銀龍咖啡茶座

营业中

休息中

上網看到話鯉魚門最出名的茶記叫銀龍茶餐廳，即管去試吓。專程行去揾這間有什麼特色一試。自標奶茶好出名，茶味好一般，得個名，重話攞個奬，名過其實，好失望，連一般的茶餐廳都不如！見餐牌有個腐魚西多，緊要試吓啦，外面真係未食過，對依個好有期望，雖然冇得和別家比較，可以整得出一般茶記冇嘅，斷估應該好有特色否則都不會做招牌菜式啦！希望愈大就失望愈大，冇特色，冇腐魚味，只標奇立意，超失望，可見其他都唔慌有水準，價錢又唔係平！嚇到唔敢再試其他嘢，貴夾唔好食，不值一試。那日遊客又唔係多，但一坐落就話只可食半小時嘅規矩，就已經好趕客，都唔知係咪咁胃口即時減半，何況食物真係麻麻過麻麻，不值一顧。情願個胃留番黎幫襯食街邊亞婆嘅茶菓好過！浪費咗！

❤蛋白腐乳西多士~好香脆, 好好味。 腐乳嘅鹹香同西多士已經好夾, 再加埋煉奶, 變得鹹鹹甜甜, 但估唔到咁夾💙芒果布甸~真材實料, 好多芒果, 多到每啖都會食到果肉, 而且布甸亦都冇粉味, 仲好滑, 又夠甜, 又夠凍, 好好食💜凍至尊奶茶王~香濃幼滑, 好飲又夠冰凍，夏天熱辣辣飲番杯透心涼, 正！！❤紅豆冰~又係真材實料, 紅豆有差唔多半杯咁多，好好味💙而且啲服務員全部都好有禮貌，服務好，落單快，上菜又快❤💙💜❤💙💜❤💙💜❤💙💜❤💙

朋友今日帶我去鯉魚門半日遊。去行海外線和廢石礦場前，我們先去食些嘢，佢帶我去這藍店茶餐廳。我食嘢一定唔會分顏色，因我覺不應什麼都和政治化混埋一談。總知，有好的食品，便要尊重廚師的制作，便去欣賞好了？我們只是輕食，叫咗兩份餐蛋治，厚厚的新鮮麵包，好好味。也叫了一杯鴛鴦, 茶和咖啡的份量配搭得非常好，少奶，我比高份。全店的店員都好有善，地方很清潔，舒適。可以一試。

兒時住在油塘，常常走落鯉魚門玩。一晃眼三十年，近排趁得閒，帶家母舊地，重拾昔日回憶。鯉魚門D蛋卷餅仔店依舊，行得咁上下，係時候歇下腳，試吓傳說中嘅「蛋白腐乳西多士」。銀龍係好地道果種茶餐廳，甚至可以用地茂去形容，去之前要有心理準備。嚟呢度有三樣嘢要試：腐乳蛋白西多、芒果布甸同至尊奶茶。西多士同腐乳夾咩？對我嚟講兩樣野真係風馬牛不相及，腐乳夾在西多中，又鹹又甜，新鮮感有餘但不是我杯茶，但家母卻十分欣賞，可能呢啲就係舊情懷。反而個芒果布甸好味。雖則個包裝麻麻地，但多果肉足料，布甸質戚軟硬適中口感好，唔會死甜，重放低花奶任你斟，真心好味。至於至尊奶茶，媽媽讚不絕口，話又香濃又滑，聽說是得奬奶茶，由於都係地茂式既土炮茶餐廳，裝修同衞生都較一般，去食既話要有心理準備，主要真係係食個情懷。環境6/10服務7/10食物7/10衞生6/10

行完魔鬼山 途經鯉魚門，想搵間茶餐廳，原來全個鯉魚門只得一家，就是這家銀龍咖啡茶座 。圃進場，員工示意素描安心出行二維碼，再提供酒精搓手液清潔雙手，態度友善殷勤。坐低睇見餐牌選擇不多 ，最矚目嘅就係蛋白腐乳西多士，個名好特別， 要咗兩份試下，再加2個芒果布丁，奶茶。西多士 做得真係好好味，外脆內軟，腐乳夾心嘅味道跟多士融合得天衣無縫，上面仲加左一塊牛油，配上煉奶，成件事變得好精彩，食過之後念念不忘。芒果布甸又係另一個亮點，啖啖芒果肉 又唔太甜，食完之後，再打包外賣兩個回家孝敬屋企人。奶茶都好得啊，滑一滑，濃淡適中，好滿意。不得不提，銀龍咖啡茶座給我的印象係所有嘢都一絲不苟，餐廳地方整潔，連廁所都好乾淨唔會濕漉漉，枱面嘅餐具，糖罌，煉奶樽都係非常整潔，而且員工服務態度友善， 我哋落單改來改去，員工都沒有怨言，這間小店真係超出曬所有茶餐廳嘅標準。

疫情持續了一年，香港人戴口罩足足一年兼有口罩令的情形下，竟然仲有食店廚師公然唔戴口罩。叫了個回鍋肉麵凍奶茶做下午茶，價錢都算合理，但煮麵嘅師傅煮煮下麵，個口罩去咗下巴，仲一路煮一路同個阿姐吹水🤦🏻‍♀️。我連個麵都唔想食啦😡。但叫咗又冇理由唔食，希望個麵夠熱，真係殺到菌🙏🙏見到佢唔戴口罩煮麵，心諗呢次中伏。雖然回鍋肉網上話好出名，但我又唔係好覺，普通料啫。但咁嘅衞生情況，再encore，不了。

西多一切開 腐乳味撲鼻可能食慣厚 略嫌它薄咸甜算配得好 腐乳量剛剛好奶茶滑 茶味香 但不是嘩一聲好飲如果有咖啡糖會更好員工招呼有禮地方齊潔很多支持警察的圖照簽名有人不會習慣

我同朋友行完山，見電視介紹，所以去試下.. 排隊果陣已經叫我地睇定食咩，落埋order.. 腐乳西多士 - 主打野一定要試啦，基本上無咩地方會有.. 咁就出事啦...... 食到中心先有少少腐乳味，少到幾乎食左都唔知 ...... 塊西多仲要好林，切落去好似切空氣咁，如果呢d係好野，我只可以話係我唔識食.....芒果布甸 - 個布甸好硬，唔係整得硬，而係放左幾日果d硬，芒果粒份量算正常，同埋呢個時候既芒果都算好味香茅青檸蜜糖水 - 店員介紹，諗住介紹得就試下，點知好淡，得少少香茅味..... 好彩無之前既食評咁講"好少冰"，都幾夠凍熱奶茶 - 茶味好淡，奶味好重，好多茶記仲好飲過佢....... 食食下，個女茶王走出黎話限時，叫人幫幫手快d食完讓比下一個..... 排左十幾分鐘，雖然唔耐，但係櫈都未坐暖又趕人走.. 排隊果陣又唔講，等人有心理準備，淨係識叫人落order先，而家好似焗人入去食咁...... 2個人食左$136.......

傳說中嘅蛋白腐乳西多士，口感一流，麵包厚，口感一流，鹹田交集嘅感覺另西多士升華到另一個境界，奶茶香滑，我會係你嘅回頭客。如果用導航去目的地，唔好跟 Openrice 個定位，要自己將個地址入落去 Google Map，佢個位置喺買海鮮條街入面

記得年初曾專程到銀龍咖啡茶室，可惜那次店休息。之後因疫情等等原因，至今日天重陽節終於懷著開心的心情，再次到鯉魚門銀龍。 10時前已經在店外等候開門，店員親切的服務令我感覺親切，店內衛生防疫做足。我點了馳名的腐乳西多、芒果布甸 及 熱奶茶。 這杯奶茶真令人難忘，幼滑茶香，甚至中環的蘭X園仍比下去；芒果布甸果肉新鮮不過是必要試的甜品。獨特的腐乳配西多士，未試過的值得一試。 今次更幸運遇見老闆娘 Kate 姐，她親口告訴我她研製奶茶的故事，原來這杯奶茶背後有感人的故事。 我必定會再次光顧，下次除了奶茶，仍會試試其他美食。 

今日放假，終於第一次到訪鯉魚門銀龍，因為未食午餐，就叫咗碗回鍋肉麵，只知西多士，芒果布甸和奶茶出名，所以對回鍋肉麵冇期望，點知嚟到見有好多筍片，啲肉嘅質地唔似平時，好好味！仲諗唔通係自己整？後來問咗老闆，其實都係罐頭，不過係經過挑選嘅回鍋肉罐頭(我忘記了牌子名稱)，筍片又大由又多，好正！食完碗麵，飲啖奶茶，唔錯，唔落糖都好易入口，奶茶我冇研究，我家嘅奶茶專家就話好飲！到食腐乳西多士，個包好鬆化！唔似平時嗰啲扁實實。咸咸哋，個味道幾得意！最後就食埋個芒果布甸作總結，有不少的新鮮芒果粒，布甸味道適中，不會太甜，好味！一間認真用心的餐廳，充分表現了真正香港人的精神！謝謝Kate姐你的付出！遲啲必定再嚟幫襯！

今日清咁啲假，終於有幾會慕名去試下。以前去鯉魚門食海鮮，居然都冇留意過海鮮酒家中間居然仲有呢間小店🤔最欣賞奶茶又香又滑，正，啱晒我呢啲上晒奶茶癮嘅道友！😄另外回鍋肉麵好有驚喜。一塊塊甘香嘅回鍋肉，好入味嘅筍片，香而唔辣，連唔食辣嘅小弟我都食到津津有味👍招牌腐乳西多同芒果布甸都冇叫人失望🤩第一次去，老闆娘都熱情咁同我哋打招呼。令我感覺香港都唔係完全冇希望😅 仲有，呢排可能睇得多油管，見到佢居然有響街撞到名星嘅感覺😅😂

今日心血來潮，趁著年假剛開始，又天朗氣清， 便到鯉魚門的銀龍咖啡茶座，試試得獎的奶茶、全港獨一的蛋白腐乳西多士、及出名的芒果布甸。得獎奶茶很香滑，好飲。腐乳西多士全港獨一無二，蛋漿外層煎得金黃，食落麵包外脆內鬆軟，質感非常好，不是現今快餐店硬實的西多士可媲美，配搭薄薄一層煉奶食用，味道很特別、有驚喜，好味。另有花生醬西多士可作選擇。甜品芒果布甸真材實料，啖啖芒果肉，布甸又不太甜，好好味的，很受食客歡迎。員工有禮貌、招待周到，又會主動介紹食品，店舖乾淨企理，餐點來得很快，最重要的是味道好、價錢合理， 值得專程來試試。

长途跋涉去到位于鲤鱼门银龙咖啡茶室探访KATE姐。下午茶时间去到门口已经人山人海大排长龙。进去只见KATE姐正在做节目拍摄宣传广告。十分忙碌。证明爱国爱港人士一定好心有好报。生意实在兴隆。点了热奶茶，腐乳西多士，双蛋双肠米粉，芒果布甸。腐乳西多士绝对是我的挚爱全港独有。加上炼奶味道更是一绝。双蛋双肠米粉水准中上。肠仔非常好吃。芒果布甸芒果肉香甜，夏天吃绝对爽快。热奶茶更不用说，全港奶茶王冠军绝对名不虚传。人均70，实在抵食又划算。

腐乳西多好好味！！我唔太中意食甜嘢，呢個西多士好啱我！奶茶一定要飲，金牌奶茶柔滑細膩甜而不漏，好味道！位置雖然比較難搵，但酒香不怕巷子深，睇門牌就容易搵到。老闆娘好嬌小靚女，真人靚過上鏡，義工朋友們好好招呼，熱情親切！會繼續黎食好味多士！