錦麗 (世貿中心) (已結業)

先前次次經過APM同德福個間都見到大排長龍...成日都心諗..喂.有冇咁正呀?!要排到咁咩?!終於今日有機會黎呢度試喇.終左FD 黎CWB LUNCH, 早到左. 所以係呢度未起長龍前就黎到.等左一陣就入得~第一次黎. 羅起MENU 睇先知原來冇SET 既~選擇唔多..KO左我個選擇困難症呀！　ＸＤＤ原來只有牛~ 粉就得5款 $58-62. .都係來來去去牛同牛既配搭~咁就好易揀啦, 揀MIX既招牌錦麗綜合粉就ＯＫ了～唔食牛既就試唔到LU~飲品另叫, 而且冇得話加少少變餐...原本我都想叫飲品, 不過諗諗下呢度係CWB, 不如食完出去買台飲好過.YEAH!我地就唔揀飲品, 追加個小食.點完餐店員見我地冇叫飲品, 就同我地講出面有水可以自己斟~ 又幾好~台面有個貼紙教你點食~ 咁就跟下先.法式牛油雞翼4件 $34, 雞翼上先.聞落好香, 食落都好香脆, 牛油味好出~ 可以ENCORE!錦麗綜合粉 $62 (生牛肉, 熟牛肉, 牛丸)都好快有野食. 就咁睇個湯頭顏色幾靚, 應該係濃味既~不過呢, 話明有生熟牛肉嘛, 我就唔係好見到有生牛肉喇.. 上到黎已熟哂~至於味道呢, 湯頭飲落又真係幾

本來今晚諗住去世貿中心食牛刷鍋的～一收工飛快地去世貿中心，諗住落雨應該少啲人啦..點知門口勁多人排隊，同男友又好餓唔想再無了期咁等，然後望一望隔離店，係新開嘅錦麗喎！之前賣廣告賣得好行話係全個越南最好食嘅牛肉粉..成日都見好多人去排隊...今日又比較離奇，得幾個人等，咁我哋不如就試下新嘢啦反正未食過～等咗大概十五分鐘就有位，menu都係好傳統果啲越南粉有嘅嘢,梗係叫個錦麗綜合粉試一試佢啲牛肉啦～ 每張枱都會有隻杯，裡面放咗啲九層塔，青檸，辣椒同埋芽菜～可以無限添加的～而且檯面都有教導我哋點先至係正宗越南食法～我記得最好食嘅牛肉粉係溫哥華食過，佢哋仲有地道雞肉丸～不過暫時係錦麗menu我都未見到呢樣野哈哈最後我叫咗一個錦麗綜合粉（走蔥版～）材料有生牛肉，熟牛肉同埋牛丸～試一下個湯頭，都幾濃牛味，最緊要係無味精嘅感覺...生牛肉因為仲未熟晒，所以都幾淋，熟牛肉方面我覺得比較un唔想太吸引...河粉無咩特別，不過都有點掛湯力...同埋un度啱啱好，唔會太硬又唔會太淋但係以$62來說唔算特別夠份量，以佢號稱最好食牛肉粉..真係有點兒失望..男友都係點咗同一個牛肉粉（有蔥版～）佢食完都覺得唔算太

一碗好食嘅pho 真係唔易整，我第一次食呢間pho。佢係銅鑼灣性價比真係算高，一碗綜合牛肉粉都只係62蚊！綜合牛肉粉有牛丸，生牛肉，牛腩。牛丸真係強烈推介，非常好食，有濃濃的牛味，粒丸入邊有啲牛根，令成粒丸爽口彈牙🤩！生牛肉也好味，肉質鮮嫩！Pho 最重要的係湯底，佢的湯底濃淡適中，牛肉同粉係啲湯到浸到好好食！令成碗pho昇華左！唯一美中不足的係粉唔係好多，大食的朋友可能唔夠食！😅連鎖商店的來講，Pho Le 算係高質又性價比高！

一直未能光顧因由人龍不少，昨天下午已三點多即可入座；點了綜合湯粉，端上桌時湯粉是仍未焯開，而當時只有客人佔餐廳不到一半人數，有點失望，還點了滴漏咖啡；消費合理整體可再光顧。

平日夜晚原來都咁多人。我嗰日行開銅鑼灣諗住食個快飯，點知都要等成45分鐘。一路都好多人等位，可能去食飯時間七點鐘左右。我都食得比較趕...不過佢哋嘅服務態度真係有待改善........可能因為唔夠人手嘅關係啦⋯⋯總括嚟講錦麗都冇令我失望湯底清甜而且牛肉味濃烈但係佢哋個配菜真係要改善下因為啲芽菜略嫌太老。

叫左兩碗河粉，一碗生牛河，一碗綜合河。首先，河粉並非正宗越南亁河，系普通牛腩麪個d溼河，一d都唔正宗，味道一般。個湯一般，唔太夠熱。跟粉既配料，得少少兩塊葉同芽菜，唔系太夠。碗粉亦無乜洋蔥之類既跟埋。生牛部分還可以，牛丸比較鹹，熟牛肉系一舊肥腩+ 一舊瘦腩，瘦腩好”鞋“好柴。仲叫左春捲，超油，一d都唔脆。千其唔好叫。曬左d食物。完全無服務，水要自己倒。個杯好細。無服務，所以唔收加一，已經系成餐最合理既事。所以唔怪佢要自助。不過一開始問佢要杯水時，個個男人應該系比較senior 的，態度幾差，好似講到。。。乜你唔知架o羊。。一定一定一定唔會再去。唔明點解咁既質素，會有人排隊食。要搵好食過佢實在唔難。

今日同靚太食lunch, 不約而同想去Worldtrade P3果間錦麗，呢間自1970年於越南胡志明市開業的過江龍，每次行過見到好大條人龍都掟唔起心肝去排隊，今日终於排左十五分鐘就入到，超開心整體乾淨，座位算多，雖然枱貼枱，但感覺良好每張枱上都放左魚露，甜醬，拉差香甜辣椒醬和辣椒仔仲有一杯芽菜，九層塔和青檸，自己隨意放入粉內第一次幫襯，我地都揀左錦麗綜合粉，因為有齊生牛肉，熟牛肉和牛丸，可以試齊幾種食材，先飲一啖清湯，Wow好濃的牛味啊！加上洋葱和䓤碎，擠少少青檸汁落湯底，真的超鮮甜，勁好味一早已聽聞錦麗的牛丸好出色，果真是真材實料，牛丸好結實，咬落好彈牙，牛味濃，一食就知係手打，一定不是雪藏貨色可以比，可以說是我食過最好味的牛丸熟牛肉係坑腩位，我反而覺得無乜牛味，但都爽口生牛肉有少少失望，因浸耐少少已有少少鞋，又細片河粉都滑餾，索埋湯汁勁正整體而言，對這個河粉還是極滿意的，下次再來必定揀牛丸河和試下其他小食

同朋友係銅鑼灣行街。。。。因為落雨所以去左世貿行下避下雨喇。。。見到我係觀塘食開個間錦麗。。。。。原來世貿都有分店喎。。 。咁就食呢間喇未坐底已經有一杯芽菜，辣椒，香葉， 青檸係台面我地兩個咩都想食，咁就叫左兩碗綜合粉，有牛丸，生牛肉同牛腩。。。。。今日d 牛腩真心好麻麻地。。。。好大舊仲好硬，之前觀塘個間食明明好好好食架。。。。牛丸依然好好味。。。。但生牛肉黎到已經熟曬。。有d d 硬叫左2杯凍甘蔗汁，待應幾貼心問我地需吾需要小冰另外我地叫左一個米紙卷share, d 蝦都幾爽口埋單188 蚊。。。。每人94蚊

完成工作後已經八點多，很想吃一踠麵，partner 説他一定要去吃這間，就隨他去了。去到要在店外排隊等候，沒有預約，沒有號碼，就是乖乖地排了20分鐘。他提議我試錦麗綜粉（內有生牛肉、熟牛肉、牛丸）所以就點了。一上枱，我就跟枱上的指示，先試一口湯，嗶，清甜😋😋😋之後再加上配料後再試，一樣好味。食完牛丸，太彈牙、太 juicy, 問店員可否order 一碗浄牛丸，是 沒 有😓😓燒雞肉米子卷也不錯，內有青菜，很有咬感👍🏻👍🏻

第一次食錦麗的經驗就好一般，食物雖好食，但係職員就落錯單，收錯錢。今次已經係第二次食錦麗，銅鑼灣呢間分店的座位好寬敞，入座時大約係晚上7時，一坐下，店員就比了芽菜九層塔，呢個芽菜係用來配上河粉的。同友人各自點了一個錦麗綜合粉，咁樣就可以一次過食到生牛肉、熟牛肉及牛丸。生牛肉同牛丸都好爽口彈牙，熟牛肉都夠哂淋身，湯底是濃濃的牛腩味道！友人亦點了凍咸檸檬青檸梳打，佢飲完第一啖就檸哂頭，隨即就成杯俾哂我飲，我自己又覺得OK，夠哂咸同清新！

近來東南亞粉麵直捲飲食界，繼之前的泰國船河，陣地又轉移到越南牛肉河。其實可理解，香港夏天翳局悶熱，有時真係無胃口叫餸食白飯，同東南亞熱帶地區差不多，吃碗湯鮮幼滑河粉，濕濕胃口，的確幾醒神。 要數城中大熱，不得不提飲食界前輩蔡瀾先生在中環開的 Phó 店，天天大排長龍。 另一間我想食，又亦曾被蔡瀾讚賞是越南胡志明市最好吃的牛肉河，就是「錦麗」。它是當地其中一間極受歡迎的老品牌牛肉粉專門店，分店在香港，已開了一段時間。 最近新店伸延到銅鑼灣，是我比較就腳的位置。早前到該商場拍攝 advertorial，拍完剛巧是下午落場時間，見不用排隊，就入去一人前整返碗幫襯。 跟越南原店一樣，香港分店都是主打牛肉粉，分別有生牛肉粉、熟牛肉粉、牛𦟌丸粉，及集大成的綜合粉等，並以「一湯入魂」的清甜湯底做主打。吃過之後，感覺清麗脫俗，仿如遇上越南旗袍美女。受歡迎，果然有它的道理。 坐下來，每個位置先得到一個杯，放著九層塔、芽菜、辣椒及青檸，是吃 Phó 的配料，且有需要是可免費無限添加： 還有食用教學： 先點個凍小吃「大蝦扎肉米紙卷」$28 意外地有四大舊，薄薄米紙包著鮮甘筍、紫椰菜、青瓜

窩夫與蝦子餅光顧過觀塘的錦麗一次，印象不錯，難怪分店愈開愈多，最近登陸了銅鑼灣世貿中心。某星期五下午6時半左右到達，店內剛好坐滿了，要取票等位，不想搭枱所以等位時間比較長。早前蝦子餅參加了am730的抽獎活動，幸運地被抽中了，可於銅鑼灣新開的錦麗免費享用兩碗錦麗綜合粉。主角錦麗綜合粉來了，湯底依舊香甜，配料生牛肉、熟牛肉和牛丸皆保持水準，值得一試。加了一客大蝦扎肉米紙卷($28)，賣相不錯，米紙煙煙韌韌，裡面卷著大蝦、扎肉、青瓜和甘筍等餡料，咬下去很爽脆，整體口感很豐富，千萬別忘了蘸上醬汁呢。飲品方面，點了一杯熱薏米水($18)，味道不錯。

錦麗錦麗曾被食家蔡瀾讚賞越南胡志明市最好吃的牛肉河，係越南亦都好受歡迎。生牛肉河 $ 60吃前店員建議先喝一啖湯濃濃的牛骨牛腩味道非常甜🤤河粉亦滑嘟嘟，爽口q彈牛肉非常薄滑記得要點辣椒醬吃甜辣醬跟牛肉的味道幾夾下亦係越南嘅正宗食法吃吃下就停不了口😁湯底都飲到見底。*湯河會跟一杯配料，有芽菜、青檸、九層塔、鵝蒂。加上青檸後湯底變得清新，牛嘅濃郁味就減少左啦。*食過幾次，有一次失準，大家不妨試多幾次😂

近期越南河越開越多，銅鑼灣已經有不少選擇。今日就試試連鎖的錦麗。叫左綜合牛肉湯河牛湯沒有傳聞的清澈而且比想像中油，但味道尚可，不算驚喜~ 👌🏻最好食的只是河粉同牛丸~ 😨最失望的是冇牛味又粗鞋的牛腩🤦🏻‍♀️幾片好難嚼的瘦牛片超級腥的芽菜同配菜勉強可以接受的軟骨最恐怖的是油淋淋的牛油雞翼，上碟的時候已經有油光，碟底一大堆油。重點是成口油！好難食！上面伸有一堆淋pat pat 的蒜頭😰 sorry 真係油到食唔到😑絕對無下次😥附近絕對有更多更好的選擇!

之前嘅食評入面都提過我係一個濕疹嘅患者，所以我基本上係唔可以食牛肉嘅，咁但係人呢就係為食嘅，所以既然我quota唔多，我就會揀啲最好嘅黎食囉，錦麗呢都算係近排我最愛嘅牛肉河勒，但我呢就比較鍾意食呢度嘅熟牛肉河，個湯底好味就不在話下啦，熟牛肉既質地有啲似牛腩，我比較鍾意呢種質感，但食生牛肉河嘅男友亦都讚不絕口，至於個蝦餅呢就好普通，又油，又唔知點咩醬好，唔推介