鋒之味川湘菜

营业中

休息中

最近天氣凍，中午想食啲辣辣地嘅嘢，就嚟咗公司附近一間川菜館。餐廳改左名，前身叫朱敏記。改名之後第一次食。餐牌同以前相約，價錢亦冇大改變。三個人食飯，叫咗個例牌酸菜魚，一個皮蛋，一個煎餃子，一個手撕包菜同羊肉串。全部份量都好大碟，好抵食。酸菜魚叫左小辣唔算辣！手撕包菜好好食，推薦！煎餃子同羊肉串就普普通通！仲叫咗三杯凍檸賓，超級大杯，一路食辣嘢一路飲凍檸賓解辣，食飽都未飲完，爽！埋單$660 ，每人$220，飽到捧住個肚走。唯獨係環境唔太好，當日我哋坐既位置好近廚房，所以食完件衫好大陣油煙味。希望呢個位餐廳可以改善吓。