鋮記一品粥鋪 (已搬遷) 新店位置

我又寫粥評喇!因為我好鍾意食粥.今次又係佐敦油麻地一帶,因為我返工係附近~鋮記啲粥好好好好味~我食過魚腩同及第,d粥一大碗好多餸~魚唔腥仲好大舊,加埋生菜底好甜~粥都好綿~而及第仲勁仲多料,肉丸仲超好味~鮮肉~如果一個普通食量嘅女仔食粥都要捧住個肚走!第一次食果陣唔知~學人叫完粥叫炸兩,點知炸兩迫住食一半,碗粥只係食哂啲餸~勁飽!!!!!我見好多人都加六蚊雙併魚卜,但我都係勁食唔哂唔叫~仲有丫~我見過有人叫外賣粥~並且叫多一碗白粥加埋煮~可見幾足料!不過次次食都要等~佢好似每次只係等一個煲煮(除非叫兩碗一樣)否則要等一陣先有得食

今日一個人在佐敦, 原本想去幫襯亞龍咖哩, 但係門口都超多人, 最後去左隔離間鋮記粥品, 聽聞呢間o的魚粥好正.坐低見到有好多款腸粉食, 就叫碟豬潤腸粉試下, 再叫碗魚咀粥食. 因為腸粉是即拉的, 所以都等左十分鐘到, 腸粉終於都到o拉, 一咬落去, 真是十分好吃, 首先豬潤十分多, 夠味又不會太乾, 另外雖然多豬潤, 但外皮包得十分好, 不會一夾就散, 最後是那碟時油完全做到錦上添花, 十分惹味. 接著主角魚咀粥到來, 粥入口完全不覺有魚的鯹 味, 充滿魚的鮮味, 加上落足料, 應該是用一個魚頭來做這碗粥的.坐下坐下, 鋪頭越來越多人, 便結賬離去, 行過亞龍咖哩, 而加反而冇乜人

肚子還是不太妥當之日，遲放工不能join bf同K先生食飯先去打波，於是一個人諗住去食澳洲牛奶公司既蛋治，點知去到門口竟然5。1補假冇開門!!!! 真係乜野心機都冇晒，又唔知食乜好，本來隔離間麥文記豬手好好味但不想太膩於是左想右想之下就去搵粥食。呢間都食過佢既魚粥好得，但係呢一晚真係胃口唔好唔想食魚...所以就揀左田雞粥!原來d粥落左陳皮會咁好味，食落去個胃好舒服，簡直係感動呀! 田雞份量ok而且肉質鮮甜，雖然碗粥睇落冇魚粥及第o個d咁澎湃，但係，就非常岩我呢個病人... 不過同意其他食友所講，應該落左D味精... 希望老闆見到可以愈落愈少...

天氣突然轉冷,吃碗魚粥實在適合不過.新興棧人頭擁擁,結果再一次到鋮記.水準也不錯.今次要魚咀粥,加個薑荵魚卜.這店的粥底比新興棧的厚,味道甜,亦夠綿.魚咀份量足,差不多近乎整個魚頭.魚咀部份也是經常郁動之部位,肉質沒有魚腩的肥厚,但也夠嫩.只是沒有太多肉吃.爆魚卜爆到火光熊熊,什麼腥味也爆走.酒香不大濃,沒有搶去魚卜的風頭.魚卜爽脆,膠質豐富,不妨多吃.沒有新興棧般慷慨,薑荵任你添,水準就一樣的好.只是因為老細的"背景",令到小弟多一份憐憫之心.人是感情動物,實在正常不過.

一個艱辛任務中略有小成, 一到七點, 餓到想死咁滯, 又怕前功盡棄, 決定食碗高質素的粥品。滿足口慾之餘, 又不致於自我放縱。素聞鋮記魚粥正斗, 入到去, 唔使考慮, 魚卜粥, 男朋友考慮左一陣, 叫左及第粥。另外, 仲假民主咁俾我"揀"左齋腸粉。魚卜粥唔使幾分鍾就有得食。粥底稀稀的, 仲見到米花, 夾雜大量蔥段同生菜絲, 浮面的魚卜數都數唔曬, 未計沉底果d, 好大堆頭的粥! 當今真少見! 一啖熱粥入口, "This is FOOD!" 濃香的魚鮮, 真不得了。啖啖魚卜啖啖蔥, 人生一大快事!男朋友又及第粥唔使一陣又到埋。粥底少了魚粥的鮮, 卻又多了豬肉的濃。"及第" 多到呢, 據聞係"食極都食唔完"的。我吃了一件豬膶, 是我喜歡的厚身切法, 爽口得來充滿膶味, perfect! 粉腸切得細細件, 也貪心地吃了一件, 唔... 粉粉的, 幸好遇不到有沙的情況。平時吃及第我至怕吃肉丸, 不過鋮記的肉丸細細粒, 很有豬肉味, 我吃了1/4粒, 難得有encore的衝動。假民主政制底下的腸粉... 難食得不得了! 原來有分"來貨" 同"即拉"... 溫馨提示: 千祈唔好叫齋腸咁豬! 小小分

份量多但味精偏重今日下午特地來試下d人話幾好...我叫左個及第粥,我男朋友叫左個魚腩粥再叫左個蔥爆魚骨魚卜和豬潤腸先講及第粥,好足料,但好膩,豬潤唔夠脆,有件粉腸有沙我男朋友個魚腩粥就話幾好,不過魚腩唔夠肥美蔥爆魚骨魚卜都唔錯,好香,但d魚卜好滯豬潤腸唔錯,不過膩左d,d潤好過粥個d衛生環境就好差,改善下就好d

上個星期又同老婆黎食，今次黎之前冇食野，所以叫左好多野食試。我今次叫左碗魚鮫粥加卜，雞粥，白灼及第，薑蔥爆魚骨腩，炒麵。先講碗魚鮫粥，起碼有四件大大件既魚鮫，件件D肉都好爽口，同埋真係夾到係一件件咁，一定係新鮮貨，唔同出面煮到林晒一夾就散咁。D魚卜唔使講啦，同上次一樣咁正。老婆碗雞粥都得，雞有雞味，唔係雪雞。白灼及第係用粥黎灼，豬膶豬腰都好爽口，尤其粒肉丸，好有肉味。薑蔥爆魚骨腩唔錯，係咸左少少。炒麵就真係唔好得，上檯唔熱，碎晒咁，可能係貨尾。整體黎講D魚粥真係佢強項，黎到唔食魚粥不如唔好黎。如果唔係D炒麵，味道我真係要比佢滿分，冇得頂！

唔明點解一間店會有兩個名，出面寫住鋮記，裡面又寫住金源，不過唔理叫乜，D粥真係唔錯，尋晚同老婆行過，入去試下，我叫左魚卜粥，老婆叫左田雞粥。先講我碗粥，魚卜唔係到到有得食，味道雖然冇魚片魚腩咁鮮味，但都唔錯，最誇係成碗都係魚卜，成十個都有。D魚卜全部用鑊爆過先放粥，又香又爽。老婆碗田雞粥好鮮味，田雞亦好嫩，兩碗粥每碗$26蚊，雖然好似貴過出面，但真係真材實料，因為唔係太餓，想叫碟白灼及弟都唔得，下次黎要再試下魚鮫粥先得。

食完澳洲牛奶，發覺唔多夠飽。送完女友去搭車後，就順步走過嚟食碗粥。好耐好耐無嚟呢度食嘞。對上次嚟附近食粥應該係去新興棧嘅。呢頭真係粥鋪林立，決定遲D再去埋隔籬和味生滾粥試。叫咗碗魚骨粥。粥底屬稀嘅一款，我自己就麻麻地。似乎亦落咗少少味精，要扣少少分。不過份量算係夠大，魚骨有成六七嚿，而且無乜腥味(因師傅用銅煲爆過D魚骨)，所以D粥一D薑都無落，非常好。霎時間變咗大花貓...

7月28日21:00又在深圳無事忙了一星期，精神和肉身都疲累。一於要補充補充，為了來碗好粥，便坐直巴到佐敦。要了魚雲粥加魚卜。粥底：仍是那麼薄而鮮甜，菜絲茜段少了。魚雲：雙雲，大魚雲豐厚，甘香。鯇魚雲極滑，花了頗長時間，才能把鯇魚雲逐一肢解。魚卜：有7~8個爆過的魚卜，爽、滑、鮮甜。由於粥底薄，我又餓極，不到兩分鐘，米花盡入肚皮。下半場變為喝魚湯，吃魚卜、魚雲。雖然我偏好厚底，但無奈她用料貨真價實，我仍會再來。

五點幾六點入到去, 沒客人, 老闆還在打蓋睡, 還以為未開檔呢。粥餐好抵食, $25 包一碗粥, 雖然不是特式粥, 但份量倒夠了, 另還跟齊腸一大碟, 豆漿。要了生滾牛肉粥。粥底看落很綿, 牛肉一整碗, 內裏還有點唐生菜, 蔥段。可惜食落並非像到般吸引, 粥比較稀, 還有點鹹, 並有味精, 失望。牛肉算滑, 但也偏鹹。這碗粥水準在水平之下!腸粉端上來時巳凍凍的, 吃落還有點硬, 看似是上午買剩的。如果是新鮮熱辣的, 定好食好多, 可惜光顧時間不當。至於豆漿, 欠豆味, 水準一般!雖然是次食物不能給我好印象, 但仍會再來, 因為被它一牆的魚類粥品照吸引著, 定要嘗一嘗。

一向喜愛吃魚粥,日前心血來潮想吃個魚卜粥,把心一橫飛去佐敦吳松街一帶,本來目的地係新興棧,但係搵唔到.路過見到鋮記,見到也有此味供應.行到身水身汗,索性在此擺低.差不多鯇魚所有部份也有供應,是夜一心想吃魚卜,要一客魚卜粥,再加碟即拉鮮蝦腸.應該可填得飽個五狀廟.赫見半開放式廚房,煲粥用的是銅煲,同妹記一樣.這樣能把粥的熱力能夠全面覆蓋每一粒米內.爆魚肉等材料,用銅煲最好,夠晒熱力,爆到火焰沖天.咩野腥味都無晒.待一會便有得吃,粥底很甜,質感綿綿.魚卜爽脆,一點腥味也沒有.點上豉油,更加突出其鮮味.實在好吃.有如偽花膠粥.價錢當然平一截.即拉腸粉,往往成為夜鬼在半夜三更的苦海明燈.拉得晶瑩通透.渾身米香,可惜蝦肉無味,真係無味,唔係呃你.晚節不保.一碗令人窩心盅然的靚粥,背後一定有其動人故事.得知此店老細曾經是同一條街,其中兩間粥店的主理人,當老細盡得真傳之後,一個屈尾十用完即棄.有點悲劇英雄落泊街頭.火鳳凰置諸死地而後生,今日依然安守吳松街,用行動向兩間前主顧作無聲抗議.Salute.

偶然機會下.睇到一篇有關"鋮記"的報導.入面講到"鋮記"的魚粥水準好高.而且仲好平.於是放工後冒名一試。可能係星期六關係，满座(約5-6張台)。入到去企左成十鐘，竟然冇人理我，直到我點左食物(魚咀粥+炸兩)，揾埋位(搭台)，出到聲同侍應講我冇位坐，佢先攞凳出來，所以我覺得服務態度一般。講到食物水準；可能期望太高，所以覺得食物只算可以，特別係"炸兩"，入面的油炸鬼，己經"淋"晒，.完全不值一提。講到價錢，$22(魚咀粥).$10(炸兩)，不算貴.但也不算平。總結，唔會有下次。

3月27日19:30從皇崗坐車到油尖，下車便想吃粥，店名改了，師父亦轉了。又要了魚腩粥粥底：仍是那麼薄，但米花朵朵分明。魚腩：雖再不見火焰，但已走油，魚味更甜美。配料：蔥段仍多，生菜絲略少。邊食看人家的炒麵，賣相對辦，便要了一份(HK$12.-)。阿姐說即炒，上香氣撲鼻，鑊氣十足，入口有點失望，口感不夠過淋，不夠乾身，吃完碟底滿是油。下次還是試腸粉好了。這店腸粉分兩種，即拉和來貨，阿姐說即拉較滑。還有椒鹽田雞和薑蔥魚皮等。魚料亦有八種：腩、片、卜、青、頭、咀、雲和尾。有新興棧的影子，但環境比新興棧好。

一早起身忙完一輪先食野我又好耐無食粥琴日早上一於黎食粥叫左豬心豬肝粥,肉丸粥,炸兩,牛肉腸同豆漿豬心豬肝粥～因為即時生滾,都要等左五分鐘先有得食,粥底唔太杰,幾綿,豬心爽,豬肝厚切唔韌,好有口感,數量亦多,味道唔錯,但食到落左師傅,成個下午不停飲水肉丸粥～試左朋友仔既肉丸,正正是我細個食o個d味道,唔會好多肥肉又彈牙,好味道,細細粒,數目亦幾多炸兩～炸兩即叫即整,可惜因為油條本身已經凍左唔脆,粉皮亦厚左少少,加上無麻醬,味道一般o者牛肉腸～呢個反而好有驚喜,粉皮混入芫茜,皮亦較炸兩薄,好滑又唔太油,牛肉份量亦多,好味道,雖然12蚊,但值既豆漿～豆漿唔太甜又有豆味,比起好多聲稱自家製造既水準高雖然仍然係金源既伙記但門口招牌已改名為鋮記我口多多問左問右亦都無話黑面唔理我