影片
以上资料只供参考，请与餐厅确认详情
招牌菜
天寒地凍，想食啲辣嘢暖暖身，所以選了此店。見到收銀處掛住咖哩芝士漢堡飯，二話不說就叫了一個，再加親子烏冬(因為怕個漢堡太漏，另一個餐就唔選咖哩)。咖喱芝士漢堡飯卒先上桌，見到真身時，真的被漢堡的份量嚇親，塊漢堡又大又厚，完全蓋過整碟飯。由於係日式咖喱關係，啲咖喱味唔濃，民是微甜，但個漢堡扒內有黑椒，所以食食吓都有啲辣，啲芝士略嫌唔夠 creamy .由於塊扒真係好大，唔夠飯送扒，如果可以，應該加底。兩個人食完漢堡扒都有啲飽，所以都冇咩心情細味個親子烏冬，只記得個烏冬中規中距。
继续阅读
銀咖哩離工作的地方十幾分鐘的步程，不過很久都未再光顧的原因下，今晚就趁機會去試試﹗由於吉列豬扒售罄下，唯有點了咖哩吉列雞扒餐(連薯角及汽水)，以及吉列海鮮薯餅。以前在其他的分店都會點吉列豬扒；但今次吃過吉列雞扒後就獲得新的感覺。雞扒始終相對嫩滑下會較易入口，而炸過的雞扒所散發的雞油都非常多，所以吃起來很鮮。當然加入咖哩汁就會生色不少。銀咖哩提供的飯份量每次都是很多的，所以從來我都不要求加飯(大盛)或者加咖哩汁的，現在的份量已經剛剛好吧﹗而吉列海鮮薯餅就保持一貫的水準，可能是剛剛炸好的原因，吃起來非常脆而不會太油膩。
继续阅读
係深山差唔多餓咗六個鍾頭，除咗幾條 gel 同 bar 之外咩都無食過。同男朋友好似餓鬼投胎咁返返市區時就即時諗到要食銀咖喱喇～我嗌咗個正正常常既炸豬扒蛋飯，而男友咁擦得就梗係嗌富士山飯喇我個飯不過不失，但可能真係太餓，我食完仲想食。男朋友個富士山飯真震撼，有炸豬扒，漢堡扒，蛋同腸仔！我都忍唔住偷食，個漢堡扒喜岀望外，有咬口好好食。雖然富士山份量好大，但男友一個人都輕鬆食得晒！😂 個人認為個咖喱汁有小小辣會好食啲，但呢個價錢有呢個份量真係好掋食，無需要挑剔。
继续阅读
富士山飯，十分高大。配有豬扒、漢堡扒、腸仔、蛋、芝士、咖喱汁，份量超卓。2人同食都會食到飽飽、如果3人唔太肚餓都夠填肚。咖喱汁微甜，是傳統日式咖喱，味道不俗。芝士是車打芝士、上牒後很快就會變硬變乾，所以要配上蛋優先搞勻。腸有2條，是常見的雞肉腸，不用擔心食左豬/牛。豬扒是炸物，麵衣脆口、肉質偏鬆。漢堡扒有"蘇"味，不太喜歡這味道，所以沒有吃完。另外加左10 元配薯角和汽水，薯角脆口、配茄汁開胃。汽水是蘇打水，而不是c字頭款式。
继续阅读
好似去征服一座食得既富士山😋😋😋，令原本肚餓既我更加狼吞虎嚥，好想快點倒落肚子！真的「平，靚，正」，前題必須要最少有兩位肚餓既朋友。呢個飯其實也不是100分的好吃，炸豬扒較乾，但$78/1.5kg也不能要求太多了..這個 1.5kg 的富士山咖哩飯用了珍珠米、一大塊炒滑蛋和二條廚師腸一塊碎上的炸豬排和不辣的咖哩，每人用～$40的價錢來說，真的很高質了下次大家肚餓既，推薦吃這個咖哩飯
继续阅读