銀河牛腩牛雜粉麵

营业中

休息中

同老婆附近產檢完，大肚婆肚餓，求其揀咗呢間餐廳入內，點知就比間餐廳破壞咗寧靜嘅晚上；食物平平，牛腩大半係肥膏都算，落單個女人竟然連大肚婆都鬧，躁大肚婆點菜慢，鬧到大肚婆喊，成餐飯冇胃口食；大家都係女人，蝦大肚婆好好玩？垃圾級服務。

今日係元朗等緊巴士果陣，見到下班車仲有20分鐘先到，就去食個下午茶先，呢條街係有三間粉麵鋪，而呢間就大大隻字粉麵$22起，我諗都係得某幾款係呢個價，見入面有人食就試下啦，入到去見到個餐牌係得魚片粉麵係$22，其他既就$26-40都有，粉麵加$5有杯野飲我見佢個鋪名有牛雜，食佢應該唔差既，我就叫左牛雜河加凍檸茶牛雜河有4-5件草肚，炆得都入味同夠淋，肺，豬大腸同粉腸各兩件，三樣都係味道正常，唔會有異味，係大腸入面會有好多肥膏，仲有一舊牛膀，件牛膀都唔錯，唔會好硬，食落口少少粉粉地咁，而河粉都唔會話碎，同埋份量都夠飽既，連埋杯凍檸茶$31落樓，都冇投訴啦

入到元朗，諗住去sure win朝聖一番，可惜上水屠房關閉攪到冇新鮮牛整牛丸，當然即時走人啦；正如去到KFC話冇🐔，你會唔會退而求其次食蘑菇飯？正當極度徬徨之際，眼球被$19蚊大碗面吸引，諗都唔諗即時入場，皆因同錢作對非常不智未坐低已經成場蠔餅蠔餅蠔餅聲不斷重複又重複，攪到自己都被流腦不自覺嗌咗出嚟，結果多咗碟嘢喺枱面…蠔餅香、脆、鬆化，一D都唔油膩，蠔仔、蛋同粉比例剛剛好，最怕果D落超多粉炸完出來成塊pizza餅底、變咗蒸蠔餅嘅感覺牛腩其實都唔錯，爽口彈牙，牛味又濃，不過蠔餅實在太熱氣，始終被寵幸多D

通常都係幫襯佢隔離個勁敵，今次試下。一個三寶河30,貢丸米24,淨雲吞30全部都係嗰句，咁既價錢食飽你仲想點呀？淨雲吞唔夠隔離大粒同有味，不過有8粒。室內環境乾淨過隔離不過窄啲。其實想講佢張大牆紙，一班不知名既女同個老細同埋應該係周中師傅。張相起晒格加上有亮點😂自己喺相度搵亮點

元朗有無數咁多間粉麵店見慣見熟嘅我對牛腩、雲吞呢類粉麵真係唔會有太大興趣不過今日有朋友介紹話『銀河』啲牛腩好正我地又諗唔到其他選擇咁就即管試下～入到去巳經坐滿曬人估唔到咁爆環境尚算乾淨望一望餐牌竟然仲有24蚊一碗麵平到咁，唔怪得咁多人食但唔好以為平就無好野試過就知原來性價比超高豬手拼雲吞麵雲吞正常，豬手炆到好林好味👍🏼牛腩河一定要試呢度嘅牛腩肉質軟而且超入味朋友果然冇介紹錯😍連碟菜都靚仔過人咁嘅價錢有咁嘅質素真係好驚喜👍🏼👍🏼👍🏼