銓仔記

营业中

休息中

今日又係我係大埔出動搵食既大日子 呢排天氣轉涼 就當然係去食打邊爐啦 今日就黎到大埔銓仔記果到食實而不華既火鍋餐一入到去就有陣湯底氣味我地首先叫左個雞煲 我地有四個人 可以叫一隻 雞味幾濃郁 而且香料既味道亦巧妙地提升左雞肉既鮮味之後就叫左個酸菜魚 魚肉極之新鮮 亦都幾爽口 驚喜既係當加入花椒之後 成個魚既味道除左麻之外仲惹味左不少 值得一讚跟住又叫左個安格斯牛肉片 油花均勻之餘亦都富牛肉味 同一般肥牛好唔同總體而言 呢一餐既性價比非常高

在大埔居住的朋友，可能對這間餐廳都不陌生，他雖然是新開的，但是在網上時常看見好評。今天決定相約朋友來試一試。他的門口不太大，是在馬會對面的橫街直入。不同的時段有不同的收費，今天我們是星期一至四的晚上，九點前，所以收費是$138。當中有四款湯底都是免費的，另外也有藥膳雞煲要加$20。除此之外配料是任叫的，選擇也不少🤗另外有一些海鮮或肥牛是要加錢叫。時間尚早，但已經坐了一半的人，因為地方都不太大，所以建議來之前可以訂位。我們加了$20要了藥膳雞煲！裏面的材料也不少，湯底不太鹹，滾起上來非常香😉雞是另外上的， 這個雞窩當中包括半隻雞！我們另外也叫了生蠔，一碟有六件，size很大隻呀！也有一般火鍋的材料，豬潤顏色鮮艷，非常新鮮👍大家可以一試。飲品是任取的，啤酒也是包括的。大家可以出去自己調配醬料。最後埋單不用$400兩個人，而且是火鍋任食，我們更加了廣島蠔，實在非常抵食。下次會再光顧👍😍

天氣雖然開始有點熱，但因為太掛住雞煲，咁岩經過大埔墟就見到「 銓仔記」有得食雞煲同任食打邊邊，重要係價錢吾貴！兩個人食就揀左半隻雞就夠, 可以揀辣度，揀左烤味雞煲。雞煲黎到已經聞到好香，入口非常惹味, 最衰吾食得辣，如果食得辣，一定要揀秘製麻辣醬，應該仲正!呢個「秘製雞汁」真係重中之重，除左主角雞之外，仲有好多香料！食雞食很八八九九，就加上雞湯，打邊爐起動了！最喜愛墨魚丸，好彈牙，仲有墨魚粒，正呀！韭菜餃、魚皮餃。推介韭菜餃，皮薄又可以hold 住入面韭菜餡料，就算浸耐d都吾驚散開！勁！響鈴！！！雖然好邪惡，但浸2秒就吸哂湯既精華，好味！推介小食！！！椒鹽一口粟米和魷魚圈，送酒一流！！！ 豬潤好爽！必食！！任飲飲品，最正有凍的新鮮竹庶矛根水，成壺上！仲有罐裝啤酒，都係任飲，不用加錢！也有很多不同種類菜，十分健康！

朋友好鍾意打邊爐食雞煲🐔🐔，喺市區既雞煲差不多間間都試過哂，聽講大埔有間雞煲抵食又好食，所以專程去新界試試🥢🥢大埔墟站A1出口行幾分鐘就到銓仔記，一坐低即刻睇下有咩雞煲揀先🧐🧐三個時段收費（$138/$118/$98一位）。雞煲都有6種選擇，真喺花多眼亂🧐🧐，經店員細心介紹，最後我地揀咗店員推介嘅「至尊麻辣雞煲」👍🏽👍🏽👍🏽火鍋配料任食、飲品任飲，仲有啤酒🍺同竹蔗茅根下火添！最最最驚喜係有椒鹽一口粟米$48！朋友話未見過香港其他地方有，所以就算要另外散叫，都要叫一客嚟試吓！果然不負所望，栗米爽甜椒鹽惹味，極力推介😍😍雞煲出場啦～～～～金黃嘅雞肉發出吱吱聲響🐓🐓，散發出一陣陣麻辣香味，色香味俱全🥇雖然只係揀咗BB辣，但仍然保持到麻辣嘅香味，但唔太辣，恰到好處！雞肉相當之入味，斬得無碎骨，雞件大細適中易入口，仲連雞胸肉都好嫩滑👍🏽👍🏽👍🏽店員仲間中會幫我地攪下煲底，好細心☺☺☺最窩心喺煲柄有隔熱墊，唔怕辣親手手！🥰🥰嘆完成隻雞，就加湯向火鍋配料進攻🤤🤤呢度有數十款免費配料，可以逐件點，唔怕叫太多食唔落。我地叫咗好多款配料，肥牛、豆腐、魚腐、豆卜、蟹粉丸、牛丸、炸魚皮、炸腐皮、冬菇、青口肉、

位於大埔嘅小店勁抵食，任飲任食又多選擇，有雞煲、邊爐、酸菜魚。今次叫咗個藥膳雞窩湯底，有紅棗、桂圓、淮山，夠曬滋補醉雞呈上時聞到好香嘅酒味雞脾肉亦肥美嫩滑另外叫嘅安格斯肥牛$148，賣相好吸引，有雪花紋，牛味濃而且肥瘦適中，好味道。飲品任飲，選擇都好多，有啤酒、盒裝飲品同竹蔗茅根，就唔驚食到口渴啦！餐廳有兩層，好多人食好熱鬧，真係好啱一班朋友嚟十下十下！仲係任飲任食又多選擇，真係勁抵，食到飽一飽！

喺熱天來臨之前食多餐雞煲呢間喺大埔嘅小店原來有兩層7點幾已經差唔多爆滿，見大多數都喺成班人嚟打邊爐想嚟食記得預先訂位呀超抵食之選星期五六日都喺$148任飲任食，仲唔洗加一有雞煲有酸菜魚揀，雞煲又有好多湯底揀有麻辣，奇味雞煲，烤味雞，胡椒鹹菜豬肚，仲有蕃茄魚肚同藥膳雞鍋今次我哋揀咗超健康之選 藥膳雞窩藥膳雞窩湯底有紅棗桂圓淮山，滋補之選醉雞嚟到有好香嘅酒味醉雞汁倒埋落個湯底度仲濃郁雞脾肉好肥美好好肉滾熟咗之後肉質好滑食完半隻雞就開始打邊爐另加錢叫咗$148的安格斯肥牛加錢嘅真喺正好多肥牛好靚，雪花紋好均勻肥瘦適中，好濃嘅牛味另外豬潤都好正好厚好嫩滑其他火鍋配料都喺任點任食每樣食物都喺以件計，食幾多叫幾多唔會浪費飲品任飲，有啤酒有竹蔗茅根有盒裝飲品竹蔗茅根唔會好甜，打邊爐飲最啱，下火想食雞煲酸魚又想打下邊爐，絕對喺大埔抵食之選！

之前嗰排比較凍，想打邊爐，就跟男朋友到這裡嘗試一下，如果5:00pm - 9:00pm 入座每人都是 $138 講真，在家打邊爐，都要差不多這個價錢，還要清洗食物、用具，有機會吃的食物款式沒有那麼多。有自助醬汁區，不過喜歡原汁原味的我們沒有去添加！其實有很多湯底我們都想選擇的，例如烤味、奇味，不過我們最後選擇了胡椒鹹菜豬肚湯底雞窩胡椒豬肚湯底本身不能選擇辣度，但本身胡椒帶點辣，所以冬天吃的時候寧舍暖身！胡椒豬肚湯可以單飲，辣中帶甜，一向點開麻辣湯底的我們，突然喜歡這種健康中的小剌激～不過不是所有餐廳都有胡椒豬肚湯底～雞件索了湯底的味，一咬啖啖散發著湯底的味～椒鹽鮮魷即叫即炸，鮮魷軟中帶韌～皮薄、脆，叫起來不知快樂過，轉眼吃光了！

先食雞煲，再打邊爐。聽過無數次，很慚愧，本人真係第一次。因為同行友人唔食辣，於是叫左奇味雞煲。雞煲捧上黎已經好香，有大量香料同埋我最中意的洋蔥和芫茜。食落真係啖啖肉，味道農業，正。食到差唔多，我地放湯落個煲開始打邊爐。加埋原來個雞煲，成個邊爐變得味道香濃，唔使點醬油都夠味。叫左一碟大安格斯肥牛，雪花比例完美，牛味回甘，係上等靚貨。雖然係任食，但我地食量唔大，於是隨便叫左D丸。有魚蛋，貢丸，芝心丸，芝士腸，豬紅，雲吞等。芝士丸一定要試，裡面勁多芝士。蔬菜方面，我地叫左金針菇，生菜同埋芫茜。樣樣配料都好新鮮湯抵又美味，大家食得好開心！值得一提係醬油配菜飲品都係全自助。飲品啤酒應有盡有，店家好大度，貨量大而且補充即時，贊！食得好滿足，一定要介紹朋友再黎！

自從大元邨間邊爐冇左之後, O係大埔都冇乜又抵又好食既邊爐..但直至朋友介紹呢間, 趁天氣涼返, 去打邊爐就真係非常岩!!2小時任飲任食, 價錢都幾抵!店內唔算好大, 但原來有上一層, 食緊之際都有D大group既客, 地方應該好足夠大班朋友一齊黎烚下烚下~睇到D雞煲既相都覺得好吸引!餐廳亦有其他小菜~叫完野就去睇下有咩飲先!飲品選擇都好多!! 紙包罐裝都有~仲有竹蔗茅根! 健康之選, 梗係唔好錯過.拎完野飲再混個醬~坐左陣, 先上雞煲~胡椒咸菜豬肚雞煲個湯底好惹味! 酸酸meimei, 我地既至愛!仲有好多咸菜, 豬肚同枝竹~豬肚冇異味, 枝竹又索哂D湯汁, 正!不得不提, 雞肉既份量好多, 而且十分有驚喜! 曾經食過一次雞煲, D雞肉好鞋口, 但呢度完全唔會!!D雞好滑, 同埋真係啖啖肉!仲有好多咸菜, 豬肚同枝竹~豬肚冇異味, 枝竹又索哂D湯汁, 正!係到咁上下, 就放D料打邊爐喇!先黎D即刻食得既香口野~響鈴好鬆脆! 推介!其他食材都十分新鮮, 選擇都好大路岩食!Overall, 十分推介呢間餐廳!! 性價比相當高岩哂鍾意打邊爐既我呀!!

有一個大埔朋友推介左呢間餐廳俾我，今日就同屋企人嚟呢度食晚飯。我哋六點鐘到，價錢係大人$138，小童$88。但看價錢已經覺得超級抵食。我哋首先order咗個「奇味雞煲」。呢個雞煲係唔辣嘅因為要就返小朋友。餐廳俾咗一隻雞我哋， 份量好多！雞肉肉質嫩滑，醬汁甜甜地鹹鹹地好味道👍，加上大量芫茜，紫洋蔥，及其他香料，一邊炒一邊聞到勁香勁流口水！呢個雞煲真係要俾個讚佢！食完雞煲就開始打邊爐。店員先幫我地加湯。我地第一round叫了：美國肥牛，芝心丸，墨魚丸，牛丸，芝士腸。 美國肥牛雖然帶點肥但是很好吃。其他食物質素平均，不錯吃。第二Round叫了: 菜肉雲吞，韮菜餃，芝心丸。韮菜餃和菜肉雲吞聽聞是自家製所以特別大件和飽滿。我比較喜歡韮菜餃因為裡面有大量韮菜和少少肉正合我心意。另外我地覺得芝心丸幾好味所以我地叫多次。菜類我地叫左：芫茜，金菇，唐生菜，全部很新鮮。我哋見價錢咁優惠就加錢散叫左叫咗個安格斯肥牛。肉質鮮嫩，有牛味，有口感，不錯不錯👍啤酒汽水還有紙包飲品，及自家製竹庶茅根，是任飲的！醬料區另外想讚讚有個女仔店員斯文有禮態度殷勤。此火鍋店雖然沒有華麗裝修，但係有親切的感覺，值得再光顧的！

大埔朋友應該都未必好知呢間「銓仔記」街坊就應該知啦~係東昌街條行 門口唔係好大 但都有2層架!!!價錢唔貴 每位只係$138 任食任飲 有好多啤酒!!!有自家製竹蔗茅根 唔會好甜~正常就食完雞煲加湯打邊爐 不過我地+20 要左藥膳 變左一黎就打邊爐好在材料豐富 雞肉仲嫩滑!配菜款式多 都係任點 打邊爐點少得叫肥牛款款都唔差 幾新鮮架~響鈴細細嚿岩岩好~D丸就好彈牙~~~最好最好既係每款配菜都可以逐件叫 佢真係1件1件執比你架~大家可以預返自己份量叫~       

最近迷上雞煲 貪佢有得食惹味雞煲 又可以任食打邊爐 經濟又實惠今日嚟到大埔 大埔墟附近嘅呢間銓仔記 價錢唔貴 又唔使等位 可以算係係街坊食堂 裝修易都好平民化 乾乾淨淨坐得幾舒服正常晚飯時間 2小時任飲任食都係$148一位 仲要加一 呢個時候邊度搵到？奇味雞煲 非常惹味 雞肉煮得嫩滑 而且入味加錢仲可以改為酸菜烤魚 用上鉗魚非常少見 而且肉質嫩滑 索曬酸菜味 魚肉煮極都唔爛 好鮮甜 好食 食完雞煲就可以加清湯打邊爐 用料一般無乜特別 勝在款式多 但其中最滿意嘅就係響鈴 細細嚿非常鬆脆 一口size食落岩岩好另外加錢嘅安格斯肥牛 勁大碟 油花好靚食得過

天色陰暗，又開始凍返，即刻想打邊爐暖暖身。係屋企附近四圍行吓發現大埔墟呢一間任食雞煲好似好香好吸引，百幾蚊一位好抵食，就行咗入去同女朋友開餐。我哋叫咗大辣至尊麻辣雞煲，兩個人有半隻。一上枱，比想像中多雞件！同單點鋪頭嘅一隻雞有得比！女朋友最鍾意食嘅紫洋蔥都夠多，正。呢度嘅大辣，麻比辣多，做惹味又唔會食得辛苦，估計係用麻椒粉去炒，所以味道夠之餘又唔會食到一粒粒麻椒。食完雞煲都飽咗一半，睇吓剩低嘅香料，以任食來講食到咁嘅質素嘅雞煲實在冇得頂！之後就加湯打邊爐，每一款配菜都可以逐件叫，方便就返自己份量，唔係廚房根據人數執俾你，每款可以試少少幾好。肥牛等質素正常。韭菜餃以為係來貨上枱仲係結左冰，但食落相當有驚喜，餡有多種打碎嘅配料，好似媽媽自家製水餃咁，好多汁！另外估唔到嘅就係有自家炸響鈴，又香又脆，任食少見！飲品方面選擇都唔少，啤酒都有四個唔同嘅品牌。總括嚟講呢間任食雞煲性價比相當高，見隔離枱加錢叫美國安格斯肥牛都好靚仔，下次多啲人嚟一齊試吓先。

一直都唔知原來呢度開左間雞煲，$138 任食其實唔貴，如果星期五/六/日都係加$10。經店員推介，我地揀左3號烤味雞煲，比平時嘅麻辣雞煲多左一陣烤焦味，唔會話好燶。🍀烤味雞煲基本上雞煲已經煮熟左，好快已經食得。🍀椒鹽一口粟米期間友人見到menu有好多小食，我地就叫左個椒鹽一口粟米試下，食落香口得黎又有驚喜。🍀竹蔗茅根野飲係任飲自己去攞，有汽水有包裝飲品例如檸檬茶，平時外面要加錢叫，而家有得揀，當然試下自家制嘅竹蔗茅根，都幾清甜。食晒雞先加湯打邊爐，呢度叫配料係一件件咁叫，其實都幾好，唔會叫太多食唔晒，肥牛/響鈴/餃類都唔錯，最後加個烏冬都飽晒。整體黎講$138呢個價錢真係唔錯，難得呢個價錢已經食到咁多種類。👍🏻👍🏻👍🏻

最近好忙，每天都忙到沒時間食飯，出文的頻率都慢了很多～但辛苦一輪後，當然要好好獎賞自己！朋友推介去大埔吃CP值超高的雞煲，一人只要$138😳我當然不會錯過啦！——————————🔸至尊麻辣雞煲 (小辣) $138雞煲當然要食辣啦！所以叫了傳統的至尊麻辣雞煲。雞上有大量芫茜、芹菜、洋蔥、蒜頭及辣椒，聞起來超香！相比其他連鎖的雞煲店，這裏的雞件外皮更香又爽脆，肉質嫩滑，火候控制得剛剛好！整體味道不錯，不會太鹹；雖然越食越辣，甚至嘴唇都有點麻，不過麻得過癮！👄👅任食配料選擇多，除了有基本的肉、丸和菜之外，本人大推炸響鈴和韭菜餃🥟，皆因它們都是餐廳自家炮製！響鈴新鮮即炸，上菜還有點熱，完全不似其他店有油益味；韭菜餃則是每日現包，粒粒都好飽滿，非常好食😋想更飽肚的話，記住點紅薯粉，粉條吸滿湯底精華，超正！🔹安格斯肥牛 (細) $148本身沒有打算加錢吃安格斯肥牛，但看到牆上那張雪花紋牛肉的相片，真的忍不住了🤤每塊肥牛都是雪花紋，油花分布很平均，吃下去牛味超香、肉質超嫩，完全不油膩，的確沒有叫錯😍🔸椒鹽一口粟米 $48📍本身很喜歡吃粟米，特愛它清爽甜甜的味道❤️但沒想過用椒鹽炒粟米，居然是那麼夾！一