影片
古洞菜站旁
继续阅读
电话号码
26704889
营业时间
今日营业
10:00 - 15:00
星期一至六
10:00 - 15:00
星期日
全日休息
以上资料只供参考，请与餐厅确认详情
將來香港會發展北部大都會，今日就嚟咗實地「考察」，哈哈！其實喺跟幾個單車友入嚟踩一轉，由大埔出發，經粉嶺、上水，再過古洞兜個大圈，睇埋「心形湖」，可謂行程豐富。而午飯時間，就晌古洞嘅「錦益茶樓」放飯。單睇鋪面就已好有懷舊味道，最好喺佢有個後門位，方便我哋「泊車」。入到裡面，一來呢度已好有歷史，二來嚟嘅都喺附近嘅村民多，少量行山客或單車客，啲枱布換咗好似無換咁，所以，感覺就會「地踎」啲，最唔好喺仲有啲阿叔專登坐埋一角煲煙。雖然同我哋坐得有啲距離，但一樣有少少煙味。食物選擇方面，星期一至六有啲特價午餐（公眾假除外），每日有4款，定價$50，但唔包飲品。茶錢$5位，配啡茶、汽水收$6，所以，大多數人都索性叫杯啡茶，咁就唔使計茶錢。如果特價午餐唔啱食，無問題，有另一個餐牌，提供大量碟頭飯、湯粉麵、三文治、出前一丁，都喺唔包嘢飲，嘢飲另計，而啲碟頭飯跟特價午餐都喺差唔多，大部分都喺五十零蚊。椒鹽豬扒 $50兩位老友都喺揀豬扒飯，即叫即做，自然更香更好食，一客有3大件豬扒，飯底又非常多，老友就話啲豬扒醃得入味，好鬆化，椒鹽香啱啱好，唔會過鹹，要挑剔嘅，喺油咗少少。梅菜扣肉飯 $53難得同啲死佬出嚟，選擇自然可以放縱少少，就要一客梅菜扣肉，因為即叫即蒸，都等咗成廿分鐘咁滯。扣肉跟飯分開上，分量超多，咪睇表面以為啲扣肉唔肥，反一反，當中有件喺4:6比，所以，部份過肥嘅我都喺去咗嚿膏，然而，唔太肥嗰啲，咬落又真喺唔覺油膩，好香、好鬆化，此外，啲梅菜亦都好正，撈飯一流。熱奶茶 $6雖然喺「茶樓」，不過，都有種茶記風格，所以，又即管試一試奶茶，其實，都喺頂吓奶茶癮。雖然唔喺話咩超高質，但比預期好，感覺唔差喎，茶底豐厚，好有茶香。依類舊式茶樓賣少見少，晌市區就更加唔多見，所以，多謝老友帶我嚟呢個「秘竇」簡簡單單食番餐。個笑臉喺俾碟梅菜扣肉飯，因為食到心頭好，環境、服務就免提喇！
继续阅读
工作中午餐！呢間舊式茶樓未試過，今日咁啱有車位，入內地方殘舊，收銀邊有大蒸籠！不過無睇到有無點心，十枱客左右！桌布好多窿，大部分都係大枱，店員安排張小枱比我，筷子好黏，一定要抹！餐牌食物大路！一般小菜館客飯都有！落單即叫即炒！鮮茄牛肉飯（$42）叫了少飯（唔好浪費）切件蕃茄新鮮爽口，牛肉片仲有牛味！唔會喇到無味！洋蔥爽口，白飯鬆軟，醬汁酸甜！夠熱好味！滑蛋牛肉飯（$38）同事食叉燒燒鴨瀨（$45）同事食，竟然比鴨腿！店員有笑容！上菜收碟勤快！舊式茶樓風味！包括唔乾淨嘅廁所，最後去附近公廁仲乾淨！
继续阅读
先前經常從落馬洲坐車回上水. 行舊路, 大大的路牌 "錦溢茶樓" 吸引了我要研究一下這是個甚麼的鬼地方. 心想, 係呢D鄉郊野嶺開的酒樓食肆, 必定有佢既特色. 是日, 在網上找了幾位志同道合的網友, 一齊來探索呢一個隱世角度. 一起來陪我 "尋找隱世的味道".可惜是沒有電話, 只有一個地址. 詳情只能靠某Forum車友版中的介紹得知有什麼好食. 本來是為了飲茶而來的, 可惜是此酒樓11點打後便停止沒點心供應. 飲茶飲不成, 只好配上啤酒加小菜. 塞翁失馬, 焉知非福, 散點小菜, 原來可以更加深入地嚐到此鄉村酒家既獨特風味.一行六人, 自行駕車來的朋友為我們留了是日最後一籠點心. 是一籠潮州粉棵. 已經不熱了, 但食落, 餡料正宗, 多花生, 碎肉. 感覺鬆散但食落成個粉棵結結實實. 實屬不錯也.事前已得知此茶樓的燒鵝了得, 6個人, 首先叫了半隻來大擦一返, 再叫下啤酒. 食燒味, 飲啤酒, 樂活也. 此燒鵝, 該是早茶時段一早燒好的大鵝, 半隻, 連半個頭上, 應真有風味. 有人見鵝頭無人問津, 便一野夾起, 品嚐鵝頭凸出來的一部份, 見其食得津津樂道, 實在令人羨慕. 剛才提及到鵝是一早燒好, 所以我們的鵝, 是凍食的, 咬落皮沒有因為凍左而變韌, 依然香脆, 而且咬落, 帶點炭香味, 相信是用正宗炭鑪燒出來的靚鵝. 皮帶點燶也無礙其鵝香. 後來加點的例牌燒鵝, 沒有因為過了少少火而帶燶的皮, 加上花生塾底, 味道比之前的半隻, 更香更鮮.檯上菜牌只是簡單的炒粉炒麵, 食小菜就要看看牆上的大字報. 來到這些鄉郊地方, 總會想找一些帶點鄉村特色既菜式. 而第一道, 便是醬爆大腸煲. 大腸夠肥美, 但完全不腥不膩, 咬落, 鬆化可口, 醬汁濃而不咸. 煲仔出品夠哂熱辣, 的確是一味巧手小菜.叫了些出面少見的菜式. 椒鹽鯇魚腩, 同西蘭花炒咸豬肉, 實在帶點新界北既風味. 魚塘鯇魚, 圍村咸豬肉, 可是非常地道既口味. 椒鹽鯇魚腩, 炒得非常之乾身而且保持到魚肉不爛. 此物, 也是送啤酒既良物. 食落不覺太熱氣, 咬落魚肉新鮮結實, 有啤酒相送, 大家不忘食多幾樽.西蘭花炒咸豬肉, 咸豬肉, 是新界鄉村菜式既名物之一, 預先醃咸了的豬肉, 切片炒西蘭花, 秈似是簡單的菜式但沒有足夠既鑊氣, 是不容易弄得好食的. 咸豬肉, 不像那些極咸的火腿, 記得小時候, 阿婆先把新鮮買回來的豬肉, 用鹽"拿"過後, 便放入雪櫃儲存. 後來從爸口中得知, 以前沒雪櫃, 當時買肉又不像現在咁方便, 所以醃咸豬肉就成為新界圍村獨特的食物. 此豬肉, 是生醃的, 味道沒有過份的咸. 西蘭花爽甜而全熟, 只有鑊氣夠的爐頭才能炒得出. 餸菜的味道全是由那微咸的豬肉帶出. 呢道菜, 鄉下味十足.叫了一個蛋白炒飯, 而為了送飯, 加點了一個魚香茄子煲做尾聲. 滾熱辣的茄子煲, 茄子炆到腍哂, 咸魚香味四溢但食落絕對沒有喧賓奪主的感覺. 不是一味夠咸魚味就是好, 有咸魚香, 有肉味, 有茄子味. 三種食材既味道都沒有蓋過其他, 造才算好. 不過, 傳統的做法, 成砵油, 就冇咁健康啦.最後講一講個蛋白炒飯, 本來是瑤柱蛋白炒飯, 後來侍應大叔出來說沒有瑤柱, 就蛋白炒飯算. 飯, 炒得尚算好, 起瑪夠粒粒分明. 沒有瑤柱, 改成菜粒. 更加簡單清新. 六個男, 再加上爐兄於收工後過來躉腳. 七個男, 大家談食, 談拍照, 談風月. Good Boy Club, 就是這樣的快樂. 本來想過橋入埋去古洞街市的, 但天氣太熱而且本人下午又有野做. 眾人最後都係回到上水火車站, 各自北上或南下.
继续阅读
您可能会有兴趣的...