鏞鏞．藝嚐館

营业中

休息中

呢度首推薦嘅當然係燒鵝啦，同鏞記比正唔正宗呢個就唔知，不過都係皮脆肉香。蜜汁叉燒，蜜汁非常濃郁，口感一流，煎帶子夠晒大隻，隻隻都好入味，炸蝦丸賣相精美，外邊脆內軟，都係推薦嘅菜式

星期六想喺尖沙咀飲茶食點心。諗起K11有間開咗一輪既鏞記副線。一於去試吓。佢係K11頂層，裝修光鮮，又有個大露台望中環。可惜打風，座唔到露台。枱同枱之間空間充足。侍應都俾一般中式酒樓勤快有禮。不過注意-限時90分鐘。燒鵝脾-要三百三，本身有啲期望。不過感覺一般啦。唔算太脆皮，唔算太juice。只可以話佢冇其他地方既燒鵝咁死咸。蝦餃-正常發揮。鮮甜，仲要加啲貴氣喺面😅蝦腸-算係飽滿，鮮甜叉燒酥-好一般，唔夠酥脆荷葉飯-黎嗰陣時覺得嗰size只係一隻糯米雞。三個人食都每人有兩小碗既。睇個人囗味，我鐘意佢乾身，味道唔錯。童年大白兔糖奶凍是日highlight,呢個最好食。$58唔算太貴。做得幾精緻，有陣白兔糖味又唔會太甜。總結 - 環境好，坐得舒服。不過有限時所以唔適合一班人慢慢食慢慢傾。食物質素少少中間偏上，但係三個人食咗千二蚊既午餐，值唔值得就見仁見智啦⋯⋯

平時鏞記就去得多，今次就嚟咗K11個鏞鏞下午茶歎下啲點心！係度要極力推薦佢呢度嘅灌湯餃，每份都好大隻，分量好足，湯汁鮮美，配埋啲竹筍口感好爽，絕對係值得一試。既然以點心做賣點，仲有其他經典嘅點心都一樣咁出色，鳳爪燒賣呢啲都係水準之上，望住個維港靚景歎下午茶，優哉游哉

大白兔奶糖係大家童年嘅回憶，不得不佩服鏞鏞嘅創意，居然白兔奶糖整成甜品，外形得意到唔忍心落手！估唔到除咗燒鵝之外，佢地嘅點心都做得好好，外形創意方面絕對係滿分，係k11 musea咁多餐廳裡面絕對係算係寶藏級別

餐廳位於K11樓上，整體環境唔錯，露台可以望到維多利亞港，夜晚嚟估計個feel仲正。除咗環境之外，食物出品都係令人滿意，尤其各式點心製作都好有創意，印象最深刻就好似雪茄咁果個卷，唔知真係以為係雪茄嚟，仲有細個好鐘意食嘅大白兔奶糖整成個布甸

諗起燒鵝，當然首先諗到就係鏞記，但係又唔想過海嘅話，係尖沙咀K11 Musea呢間副線就係一個唔錯嘅選擇啦。燒鵝外皮色澤鮮亮，油香肉香啱啱好，加埋啲酸梅醬，酸酸甜甜咁，好好食！餐廳係行中高檔路線，環境光猛，地方夠大，鐘意望海景嘅話可以坐室外。

燒鵝係必點菜式，皮烤得十分酥脆，肉質細膩滑嫩，口感極佳，絕對係一道令人難以忘懷嘅美食。菠蘿菇嚕肉原來係素菜，用菇類代替豬肉，既健康又美味，口感像真度也不錯，非常值得一試。甜品方面，當然係點白兔奶糕，外型真心精緻，味道方面，都十分香濃，配埋傳統大白兔糖，啲童年快樂回憶湧上心頭。

呢間坐落係K11樓上嘅傳統中式氛圍嘅茶餐廳，非常有香港本地嘅特色，裡面嘅菜式都係平時大家熟悉嘅。燒鵝，大白兔糖奶凍，春卷，馬友魚煎餅，蝦醬炒通菜，叉燒酥，全部都係兒時嘅味道，啲店員都係有返咁上下年級嘅阿叔，推薦菜品非常到位，好啱我口味總體嚟講呢間鋪值得推薦，唔錯

原來呢間係鏞記係K11開嘅新餐廳，裝修簡單得嚟比較新潮，唔多似傳統嘅賣燒鵝果啲餐廳。味道都唔錯，當然要推薦佢哋嘅燒鵝我哋5個大人加4個細路仔剛好點咗一隻，肥瘦適中，唔會好肥膩，夠飽肚，不過我覺得其實半隻都應該夠食。點心都好精美，價錢嘅話貴咗少少，不過用料好足，推薦鳳爪金錢肚蝦餃，仲有炸辣椒

意想不到的中菜廳真的沒有想過中菜廳也可以吃到超可愛白兔糖奶凍🐰🍮Q彈程度十足仲好滑身添唔會太甜，3歲男孩和80大壽的婆婆都話好好味真係大人細路都鍾意食值得一試啊！

點心味道非常普通，蛋撻迷你size，無特別。燒賣皮口感似豆腐皮，怪怪地。點左碟叉燒同半只燒鵝，不如普通酒樓或連鎖燒味舖 e.g棋哥嗰啲嘅脆皮，依間啲皮不脆肉些少鞋，可能特別在會淋啲花生醬汁。整體係食高級環境同打卡purpose，因窗口位可望到海景。點心同燒味都不如average酒樓。同朋友一齊去，感覺好失望，又貴又普通。

鏞鏞位處於尖沙咀K11 MEUSEA 7樓，可以飽覽180度維港靚景，裝修設計時尚中帶少少古韻，同佢哋主打新舊融合嘅粵菜風格相得益彰。到鏞鏞點可以唔品嚐佢哋嘅招牌菜式："嘆"燒原隻鵝髀，燒鵝髀外皮烤得微焦，香氣四溢，單憑賣相已經感覺不錯，鵝肉口感軟嫩，油脂同肉相互纏綿，味道相當之不錯。接落嚟係流心西施炸蝦丸，蝦丸外皮炸得酥脆，裡面流心腐乳係點睛之作，有創意又夠精緻。豆豉紅蔥爆雞煲雞肉口感非常嫩滑，配上香濃嘅豆豉同紅蔥，非常惹味。最後道蟹肉露筍西蘭花蟹肉有鮮味，西蘭花夠晒健康，值得一試。呢度唔單粵菜好味，仲可以欣賞維多利亞港景色，真係好爽

鏞鏞個位置好正，透過D窗望出去，可以話維多利亞夜景一覽無遺，出面仲有一個室外區，可以俾你更近距離欣賞香港夜景。另外，鏞鏞行年青路線，餐廳設有一個酒吧，有唔少cocktail選擇，可以得閒同朋友們小酌幾杯~~ 點咗半隻燒鵝，烤得算係恰到好處，鵝皮酥而鵝肉滑嫩多汁，有陣好香嘅油脂味道；佢哋嘅鴛鴦遠年陳皮牛肉老實講陳皮味唔算好出，但牛肉鮮嫩，味道同口感都相當不俗；至於榆耳帶子燒豆腐，豆腐軟滑，榆耳口感同帶子嘅鮮味相映成趣，驚喜之作！瑤柱櫻花蝦炒飯同樣出色，有瑤柱同櫻花蝦香味，每一粒飯都吸收咗啲鮮美滋味，飯粒分明，真心不錯

幾次喺K11 Meusea行街都都試下鏞鏞，終於上個週末約咗朋友一齊共享美食時光。 雖然佢啲點心款式不及一般大型酒樓多選擇，不過就喺巧妙創新同傳統之間搵到平衡，行精緻粵菜路線，絕對令你賞心悅目又回味無窮。我最鍾意首推手捲雪茄，型唯肖唯妙但其實係雪菜燒鵝春卷，外皮香脆，每啖都可以感受到裡面餡料嘅層次感。另外，露荀蝦餃同樣驚艷，露荀的清香與蝦餃的甜美完美結合，而甘筍咸水角就勝在夠可愛，炸得香口唔油膩，餡料調味恰到好處，十分美味。環境方面，鏞鏞有室內同室外座位，如果你選擇午後來訪，我會建議選擇室內座位，始終天氣漸熱，坐喺室內享受冷氣同時望住窗外美景，實在係一種悠閒享受。

作為老字號鏞記飛天燒鵝嘅姐妹店，排隊排咗好耐先有位，咁受歡迎肯定有佢嘅理由。店員十分nice，一路都有幫手影相，仲好主動幫我哋換角度同post菜式唔錯，燒鵝皮脆啲肉唔會好韌，一啲都唔覺得油膩