銀座茶餐廳 (已結業)

估唔到喺香港可以搵到一間茶餐廳嘅早餐係$20一份，地點唔雖然係有少少偏僻，在葵涌，無地鐵，不過$20真係有啲嚟晒大譜。可能你會話$20係唔係好細分，我自己又覺得OK喎，香腸紅腸煎蛋餐肉任揀三樣加牛油方包再加以熱飲盛惠$20，兩餸即食麵加一杯熱飲又係$20，真係有圖有真相！兩份早餐第一份揀咗紅腸煎雙蛋飲熱奶茶，另一份早餐就叫咗沙嗲牛肉煎蛋即食麵又係飲熱奶茶，味道正正常常啦，不過個價錢真係平到嚇死人。

真係唔識講咩去多謝呢啲良心小店，$25蚊一個午餐仲要包埋嘢飲去邊度搵真係。今次叫咗個涼瓜肉片飯，2分鐘唔洗就走得 12:55-12:57，仲送熱飲，返到去公司原本都心諗$25都唔好其望太高，點知一打開個飯，對於我一個女仔嚟講係綽綽有餘，菜同肉片食落都係正常，無異味 同出面食既5x一個飯一樣，重點係仲要送熱飲☕️ 係度真係好多謝老闆🙏🏻希望繼續加油！熱奶茶都真係唔錯，好過有啲係淡到得啲奶味，同埋食哂成個飯都無見到啲唔衛生既情況

今時今日講緊買一個麵包都要$7或者$00嘅時代，呢一間茶餐廳食個早餐竟然係$20 ，唔單只係抗通脹，簡直就係正式係反通脹。香腸、火腿、煎蛋好似仲有其他嘢不過已經唔記得咗，任你揀三樣野，連埋牛油方包一件再加一杯熱飲，如果方包烘底加$1，我就揀咗腸仔煎雙蛋，飲品就叫咗熱奶茶。食物質素正常啦，最唔正常就係呢一份早餐盛惠$20，我諗用個抵字都形容唔到呢一種震撼。咁嘅陣容出面$36-$38大有人在，咁抵食嘅茶餐廳真係要幫襯多啲。

午餐價錢： $24 一個碟頭飯 + 熱飲都一段時間冇去呢間餐廳午飯了食品不會預期有太多驚喜，沒有甚麼特別，像兩餸飯三餸飯的製作，只可以用平絕全港來形容，今時今日還可以用 $24 食到個飯重要有野飲真係邊度搵到，所以店內見到都不少人幫襯，始終現時市道唔好，失業率高，生活環境真係艱難，真係唔容易。每日的午餐都會轉款，但來來去去都係嗰幾樣啦。除午餐外，其實其他餐牌價錢又唔係特別平啦。** 認真講，佢杯熱奶茶真係唔錯的。

一餐普通的午餐,點解可以食得咁唔開心好又一餐.唔好又一餐...只不過是一餐午矣!!但唔可以老屈!!叫左一個黑椒雞扒意,點知來左一個黑汁炸粉雞粒意,!! 黑椒汁冇味. 炸粉係雞的兩倍,....意粉油到可以炒幾碟菜!!算!! 一餐半餐...最離譜係收我$35!! 一個黑椒雞扒火腿飯係21...點可以差咁遠!一位中年婦人同我講,我果份唔係餐...話黑椒雞扒意係=干抄系列!!佢仲話同我一早講左....下?!點同我講,單又冇,講左D咩?!可惡兒! 咁都可以相同!! 希望大家睇清楚先去食!

此店重開,首次幫襯,可能是樓底高的關係,覺得內部裝修明亮了很多,座位擺設令人舒服.而午市食物的價錢,平均加了一元,今次就隨意叫了個快餐A - 冬瓜火腩飯$21送餐茶冬瓜火腩都夠淋,份量亦夠飽,水準完全保持,最正是沒味精,食完喉嚨不渴!凍飲加$2,叫了杯凍檸茶,仍然是像以前般大大杯用碎冰上.此店午市還有一個鹽焗雞飯$21,下次都要再試!