金鶴拉麵 (閩街)

营业中

休息中

夜晚放工去咗佐敦食拉面，等咗一阵就有得入去，记得每次食亲拉面都好饱，女朋友次次都食唔晒。呢间金鹤拉面可以俾佢嗌可爱的小份，咁就唔使浪费食物，价钱仲平啲添！今次我哋嗌咗极浓鸡白汤拉面（可爱的小份），同埋北海道蟹汤拉面，仲嗌咗蒲烧活鳗鱼串先讲一讲个极浓鸡白汤拉面，真系比平时食开嘅鸡，白汤拉面浓郁劲多，仲要配埋鸡肉同埋豚肉叉烧，真系绝配，最后差唔多饮晒啲汤咁滞！北海道蟹汤拉面一望落去就见到成个拳头咁咁多嘅蟹肉，呢个价钱食真系好抵食，个汤仲要劲浓蟹味，香浓得来，又唔系死咸𠮶啲，食完一啲都唔口渴！最后就系鳗鱼串，日本直送活鳗，好似系每日限量供应，一望到咁肥嘅鳗鱼就已经上一啖咬落去，师傅控制火候控制得啱啱好，表面烧到脆脆地，肉质超级弹牙，一咬落去啲汁别晒出嚟，下次真系要试吓佢个鳗鱼饭！最后，我哋仲用会员计划换咗罐可乐饮，gur晒！见到佢门口贴住大胃王挑战， 30分钟内食晒2/4/6碗拉面都有奖，我自问就真系挑战唔到，因为份量真系好大碗，饮埋啲汤真系超级饱！不过你哋可以试试挑战呀！