鍋心海鮮燒 (已結業)

鍋心粥底火鍋應該好多人都食過.....但佢係原址開左一間串燒...我估就應該唔係咁多人知路掛...有朋友不嬲都係鍋心FANS....知佢開左就叫我去試....當日差唔多9點入到去..得一兩台客....以為係因為閒日喇...但食完就知....唔關事..但又好好笑..係一路食的途中...超級多人黎搵返粥底鋪...應該真係好多人都唔知佢搬左去恆豐後面...請完題外話講返食物....一開始叫左的串燒同茄子....呢的都係平時必叫亦好小會出事的食物喇...點知.....呢幾串野上台又係唔熱.....但佢又唔係冇燒個喎....呢碟就仲衰.....完全唔似燒...似係蒸完拿火槍整一整個底就出黎咁....又唔夠乾..又唔夠熱....又冇燒的味道....叫左兩隻大聖子....已經問左佢係味同粥底一樣...佢話係先叫...點知都出事...呢隻就太熟...熟到幾乎咬都咬唔開....唉..就咁就曬左隻聖子...呢兩樣算係正常嫁喇....一般串燒店的水準....個碗係幾得意，上台個陣我同朋友都笑左出黎~個店員話推介嫁...只不過真心..如果隻蜆係新鮮...真係唔建議食麻辣..因為除左辣味..真係咩味都冇....

經朋友介紹，有間好抵食又滋味既串燒，而自己本來也是串燒控，放工立即去試下。當日九點半才到店鋪，所以不用等位。一睇個menu，選擇勁多，而且價錢不貴。燒海鮮種類選擇多， 生蠔，象仔蚌，貴妃蚌，北寄貝，元貝，聖子等等。而且口味也選擇勁多，可以泰醬燒，蒜蓉燒，水煮，芝士焗，椰香葡汁焗等等。泰醬象仔蚌，泰醬酸酸甜甜，而且象仔蚌很大隻很新鮮，啖啖是肉。蒜蓉燒聖子，聖子也很新鮮，配上蒜蓉，很香口。豆醬焗黃立䱽，豆醬味完全融入在魚中，甜甜的，十分美味。另外order 了不少串燒，串燒用材新鮮，味道不錯。

有日經朋友講開，說鍋心粥底火鍋開左間叫海鮮燒係佐敦，係專門食燒海鮮，而且CP值很高，今日就去一試究竟。海鮮系列有很多種，可以選擇不同的煮法，如水煮 / 川燒 / 蒜蓉燒 / 芝士 等。因本人愛吃蒜蓉燒，就order 了蒜蓉聖子，蠔，魷魚及花甲。 雖然每款都是$3x 元，但性價比勁高，海鮮十分新鮮，而且燒至剛熟透，一點也不嚡口。另外order 了芝士扇貝及芝士蝦飯。芝士味濃烈，而且十分香口。 芝士蝦飯量不多，但蝦有很多隻。另外加點了串燒，串燒普普通通。

今天是第三次幫襯鍋心，三次都在不同的店。鍋心好難訂檯，即興walkin基本上無可能，所以我早在2星期前訂位。鍋心只開下年三輪時間，今日我比入座時間早到20分鐘，門囗已經站滿等候的人。黎鍋心火鍋，頭一輪海鮮一定要選食鮑魚、海蝦，蟹是指定食品，第二輪可選8種食物包括豬丶牛丶丸丶 餃子丶素菜，雖然可加食物每款$20，但唔建議加，因為好夠食，除非你好大食。第三輪是食重點的粥底，一定質飽你。指示不要選太多肉，因令粥底變得多油。

收工臨時決定同媽媽去撐台腳，大概六點去到，店內稍顯冷清，店家比左張三人枱，坐得舒服闊落。第一次試食，睇完Openrice推介叫左蒜蓉蟶子，泰式象拔貝，麻辣鮑魚和鹽燒䱽魚，但睇menu有深海泥鯭，因為是剛剛才落單，即時叫店家幫忙改單，店家都樂意幫忙，再遲些都唔好意思叫店家改單了特意叫齊唔同醬汁試味。蒜蓉味發揮到水準，非常香，襯得海鮮更甜；泰式味有小小帶酸，見到明顯辣椒仔，所以都有返咁上下辣味，但媽媽似乎更喜歡蒜蓉；水煮麻辣味也很不錯，令我想起在四川食的麻辣火鍋，煮鮑魚呢d冇乜味既野襯到絕。我食到少少辣，整體調味我完全接受到，但好辣既人可能要落單時講明加辣才會過癮。自己叫左碗白飯，海鮮撈飯好食到停唔到口。最後同媽媽encore一輪貝類和蟶子，兩個人總共叫左7樣，媽媽來之前有食下午茶，我自己叫碗白飯都叫飽，埋單每人$130，食得非常開心。佐敦一出行5分鐘就係到，之後會再encore，下次可能食得再放d😂

鍋心旗下的粥底火鍋及蒸鍋均物超所值，得知開了海鮮燒，馬上約朋友一同試試。原來地址是佐敦粥底火鍋的位置，轉為了海鮮燒。未知大家是否未知此處已轉為海鮮燒，星期五晚上八時多到達竟不用等位，直接入座。先看餐牌，有多款燒海鮮可選，價錢是一如其作風的相宜，另亦有多款串燒及炸物。點了不少海鮮。燒貝類點了蟶子，象拔蚌及刀貝調味很好，海鮮亦新鮮，唯一可惜是燒得過熟了一點，老了一點。燒蝦很親切的將蝦開邊，讓吃的時候不用髒手，蝦也相當彈牙，不錯。泰醬口味帶點辣味, 個人喜歡。麻辣水煮花甲份量也不少, 汁料帶麻香, 不錯, 比燒的更岀色。串燒也有超多款選擇。牛舌, 雞腎, 菠蘿等都不錯, 燒茄子辣度及蒜量夠, 很惹味。較特別的辣汁燒芝士豆腐及雞軟骨丸都好吃。兩個人共點了十多款食物, 佔約一半海鮮, 每人二百多元, 算是價錢超值, 且很適合貪心人士, 可每款都點一些, 不會過飽, 價錢又ok。

早排和朋友去了試呢間，聽講唔錯，燒海鮮又正的，整體都算是滿意的，但有樣嘢想講就係啲燒貝殼類海鮮，係不錯也算是新鮮的，但我們完全感覺不到是燒出來的，完全感覺是蒸好才放蒜蓉上去然後給客人，貝殼底部完全是沒有燒過的樣子，正面也很白雪雪，食起來更沒有燒過的香味，覺得有點騙人的感覺，問我如果想食蒸海鮮可以一試，燒的就可以不用去試的了。

朋友推薦兩間串燒店， 一間一個價任食，一間逐樣叫逐碟計。 最後選擇後者。 埋單有驚喜，兩個人8碟食到飽飽，才三百幾(且沒有加一)，是兩人任食價的2/3， 今次精明。說回主角 串燒鹽燒魚: 細細條(比男士手掌長少少)， 沾上附上的醬汁，還可以燒雞軟骨: 有水準， 不太乾燒牛利井: 牛利過厚， 每塊厚度不平均， 味道不錯燒雞泡魚干: 好香口、不乾，應該配埋啤酒， 更添美味😋燒鴨舌: 份量太炒蒜蓉白蜆: 粒粒新鮮， 不離殼，鮮甜芝士焗貴妃蚌: 好滑、鮮味芝麻雞翼: 沒什麼味道， 不推介😶員工好耐心、有禮貌、細心。再約朋友去多次，試試其他串燒。

看見网上介紹，星期日看完電影，準時6點去到這店 ，之前看网上介紹像很不錯，即管同honey 去試下。剛入店時還有空位 ，只過了半小時已滿座，遲來的要在外邊等候。最好的，這段無限定食用時間。噉當然如果食完之後，都會走啦，唔好阻住人做生意。叫了幾個餸，海鮮大部分是一碟二隻，分量剛剛好！即便一人來食也冇問題！叫完後大部份海鮮燒大約二十分鐘才到，（可能是多人的関系！）。叫了聖子，蜆，鮑魚，串燒，等，真的很不錯，但因二人食量有限，沒有叫燒魚，蟹，龍蝦等，希望下次光臨再叫過。食品新鮮，泰式醬汁唔錯。值得再去一試，最好早點去等位！店開18:00 至 03:00..

游完水，朋友有唔高興想飲下酒，食下小食，見少去佐敦，想揾下串燒，配下啤酒食。點知經過見到，內裏環境唔錯，價錢又相宜，食物款式都算多，就入去試試佢。裏面有好多海鮮選擇，細細碟，2個人剛好，可以叫多幾款都唔肉赤，基本諗到的款式都有。好特別自己寫號碼，可以慢慢諗，慢慢寫，唔洗有壓力寫到咁上下，店員請我地先叫，都唔記得原來枱係會唔夠位佢d蚌好值得推介，好好味，蠔個人就覺得無咁精彩啦，佢個一口芝士非常地出色，韮菜個樣好似好淡，但好夠味下次我會再黎食，誠意推介同埋d店員好有禮貌

鍋心粥底火鍋/蒸海鮮一直都是又平又好吃的～最近新開張了燒海鮮的店 就同朋友去吃了但其實我不太能吃海鮮的 所以主要吃的是豬肉飯😢以下是朋友評價真的蠻便宜的 比起其他串燒店的海鮮起碼便宜一半 大概hkd$30-40 就有一對燒蟶子/扇貝等等 但是除了海鮮以外就比其他店都貴 而且沒有很好吃 但海鮮就便宜和新鮮 香港想吃海鮮的話很推薦～豬肉飯一堆菜 比飯還多 吃不完那些菜 超飽... 評分（單純以海鮮來說好了）：8.5/10 （在香港來說真的便宜好吃）我一直都奇怪為什麼鍋心賣的海鮮都特別便宜🧐另外鍋心粥底火鍋和蒸鍋我都是推薦的 上年和前年媽媽生日都有帶她吃 今年可能就吃這間了23333 雖然我都主要在吃魚和其他配料😢

端午節假期，又係時候約朋友出街搵食，早前知道佐敦新開一間燒海鮮非常吸引，一於去試下。由於冇得訂位，於是我哋決定6:30pm去應該冇咩人咁早食掛。誰不知，已經坐滿人，要攞飛仔，33度高溫之下企喺條街度等，真係少d耐力都唔得。終於......皇天不負有心人，等左個幾鐘到我地啦👏🏻望一望餐牌，即刻叫左十幾樣燒海鮮同串燒，好似唔駛錢咁😂燒海鮮分別兩款醬汁，一款泰式醬係酸辣味，另一款係蒜蓉醬，個人較喜歡蒜蓉醬😋蒜蓉燒聖子，新鮮爽口迷你三重芝士海皇焗飯，減肥大敵，好味，二人食岩岩好燒鰻魚串，好食唔腥，可惜細舊d蒜蓉焗鮑魚，極力推介，又大隻又爽泰醬燒刀貝，酸酸地辣辣地，幾開胃蒜蓉燒象拔蚌蒜蓉、芝士燒蠔泰醬元貝蒜蓉焗龍蝦，龍蝦肉爽甜而以個價錢食到燒海鮮算係物有所值，新鮮食材，雖然串燒份量較細，但都好味，一定會再食😋

昨晚是我第二次幫襯這間餐廳，也是我人生第二次的後悔😌記得在兩個月前第一次來到這餐廳時，給我的感覺一般，但朋友推介就嘗試一下，食物方面還可以，但服務態度十分差！可能客人比較多難免有些少混亂！昨天是我朋友的生日，我又一次來到這餐廳，希望今次會有改善，由我們開始進入餐廳、進食、結悵為止，他們的服務態度依舊十分惡劣，十問九唔應，應你的就十分凶惡，可能二百幾蚊任食原故，惡劣態度會令我們早一點走，食少一啲呱😂😂😂你們如果要幫襯這間餐廳的話，必須有心 理準備，唔係到畤真係鉋.........（激飽）😅😅😅

服務態度其差，入內時沒有店員出來招呼, 走進店內卻被店員攔截用不友善的態度說等等。9:28pm 入座, 想享用9:30pm 晚市優惠，卻被店員趕出餐廳說9:30pm 後再進來。當時店內人流不多，餐廳外亦沒有人在排隊，實在令人意興闌珊。現代的香港已經越來越難找到有人情味的店舖，懷着支持香港本地餐廳的心情，特意從港島坐車過來卻得到如此對待，實在令人大失所望。不久前試過其集團其下的鍋心火煱，店員態度有善，待人有禮，沒想到這家餐廳如此糟糕。不得不劣評。

前幾天見到介紹，咁啱喺附近就去試試！一打開 menu 以為自己睇錯！叫左下面呢d：$28 燒蟶子，係2隻價錢！$40燒魚 -再以為眼花,超抵！$28 燒象拔仔,又係2隻！$38鹽燒蝦, 有4隻！$24 燒刀貝 又是2隻入去時係宵夜時段, 又好多其他串燒比正價平d, 試左2樣係—般貨色。d海鮮即叫即燒, 好正好甜好新鮮。枱枱都至小5-6款海鮮啦！喜歡食seafood 既必定無得輸！順便一提係無加一架！但係服務係相當好，全程讚！！必定再回來！Total 埋單$240 食左7樣野＋大啤＋可樂