影片
更多
2018-07-29
3482 浏览
今晚打完波去食饭，原本去开𠮶间酒楼竟然无位，因为有人包了场摆酒。一行四人唯有转到商场内同一楼层的另一间酒楼钓鱼翁。同隔篱𠮶间好唔同，隔篱𠮶间平时去都多人，今晚摆酒当然无位啦，但系呢间就大把吉位，真系担心会中伏。好彩后来发觉唔系。论招呼，呢间都OK，侍应冲茶、落单都有笑容，好爽手。仲推介我哋食 “晚市滋味” 套餐: 蜜汁叉烧、果皮蒸头腩和翡翠炒球，$298一份，似乎好抵食，一于叫一份食下。跟住交俾朋友继续发板，叫一个茶树菇炖白肺$198、一个双色鲜淮山炒蜜糖豆$108和半打蟠桃寿包$68。【茶树菇炖白肺】材料好足，睇啲汤渣就可以证明。好清润。猪肺都好爽口。【双色鲜淮山炒蜜糖豆】白色嘅淮山就食得多，原来世间上仲有紫色嘅淮山，我都系第一次食。基本上味道和白色的差不多，但听人哋讲，逢系紫色的植物都含有青花素，可以抗衰老，所以吃多些紫淮山都无防。【蜜汁叉烧】肉质够腍，亦都有蜜汁味。但系，略嫌切得太薄。食叉烧，我哋钟意食厚切，口感系完全唔同的。【翡翠炒球】炒得火喉啱啱好，所以龙趸肉无老到，仍然很鲜美。个茨汁都好味，能够包住鱼肉和其他配菜。【果皮蒸头腩】蒸到啱啱熟。有果皮香，豉油汁带少少甜。整体食落
同隔篱𠮶间好唔同，隔篱𠮶间平时去都多人，今晚摆酒当然无位啦，但系呢间就大把吉位，真系担心会中伏。好彩后来发觉唔系。
论招呼，呢间都OK，侍应冲茶、落单都有笑容，好爽手。
仲推介我哋食 “晚市滋味” 套餐: 蜜汁叉烧、果皮蒸头腩和翡翠炒球，$298一份，似乎好抵食，一于叫一份食下。
跟住交俾朋友继续发板，叫一个茶树菇炖白肺$198、一个双色鲜淮山炒蜜糖豆$108和半打蟠桃寿包$68。
【茶树菇炖白肺】
材料好足，睇啲汤渣就可以证明。好清润。
猪肺都好爽口。
【双色鲜淮山炒蜜糖豆】
白色嘅淮山就食得多，原来世间上仲有紫色嘅淮山，我都系第一次食。基本上味道和白色的差不多，但听人哋讲，逢系紫色的植物都含有青花素，可以抗衰老，所以吃多些紫淮山都无防。
【蜜汁叉烧】
肉质够腍，亦都有蜜汁味。但系，略嫌切得太薄。食叉烧，我哋钟意食厚切，口感系完全唔同的。【翡翠炒球】
炒得火喉啱啱好，所以龙趸肉无老到，仍然很鲜美。个茨汁都好味，能够包住鱼肉和其他配菜。【果皮蒸头腩】
蒸到啱啱熟。有果皮香，豉油汁带少少甜。整体食落都唔错。【蟠桃寿包】
里面除咗有莲蓉做馅，亦有蛋黄，所以食落系好香的，而且个包亦好软熟。趁热食系好好食的。【红荳沙】
埋单前仲有红荳沙送，有好多红荳，唔太甜，啱味。今餐每人二百，都几抵食。最重要系，发挖到另一间酒楼，可以在打完波嚟食饭。
张贴
