銀咖哩

营业中

休息中

原來我係第一次食銀咖喱，聽就聽得多，食真係第一次！就咁睇個餐牌，啲飯價錢都好似okay,但其實未計飲品，計埋就都唔平！我今次揀左「芝士蟹柳蛋包咖喱飯」，睇餐牌相好似唔錯,但上枱個下就有啲失望，一個好頹既鐵盤裝住碟飯，賣相no good!咖喱頹，蟹柳頹，蛋頹，可以稱為一個頹飯！仲以為蛋包飯差極有限，但呢個蛋煎得太熟太乾又薄，加埋芝士仲有啲漏既感覺！成個配搭都好差！蟹柳係蟹柳絲，份量少得黎，毫無口感！咖喱味道一啲都唔香濃，似肉汁，撈飯都唔好食！加$6既飲品就係一杯好多冰既橙汁汽水⋯

銀咖哩曾系同學仔會提議食飯嘅地方，當年夠平抵食又有新鮮感，到今時路經商場見冇乜食客幫襯，再重遊舊地食個下午茶☕️。個銀盤永遠都系銀咖哩特色之一，會令我聯想到以前碼頭工人碟頭飯feel🤭今次order左兩set下午茶，每set下午茶$29，加$6可加個咖哩飯，點左吉列豬扒、吉列雞扒，配薯菜，飲百事同美連達～當然要先講講個咖哩飯，食得出系日本風味嘅咖哩，偏溫和唔會話辣嘅咖哩，米粒依然仲系用緊珍珠米，加$6蚊up grade真太值🤤❤️👉🏻吉列豬扒同吉列雞扒嘅評分我會鐘意吉列豬扒多d，豬扒兩邊炸粉厚度大概各2mm，唔太厚又夠脆身，配合面頭日式燒汁食一流，而雞扒輸左系油脂皮層過厚，食落經常成口皮嘅感覺，但兩者大致都系合格水平以上嘅，配上飲汽水🥤嗝一嗝太正👏🏻🤣✍🏻總括黎講依然系相當親民價，食物都達至合格水準，唔系好多客人幫襯，餐廳顯得有少少冷清，但見佢地其實都有推一d promo，例如$88 1.5kg富士山🗻咖哩飯，啅頭幾特別，呢項挑戰我諗下次要搵個大胃王同我一齊share🤣🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既

香港經濟一潭屎水，貿易戰爆發嘅話，好難再大魚大肉，所以搵定後路，研究做窮L可以有咩比較好嘅選擇$37 原來可以食到招牌飯，咖喱吉列豬扒飯，咖喱汁入面放左好多紅蘿白碎，仲好似有啲肉碎還是豆類物體，所以令到啲汁好有層次，撈飯好正，啲飯都好食，有一定黏度，又彈牙可惜佢地嘅吉豬唔合格，皮厚痴牙，仲要皮肉分離，豬扒份量正常，不過冇肉味，輕微偏乾，說不上招牌貨，我寧願就咁隊個咖喱汁撈飯但係今時今日梗係多多要求，到做窮L果陣就覺得係佳餚

5月3日晚上，突然想食日式咖哩，搵到附近有一間銀咖哩，位於熊貓酒店商場地下二層。晚餐時間，竟然不用等位，我立即叫了個照燒雞肉蛋包飯，鬼盛再加大辣。 不用10分鐘，飯就送到，速度比預期快。馬上吃上一口，飯是微暖，咖哩不似預期，細看下，竟然沒有辣粉。真是貼心的特別安排，避免了食辣引起的不適，因為沒有帶上保濟丸，所以勉勉強強接受，可是之後發現了一個可能冇人知的唯一秘密！ 再吃上兩三口，我的心情就如發現號一樣震驚，在蛋和蛋之間有一條啡啡黑黑的蛋白質，應該是很難才遇到的頭毛！這頭毛不簡單，是略帶點金色的！ 由於我有頭毛恐懼，所以立即叫老闆處理，老闆說等等幫我換過碟。 對住一碟新的，但沒有頭毛的咖哩飯，我食了兩三口，已食不下了，實在非常可惜。 無論是蛋、咖哩和飯都好一般，可是這裡總會帶給你非一般的體驗。

冇多餘嘅服務就係最好嘅服務！有人講過，韓國嘅基本理念係 We （群體）而日本係 I（個人），呢一點响佢哋嘅料理上就會反映到！有時一個人想搵食，好多時都會光顧日本餐廳、拉麵店、咖哩屋。响嗰度即使係一個人都好自在。就好似去銀咖哩咁！同大部份嘅日本速食店一樣，主食以外嘅飲品小食可以逐樣加，豐儉由人！點餐俾錢後有專人送餐，店內有水有醃菜自已添加。當隔離間家庭餐廳排長龍嘅時候，呢度輕鬆自在，獨享個人空間唔駛同人迫，簡直係沙漠中嘅綠洲至於食物方面 - 金牌咖哩豬扒飯係必食之選！吉列豬扒炸到脆卜卜，豬肉瘦而不柴 ，日本咖哩清淡可口，白飯又可以免費加大。枱上面嘅醃菜酸酸甜甜，配咖哩好開胃！對個人嚟講，呢個份量就啱啱好！如果你係一個「餓底」嘅話，店內有另一推介 - 富士山豬扒咖哩飯，佢份量十足 （重1.5 kg）除咗咖哩豬扒外，仲有荷包蛋一隻，足一家三口食用，價錢只係$88 非常抵！「餓底」們可以挑戰一下

在這間酒店的地庫，有玩的﹑有買的，也有食的。如以層數區分，愈低層的食肆就愈平民化。這間銀咖哩的位置在B2層，再下一層就有更廉價的超市立食corner。這間銀咖哩雖然位置較偏僻，但因為以開放式間格裝修，令顧客都算是容易發現它的存在。對於其Menu來說，可以說是簡單易看，但當看到加錢加菜的項目，就有點困難，希望改善一下。點餐也相對簡單，看準，然後向收銀買，然後坐下等送餐。小妹點了最簡單的日式咖哩吉列豬扒飯，賣相不錯，銀碟上咖哩﹑豬扒和飯各據位置，豬扒沒有沾到太多咖哩汁真好，保持其脆口的口感。咖哩的份量適中，食完之後不會留下丁點醬汁，這也是拜咖哩偏向淡淡而略帶一點點甜味所賜。銀咖哩可以說是平民消費，如果只想吃咖哩不吃配菜配肉的話，可以只選揀更便宜的「銀咖哩飯」。也可食飽肚。

芝士豬扒蛋包咖喱飯🍛🐷.好耐無食過銀咖喱🍛！最上一次應該係HKU返學食....(小編唔會話您知幾耐前)🙈豬扒做得唔錯，炸粉算係薄，豬肉都幾林👍🏻但做唔到真正蛋包飯既效果，只係一層薄薄既蛋鋪喺面，無口感可言！咖喱汁份量都幾多，而且餡料豐富，有好多蘿蔔同埋肉粒🍛。白飯算少女仔食都只係剛剛夠飽。應該唔會再食lu，只是經過想懷緬一番😅

銀咖喱算係我每次突然想食咖喱時嘅必然選擇 因為佢做得都偏向近日本嘅咖喱 而且價錢算係平今日自己做小毒毒 一個人去食lunch 又黎左食 叫左個芝士照燒雞肉蛋包咖喱飯 覺得吾錯 其實已經差吾多2個月無食 感覺味道上係有進步到 芝士味明顯濃左 加上由落單到食得嘅時間都短左 幾好食飯之餘都加左個湯黎飯 但係就有啲失望 因為吾係普通茶餐廳吾洗錢嘅例湯 所以難免期望會高啲 飲落去飲吾出exactly 係咩湯 似係羅宋湯同南瓜粟米湯之間嘅物體 仲要湯渣都係有與冇之間 望落去似係不斷加水煲造成嘅結果其實總體黎講都仲係中意食銀咖喱嘅 不過下次就應該吾會再叫湯啦

我地幫襯過銀咖哩好多次，由我地拍拖到結婚，都幫襯左有超過10年，因為親民嘅價錢就食到高質素嘅日式咖哩，實在係一大賣點，今次我地黎到位於悅來坊嘅分店，晚餐時間唔需要等位，點餐後坐定定就得，有侍應送餐，今次我地點左：芝士野菌蛋包咖哩飯（$39）+腸仔（$3）+汽水（$6）食左十年都係食呢個餐，因為實在太太太好味，芝士，野菌，滑蛋，蕃汁，腸仔，咖哩，都係我嘅至愛真係無得輸，主角咖哩香濃，甜甜辣辣嘅日式咖哩，呢個價錢真係唔多餐廳做得到，份量亦好多，次次都食到捧住個肚走，吉烈海鮮薯餅咖哩飯（$35）+芝士（$4）+汽水（$6）老公又係咁多年都係叫呢個餐，薯餅炸到熱辣辣好脆口，餡料亦好多，平時諗唔到食咩就會想黎呢到食，真係平靚正之選。

八月份天氣真係好熱, 一時就落大場雨, 一時就熱到成隻狗咁, 依d時候不易係街搵食, 要等位既餐廳留返冬天再試啦, 入商場行下涼下冷氣就岩哂啦, 熊貓酒店既悅來坊餐廳唔算多, 不過勝在冇咩人唔使等位, 就算假期都係半個鐘內入座, 今日就簡左銀咖哩, 見價錢幾抵又大大碟嘛叫左芝士野菌蛋包飯, 依家要搵under $40既lunch真係好難啦, 商場食個飯閒閒地都六七十, 打工仔既苦用發寶膠做碟唔多環保, 個樣都唔靚仔, 味道就一般冇得同日本既比較架啦, 不過依個價錢同份量係解決lunch既好地方既

銀咖喱相信係學生最愛lunch飯堂之一，價錢平而份量夠，當然食物味道就唔會太高要求喇！我叫左個咖喱雞粒飯，我男友就食呢個富士山下，比其他的飯巨型好多，除左有旁邊的吉列豬趴，仲有漢堡排、芝士同雞蛋，飽到high high！可惜吉列野炸到硬曬，d食物又差左d，真係好一般，不過咖喱都依然係日本咖喱，味道都搭夠！我最鍾意係悅來酒店呢間，除左方便，仲非常近樓下Aeon，所以成為最愛！價錢又唔貴，收工想hea食最好選擇！

今日又去大窩口，到悅來坊附近，一支公就食咖哩。叫左吉列豬扒芝士蛋包飯。賣相還可以，豬扒比較小，炸得脆，唔會乾淨淨，亦唔會皮肉分離。蛋包比較失望，不夠滑。芝士一般芝士不詳述。咖哩汁不過不失，說不上香濃。

今日放工朋友話過左黎葵涌，要去食好野。住左呢區咁耐，真係唔知再有咩好食。原來佢想去銀咖喱，食個富士山豬扒咖喱飯。個飯價錢唔貴，約$79，跟餐加$10蚊有沙律同野飲。個飯上枱一刻，已經有點濟，因為好大嚿豬扒，好多條腸仔同埋成大隻生雞蛋。好高卡路里，好多醬汁。豬扒炸得好脆，而且咬落都鬆軟，個汁走辣，啱我口味，撈飯好好食。好在我地有三個人，所以食得晒。其實個飯，真係同座山一樣咁高，以70幾蚊價錢黎講，真係好抵!如果三個人食，每人都係二十幾蚊。

工作關係黎到荃灣,午餐搵食,就去左悅來商場入面吉之島鄰近12元店的銀咖喱。講真我第一次食,因為平時唔係多人就剛好冇遇到。剛好我在中學生食lunch前黎到,所以大把位叫左咖喱芝士雞肉蛋包飯42元+5元汽水初頭未食前以為好辣,食落口原來微辣,都幾好食。小朋友都食到~每張桌頭都有一盒醃菜。我好奇就拿d黎食,一食停唔到。哈哈哈。酸酸甜甜。好像有蓮藕,牛蒡??好神秘。整體因為醃菜加晒分。哈哈。正

漢堡包集合澱粉和厚身牛肉和醬汁一身，簡單不花巧就已經很好吃，有誰不愛？不過在香港，食物水準參差，簡單易做也可以很難吃，再慘是很貴。但銀咖哩出品的漢堡包就不是了～在熊貓酒店的銀咖哩出了CP值很高的漢堡包餐。第一次我吃了魚柳包。麵包用上嘉頓公司的芝麻漢堡，將兩面輕輕烤脆微燶。中間夾普大塊厚身的炸魚柳和完整一片芝士，剛剛炸起，一個不跟餐是19元，加5元就有薯角和汽水，很抵吃！隔天我又再去試了他的漢堡蛋，是用上銀咖哩飯一樣的漢堡扒，已經十分很滿意～加上麵包也是用上嘉頓，芝輕片味足，蛋size又夠大，麵包蓋上不大又不小，最重要連酸瓜長條，新鮮熱上。今次我叫了餐，薯角夠粉和炸得乾身，皮薄又脆～嗯，每件小事細節都是不隨便，跟汽水才是28元，這價位完全比得上任何賣漢堡包的餐廳。我唯一能挑的，是沒有0kcal的可樂，而且還是百事可樂～哈哈！