金鳳茶餐廳

营业中

休息中

去灣仔做野，附近見到金鳳有人排隊，我未食過，但見人排隊，覺得應該不錯，於是我走去一齊排😆😆😆唔算等好耐，大概10分鐘內就到我。茶餐廳格局，相當要試d經典野食。😋😋叫左個邪惡菠蘿油，果然好正😋😋，但食完有d內疚😅😅沙爹牛肉麵併炒蛋份量好大，好多牛肉，而且沙爹味好重又不至太鹹，唔錯👍🏻，麵量比一般茶餐廳多，偏硬身，但可接受。炒蛋亦係好大碟，味道中規中矩。另外加錢點了支牛奶，玻璃樽牛奶係特別好飲d😆😆😆

喺灣仔一間老字號當旺茶記，希望朝早同晏晝都好多人，雖然要排隊不過5分鐘內就入得，人流去得好快。環境有啲擠迫，食客都係食完就走，員工都係快手快腳，格局似澳牛。佢嘅招牌係菠蘿包椰撻蛋撻雞批，同埋金鳳奶茶😳👓酥皮蛋撻 $7食落唔夠油香酥脆鬆化，個皮不是太厚，明顯唔係好多層。蛋反而正常，滑亦吾太甜，欠缺蛋香，可惜個酥皮麻麻。整體質素比較普通，唔算好好食好突出。評分：6/10👓鮮牛油菠蘿包 $10個包軟熟，但包頂層脆皮好散，一吉就碎晒唔夠紮實，而且個皮好薄吾夠厚。平時麵包舖菠蘿包仲好食😂牛油唔夠冰凍，其實好大塊嘅不過一上枱就溶咗唔見咗😂佢嘅菠蘿油十蚊經濟明白唔可以太高要求，因為出面真係好好食嗰啲例如金華double價成廿幾蚊個～評分：6/10👓火腿焗雞批 $12批皮鬆化唔油膩，簡簡單單雞肉火腿洋蔥，但唔夠香脆有少少淋，唔算特別重牛油香，鹹甜味足夠但餡料偏少，唔算好豐富火腿雞粒餡料。評分：6/10👓凍奶茶$23 熱奶茶$21有最低消費每人一杯飲品😗傳統製法冇冰凍奶茶，冰塊唔會溶溝淡。奶茶滑，但茶味吾夠濃。評分：6/10整體係間不過不失嘅茶記，不過就未正到要特登去灣仔試，大多數食客應該都係附近工作嘅

因為幾年前食過金鳳茶餐廳，當時好好食，所以今日經過見有位就入去再緬懷一下。我叫咗一個特價午餐，其實成個餐牌得一個午餐選擇，價錢方面係$51。菠蘿包同火腿奄列味道OK，火腿份量好足。不過好可惜，雪菜肉絲米粉我會俾唔合格，因為個米粉同個湯底都係冇味，係冇味，放喺表面嘅雪菜肉絲係凍的，所以食咗幾啖就冇食。最後叫咗一個熱奶茶，仍然保持到水準，好香好滑，好有茶味。因為懷着當年好好味嘅心情去，去嘅時候滿懷希望，所以今次嘅食後感係有啲失望。

邪惡指數：🐽🐽好食指數：🙆🏻‍♀️🙆🏻‍♀️呢間咁舊式嘅茶餐廳，喺灣仔都幾出名所以今次終於黎試試佢。只可惜冇我想像中咁好：⭕️沙嗲牛通粉係幾好食嘅，如果我下次仲會來嘅話我會再叫呢一個。個沙嗲味幾香，都算多牛肉，夾埋通粉係唔錯嘅。⭕️凍奶茶同檸檬茶兩個都唔錯❌菠蘿包係一個大失望，個包好厚身但係菠蘿皮比較少同薄，又冇整返熱佢，所以我都冇食晒❌五香肉丁米粉就真係食唔落去🤦🏻‍♀️本身個湯已經少而又冇味，又得嗰幾舊五香肉丁，完全唔掂。所以話都係試過就算😐

好耐冇食個菠蘿油，特登走來金鳳食一個，點知勁難食。個菠蘿油凍冰冰，個包底出晒水，又唔鬆軟，勁似食緊泥膠，都唔知個菠蘿油放咗幾多個晚上。個蛋撻仲誇張，我叫酥皮蛋撻，仲要7蚊個，點知嚟到凍冰冰之餘，仲要完全唔酥皮，曲奇皮都好食過佢。

記得幾年前專登去食過，結論係唔會再去，但今次又係專登去食，可能因為上次印象淡忘左，又想再試真啲，明明啲人話好好飲嘅奶茶無理由自己覺得唔好飲架嘛，所以呢日見未食lunch，就趁下午茶時間又去refresh一下😂。 叫左個餐，茶記嚟講，佢個火腿奄列好大份，裏面好多火腿絲，好足料，正！可惜塊奄列個面係乾而個底係勁油嘅😅，同埋個人唔太喜歡佢整到太熟，啲蛋唔夠滑。唔計狀態，味道係正常，唔會偏鹹或偏啖。 奄列上面有個大菠蘿包，份量又係好夠，可惜質素同我自己業餘新手整嘅隔夜菠蘿包效果係一樣嘅，就係唔熱又乾又硬，個菠蘿包同塊奄列咁嘅狀態，仲要大份量，真係對我消化能力一大考驗😅。讚嘅呢，除左火腿絲份量夠之外，仲有就係佢個碟邊係會high舊仔牛油比你，團牛油溶化嘅狀態係剛剛好，份量又配合得宜，唔會好似有啲餐廳咁未夠溶，成舊硬野叫做比左你但搽唔到落麵包嘅。 食完呢两樣野都飽飽地，因為個包係放喺塊奄列上面，技術上你個胃係要接收個大包先到奄列嘅，跟住仲有枱上面等左你好耐嘅沙爹牛肉通粉（不敢想像如果叫左沙牛麵點算🙈）。可能茶記關係，碟通粉係唔會扣起等你差唔多食完個菠蘿包同奄列先熱辣辣筆比你嘅。不過講到味道，呢個沙

啲人話嚟灣仔一定要試吓金鳳就好似去旺角一定要食義順牛奶公司一樣今日就專程嚟咗試下叫咗一個午餐同一杯飲品有沙嗲牛肉麵 火腿奄列 菠蘿油 跟餐奶茶同埋單獨嗌左一杯荷蘭谷古沙嗲牛肉麵個沙嗲味好香 唔會過咸公仔麵食到最尾都唔會林晒火腿奄列就好失色煎得好乾 唯獨係火腿絲好夠 要浸湯先至食得落菠蘿油係涷嘅 唔係新鮮出爐 如果加熱先上會更加好味 奶茶好滑 你就算嗌涷奶茶佢都係冇冰 呢個幾好 最怕有陣時太多冰令到成杯野好淡 荷蘭谷古就唔甜嘅 但勝在朱古力味夠濃 整體來講都麻麻哋最後$78買單 其實唔係好抵希望食物質素可以更加改善啦

朋友話一嚟灣仔好想食金鳳，因為特別鍾意佢嘅菠蘿包，我哋就下午茶時段咪嗌左個常餐，招牌沙嗲牛肉麵配菠蘿包，加埋嘢飲都係50零蚊。嘢食好快到，份量超級大，一個女仔絕對食唔晒，細食男仔都可能有啲困難，抱着期待嘅心食咗一啖菠蘿包，唔脆唔熱，個包有少少發酵過度，帶啲酒精味，非常之失望，個包係超級紮實的，唔係空氣包，但平時唔浪費食物的我，食咗一啖都係擺低咗。沙嗲牛肉公仔麵正常發揮，蛋撻最好食，之後嗌咗一個鮮牛肉蛋三文治也不錯，但係最出名嘅菠蘿包真係不了。環境5/10食物5/10服務 5/10人均 $50會否再次探訪？ 否

廿幾年前附近男校讀書時經常幫襯o既金鳳，間唔中行過亦都會幫襯，今日襯假期專登搭個幾鐘頭車再去搵當年o既味道，招牌依舊，人面全非，食物的質素亦退步。先唔講招呼，同澳牛一樣，從黎幫襯金鳳係唔會講究招呼。同伙計落單後，午餐沙嗲牛面、丁面、菠蘿包，同凍熱奶茶各一後。不消2分鐘，沙嗲牛面同丁面就黎到，食第一啖就覺得好伏，兩個麵完全唔熱，仿似用低溫水浸熟，再咬個菠蘿包，亦都係凍架。。。好傷心，20多年前讀書o既味道完全消失，我唔係要求有幾好食，只係想係自己未食早餐，又肚餓o既情況下，黎到呢到食晏晝時食返一d有溫度o既食物。唯一可以讚係佢o既奶茶咁多年仍然保持到好味道o既水準呢個奄列，係全餐唯一有熱度o既食物，但係全個餐 $50，又係唔係值得呢? 真係見仁見智，起碼我下次只會買外賣奶茶。

原來金鳳既沙嗲牛肉麵堪稱「全港Top11」「七間最好味」「四大必食」，不過食完真係有啲失望。餐廳店面唔大，枱凳較細，較為狹窄，唔係坐得幾舒服。營養快餐 D $45 (1100-1900供應)🔸沙嗲鮮牛肉 配公仔麵 🔸餐包/菠蘿包🔸凍鮮奶/咖啡/茶 凍飲加$3沙嗲牛肉份量都幾多！沙嗲味道濃郁，唔會過鹹，略嫌食落無咩花生味，牛肉亦偏韌。由於沙嗲質地較為濃稠，清湯量少，攪勻左都幾夠味。公仔麵亦唔會過軟。營養快餐C $40 (全日供應)🔸餐肉煎蛋 🔸菠蘿包🔸凍鮮奶/咖啡/茶 凍飲加$3呢到既菠蘿包 有別於一般鬆軟富空氣感既質地。包體較為紮實，而且有啲黏，食落相當飽肚，但個人就唔太鍾意呢個口感。而且菠蘿包好似無經翻熱，全靠餐肉煎蛋嚟提升温度，唯獨菠蘿皮依然香脆。整體而言，沙嗲牛肉正常發揮，無咩驚喜。毫無温度、紮實既菠蘿包就更加唔係我杯茶。

灣仔有一間老字號嘅冰室係街市入面，經過聞到淡淡嘅麵包香味，今次返工食晏見到冇乜人排隊，決定入去試吓。不過餐廳舖面唔大，枱都比較細，一個人去食都明白要搭枱，但同對面陌生人嘅距離真係幾近下，疫情期間，如果真係想試建議約埋朋友兩個嚟食。第一次光顧為咗可以試多啲嘢食，於是揀咗佢嘅特價午餐，叫左沙嗲牛肉烏冬，菠蘿包，同埋火腿奄列。一上枱望到份量，加埋大大個菠蘿包，已經覺得食唔晒。首先試咗佢嘅沙嗲牛肉，咬落去好嫩，完全冇筋，仲要煮得好濃嘅沙嗲汁，好入味。菠蘿包微熱，一咬落去個菠蘿皮碎到跌晒落嚟，而且大大個，淨係食個包都飽。

🇭🇰金鳳茶餐廳·呢間我好耐之前試過返工前嚟呢度食早餐我個次係食火腿通粉嘅覺得冇乜特別 所以一路都冇食過🙊😂但係我前幾日係explore見到有人話呢度嘅沙嗲牛一試難忘 我就決定俾多次機會佢😈·營養快餐D$45其實呢一個比多$4係可以有埋個奄列架 不過因為我知自己一定食唔晒 所以我就咁嗌左呢個😌佢個沙嗲牛真係幾出色 個牛肉好嫩 仲有啲咬口 唔會碎濕濕 之後個沙嗲汁都係好濃 不過就偏鹹少少😉😉佢個菠蘿包都ok既 不過同上次一樣係凍既 所以一定冇熱辣辣出爐咁好食 而且佢呢度個菠蘿包係比較實心嘅 我自己覺得唔夠鬆軟🤔之後佢呢度跟餐係有凍鮮奶既 開心🍼·#rbyeat#rby港式#rby灣仔·📍灣仔春園街41號春園大廈地舖

灣仔番工必試系列😎以前食過嘅都知呢度張枱有幾細🙄而家二人限聚2個人可以坐4人枱好爽皮😌😌😌必試招牌雞批☀️皮夠脆 餡料夠香好好味☺️沙爹牛啱哂重口味朋友米粉撈埋啲沙爹汁食就正😏

沙嗲牛肉麵。菠蘿包。港式奶茶。從來都係香港出名嘅食物。好多外國嚟嘅遊客。都會特登去港式茶餐廳，食呢幾種食物。今日經開灣仔。住港島嘅朋友一直都推薦呢間金鳳茶餐廳。話佢啲沙嗲牛肉麵係非常之好食。既然今日行過，咁就試吓啦。餐廳嘅環境唔算太大。但係每一台都坐滿食客。一坐低急不及待就叫沙嗲牛肉麵，菠蘿包同一杯熱奶茶。沙嗲牛肉麵。面質彈牙。而且沙嗲牛肉亦非常足料。至於個菠蘿包更加係非常之好食，菠蘿包嘅外層非常鬆軟。而且佢嘅份量亦都非常之大。最後係食唔晒。

近排社交平台的沙嗲牛肉關注組好活躍～見到有人介紹金鳳茶餐廳，我見到菠蘿包好吸引！排隊好似5分鐘就有位啦～大家都係食完就走雞批幾好味，夠熱，餡料香，冇雪味～我平時唔食架～特價午餐set～沙嗲牛肉通粉，煎雙蛋，菠蘿包，凍檸茶走甜沙嗲牛肉麵，火腿奄列，菠蘿油，凍奶茶少甜沙嗲牛都唔錯，幾掛汁，牛肉嫩，如果沙嗲味有少少辣就會好啲，都屬於重口味，食完口渴～通粉就唔係我鍾意嘅質感，我中意硬身d。公仔麵就冇咩味，要撈埋啲沙嗲汁就正，我哋都鍾意㗎辣椒油！有冇人鍾意咁樣篤爆個蛋黃架？😚菠蘿包真係有啲失望，因為係凍㗎，所以塊牛油冇溶到🤨不過個份量都算足！其實呢個餐可以咁餐包～餐包應該係佢哋嘅招牌！我見有熟客嚟都係買餐包～隔離就係利東街！😙食飽飽去行下先