金龍冰室 (已結業)

住係大圍 周圍食左甘多間 兜兜轉轉新開左一間冰室 反正都未試過 所以今日放假黎試下下午茶。點左一個炸雞脾拼薯條。同煎雞趴同薯條。 等左20分鐘先有得食。賣相幾好。雞趴又大塊 但係無咩味同有D駭 薯條都係無味 椒鹽一D都無。 為有雞脾仲好食D。 雖然時間耐左 但總體方面都好 衛生服務方面都相當唔錯 最重要嘅係埋單都可以用微信支付寶八達通支付。 值得卑讚 飲品方面都仲可以 凍檸茶幾好飲。 下次再試下晚餐如何！！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

之前佢新開 食過一次麻麻今日行過見到有新野 諗住應該開左一排會好D 就入去試下點知又係完全冇味 黑松露帶子蛋白炒飯 同食白飯冇分別我從來未食過一個黑松露既食品 係一D黑松露味都冇成碟飯得D帶子粒有少少少咸之前果次食炒河冇味 以為依家做耐左出新野會有改善點知仲差左65蚊食個睇落有料既白飯唔識炒好心唔好出炒野啦另一碟炒烏冬都係冇味架

金華冰室開了好一段時間，門口經常有人等位。在大圍區太有新鮮感！冰室內，容納食客人數眾多，用盡每一個空間，除左卡位，其他座位都係迫住迫住的，茶記感覺！炸魚柳併煎雙蛋配多士炸魚柳皮薄肉厚, 肉滑, 推介雞扒併煎太陽雙蛋配多士雞扒細件薄身, 有點OVERCOOK, 乾身了. 

見到這餐廳裝修得挺清新，於是進去吃晚飯，可是食物質素是非常差。什菜海鮮煲沒想到什菜就只有2種蔬菜，有葉菜都沒有。西蘭花就是清水煮熟，一點咸味也沒有。正確來說，除了蝦有調味，整鍋都沒有咸味，連煲內的湯都清淡如水，如若點選此菜餚，請自備醬油。凍檸茶熱檸茶帶苦澀味常會遇到，今次卻遇上帶苦澀味的凍檸茶，飲了兩口就整杯放棄。什扒意粉友人點選了什扒意粉，份量大，可是味道同樣差。豬扒是辣的，辣椒醬的味道。友人吃不到3份1就放棄不吃了。個人來說，這餐廳的水準真的好差。應該不會有再去光顧的機會。

唉！又一次意外中伏之經驗。很多朋友說大圍晚上美食不少，我倒在想，食的是不少，但好的沒幾間。結果都是一樣，因為做好食而出名，因出名而多客，因客多而取捨，因取捨而難食，當世香港餐廳八成的經營之輪迴。其實今次用餐失敗在於距離餐廳閉店時間太近所致，這段時間更應找營業至凌晨三點更好，可惜在大圍除了垃圾小食就只有7-11。神推鬼助，進了這店。也忘記了上一手如何，只印象新店不久，至少裝潢算新。我知道有幾間分店，其實連鎖店有其好處，只看經營者的心。消費多元化，最貴的不過100以下，算是可以食得豐富的。想食焗飯，就點了一個鴛鴦汁雙扒焗飯，原來是豬雞扒，自選兩款汁，要了芝士汁蕃茄汁。說實話以茶餐廳來說是等得耐的，差不多十分鐘多才到，滿以為是即叫即製的時間，這就錯了。熱是很熱，可惜飯很濕很爛，蛋是有的，只是沒炒過也沒調味。雙扒是熱，只是走油過到已乾了。汁是垃圾，芝士汁沒味，蕃茄汁是罐頭茄汁加水加生粉埋汁，對！就是麥記薯條茄汁加水的味道。最駭人是，竟然有飯焦，而且很厚。讓我告訴你如此怎樣做成。首先中午煲好飯，為因應餐牌所需，可能有客點炒飯底，所以先把炒蛋撈落白飯中，從中省時。又有為怕客人點焗飯，所以方便起見就

大圍出名多野食，今日經過大圍見到呢間新開，趁少人等位入左去食。呢間餐廳選擇多，價錢中間偏貴，可惜飯好硬，揀左個中餐食但送舊多士唔知做乜，食物味道偏淡，賣相搞笑。

喂🤔🤔大圍食咩好吖，就係唔知所以求其入咗間藍色冰室😌自己好鍾意呢隻藍😍星期六7點半左右，哇，已經爆曬人，好彩冰室上菜快，啲人好快食完就走，好快就有位😍😍店內裝潢同座位都好舒服店員話有新嘅din set menu🤔試咗個B2同C2湯有白湯or紅湯，多士搽咗牛油B2 鐵板鰻魚汁大蝦球炒出前一丁👍🏼🦐好大隻爽口，有蒜香味，麵身少少濕，因為落咗鰻魚汁🤩再炒令麵更香，不過個人鍾意咸番少少C2 黑椒牛仔骨煲 配白飯，七十幾蚊真係幾抵🤔有咁多舊牛仔骨，醬汁非常惹味🤤牛仔骨索晒味，又唔會太un👍🏼令人食多碗飯唔夠再加小食蜜糖雞翼，即炸😍十分脆口，個人認為最推介係呢個黑松露芝士焗雜菌西蘭花🥦好邪惡🤤好多芝士，配上黑松露好香特飲紅豆奶茶、菠蘿冰😍夠曬特式

見有新野 特登黎試下星期六晚上8時黎到 都要略略等一等位黎之前上網見過啲報導推介紅豆冰一於加$7試下 （原價$22）結果......杯紅豆冰黎到已經成杯好力克咁咁白 攪拌完都係白雪雪的極少紅豆 成杯野飲 我只係飲到淡奶味 紅豆食落係淋同夠味既 不過佔1/8都唔覺有完全飲唔出紅豆冰既味道 建議原價加錢都唔好試 或或紅豆十分矜貴 所以唔俾得多飲紅豆冰都係過返隔離街冰室飲好 起碼紅豆佔半杯再講番食物食叫左一個珍寶扒餐 以冰室黎講 $100 份量係好足夠 味道亦不錯有牛扒，雞扒，帶子，腸仔！間唔中想鋸下扒仔一試無妨！跟餐免費轉飲cappuccino 的確好多泡沬😂😂😂味道普通另外叫左個咖哩羊架飯 忘記影相咖喱味道很好羊架一般茶餐廳質素都係試下無妨！

食過大埔分店覺得都係正常質素，但今日係大圍食，真係差天共地，無諗過連普通野食都唔好味。一黎到覺得都係正常顏色，午餐肉又厚，第一感覺唔錯架。本身仲有招牌牛乳滑蛋既，不過後期先影所以相無。滑蛋一啲都唔滑，又無牛乳味，唔知點做招牌。個茄汁通既湯，係水既感覺，不過加左啲蕃茄溶，但兩者完全係分開既，無溶合埋一齊，所以成碗湯就好似飲緊茄汁水咁。食食下，入面又有麵條又有啲唔知咩包裝紙咁....更差。到個牛河，一黎到已經色水欠奉。瑞士汁係邊？可能唔記得落。就當普通干炒牛河都唔掂。無色無味。無諗過茶記基本野都可以做到咁。總結係一碟油河。

一星期內第二次到訪。剛剛上午去行山，便下大圍吃午餐，上次未有機會嘗試常餐，今日跟老婆一起點了兩個常餐，遇到新張期，免費升級泡沫咖啡，真不錯。常餐一般都是粉麵，但可以選奶油豬或奶醬多士，也不用加錢。大圍店租貴，令食價上漲，這店算是合理，會常來。「常餐」

大圍出名多野食，今日行經大圍見到間冰室裝修得好新潮，就入去試下呢間冰室既餐牌好豐富，除左必備既茶餐，仲有特別d既玉子燒餐、奄列餐....下午茶仲有紅豆朱古力西多士，都幾多新穎既選擇👍🏻同埋可以自由配搭/加野食，好flexible因為我地吾算好肚餓，叫左一個咖哩牛腩飯配3.6炒蛋($50)跟一杯熱檸茶同加碟青菜($16)野食好快就送到。個飯既份量真係好多，兩個人share都夠，牛腩整得好香，都有成7、8舊，吾會太肥或太瘦，咖哩辣度適中，撈飯食真係幾好味。我都幾滿意個飯😆😋至於個蛋都炒得吾求其，食到好香牛奶味，炒得都幾滑架😋😋青菜份量都吾少，醬又貼心咁另上，岩晒鐘意食得健康既食客。雖然我地差吾多2點先到，但見到keep住有好多人入黎食，彩黎呢間冰室都幾受附近街坊歡迎。

海洋顏色既冰室，的確好搶眼。冰室廣闊，全部都係女侍應，給人好溫柔既感覺。因為出邊有啲凍，所以要左杯熱鮮奶暖一暖肚。北海道熱鮮奶味道真係同平時唔同。陣奶味好濃厚，奶香味特別強勁。好滑好奶既熱鮮奶。飲完一定好好訓。瑞士汁乾炒牛河。陣鍋氣攻鼻，好麻甩又不失霸氣既牛河。牛河炒得滑，河炒到香，完全蓋過曬鹼水味。瑞士汁炒既乾炒牛河味道帶少少甜味，令牛河更加開胃。甜味真係好關鍵。欣女覺得這個乾炒牛河係好味既。牛肉爽滑，炒得有水份。好抵食又好味。蜜糖雞翼有6隻咁多。炸到皮超脆。而且乾爽。蜜糖自己加，加左層皮吸左少少蜜糖開始有少少軟又脆既口感，非常好。雞肉滑，juicy。簡單既蜜糖雞翼整到好細緻，好好食。價錢合理，野食又食得飽。呢間冰室都算有8分！

大圍茶餐廳嘅數目都真係多，又再有一間冰室打入大圍呢個餐廳好強嘅競爭之地，今日真係要試試佢嘅實力了！今晚大約七點左右嚟到，都見到餐廳幾乎座無虛席，都等左一陣，先至被安排入座，睇嚟都幾多街坊支持餐牌唔花巧，以文字為主，選擇都幾多，甚至乎有鐵板餐添，今日就同朋友叫幾個唔同嘅菜式試吓先大部份菜式都會有餐湯餐飲，左邊係朋友嘅羅宋湯，右邊係我嘅忌廉粟米湯，兩款湯嘅味道都唔錯，唔會太淡，都幾好飲餐飲方面，呢度都有特色嘅飲品，都幾有驚喜添，後面係鹹檸七，真係有罐七喜比你自己到落去去，前面係我嘅奶茶紅豆冰，大量紅豆喺入面，又有得食又有得飲，兩杯都可謂係香港傳統嘅飲品之一，唔係度度都有得飲㗎先來嘅有一款小食，佢係土匪雞翼，但係大家唔好俾佢呃左，大家可能平時食開土匪雞翼係喺譚仔雲南米線都食，已經有一個既定嘅味道，以呢度嘅土匪雞翼同嗰啲嘅土匪雞翼，味道係唔一樣既不過佢都做得唔錯，炸得都幾香口，香茅味道比較重，入面仍然有肉汁，係一份唔錯嘅小食主菜嚟啦，第一款主菜係鐵板，我哋所揀係鐵板餐係當中最貴嘅一款，佢係星級鐵板，價錢都只係$100，冇錯，你眼見咁大份嘅鐵板，分量非常多，非常吸引，都只係$100！性價比都已經

早陣子發現大圍開了新茶餐廳，剛好這天不想去太遠，但便決定和男人去試試這間金龍冰室。是日晚餐好像很豐富，點一份B試試。忌廉粟米湯沒了，所以換了羅宋湯，都算不錯。這個焗車打芝士碎蛋沙律豬仔包上面有菠蘿的，很有趣，味道也可以。豬扒炸帶子配3.6牛乳炒蛋豬扒煎得很香，口感軟稔中帶彈性，調味恰當；炸帶子其實是彷帶子，吃下去兒時回憶都回來了；炒蛋更像奄列，蛋不會太老也重蛋香；意粉沒預先調味，要混合咖喱汁才夠味。芝士焗西蘭花 $30份量很多，芝士味很濃，西蘭花不會焗到太焗太乾或太軟。土匪雞翼 $40其實不太看得出來是土匪雞翼，但又確實吃得到孜然粉的味，雞翼外層微脆夠香口，內裡雞肉嫩滑又夠入味，是會讓人想再多吃一隻的。咸牛肉芝士玉子燒 配炸蝦 配撈丁 $60咸牛肉芝士玉子燒原來很大件，切開見到的咸牛肉和芝士也不少，而且芝士溶到流心，配合帶咸香的咸牛肉和蛋香，原來也不錯。炸蝦可能因為淋上了醬汁，不太脆口，但內裡蝦肉口感尚算爽彈，整體而言不會難吃到哪裡。撈丁是重點，感覺上不只一個麵餅，而且軟硬剛好夠彈性，調味恰到好處，味道微甜不太鹹。紅豆冰 $20 (跟餐加 $7）紅豆的量頗多亦夠軟稔，不過略甜，讓飲品的

新開張，d店員都有禮貌！叫左兩個下午茶餐，朋友係雞翼、有面又有包，我叫左個叉燒米粉，再加炒蛋同脆豬，佢新開張有優惠，免費轉脆豬，但就得半個既，仲可以免費轉餐飲做latte，所以我都轉左，食物味道方面不過不失，價錢都平既～