錦麗 (東薈城名店倉)

营业中

休息中

見到東薈城有新餐廳就想試吓星期日晚巿真係勁多人，排咗30分鐘左右先入座睇menu好似主打食粉，就叫咗個越式霸氣招牌粉有得揀河粉/金邊粉，但河粉只限堂食職員上咗個粉隔咗陣先上油炸鬼，話漏咗6點幾開始滿座，勁多客都發現到漏咗，都算幾細心個湯好有牛味好甜，開始飲覺得好正，但返到屋企勁口乾，應該係有味精😂另外仲叫咗小食拼盤，好好食但食完，張牛油紙好多油😂😂牛油果生椰乳無乜味🙈無乜牛油果果，無乜椰子味，不過好creamy好滑

東涌既越南菜唔多,見佢開左就要試下啦!都幾抵,唔洗4百蚊試到好多野,因為SET DINNER夠抵食!叫左個咖哩牛腩飯,唔算好SPICY,SAUCE好CREAMY!牛腩好有肉味!跟餐加左個原隻椰青,勁多汁!仲叫左個小食拼盤添,有豬排、炸雞翼、蔗蝦、春卷等,一次過試到唔同既口味,仲要係2人份量,每一都試到D!同埋岩晒我地呢D肉食獸。牛油果香芒沙律都唔錯!有我中意既蔬果同菜,夠FRESH!越式PHO都好好味道!推介!

去完大嶼山返東涌，成個東涌人山人海，東薈城都一樣，所以愈上愈高、愈上愈高，愈高愈少人，第一次貢到上7樓😂😂就發現左錦麗開到來東涌😋叫左幾樣野，每一樣都好讚👍🏻👍🏻👍🏻- 生牛肉湯河🐮檯面有個說明教係你點食😆好得意，我都跟住左佢步驟做😆好想讚個湯，好香濃好入味，真係啖啖都精華😍- 香茅咖喱醬燒牛肋骨🥘本身見到💲198都有少少卻步，但而家唔係間間越南餐廳都有做呢個，所以都係叫左，真係好好好很大份😍而且炆得勁林，好入味好好咬口，真心讚👍🏻- 牛油果米紙卷🥑食左咁多肉，配呢個清新既小食好唔錯，件件都包到脹卜卜，一啖咬落去就係成片牛油果🤤🤤🤤好足料！- 仙人掌百香果梳打🌵絕對係餐廳張相吸引左我叫，好彩實物同餐牌一模一樣😍😍好靚呀！整體來講，店員好有禮貌，全餐都好用心製作，一d都唔馬虎，💯💯💯係值得encore之選😋尤其鍾意食越南菜一定冇失望😊👍🏻

東涌7樓新開～其實佢都好多分店嚟到東涌見佢新開就試吓啦 越南菜 ～主要都係檬粉/河佢有好多唔同嘅小食配搭優惠，亦有套餐又有甜品今日就試吓佢啲檬粉/河1）胡志明綜合粉有牛丸、生牛肉、熟牛肉湯夠香，夠濃有好多配料，例如芽菜，香葉等等佢都會另外再有青檸同埋辣椒仔，可以因應個人口味再加落去👍🏻牛丸必吃‼️彈牙爽口生熟牛肉黎講，熟牛肉嘅牛味會重啲，比起生牛肉，我會prefer熟牛肉份量適中 成碗嘅配搭都唔錯👍🏻2）香茅豬扒撈檬豬扒份量夠大塊，配料配搭不錯，酸甜幾開胃👍🏻椰青極度推薦俾五粒星❤️好清甜，一大個椰青，椰汁勁滿，夠新鮮，冇加添加糖，因為飲完都唔會口渴‼️‼️‼️ 甜品-芒果椰汁糯米幾特別，用米紙卷包住一層糯米同芒果，芒果夠甜，到埋啲嘢將一齊食，口感豐富👍🏻夠飽滿‼️推薦👍🏻👍🏻👍🏻

呢日約咗朋友喺東涌行outlet，但竟然冇買到嘢，有D挫敗感。咁就要搵D好嘢食來彌補缺失。逐層行來到七樓，見到錦麗，朋友話之前喺第二度食過呢間感覺唔錯，問我有冇興趣，有好嘢食我當然有興趣，唔會執輸啦。行左一排，好鬼攰，見到我心愛的椰青，啦啦聲嗌咗個，似係個好品種，飲落清甜新鮮解渴。再來個“特色小食拼盤 ”，包羅萬有，有好耐冇食過嘅越式庶蝦，又香口又juice嘅香茅豬扒，法式牛油雞翼和紫色的金絲網卷。“酥炸軟殼蟹撈檬”跟埋檸檬酸汁好鬼惹味，越食越好味，好快食晒，軟殼蟹大大隻，有肉地，炸得香口，食得滋味。“錦麗生熟牛肉粉 ”lunch 套餐，加D錢叫咗個玫瑰龍眼茶(熱)，養顏，養心，養胃，個粉朋友叫咗走蒽，走洋蔥，雖然如此，呢個牛肉粉依然幾好，湯頭好清甜，清清淡淡也不錯，牛肉亦是好味，鬆化。"酸芒斑蘭糯米卷"好有特色，第一次食，糯米煙煙靭靭，芒果並不太酸，又有斑蘭味，非常之好。

半年前都知東薈城會開錦麗今日卒之同朋友去食個午餐 。疫情之後好多餐廳都係自己點餐，錦麗都係👍蟹肉牛油果香芒沙律 $88酸酸地嘅芒果配埋新鮮爽脆沙律菜，蟹肉鮮甜帶有少少咸味配埋醬汁全部撈埋食仲有層次😋酥炸軟殼蟹撈檬跟檬汁 $79鹹檸檬青檸梳打 $19雖然軟殼蟹吾係好大隻但勝在蟹身肥啖啖肉同膏，撈左魚露酸汁好開胃，檬粉爽滑值得一讚。再飲啖鹹檸檬青檸梳打乜嘢熱氣都冇曬!安格斯火車頭河粉 $99午餐追加-蔬菜春卷(2件）$25再加杯咸檸檬青檸水 $14食粉面一定要夠熱，而且湯底好清甜牛筋牛肉份量十足直情係料多過河粉🥳酸芒斑蘭糯米卷（即時製作） $48充滿椰子、班蘭葉香既糯米飯同芒果包埋一齊點埋椰汁食好完滿既感覺