銀城海鮮酒家

营业中

休息中

近來多了行山，都行到梅窩這地方了~在當眼處就有這個大排檔~平日在香港已很少機會吃到大排檔了，還要是好吃的就更少了~🙈🙈🙈今晚一行4人去了買外賣回家吃，打算叫3個小菜就夠了~🤣🤣🤣但原來外賣，餸菜的份量，比堂食的少很多🤣🤣🤣所以，還是建議堂食好一點😈😈😈椒鹽鮮魷~這個蠻好吃的，每次來也會點😍😍😍京都骨~醬汁是蠻好吃的，但卻是兩塊豬扒切開數片而已,有點失望🙈🙈🙈南乳齋煲~這個份量最對得起這個價錢了，味道都不錯~

今日是2019年最後一日，決定番梅窩同親戚朋友食飯，每次番黎都係食銀城，因怕人多所以早早訂位。天氣凍🥶，必食羊腩煲🐏配蔬菜🥬盤，羊腩一點都不騷，一路用GAS爐滾住黎食就好似打邊爐咁🍲配上爽口馬蹄、滑捋捋腐皮、焧身到極既羊肉、大大條香蔥，食左成個身都暖曬。蔬菜🥬盤大致上有生菜、吸曬羊腩煲既精華，油油地既菜，伴隨羊腩味🥰黃金豆腐拼炸茄子🍆： 食得出用上百福豆腐、炸粉薄，吾會一夾就散，配上籽然粉，好香脆可口。茄子🍆炸得吾會太油，厚薄適中。炸乳鴿：乳鴿本身夠咸味🧂，可以吾洗落華鹽，而且最正係夠乾身，論論下好滿足。總結：價錢吾貴 份量足味道好 聽說是曾在米之連餐廳做既廚師👨‍🍳煮理

3:15 黎到E到食下午茶我叫左碗火腿煎蛋米加杯檸茶 火腿無特別 煎蛋就係太陽蛋 OK米粉用上超力米 細細個 食左兩口都無LU(兩送38蚊)男朋友叫左香茅豬排米又係得幾塊 但味道全OK既 表屠唔係話炸到脆口香茅味唔係好夠 又係超力米因為太輕食既關係所以叫左隻炸雞脾(25蚊)表屠係好香脆 入面肉夠滑夠熟但係油都好多 明顯無話炸完 瓊一瓊D油先D 油多到隻碟入面仲有兩杯野飲黎講呢檸水好飲過檸茶茶唔係好靚 帶有澀味總結:$偏貴 兩個人食個下午茶都$130同埋味道又無咩特別 自己係屋企煮算

依間酒家早市做飲茶 午市做碟頭飯  晚市做小菜咩時間黎食都有會野食今日就同家人叫左好多小菜第一碟有佢地出名既炸乳鴿 係用上好傳統既四色蝦片即炸即食  皮脆肉嫩兼肉汁豐富真心好食!第二樣係魚香茄子煲 茄子佔左煲既7成 好足料每啖都分佈到肉粒同咸魚粒 送飯一流!講到飯 E碟揚州炒飯 起碼有10碗加埋既份量 炒至粒粒金黃色 可見每粒飯都佔上蛋肉 粒粒分明 好有獲氣 另外 佢既黃金豆腐係一家要食外脆內軟 每磚都炸到金黃色粉唔會太厚 每磚豆腐都夠硬身 唔會一甲就散 而且面頭加上椒鹽 十分野味仲有叫左小炒王,入面有蝦乾 ,白飯魚,腰果,韭菜,魷魚白飯魚炸到好脆  韭菜好甜 蝦乾都好大條食到錦上下 飲碗湯先  入面有肉絲 荀 香菇 同埋CHA燒呀用料好配合味道  加上胡椒粉 風味更佳乾燒伊麵 有超多的麵 香濃的蠔油煮麵  超好味!最後 食埋瑪拉糕 做甜品 入面好鬆軟 熱辣辣食就最正!總結:大碟抵食 用料十足 會再光臨~

今日大人好辛苦, 一定一定要請佢食餐好, 好好慰勞下佢, 見呢間銀城咁多街坊食, 睇埋價錢尚算合理, 大人又話OK, 就咁決定。開放式大排檔格局, 秋天冬天涼涼爽爽坐室外冇乜所謂, 夏天佢地會落帳篷開冷氣。實情係我哋想食呢個醉窩雞煲比大人補吓身, 20:30 竟然己沽清, 唯有轉條清蒸游水班好了。支竹羊腩煲大量支竹及羊腩.....真係大大煲, 幾驚食唔曬, 羊腩炆得好腍滑, 味道也相當好, 最緊要係抵食麻！今日太晏食飯, 喇喇臨叫嘢食, 唔記得咗睇價錢了, 呢啲都好似系$88清蒸石斑 （$198）條斑好新鮮, 蒸得剛剛熟, 肉質嫩滑, 豉油鹹甜度調較適中, 大人同我都非常滿意喺呢個旅遊地區, 有清蒸游水班, 有羊腩煲, 再加碟菜, 連白飯埋單 $350 合理！如果齋食小菜唔蒸海斑, 每人應該洗一百。

自由人自由盪，盪入梅窩踩單車食埋個飯。  今次係朋友男友小熊維利請我地食飯, THANK YOU WINNIE THE POOH......估唔到係離島，小菜真係好有大鑊氣， 廚師食過下夜粥……好食好味道過之前去大澳時的套餐。 1）酥炸九肚魚：可能踩完單車, 運動完, 好肚餓; 一放入口, 唔油, 好酥, 九肚魚炸完, 好鬆脆 >>>>2）黑椒汁炒牛仔骨：不可能少了的黑椒汁, 配上牛仔骨, 又炒得剛剛好, 黑椒汁不多不少,  食的滋味無窮的了。3）鮮魷炒西蘭花：鮮魷好厚身, 彈.......牙4）霸王雞：雞肉好嫩, 不過最好食, 莫過於伴菜, 薑蔥, 芫茜豉油, 一起配雞食先最好味。5)豉汁炒蜆：炒蜆不能少了個伴汁, 好食, 不過蜆細了點。

復活假期唔知去邊, 家人提議到大嶼山, 反正今天天氣好, 下午開始出發。交通時間加上悠閒適旅行，好快就到晚上，去到咁遠，當然係盡慶食埋晚飯至走。見到呢間好有平民夜總會 feel 嘅酒家，入去試下咁抵，個樣唔差，叫了2隻仲有炸蝦片跟碟，差不多是70年代才有， 近年已經少見可惜炸得唔夠火喉， 皮唔夠脆， 肉質太林， 味淡， 反而伴碟的蝦片脆口好食八珍豆腐煲餸多，有燒肉、叉燒、瘦肉、蝦…，同市區配料略有不同，但各有千秋，味道不俗大海鰵魚，唔係好多地方有得食叫了個碧綠炒球，入口大叫不妙， 越南平價 鯰魚充鰵魚，咁都得 幸好冇叫兩味， 蒸頭腩唔知比乜你食本來大好假期， 食完呢餐都好勞氣！！

我真的想講原來離𡷊都有好野吃它們是一家酒家樓上是度假屋。看上來不顯眼。入到去當然問吓有什麼好吃。那就給他們安排。嘩那碟叫醉翁蝦令我十分難忘。那家的經理現場表演煮。比到我女友和家人一場開心表演。但表演還表演味道真的十分不錯。避風塘炒蟹我都比佢地嚇了一跳、他們原來會放少少豆鼔一起炒令我有意外警起。避風塘炒蟹以其香，辣，脆而不煳，蒜香味與辣味、豉味結合惹味，留下深刻印象，吃過過癮，。

今日一行九人，有老人有小朋友。於下午5時許，去了這間酒家訂了枱。6時許老人家說行累了，去酒樓坐下。我就去街市買了一條石蚌及四隻蟹。我於6:30許，並點了北姑蒸雞，腰果炒肉丁，三色蒸水蛋，海味雜菜煲。7：00許，老板取了一條石蚌及四隻蟹入廚房。7:30上了第一度菜腰果炒肉丁，30分鐘後，上了海味雜菜煲。30分鐘再後上了北姑蒸雞及三色蒸水蛋。重點來了。因為我地係第一圍枱比條魚同蟹佢地煮。係下午7：00左右。大約 7：00都有其他客人來。隔離枱7：15分來，7：30全部點的菜都上了，包括他們所帶來的魚。另一張隔離枱7：30來了，8：00，他們所帶來的魚也上枱了。但是我們 7：00帶來的魚8：30依然未上枱。我發覺全部遲來，早上菜的客人， 都是熟客。我每點一樣送都要自已入廚房追四五次，他們再肯煮。煮左出來放係廚房都不上枱，伙計們都先上熟客的菜先。有空才上我們的菜，所以，我基本上都是入廚所，找我們所點的菜，自已上菜。

我家父母住梅窩,所以每到假期我多數都會去梅窩食飯。唔知點解媽咪咁鍾意黎呢度食飯,無論早餐、晏就定晚飯我都試過係度食!好似呢個復活節假我就係度食左兩餐啦!(其中一餐係食盆菜再加)不過老實講,呢度d食物質素真係唔差架!雖然全部都係你食過既菜式,但全部都唔會令人覺得有唔好食既感覺囉!早餐既點心唔太多款,但都夠食,全部都合格架!午飯同晚飯食既菜都一樣,有叫菜食飯,又可以叫碟頭粉麵飯,亦都係全部合格,有d仲幾好食,可能佢地全部都係你落單佢地先煮,海鮮更加唔駛講,可以一早頂定,佢地會去d剛剛係海捉上黎既煮畀你食,所以呢度既海鮮特別好食,同出面市區既食法真係完全唔同架!職員服務亦都係街坊生意feel,唔錯架!不過有時都會因為太多人,所以起菜會慢少少,但唔緊要啦!好食既話,等下都值得既!!