉保持熱辣辣，肉味又特別香。阿姐特登問我地要唔要加蒜，我對見只喺加兩蚊，ok左，結果真係要多謝阿姐，牛扒顯得特別香而且啖啖有蒜頭味，非常濃郁。 🍖另一個牛扒配搭嘅係龍蝦尾，龍蝦彈牙有口感。而且配合大量溶左既芝士，提昇本來比較清淡海鮮味既龍蝦。而且我強烈建議，跟餐薯格唔好點茄汁，一樣用番芝士。真係上

招牌牛柳餐 $142叫咗5成熟，熟度啱啱好，肉質粉嫩軟腍。美國牛小扒餐 $188都係叫咗5成熟，肉質粉嫩，同牛柳比較就會肉質感重啲，但都冇筋唔會靭，肉味亦都比牛柳濃郁，私心鍾意牛小扒多啲👍🏻〰️〰️〰️〰️〰餐廳比起傳統扒房光猛啲，闊落啲，感覺衛生環境比較好🤣鐵板餐配牛油餐包、餐湯同餐飲，傳統扒房我一定飲羅宋湯，經典酸酸辣辣嘅味道唔係普通西餐廳可以整到，呢度嘅羅宋湯都唔錯，惟一唔夠經典嘅係個餐冇甜品，細細個食扒房都一定會有彩虹朱古力碎裝飾嘅雪糕球㗎嘛，呢到爭咗少少🤏🏽〰️〰️〰️〰️〰️食物: 4/5性價比: 4/5 環境: 4/5服務: 4/5Revisit: Yes〰️〰️〰️〰️〰️

很久沒有吃過經開山林道，所以試一試，叫咗個西冷同雜扒，西冷筋超多，雜扒個豬肉質好怪，隻雞翼極細勁油，除咗個汁冇樣嘢係好。切勿中伏。係唯一正常係個餐包同個羅宋湯。………………………………………………………………………………..

他家到了餐點都是阿公阿婆，隨便點了個招牌美食牛扒餐，份量大的驚呆我！裡面有牛排🥩、雞排、雞翅、大塊牛肉。好多好多肉。一層肉下面還有一層肉。底下还有薯条和蔬菜，这一大盘一个成年男性的量…位置就在polyu B block的門口走5分鐘就到了。簡直便宜大碗適合學生黨。記得一定要加蒜蓉！賊香！醬料澆上那一瞬間，蒜蓉的味道配上醬料和肉的味道簡直口水直流。—-人均：💲100📍金鳳大餐廳🚇尖沙咀山林路9号

近個多月每星期要嚟山林道「修理」身體，試過唔同時段（早、午、茶餐），試過幾間食肆都𣎴錯，但今天時間短撮，正在煩惱之際，發現原來有間懷舊茶餐廳，食個快嘅下午茶應該趕得切。裝修、佈置是懷舊的，燈光稍微昏暗，坐下來看看下午茶有什麼選擇，很快便被“乾葱雞脾撈丁”吸引了。隻燒雞脾好好味，肉質係彈牙而唔係乾到似柴嗰種；撈汁惹味，而且成碟嘅賣相幾靚架，不過杯奶茶一般。整體而言，以呢個價錢响尖沙咀、佐敦區嚟講，係超值。

今日行街經過見到呢一間舊式扒房，好耐都冇見過啦！ 心血來潮就食下鐵板燒！ 裏面嘅裝修現代得來又夾少少懷舊，佢出邊嘅霓虹燈招牌同紅色梳化好有懷舊感覺。 入到餐廳時不時聽到鐵板嘅吱吱聲❤️❤️我都唔例外叫左個扒餐！先揀咗一個每月晚餐，除咗有牛扒之外仲有沙律，羅宋湯，麵包同嘢飲。今個月嘅晚餐之選，係帶子牛扒餐，有得揀黑椒汁同埋燒汁。牛扒非常厚，而且唔係好多筋，亦冇骨所以啖啖肉。叫咗七成熟，上到嚟都真係七成熟啱啱好，唔會太老中間仲有少少粉紅色。我揀咗黑椒汁，唔會好辣亦唔會好鹹。薯菜就有幾塊翠玉瓜同埋薯格。加埋啲黑椒汁醬，好惹味！ 番茄蓉大蝦意粉推介❤️意粉應該用牛油炒過，所以有一浸牛油香。 裏面仲有少少蕃茄粒酸酸尾尾，中和左牛油嘅膩！ 好驚喜嘅係兩隻大蝦都好大，而且一搣開個蝦頭蝦膏唧曬出嚟，而且非常彈口！ 估唔到呢個價錢都食到呢個質素嘅蝦。雪糕紅豆冰跟餐加$18去呢啲懷舊餐廳一定要食懷舊食品🤣見到佢有唔少嘢飲都係懷舊飲品！我相信佢本身紅豆冰唔係好甜，所以配合雲呢拿雪糕個甜度啱啱好！