釣魚翁 燒鵝．海鮮飯店 (已結業)

呢度啲麻蓉包我覺得好好味，包汁鳳爪個汁都好香，鳳爪又入味，又夠林。不過略嫌枱與枱之間位置太迫！不過不失酒樓一間！下午茶仲抵食！不過排隊等候超多人，所以要預少少時間早啲去排隊

前幾日打去訂星期六晚枱食團年飯，佢話最早都要20:30，咁我見係星期六晚 就唔緊要照訂 諗住食夜啲都無所謂啦！到咗星期五再打俾我Confirm booking，今晚20:30到咗，門口好多人，我就同前台阿姐確定我嘅Booking，之後佢話因爲張枱啲人未走，咁我就問要等幾耐，佢話等多半個鐘，如果唔係一係就上去佢6樓同集團嗰間酒樓，咁我見等到21:00都ok嘅，之後阿姐話到時有枱就打電話通知我，到21:10我見都仲未有電話，唯有直接上去睇睇，去到門口無晒人等，我同前台阿姐講我訂左20:30有位未，佢睇返訂枱記錄 我見到佢刪左我個名，之後佢話裡面張枱啲食客仲未走，仲話啲食客唔走無計，叫我繼續等，唔係就幫我問吓樓上六樓有冇位啦，不過食品唔同 廚都唔同架！之後有另一位似經理職員出嚟，我地同經理講返件事 點知佢都係同樣態度同樣答案，抱住趕客走嘅心態 ，愛理不理，咁嘅服務態度真係不知所謂！佢地咁嘅安排真係好離譜，我明明訂咗枱，早一日仲同我Confirm，諗住開開心心做節食團年飯，點知無位之如 仲要俾職員用惡劣嘅態度對待，我一家人連團年飯食唔到之餘仲要受啲咁嘅氣，呢間酒樓我一定唔會再幫襯！！

本身覺得呢間d點心都算唔錯，星期日帶埋外婆黎一齊飲茶，一行六人就排C位（6～8人），本身都知呢間旺又星期日所以都預左等。點知個叫號開頭陸續叫左幾個之後，等左成粒鐘都冇再郁過，覺得好奇怪，呢間野都好多中型枱同幾張大枱，點會咁耐冇流轉？後尾就開始留意，見住有d人同個知客打個招呼就入左去，冇叫號碼亦冇確認booking,極度懷疑係留位俾熟客。跟住見到佢執好張大枱冇叫號碼，佢就話俾人book左15位既，咁都無野。跟住問下佢係咪拼晒d枱俾人，佢就黑晒口面咁話呢到唔會拼，又話呢到等個幾鐘好正常，一臉唔耐煩咁。（其實酒樓拼枱好平常唔知點解佢要唔認，但拼到離晒譜成個鐘冇叫過6人枱明顯安排好有問題，仲要態度咁差）咁後尾見住有張12人大枱，擺到明咁大張枱都係用黎拼枱（d人兩三個咁逐d出黎埋單），咁同佢對質一開始仲口硬唔認數，但擺到明冇得抵賴先死死氣唔出聲後尾入到去仲精彩，隔離張12人大枱淨係坐左兩個人，聽到話係book左位，但個兩個人就咁坐係到睇報紙唔知幾耐，到我地食完晒野都只係黎多左一兩個人，前後起碼兩個鐘🤷🏻‍♂️熟客就係咁大？明明張枱可以好多時間俾其他客，搞到其他人等餐死，仲要中途d職員又帶多兩位熟客

一早黎等位飲茶，發現熟客大曬，隨時可以入座......其他客就等足2小時都冇枱知客服務態度極差，明明有枱都唔比人入，仲指罵客人，十分不尊重其他服務員更將餐具擲上枱以後絕對不會再來

做下孝順仔。。去飲中午茶。。4人枱。。等咗20分鐘就有枱了。。見佢有個優惠组口。。乳鴿，油菜配一窩賴粉。。就叫一個試下乳鴿好年輕。肉質嫰滑。。芥蘭爽口。。賴粉吾會好淋。。正其他點心亦相當吾錯蝦蛟。。爽口百花魚肚。。魚肚幾厚身，蝦膠好彈牙。。正潮州粉果。佢由三大隻變成四小隻。。可以一口一隻。。粉果料好足花生。。超正成水角。。炸得好乾身。。大細亦好適中。。。吾錯蒸牛柏葉。。大大碗。。但得四件牛柏葉。。吾太入味。。反而鋪底D西芹，紅蘿白絲。。好入味。。好正

同荃灣既親戚飲茶，親戚提議去呢間，話食開幾好。不過超多人呀，等位等左好耐。叫左好多野，總體都唔錯既，不過聽講偏貴。有幾個特別鐘意，古法原隻馬拉糕　（大點）馬拉糕大點真係幾嚇人，不過見倒古法喎，試下。幾好味，夠鬆軟，仲要好香庶糖味，真係細細個食馬拉糕時既味道。魚翁得意腸粉（特點）寫明得意，應該係招牌之一。腸粉入面包著脆脆蔬菜同蝦，口感好豐富，外面滑，裡面脆，蝦爽口，唔錯。乳鴿炸既火喉幾好，外脆內嫩，食肉獸既我表示好味。整體都唔錯，大部分都幾好，無邊款特別伏，可以再來。

一班大小朋友聚會，又要放置bb車，最適合就係去酒樓吃晚飯，座位夠闊，地方大，而且地點又方便，搭lift 直上5/F就到達！見到海報宣傳做超級優惠晚市套餐，白飯任裝的確好吸引，但我地同行只得二位男士們，所以都係自己散叫比較適合。這裡燒味不錯，叉燒肥瘦適中。勝瓜蠔仔豆腐湯材料幾足，豆腐好滑，有點略咸。屋企人好鐘意食魚，所以每當去酒樓一定叫龍躉兩味，肉質厚實，啖啖肉！翡翠炒球大大塊，有厚度，炒得好香口。食錦多肉一定要叫碟菜，就一於叫金銀蛋泡莧菜 ，清清地又夠營養！魚香茄子煲絕對撈飯一流！

在香港地，飲茶搭枱是平常不過事，但這裡飲茶搭枱的話，你就要接受别人用過的枱布至好來，這裡會將前位食客用過的枱布，讓下位食客再用，極不衞生。侍應的態度惡劣，將碗筷胡亂拋掉給客人，唉

今晚一行8大2BB來食飯，事前已經一早打左來訂枱有朋友早到左，侍應都有俾佢地早入去先除左套餐之外，呢個就係主要既Menu，種類唔算多，但都係大眾化既嘢，一般酒樓既價錢 點餐後先見到牆上貼住呢張傳單，但原來要叫套餐先可享有呢個優惠叫左個龍躉2味+叉燒皇(例)脆皮燒鵝 (半隻) 朋友話之前食過幾好食，但今次就較肥d勝瓜蠔仔豆腐湯個湯味道偏咸龍躉兩味來喇果皮蒸呢個真係好重果皮味翡翠炒球就係得望落去呢5舊係龍躉肉西芹腰果雞丁送飯一流金沙涼瓜花枝片即係咸蛋黃炒金銀蛋泡莧菜可自行揀選要邊款蔬菜魚香茄子煲份量唔多，但味道算唔錯，同唔會太多油，要來送飯正

第一次來到釣魚翁開餐，叫了個翁盛宴。乳豬，燒得皮好脆，但皮下肥膏多左啲，加上有少少少少「豬so味」，味道可以。燒鵝～呢個整體來講好味。鮑魚係鮮鮑，唔係干鮑，唔會太煙銀，幾好咬呢條魚好出色，鮮得來又唔會蒸到過老，味道岩岩好。推薦推薦。大蝦伊面～大蝦好大粒彈牙，伊面都好濃味，唔錯。呢個炒雙蚌好味，好爽口。推薦推薦翅不過不失，但料好足。高湯雜菜，味道ok。呢個係三文魚蛋白炒飯～味道偏淡，都係不過不失的一道。

今晚打完波去食飯，原本去開嗰間酒樓竟然無位，因為有人包了場擺酒。一行四人唯有轉到商場內同一樓層的另一間酒樓釣魚翁。同隔籬嗰間好唔同，隔籬嗰間平時去都多人，今晚擺酒當然無位啦，但係呢間就大把吉位，真係擔心會中伏。好彩後來發覺唔係。論招呼，呢間都OK，侍應沖茶、落單都有笑容，好爽手。仲推介我哋食 “晚市滋味” 套餐: 蜜汁叉燒、果皮蒸頭腩和翡翠炒球，$298一份，似乎好抵食，一於叫一份食下。跟住交俾朋友繼續發板，叫一個茶樹菇燉白肺$198、一個雙色鮮淮山炒蜜糖豆$108和半打蟠桃壽包$68。【茶樹菇燉白肺】材料好足，睇啲湯渣就可以證明。好清潤。豬肺都好爽口。【雙色鮮淮山炒蜜糖豆】白色嘅淮山就食得多，原來世間上仲有紫色嘅淮山，我都係第一次食。基本上味道和白色的差不多，但聽人哋講，逢係紫色的植物都含有青花素，可以抗衰老，所以吃多些紫淮山都無防。【蜜汁叉燒】肉質夠腍，亦都有蜜汁味。但係，略嫌切得太薄。食叉燒，我哋鍾意食厚切，口感係完全唔同的。【翡翠炒球】炒得火喉啱啱好，所以龍躉肉無老到，仍然很鮮美。個茨汁都好味，能夠包住魚肉和其他配菜。【果皮蒸頭腩】蒸到啱啱熟。有果皮香，豉油汁帶少少甜。整體食落

同親戚食飯食中菜就最好不過叫套餐又可以多D人食屋企人又比較偏好中菜!就黎釣魚翁啦!之前同朋友gathering食過一次覺得都唔錯講明釣魚翁燒鵝當然要叫燒鵝食燒鵝真心一流!!唔會太肥又不太瘦..恰到好處剛剛好親戚們都大讚佢既燒鵝唔錯的小食手拍青瓜都唔錯夠爽口..開胃之選麻鳳爪辣左少少..屋企人食唔到其他送菜無咁辣..會更加好上個鱔是不夠熟的很難離骨..最後叫waiter再蒸過蒸完果然易離骨了~~最欣賞都係隻燒鵝下次食燒鵝會再黎食

今日難得放假，緊係要陪下屋企人飲茶啦今日閒日，好好彩我哋唔使點等就我可以直接入咗去座低了我哋叫左個xo芽菜炒腸粉同個薄撐而兩個好正 xo辣辣地同啲腸粉炒埋一齊加埋啲芽菜， 勁好食yummy yummy!!落撐又係放左好多材料係入面， 食到lamlam脷啊黎飲茶點可以少咗嗌點心呢 haha 釣魚翁勁好出左個set 入面有齊幾只點心款式！！ 超正， 簡直係岩哂咩都想食下既我啊叉燒包，蝦餃，薑汁千層糕，菜肉餃！有齊幾種必食架

7位舊同學每年的一聚，總喜歡飲中茶，去緬懷一下昔日那些年風光，今年已第八次去舉辦，感恩仍有7人出席，浩浩蕩蕩探完老師便去釣魚翁燒鵝海鮮洒家嘆茶，叫了11樣點心，重點評論下幾樣先:燒鵝粉麵: 是鵝脾肉，皮脆肉厚，有78分，省招牌叉燒粉麵: 叉肉較乾，如是半肥瘦，必加分薑汁千層糕: 有特式，薑味濃，糕好绵軟燒汁釀茄子: 秘製燒计，茄子厚度適中，偏稔香麻叉燒酥: 惹味，酥皮夠脆，令人更開胃魚湯浸鲜竹卷: 正常味道，沒大突破家鄉咸薄撑: 偏薄脆，夠葱香味，有水準花生甜薄餅: 同行友超愛甜品，花生味濃，抵贊爽滑牛肉腸: 好味，皮不厚，牛肉份量頗多，極力推薦整體而言，有80分，會再來試晚飯！361元7個人分，也是50多元，性價比在同區是名列前矛了！

今朝同屋企人去呢間飲茶，平日朝早都要排隊，真係幾旺下。排左4個字，就有位。入面的早茶都幾平下，所以就劃多幾碟試下好唔好食。啲嘢食好快上，而且個上餐姐姐仲好好禮貌，提我地其中一個籠係甜品，洗唔洗幫我地搵個蓋擒住？係香港都真係幾少見茶樓有咁窩心的服務。👍🏻啲嘢食整體都好食，而且一啲都唔貴，又上得快。我地叫左15碟嘢都唔洗300蚊，性價比極高❤️。唔怪得平日咁多人黎飲茶。所以下次都會再黎試下其他點心。