金鶴拉麵 (閩街)

营业中

休息中

佐敦地鐵站步行約3分鐘到達，不過都唔係容易搵。星期日下午時間依然爆滿，大概等一陣先有位～之前成日聽人講佢抄襲座x，不過好食就得，冇乜所謂🤷🏻‍♀️ 而且佢好多款式.北海道極龍蟹湯拉麵 全份 $138 - 湯底真係極濃，非常滑口，可以飲晒成個湯😋- 好多蟹肉，但蟹味唔算好突出- 但我麻麻哋佢個面底，普通黃面，唔係唔好食，但可能其實更平嘅拉麵店，即使喺面底都做得好用心- 比較細食可以選擇小份 （$108）.香辣豚骨湯拉麵個湯底辣得好過癮，雖然辣，但又唔會搶咗豚骨味，好出色😋 我會覺得佢係金鶴最好食拉麵😚面底都係黃面底.炸雞用積分換嘅炸雞，明顯用咗唔同部份嘅雞肉，有啲好滑，有啲好嚡口.餃子都係用積分換嘅餃子，如果自己俾錢應該唔會叫，好普通唔特別.雖然好食，但覺得一般，因為價錢偏貴，以上價錢仲未計+1服務費😟 油尖旺區絕對有拍得住質素，但抵食好多嘅拉麵。.不過係坐得幾舒服

同朋友食lunch,一間唔起眼，但都見到有多個好評，抱住試試嘅心態，想不到湯底真的有驚喜😍連朋友都覺得很不錯！雞湯底濃厚，湯質地都比較杰，好似有好多骨膠原，但唔會鹹，而麵質爽口！

夜晚放工去咗佐敦食拉麵，等咗一陣就有得入去，記得每次食親拉麵都好飽，女朋友次次都食唔晒。呢間金鶴拉麵可以俾佢嗌可愛的小份，咁就唔使浪費食物，價錢仲平啲添！今次我哋嗌咗極濃雞白湯拉麵（可愛的小份），同埋北海道蟹湯拉麵，仲嗌咗蒲燒活鰻魚串先講一講個極濃雞白湯拉麵，真係比平時食開嘅雞，白湯拉麵濃郁勁多，仲要配埋雞肉同埋豚肉叉燒，真係絕配，最後差唔多飲晒啲湯咁滯！北海道蟹湯拉麵一望落去就見到成個拳頭咁咁多嘅蟹肉，呢個價錢食真係好抵食，個湯仲要勁濃蟹味，香濃得來，又唔係死鹹嗰啲，食完一啲都唔口渴！最後就係鰻魚串，日本直送活鰻，好似係每日限量供應，一望到咁肥嘅鰻魚就已經上一啖咬落去，師傅控制火候控制得啱啱好，表面燒到脆脆地，肉質超級彈牙，一咬落去啲汁別晒出嚟，下次真係要試吓佢個鰻魚飯！最後，我哋仲用會員計劃換咗罐可樂飲，gur晒！見到佢門口貼住大胃王挑戰， 30分鐘內食晒2/4/6碗拉麵都有獎，我自問就真係挑戰唔到，因為份量真係好大碗，飲埋啲湯真係超級飽！不過你哋可以試試挑戰呀！

After the ramen competition, I came to their other branch to try their chicken ramen.The full portion was definitely much larger. The burdock was served separately allowing it to be crunchy without the worry the soup soaking it.The noodles were perfectly cooked without being too soft. The char siu for both chicken and pork were really tender. The soup was the best part. It was really rich and viscous, almost like drinking a sauce. However, at the same time, the flavor was seasoned just right wit

好似成日都見到聽到呢間金鶴，聽講佢鰻魚飯係推介，幾出名，收工慰勞下自己先！好食到你，新鮮到你，原來鰻魚可以咁彈牙，仲彈過白鱔，一啖啪真係好幸福，又無乜骨（但始終都要小心骨喔），好滿足呀🤣。然後塊皮又燒到煙煙韌韌咁，再加埋甜甜的鰻魚汁🫶🏻。佢配左日本胡椒粉比我話配魚食會無咁漏，未食過所以本身仲好疑惑，然後原來係好似香草/檸檬草咁清新，解左燒鰻魚嘅油脂，出色出奇地夾，想講估唔到鰻魚飯仲好食過佢啲拉麵😱。見到其他食評話係即叫即劏，可惜我無坐到bar枱，睇唔到影唔到，但好新鮮係真嘅，食過返唔到轉頭，唔會再想食出邊啲急凍鰻魚飯🥹

見到呢間拉麵店既評價一直都幾高，所以趁住行經附近做野就順便探一探店，睇下個出品如何香港既拉麵定價普遍都係貴，但貴得黎起碼要令人覺得值得，而唔係拎住拉麵既名去呃錢，而呢間店至少唔會令我覺得佢係呃錢佢既選擇唔算多，今次就試下佢個蟹湯拉麵，另外叫多2塊叉燒，必須講佢個湯底係做得唔錯，香濃而不咸，加埋面頭一堆蟹肉，唔洗自己拆肉其實對唔少人黎講已經係加分項，蟹味唔算非常濃不過都唔太影響整體表現，而塊叉燒反而有驚喜，厚身而又做到軟冧，連埋湯食真係一流，個面似係鹼水麵，所以好有彈性，不過唔似雲吞麵可以加醋，所以食落去就多左陣鹼水味，影響左整體既味道平衡，不過只係美中不足，未至於扣太多分整體而言，呢間拉麵係值得一試，不過始終定價唔平，所以我最多都係口痕先食，平時用返同樣價錢打下邊爐食下雞煲會爽D

又搵到一間好出名嘅拉麵店品嘗，去到好難得唔駛排隊即時有張枱，店內唔算大，但好骨子又好有日本風味。當然要試下招牌極濃雞白湯拉麵，雞湯真係好夠濃味，飲完一啖係口腔仲留住湯底嘅味道，拉麵都掛住湯汁拉麵軟硬適中，叉燒都好夠腍，連湯一齊飲埋好滿足，黑蒜醬油拉麵湯底都好香，相比雞湯會無咁易膩，係一個好好選擇。小食叫多隻糖心蛋，烤豚肉腸鹽燒雞中翼，燒物都算係餐廳著名出品，水準都非常好😋老細仲推介即時做會員可以即時儲分換小食，招呼好好👍🏾下次又可以回頭

之前已經想試呢間金鶴拉麵，曾經訂過旺角嗰間，但係搵唔到間舖取消咗。今次訂咗佐敦呢間試我叫咗佢哋新出嘅牛骨湯拉麵配慢煮豚肉叉燒然後再叫咗3個小食。鹽燒雞軟骨、鹽燒雞皮同埋燒雞泡魚乾首先講下碗拉麵，賣相唔錯拉麵軟硬度適中，都幾好食，個湯可以再濃啲。雞軟骨不過不失。雞皮燒得唔夠乾身，稍嫌遜色。至於雞泡魚干，味道唔錯，但係都係燒得唔夠乾身，再朝身啲會好食啲。不過呢啲都係個人口味。整體來講都好食，可以再唻食價錢同出面其他地方比，2款串燒比出面貴少少。其他差唔多。但係入面環境裝修舒適。

今日去咗佐敦接女朋友返屋企，跟住然後開openrice睇下有乜嘢食，發現有這間上次食過嘅拉麵店！上次喺旺角食今次就過咗嚟呢度食，呢度嘅裝修比旺角更加好又拉麵店嘅氣氛，然後我我就被安排去坐吧位雞白湯拉麵9/10分。上次叫咗個極濃雞白湯拉麵今次叫左個普通，普通雞白湯拉麵湯底仍然是濃郁的，肉既質素都推薦蟹湯拉麵9/10分。蟹湯亦都比較濃郁而且佢嘅蟹肉分量都比較多，分量夠都食得飽。豬頸肉串7/10分。豬頸肉串緊緊合格因為香料亦都落得比較多質素正常

成日過黎佐敦食野，又係官涌街泊下車，行過金鶴拉麵，見佢裝潢別具日本特色，都想試下，於是呢日趁搵朋友放工，拉佢一齊黎試下，估唔到啲拉麵串燒都真係咁有水準😋😋北海道-蟹湯拉麵($138)🦀🦀品嚐這個拉麵時，首先聞到濃郁的螃蟹香氣，因為湯底正是由花咲蟹蟹熬煮出來，非常鮮甜，而且沒有過度鹹味，每一口湯都能品嚐到蟹的精華及鮮味，非常適合喜愛海鮮口味的人。至於拉麵麵條口感彈牙，能夠完美吸收湯汁味道，配搭蟹肉進食，讓拉麵更美味。香辣豚骨湯拉麵($98)🐷🐽豚骨湯湯汁濃稠，濃郁鮮香，並且帶有濃郁的豬骨味和辣味，令人回味無窮，和辣味融合非常令人滿足。麵條的彈牙口感非常出色，能夠完美地吸收湯的味道，讓整個拉麵更美味。此外，配料也很豐富，搭配叉燒、雞肉、蔥花、海苔等，增添風味和口感。串燒牛舌($68)🐮🐂選用新鮮的牛舌肉，切成薄片後以醬汁醃製燒烤，牛舌本身肉質韌性高，但經過醃製和燒烤後，口感卻非常嫩滑，且帶有濃郁的牛肉香味，非常美味。蒲燒活鰻魚串($68)🐟🐟將鰻魚去骨後，再以特製的醬汁醃製，最後用竹籤串起燒烤至表面微焦，鰻魚肉質鮮嫩，帶有濃郁的醬汁香氣，入口滑嫩，味道一流。金鶴拉麵 (閩街) (佐敦)地址

以下價錢需+1******************************一開始店員落錯單落錯左兩碗都係蟹湯拉麵所以雞白湯拉麵要等多陣先有得食😗佐敦分店嘅座位上方各有一射燈雖然唔係直射座位但係都好熱🥵唔知其他分店係唔係都係咁嘅裝潢🫥***🥢北海道蟹湯拉麵 $138蟹湯香濃但係唔死鹹蟹肉唔霉幾鮮甜蟹肉本身係凍嘅浸左湯熱食好食啲🥳***🥢極濃雞白湯拉麵 $138呢碗拉麵嘅擺盤好ig-able😂湯底一樣係濃得黎唔死鹹不過奶味太突出感覺唔係好食到雞湯味😗慢煮雞肉嘅雞味就好突出啦有驚喜🤤***🥢鹽燒雞皮 $48有焦香味😍脆而唔油膩但係$48兩串覺得好貴🥹

經過佐敦，特地去了之前去過的一家拉麵店「金鶴拉麵」，有點懷念這裡的雞白湯拉麵，仿佛讓我感覺嚐到了日本的味道😎第一口的湯汁，味蕾得到了舒緩和滿足。湯色是濃郁白色，口感十分雅致，湯汁微微帶有味噌醬香和芝麻的香氣；雞肉十分鮮嫩，肉味十分鮮美，加上叉燒的配搭，味道簡直一流，放在湯中吸收了湯汁的鮮美味道😉麵條十分的有嚼勁，也非常有彈性，而且沒有過分的硬度或柔軟度。麵條的口感讓人回味無窮。最重要的是，這碗拉麵還配有半熟的溏心蛋，由於怕唔夠飽的關係，所以另外還加了一碗白飯，之前一直想試下湯撈飯的效果如何，估唔到有點驚喜，作為一個拉麵愛好者，少不了的就是把整碗湯喝光吧！🤣🤣🤣好味指數：9/10性價比指數：7/10餐廳名稱：金鶴拉麵餐廳地址：*佐敦*閩街3號地舖電話：2790 2988

早排朋友帶我去土瓜灣食金鶴…e宜都覺得唔錯…今次就去佐敦店…印象應該係金鶴第一間店。呢度位置相比土瓜灣無咁隱世啦🤣🤣今次試下新野先…我鍾意食辣所以就點左香辣豚骨湯…朋友就黑蒜醬油擁蠆。串燒就點左燒雞翼…雞軟骨同唐揚炸雞雖然無點極濃白雞湯…不過存幸見到呢個極濃白湯點練成…首先就係放隻碗係個淥麵位一路邊加熱…再用搞胖機打到出foam講下我個辛辣豚骨湯…味道唔錯…微辣…配拉麵都幾夾。朋友話個黑蒜醬油好啱心水…同佢自己幾間心水店有得揮下呢度d串燒…時間都掌握得好好…原來呢度個炸雞都幾好味…外脆肉嫩呢度店員仲提我入會送野飲…咁兩個人就慳又廿幾蚊😌😌

🍜尼間拉麵店自己一直都想試，同時亦都有兩個朋友推介過，但自己一直無去到試，今次終於襯收工扚起心肝去試下😆🔸極濃·雞白湯拉麵尼隻係必點既，🐓雞湯湯底有兩款，有普通雞白湯唔同極濃雞白湯，自己緊係揀左極濃雞白湯😋湯底白雪雪，雞味好濃，每啖湯都充滿骨膠原，除左有叉燒，仲有雞肉，伴碟既炸牛蒡好好食😍，雞肉味同叉燒都好腍🔸北海道·蟹湯拉麵🇯🇵湯底係由北海道日本直送既濃厚花咲蟹湯，🦀️蟹湯比較少見，所以就揀左尼款，拉麵既蟹肉份量都好多，湯底亦都好濃郁，一啖拉麵一啖蟹肉，成口充滿蟹既鮮味，拉麵軟硬適中🔸日式唐揚炸雞炸雞好大件，連片去炸，外脆內軟，雞肉好入味，點埋沙律醬食，正🤤

我好少對拉麵店嘅湯底留下印象，但呢度嘅蠔湯及極濃雞白湯俾左我好好嘅印象👍🏻蠔湯選用瀨戶內海嘅蠔餚製而成，入口充滿蠔嘅鮮味而又唔腥🥰由於蠔湯真係好鮮，建議先飲一啖湯、然後食配上嘅兩隻生蠔黃金燒，最後先全程投入飲湯食麵 (都有只食拉麵唔配蠔嘅選擇喔)☺️嗰碗店長推介嘅極濃。雞白湯拉麵真如其名，雞湯味道厚實極濃😋我好鍾意佢配上香口嘅炸牛蒡，而且好欣賞拉麵嘅 Size 可以揀「可愛的小份」 (但其實份量都唔少😂)，適合唔想食太多或想點多啲串燒嘅客人👍🏻順帶一提，黑椒串燒牛舌好腍好惹味😋當日隔離檯點嘅鰻魚飯睇落都唔錯，下次再來試試☺️