鋮記一品粥鋪 (已搬遷) 新店位置

下半場就是來了這裡吃粥。由於男友不吃，只點了一碗田雞粥。原來份量很多，之前只看價錢會覺得貴，但一看份量就覺得不差了。粥底綿綿的又夠滾燙，而田雞就吃到最後都有，而且肉質豐滿，只是稍嫌味道清淡了一點。其實在這樣的粥店，最能感受到的是濃濃的人情味。來的大部份都是熟客，而一家人分工合作，駐守不同的崗位，讓人看得都覺得溫馨。而小店的服務又夠貼心，見我倆只點一豌粥又會主動奉上小豌，現在很少餐廳會這樣細心的了。

上個星期又同老婆黎食，今次黎之前冇食野，所以叫左好多野食試。黎到此店唔食魚粥不如唔好黎我今次叫左碗魚鮫粥加卜.田雞粥，白灼及第，薑蔥爆魚骨腩，炒麵。先講碗魚鮫粥，一定係新鮮貨.唔同出面煮到林晒一夾就散.件件D肉都好爽口，同埋真係夾到係一件件咁，D魚卜即魚鰾唔使講啦.全部用鑊爆過先放粥.又香又爽一樣咁正。老婆碗田雞粥夠火喉粥底綿和鮮甜.田雞好嫩好鮮味.一定唔係雪田雞冇得頂。白灼及第豬膶豬腰係用粥黎灼好爽口.薑蔥爆魚骨腩唔錯，係咸左少少。碟炒麵就真係唔好得.上檯唔熱.咸左少少，雖然環境係差d, 不過食得好滿意.呢間粥店味道我真係要比佢滿分.

不如網上所說是好吃.叫了及第粥, 魚腩粥, 炸腸.本身粥底比較稀, 加了很多蔥及生菜絲. 生菜絲出水令粥更稀.及第粥: 還可以.魚腩粥: 魚腩煎過才煲粥, 雖可以去腥及增加香味, 但魚的鮮味全失. 相當失望!炸腸: 十分失望. 從未試過吃如此硬的油炸鬼, 覺得應該番炸再番炸. 包在外面的腸粉比較油膩.

唔明点解咁多人話好好食，魚皮係０Ｋ不過好咸。雞粥夠味不過有Ｄ肥。最幣食完之后成个人都有廚房味呢！！！！衛生程度非常唔多掂！！！

上次來食粥時, 發覺這裡有套餐供應, 只需廿七大元, 包括單味的粥 + 炒麵或齋腸粉 + 豆漿,你話抵唔抵? 因為平時假如你要一碗粥也要廿四元. 當然套餐是稍為細哂士.下午三點, 只有我一個客, 叫了豬潤粥, 炒麵 + 豆漿的套餐, 師傅立即煮粥和炒麵. 五分鐘熱騰騰的上枱. 先喝豆漿, 不錯, 夠杰, 有豆味.粥是和平常的一樣, 有五件很大的豬潤, 很爽滑, 碗是較小, 但亦夠喉.麵是稍差, 因太多油, 味道也不錯, 有大量葱度, 很香口, 食完碟底全是油.總結來說是抵食, 但下次要叫腸粉, 不要炒麵了.

有朋友0係附近做野，介紹我黎呢度食，本來淨係睇外觀，我可能唔會入去食，因為本人唔係咁鍾意食粥，但朋友話食過就知「正」入到去，見到得一檯客，已經差唔多7點半架喇~都有少少對朋友0既評價有d懷疑，呢度環境好樸素，d伙計都有番咁上下年紀，我諗呢度都係做街坊生意去維持…朋友叫左及第粥&魚片腸，我就叫左牛肉粥，魚片腸先黎，我第一次食魚片腸，食叉燒腸、蝦腸、牛肉腸就多，真係第一次食魚片腸，我見d腸粉皮幾晶瑩通透，又漲卜卜好有料，賣相真係幾好，當然，味道最緊要啦~一食落去，d皮好滑而又有dd煙韌，d魚片好大塊，竟然唔會淋得滯，會唔會係新鮮魚片呢?不過我有多一重功夫揀d薑絲出黎，我唔食薑架>_<仲俾朋友話唔識食魚…跟住兩碗粥都黎哂，我地梗係趁熱食，我見朋友碗粥好多野，我唔係咁鍾意d內臟冇試，不過我諗我地0既粥底都係一樣，都係好綿，唔係稀又唔係結，當然「俾d人」攪多兩攪起哂水就另計啦>v<我碗粥好多牛肉呀!但就冇見血水0係牛肉度滲出黎，以前試過幾次食牛肉粥有血水架…勁恐怖牛肉都係好似魚片咁夠滑又唔淋，真係幾好食~記得食唔記得影添其實食野期間陸續入左幾檯客，竟然都係西裝友同

深宵中忽然間肚餓點算好呢? 好彩師傅住喺一個食區, 無論幾多點都有野食, 於是拿拿聲換件衫就落去買宵夜喇; 落到街發覺凍凍地, 加上又唔知食咩好, 咁啱望到呢間食店加上又未食過, 就入去買個外賣啦!都話師傅呢期生大食漬啦, 入到去就柯打左一碗牛肉粥, 一碟即拉腸粉同埋一碟鮮蝦腸, 由於係即叫即整嘅關係, 所以都等左幾耐; 返到屋企即刻開餐, 先試下牛肉粥, 粥底唔算好綿, 但又唔係好水喎, 口感唔錯, 加上粥底有瑤柱, 份外香甜, 而牛肉亦算幾多, 夠入味又唔韌, 好味; 而即拉腸粉就入口非常滑身, 而咬口又帶少少煙韌, 唔錯喎; 鮮蝦腸就有好大隻蝦, 蝦身又鮮又爽口, 腸粉入口滑身, 咬落又係煙煙韌韌, 勁正!總括黎講食物質素甚佳, 環境就幾光猛, 服務都算好啦, 價錢又唔叫平, 二十五蚊碗粥, 十一蚊碟齋腸, 十六蚊碟鮮蝦腸, 埋單五十三蚊, 皆因外賣再加多一蚊, 有咁嘅水準絕對抵食; 師傅都有好一般時間冇食過粥, 加上仲有咁正嘅腸粉, 呢個宵夜絕對一絕; 有機會一定會再黎, 笑臉值得一比!

今晚放咗學想食熱嘢就揾咗呢間粥舖呀 $ 27 全日供應粥 + 腸粉 or 炒面 送豆槳皮蛋瘦肉粥 (好多料呀, 好好味) 果然有水準+ 淨腸(拉腸) 都ok 好味 + 豆槳(唔甜) good只係覺得環境差一點

星期五...難得妹妹有時間同我行下街....不經不覺就行左去佐敦鋮記...說魚卜+魚腩勁好吃云云...既然係咁..就出發啦...坐落去..好坦白講..非常地踎...但來到了..二話不說..當然醫肚先...魚片+豬潤 >> 粥底好綿...豬潤有1/4"厚綾魚球 >> 有16(4粒),30(6粒),40(8粒)四個價錢選擇....來到的時候脹卜卜..心諗..睇下會攤凍左縮成點...最後..竟然冇..而且每一啖都有魚肉..不似外面的溝粉...值得推介...薑荵魚卜+魚腩 >> 重點推介..真係香到冇人有...而且係一d腥味都冇....白烚魚皮 >> 有薑荵舖係面..但爽滑都嚇死人....白烚牛栢葉 >> 同魚皮一様..有極多薑荵舖係面...但非常爽口...唔un...總括來說...這個體驗不錯....埋單才hk$180大元呢

一行三口子去左呢度食野, 幾好食喎又雖然地方唔係太清潔但係符合廟街一帶的要求我地食左1. 冬菇雞粥 (粥底好, 好味)2. 炸兩 (腸粉皮好正, 即拉)3. 薑蔥黑栢葉 (牛栢葉唔un, 好爽)4. 炸陵魚球 (一般)5. 叉燒腸粉 (好味, 值得一試)6. 豆漿 (唔會太甜, 正!)老闆叫我地下次試下蝦米糃粉, 好下次再來

平時出街都會上open rice睇下0個一區有咩好食今次女朋友話想食粥,佢就搵鋮記一品粥我地2個人叫左一個餐 : 皮旦瘦肉粥+炒麵另外叫左 : 牛肉粥,炸兩首先講d粥...自己由細到大都好喜歡食粥..對食粥都幾講究..碗粥一黎試左一啖....心裡已經知道溝粉的!!!仲要溝得好多...唔怪得之d人講"綿"同滑啦..再黎...炸兩...炸兩並唔係炸兩....我諗好多人都唔知乜叫炸兩炸兩即係用一整條油炸鬼整的(即係一雙油炸鬼)而我地叫的炸兩是粉皮包住一條油炸鬼的...粉皮包住一條油炸鬼的..叫做"炸一"有d舊既粥鋪仲保留到仲有炸一...不過味道...都可以的...最後到炒麵...個人覺得比較細碟...最大問題係....食第二啖時發覺"叔叔地"的!!(我以前係做酒樓廚房仔,我識得分辨臭"叔"與否)食左幾啖就唔食了..夠晒比面啦...再講埋個廁所...一推開門,見到個阿姐在地下洗緊野..之後再入男廁...呢一分鐘真難頂..我未見過有食肆個廁所可以咁...此時我諗..點解一間食肆可以個廁所咁樣都唔理...食完之後好失望咁走.....-_-''我並唔係想抹黑呢間鋪..講野食,可能個人口味唔同..不過

不久前在這裡吃過高質素的即拉腸粉,心思思又要再來.今次要試試很少食的魚雲粥,因為怕腥,所以平時不會叫有魚的粥品.又叫了心水的牛腸.十分鐘有得食,魚雲粥很多料,又新鮮,師傅把魚雲用油爆香才用粥底滾熟,十分香口,又不腥,是色香味俱全的境界.腸粉是一貫的水平,爽滑,好味,十四元是超值的.老店的好處就是水準稳定.除了環境和衛生稍差外,別的店實在難望其項背.

同朋友行完尖咀, 一行幾人專程搭的士到鋮記,本人從未聽聞鋮記,心想有咩咁把炮要專程搭車黎食,當日星期日晚上七點左右,一入到舖頭,裝潢非常舊,地面好似無拖過咁,好多油漬,衛生情況不太理想, 坐低之後,朋友立刻點左三樣必食菜式,頭盤有薑蔥魚皮,之後有即叫即蒸腸粉,再加一味薑蔥爆魚卜拼魚骨. 魚皮爽口彈牙,連薑蔥一齊食十分開胃,蝦腸即叫即蒸,嫩滑非常,但係蝦就差d,絻不新鮮. 最後一味薑蔥爆魚卜拼魚骨,炸得夠香口,恰到好處,唔會炸到無晒魚味,唔會變石頭,正呀值得再去

吃到好的即拉高質素腸粉是人生的一大享受.這裡除了粥好之外,腸粉也是一絶,有老師傅即叫即拉.不是翻叮貨色.十四大元.午餐時候這裡也只有兩三個客,可能是天氣熱的緣故,三十四度的高溫,食到汗流浹背,可不是好受的.叫了及第粥,哂士是一貫的巨型,多料,兼且落齊薑葱,生菜絲,廿四大元可算超值.豬什新鮮爽脆,不在話下.粥底味道簡單,味精不多,杰度適中,不會一邊吃一邊出水.加一碟牛肉腸,要等,因為是即拉.要等十分鐘.老師傅把熱騰騰的腸粉放下時,未食已經加分.飽滿的腸粉共三條,饀料是牛肉和蒝茜,十分和味,淋上獨家的濃黑豉油,更是錦上添花,好!

今晚去咗食粥，去咗依間鋮記，叫咗1.及仔魚咀粥2.魚皮3.豬潤腸一來就及仔魚咀粥，入面d 料好豐富好味道，抵食$32之後魚皮好爽口$14豬潤腸$16 d 料依然係咁多，goodgood ! 有相為証!