銓仔記

营业中

休息中

經過諗住食任食邊爐，吾見有字寫明要2人起，點知店員話一個人打邊爐，要乘以1.5！2個人打先可以…所以最後唯有去番連鎖食一人邊爐…係網上留言番..以免有人好似我甘傻🫣🫣🫣🫣

🌸 香港餐廳紀錄🍧ღ『 大埔-銓仔記 』聽講依間係大埔好出名既平價雞煲店❣️大部分都係街坊客😲依個質素既雞煲🍲平日$300幾兩個人香港真好少見到有🥰仲要冇加一服務費‼️而且食物同飲品選擇都有好多😋老闆為左吾好浪費食物無食剩食物不論生熟,每位成人可減$10😎【 奇味雞煲🍲 】食完依間先發現 身邊好少人食奇味雞煲🤔多數食其他口味或者食酸菜魚🫣奇味就同出面既雞煲冇咩特別 但就偏鹹少少🫣但加湯之後食火鍋,就冇乜味(可能我自己口味比較重)🤔至於餸就正正常常 冇話邊款特別好食😂美國肥肉油脂分佈幾平均 吾會話好膩☺️👍🏻墨魚丸同牛丸都好彈牙😋可以一試‼️❥➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭🏢店名 : 銓仔記🗺地點 : 𝐇𝐨𝐧𝐠 𝐊𝐨𝐧𝐠🇭🇰📍地址 : 大埔東昌街4號地舖⏰: 𝟭𝟮:𝟬𝟬𝗣𝗠-𝟭𝟮:𝟬𝟬𝗔𝗠🚃交通 : 大埔墟站A1出口(步行10分鐘)➩ ➪ ➫ ➬ ➭ ➮ ➯ ➱ ➩ ➪ ➫ ➬ ➭_#香港好去處#火鍋#火鍋#大埔火鍋#大埔打邊爐#打邊爐任食#打邊爐放題#火鍋放題#火鍋吃到飽 #火鍋任食#吃到飽火鍋 #吃到飽餐廳#大埔美食 #大埔好去處 #大埔#大埔墟美食 #大埔超級城 #ta

無論冬天定夏天，隔一排就會想去食邊爐/雞煲🍲 最近連續幾日都落雨，搞到涼涼地🤧 就更加想食翻個暖笠笠嘅雞煲🐔💛至尊麻辣雞煲 ($168)今次嗌咗微辣，啲唔食得辣嘅朋友都食到😏之前都食過幾次，今次啲雞特別入味，每隻都好香同好惹味😋 同埋啲雞都多肉👍🏻但係食完啲雞之後就發現個底冇乜汁，因為索曬落啲雞度，所以加咗湯之後就變到偏淡。少少失望就係啲牛肉冇乜牛味🥩 其他都係正常發揮～呢度嘅選擇都多，可以自己填件數，食幾多嗌幾多，嗌咗嘅嘢都嚟得齊👍🏻168呢個價食兩個鐘都幾抵下💰💭淨係收現金同埋百達通💭唔同時段嚟會唔同收費❛銓仔記❜📍大埔東昌街4號地舖#傻9去大埔 #大埔黃店 #大埔美食 #傻9食雞煲 #傻9打邊爐 #hkfood #hkfoodie #foodie #黃店 #大埔 #TaiPo #HongKong #HongKongFood #任食

有人唔食得辣，所以揀左奇味雞煲睇到食評都好多人讚，食評算好滿心歡喜買左「一隻雞」外賣自取好多謝 貴公司仲比左個折頭我連野食都打埋折，成個雞煲幾條頸舊舊都係得細舊、有骨冇肉食得嘅肉少之又少，胸、髀全部唔見成枱人食到背脊骨落…成煲野係得相睇到咁多，點砌得到「一隻雞」？我寧願唔要你個所謂折扣出返個正常份量比客人啦好嗎？Openrice我平時都係睇野/叫外賣第1次嬲到要寫食評以上句句屬實，此店永久Blacklist

禁堂食，約左幾個中學同學在家食雞煲打邊爐，叫左個雞煲(唔辣)外賣，二百幾蚊，雞煲正常價。試食，味道正常，香味足，點知可惜，雞煲的雞件量極少！相反地，有好多都係冇肉食既雞頸！雞胸及雞腿的數量少之有少，我地5個人食每人都係食到1-2件有肉食既雞件，食得完全唔夠過癮，十分失望。我明白餐廳要顧及成本效益，但都要顧及食客的體驗，希望餐廳會係呢方面有所改善。p.s. 成個雞煲最enjoy既係d洋蔥sosadp.s. 太心急食唔記得影相作證

員工態度十分惡劣由等位到下單 都要等勁耐！等位時極不透明，又唔俾number人！等等下又俾人插隊！等了一小時才能入座！進去之後某個中性打扮的女店員態度極差！好似差佢錢咁！眼望望 眼超超 係度啤人！十分趕客！好討厭！這是什麼服務態度呢？如不想被人眼超超 請不要幫襯此店！永無下次光顧！！野食也很普通！！味道一般 湯底不夠味道！等加湯遲遲沒有人來！這些食物質素和服務態度完全對不起這個價錢！！飲品選擇也很少！Blacklisted!!!!!

自從開心雞煲執咗之後，就得返依間可以做到平價得嚟又有唔錯嘅雞煲+任食火鍋享受。每次過嚟食我都係叫佢個奇味雞煲。雖然唔知點解叫奇味，但係食過就一定返尋味。超香嘅洋蔥配合花椒八角令人一邊食一邊流口水。同埋啲雞都抄到入曬味。建議食少辣或者中辣，咁樣先可以突出佢嘅香味。佢嘅雞煲係即叫即炒，所以唔使擔心會好似出面部分餐廳翻一翻熱就拎出嚟。食完雞煲入面啲雞之後，就係時候加湯打邊爐。基本上市面上打邊爐嘅料佢都有。不過味道就一般般，啲肥牛太肥又冇咩味道，豬潤唔太新鮮，豬嘅粉腸有時候好好味，有時候有陣怪味。所以我鍾意食丸同埋菜，因為佢哋好難整得唔好食。飲品方面，基本上汽水嗰啲都齊，但係冇諗過佢竟然有新版嘅無糖可樂。鍾意飲酒嘅人士都有啤酒提供。鍾意飲清淡啲嘅有蘋果綠茶或者柑桔檸檬。總括嚟講，呢個價錢有咁嘅質素非常滿意。但係希望個環境可以乾淨少少。

這裏的雞煲有多種口味選擇，算是比市面上多選擇，我們這次就選擇了奇味雞煲，有辣度選擇，我哋嗌左小辣，食落去冇乜辣味，但係個味道都幾香，係比較少見嘅唔使靠辣就已經有味嘅雞煲，入邊嘅洋蔥雖然作為配菜，但都好香好入味。食物嘅選擇就不過不失啦，都算多種類，但係質素偏差，比起出邊食嗰啲係差咗啲㗎啦，但考慮到價錢都差唔多啦。其他舖頭嘅雞煲邊爐打嘅時候都好入味，但係呢個就算比較淡啦。總括而言，推薦奇味雞煲，但係喺雞煲火鍋呢方面嘅表現就不太理想了。

唔係好難食 不過對比起其他小菜一啲都唔抵食 而且唔好味😞燒乳鴿 ok既 味ok 肉既質地都還好🙈炒硯 硯麻麻地 應該唔係太新鮮😕 個汁既調味算夠味既 配菜(燈籠椒)未熟😅麻辣牛肉 覺得佢似沙爹牛多過麻辣唔麻又唔辣😨粉絲雜菜煲 個湯底係清水 完全無味😅菠蘿生炒骨 啲肉好un🥵 個味就okay既 甜品就叫左椰子燉蛋白 芒果布甸椰子燉鮮奶($45) 價錢可接受 但個質地有啲膠 而唔係平時軟淋淋既質感😕芒果布甸($25) 可以講係超難食 千其唔好叫🤯

夜晚同屋企人唔知食咩諗諗下好想食銓仔記個豬骨煲所以就叫左個外賣自取<懷舊澳門豬筒骨煲>其他打邊爐配料自己去新街市買.自取既時候鋪頭好細心分左兩大袋(一袋筒骨,另一袋有兩大兜胡椒湯,重有筷子 手套 飲筒 豉油 炸蒜等等)佢地D豬筒骨真係又大舊又多,一煲起碼7-8舊骨而舊舊都有手板咁大隻,筋位有咬口好易食到重會有小許豬肉連住而肥高位亦唔會太油膩好正丫,骨髓可以用佢地比既飲筒全部食哂湯底非常好飲胡椒味勁重一D都唔吝嗇足足有兩大兜,就算自己打埋邊爐都卓卓有餘.

限聚令一解禁即刻就走去食，諗住好多人會出山點知又唔係喎 🤣🤣 打訂位仲唔駛訂實有位添一來因為早，6：00 就到，去到係第一檯客，老闆連熱針同消毒 gel 都仲未揾返出嚟 😂😂😂可能限聚令耐餐廳少人幫襯外賣，所以第一次幫襯啲雞有啲雪藏味，但還接受到。隔幾星期有朋自遠方來，帶台灣朋友再嚐一次，呢次味道正尚9返，台灣朋友都好滿意 👍👍有位女侍應好好，唔知係咪家庭生意，事事上心，又提我哋用咩火路，又叫我哋落定火鍋料，招呼好好，但第二次坐樓上，有個染髮靚仔，可能係 part time 就有啲甩漏，仲將我哋個雞煲咗比遲嚟嗰檯客 😅😅食物非常可以，飲品又任攞，仲有竹蔗茅根揀，真心推介比朋友 👍👍👍

網上見人介紹呢間雞煲，心思思成日都想幫襯，終於揾到時間約埋老友一齊食。我哋揀咗胡椒豬肚雞，有好多豬肚，但胡椒味到我哋差唔多食完先出，3 個人比咗一隻雞，食晒啲雞其實都飽咗 7 成，變咗打邊爐嗰 part 唔係食到好多嘢 😅響鈴好好味，我哋叫咗 2 rounds, 其他打邊邊食物唔差。我哋坐咗喺樓上，樓底比較矮所以比較嘈！服務都好好，原本訂咗 7 點，但吐露港公路有交通意外所以塞車，我再打電話改 7：15 佢哋都接受，樓上雪櫃壞咗都會喺樓下攞啲冰凍飲品上嚟，唔駛食客走上走落 👍👍

朋友介紹食「銓仔記」雞煲，$168 仲要任飲任食，完全抗通脹，所以膽粗粗一試！小妹叫了「奇味雞煲」，麻香撲鼻，精髓在於花椒八角、芫茜和紫洋蔥缺一不可，食一啖，十分惹味，已經停唔到，兩個人好快就食完半隻雞。之後可以加湯打邊爐。打邊爐方面，可以自行填寫份量，上菜又唔會比少。肉類丸類、餃類菜類要有必有，味道正常，牛柏葉、水魷 爽口 ,瘋狂order..小妹加錢叫咗「安格斯肥牛」，足牛味份量又多，唔錯！飲品方面，除咗啤酒、紙包飲料外，仲可以叫自家製嘅竹蔗茅根水，足料，唔太甜。埋單嘅時候，店員提一提我哋，清哂食物，可以平$10，仲叫我地慢慢食，唔好急，有教育性好有愛。另外，見到門口個牌寫住齊抗疫不裁員，良心店舖「銓仔記」雞煲，會再試！

這間銓仔記火鍋任食，十足十以往學生👨🏼‍💼或男士來牛飲🍺的火鍋店。當然也有其他比較上等的配搭，例如牛胸爽、廣島蠔，或是海鮮、魷魚，或是特別的啤酒等等，除了這些之外，其他都是選一個火鍋湯底，然之後任食。這令我想起大元邨以前都有家「金恆香」，亦都是做火鍋任食的。點了個奇味雞煲，才想起有網台人士說好吃的應該是胡椒豬肚，不緊要，也儘管一試。先到外邊辣調味料，雖然調味料那個攤位，不如那些著名火鍋店那麼誇張，連調味料也弄一個浮華的擺設，只是廚房旁邊通道的小小一張桌子，但其實應有盡有：有醬油、蔥、芫荽、辣椒、生蒜、炸蒜。📺兩部電視分列兩旁，一邊無綫一邊Viu，任君選擇。飲品也比起之前大元邨那間酒樓多款式，有維他檸檬茶、豆奶、竹蔗茅根、可樂、雪碧、忌廉，啤酒都有幾個牌子：獅威、森堡、藍冰、威樂。本身的奇味雞，其實好像普通雞煲一般，放了很多雞，然之後有青椒、紅椒、洋蔥等等其他調味，味道香濃，微微少辣，然之後吃完就再加湯打火鍋，好像加湯之後未到就顯得淡味很多，因此要用上述的調味料。肥牛細細片，不算太過肥膩，味不算太濃，但最少不會整片牛肉都是脂肪，到時就更加難吃。其餘有墨魚丸、貢丸、蟹子包、芝心丸，都是普通

今日行完街天氣又凍凍地就打算黎呢間食下野~可能因為武漢肺炎關係一入間鋪見大把空位都係得兩台人一共6個人係到食緊。我地就話兩位唔該 佢個服務員都痴鬼線一開始個態度就超差 唉~坐個到啦。家陣食左你隻車咩。之後叫我地坐埋去人地格離台到。兒家個個人都話出街要帶口罩同人要保持距離主重個人環生啦。加上張台都比人放曬袋丫背包係張櫈到 人地都唔主動拎走啲野啦 個兩個男食客都叫我地再坐過一格 中間格多一張台。我地就同個服務員講我地坐格多一張台啦 個服務員係要我地坐埋一齊 。我心諗坐埋落去咪迫到咩甘 加上又唔係無位 最後一肚火唔鬼食 走左去佢格離間餐廳到食 一入去服務都好好比膠袋你放好口罩。真係無對比就無傷害~食到8點出到黎望返佢間店 咪又係無人 仲係 空空如也 就算幾好食都無用啦~仲以為比咩人留左甘多位。位都唔比人地揀黎坐 呢間店已經永遠失去我們。哼~