84
4
11
以上资料只供参考,请与餐厅确认详情
今次去咗间平民铁板牛扒店食嘢,价钱好平,份量同质素都几高水准一开始会上左罗宋汤同餐汤先叫咗个铁板牛舌拼肉眼牛扒,牛舌切得厚薄适中,表面略略烧焦,食落去香口弹牙,完全冇韧身嘅问题。肉眼牛扒就更加正!五成熟嘅熟度啱啱好,切开𠮶阵见到个肉色系漂亮嘅粉红色,肉汁锁得好好。最正系佢表面烧到香脆,入面仲保持到多汁嫩滑,连筋都冇,肉质够嫩滑。黑椒汁另上就最啱,想点辣就加几多,唔会搞到个牛扒浸汁咁样。配菜嘅薯菜都做得几好,薯仔香软,菜够新鲜爽脆。西冷牛扒就做得更加出色!五成熟嘅熟度一样完美,个西冷油花分布均匀,肉质够嫩又唔会肥腻,食落去香甜多汁。个烧汁味道浓郁,带有红酒香,配埋牛扒更加突出个牛味。意粉做得够al dente,软硬适中,沾埋个烧汁食就更加完美!饮品方面,冻柠檬水少甜就啱啱好,柠檬味香甜,完全冇苦味。冻柠檬茶走甜就更加啱我心意,茶味香浓,柠檬香气足,最啱配重口味嘅牛扒。总括嚟讲,铁板世家嘅牛扒质素同价钱都算得上抵食,最紧要系厨师对火候掌握得好好,每次嘅熟度都好准确。虽然唔系高级牛扒餐厅,但胜在够实在,想食个抵食又够水准嘅牛扒,呢度真系值得一试!
继续阅读
太耐无行金鱼街,行完唔知有咩食,都系打算求其入间茶记算,点知原来有间装修到以前港式西餐,系食铁板牛扒。入去里面,发现原来系深水埗老店马德里餐厅嘅分店。餐包呢度无用普通圆形西式餐包,真系港式传统好甜嘅餐包,有以前嘅感觉。罗宋汤传统港式味道,好多椰菜同西芹,配带辣味嘅番茄汤特别开胃。忌廉汤Creamy但无咩材料,好适合点餐包食,唔搽牛油。整体都唔错,但相比之下比较逊色。铁板牛舌拼肉眼牛扒 五成熟 $158呢个铁板,特登无落汁,不过热度一样,攞开好多垫底嘅薯条,一样足够将牛扒煎到七成熟。配菜有西兰花同车厘茄。肉同一般港式西餐一样,都有松过,不过唔会完全烂晒,都有保留牛肉嘅味道。呢度嘅肉眼牛肉味足够,唔会太硬。但呢度嘅牛舌外层比较硬,但多左牛舌,只系多$10,算系咁。铁板T骨牛扒 五成熟 $148T骨系将牛柳、西冷牛扒同中间连带嘅T字脊骨原个切出,同时食到嫩滑嘅肉同有牛味嘅肉。 加入黑椒汁之后,有黑椒香味,可以带出牛肉味。意粉+$10咁重怀旧氛围,但都系俾普通白洽意粉,有啲可惜。冻柠檬水 走甜 +$4*2=8牛肉太油腻,饮走甜嘅柠檬水比较舒服。甜品今次甜品系黑加仑子味杂果啫哩,口感比较松散。呢啲港式口味,必须要加花奶,完全复刻。总计:$324
继续阅读
讲起港式嘅晚餐,梗系唔少得豉油西餐啦!今次嚟到通菜街嘅铁板世家。价钱性格比高,非常抵食🤩。店内环境好有港式风味,红白汤二拣一再配餐包🥣,够晒经典。酱汁淋落铁板发出滋滋嘅声音非常吸引,流晒口水。铁板煎牛舌拼肉眼牛扒配薯菜 $158牛舌加牛扒,份量超级多。牛舌食落好稔身,再加埋充满弹性嘅肉质,牛味香浓😋。肉眼牛扒好厚,但切落唔会好韧,轻轻切都切到,肉眼嘅肉味都非常充足,肉质厚实,油脂比例啱啱好,粉嫩多汁🥩。配菜西兰花同车厘茄简单焯煮,无过熟,保留爽口感觉,食完感觉清新解腻。铁板什扒(猪扒/鸡扒/珍宝肠/煎蛋)配薯菜 $138什扒餐胜在乜都有,啱晒选择困难唔知拣咩嘅人🙌🏻。鸡扒嘅表皮炸到金黄焦脆,鸡肉肉质嫩滑,鸡味同腌料嘅调配几match ,猪扒厚度适中,肉质非常松软,前期准备功夫有落心机,太阳蛋桔爆后,蛋浆流落啲扒度再捞埋饭食好正。珍宝肠仲长过块铁板,食落外脆内软。薯条系用曲薯,系传统嘅波浪型薯条🍟,食落有薯仔味,外脆内绵,作为配菜啱啱好。仲会送饭后甜品,提子味啫喱加左花奶,口感非常Q弹,再加上花奶令啫喱更加滑🍮,唔会太甜,有解腻嘅作用,好怀旧嘅西式甜品。
继续阅读
去咗旺角通菜街188号嘅铁板世家试吓佢哋主打嘅铁板牛,成餐食落几有惊喜,价钱亲民,质素又唔失礼。我叫咗一份铁板肉眼牛扒拼牛舌(烧汁),五成熟,牛扒煎到外层微焦,入面仲保持住粉嫩,肉汁锁得好实,切开𠮶刻已经闻到香味,肉味浓郁。牛舌就烟韧有咬口,厚薄适中,咬落唔会韧,仲带少少油香,加埋烧汁咸咸甜甜,几夹。朋友就拣咗铁板肉眼牛扒(黑椒汁),同样系五成熟,牛扒煎得啱啱好,黑椒汁唔会太呛,反而有层次感,唔会抢咗牛味,配埋个铁板底声香四溢,几有感觉。饮品方面叫咗杯热柠檬水,食完啲肉饮返杯热柠水,中和返啲油脂感,舒服晒。同埋红豆冰,红豆煮得够绵够香,啲冰唔会太粗,甜度适中,收尾啱啱好。环境唔算高级,但胜在够地道,铁板香味成间舖都飘住,坐得舒舒服服。成餐食落唔算贵,以旺角嚟讲性价比好高,想食铁板牛又唔想太贵,呢间真系可以列入再访名单!
继续阅读
喺旺角金鱼街行完一圈,望完五颜六色嘅金鱼后,肚仔开始咕咕叫,于是同老公决定去铁板世家医肚。呢间餐饭系食铁板餐,但餐厅装修明亮整洁,绝对唔系旧式茶餐厅𠮶种油腻感。枱面同座位干净企理,环境舒适,仲有少少现代感,令人食得放心又开心。罗宋汤及忌廉汤,热辣辣餐包
餐汤一上枱,热腾腾嘅汤同餐包即刻暖晒心!罗宋汤酸甜开胃,蕃茄味浓郁,仲有满满嘅杂菜,饮落去好有满足感。忌廉汤浓滑香浓,入口顺滑,系经典嘅港式滋味。餐包烤得外脆内软,涂上厚厚嘅牛油,配汤真是一个完美嘅开场。 铁板煎牛舌拼肉眼牛扒配薯菜
呢个组合系我嘅至爱!牛舌煎得外层微焦,内里嫩滑弹牙,咬落去啖啖肉香,完全唔韧。肉眼牛扒五成熟,肉质Juicy,配上浓郁嘅黑椒汁,滋滋作响嘅铁板热度将酱汁嘅香气完全释放,食落去好过瘾。薯菜有薯仔同西兰花,吸满咗酱汁嘅精华,简单却好味。份量十足,食完真系有种大满足嘅感觉。铁板肉眼牛扒配薯菜
老公点嘅肉眼牛扒同样出色,牛扒厚实多汁,煎得外焦内嫩,黑椒汁浓郁又唔会盖过牛肉嘅鲜味。薯菜同样吸汁,作为配菜好称职。铁板保持住热度,食到最后一口都仲系热辣辣,呢个港式铁板餐嘅精髓真系令人怀念。冻柠茶同热柠水都好够柠味!冻柠茶茶味香浓,柠檬酸酸甜甜,冰凉凉嘅口感好解渴,配铁板餐嘅浓味真是一个好搭档。热柠水暖胃又清新,柠檬味突出。甜品系一个完美嘅怀旧Ending!杂果啫喱色彩缤纷,入口Q弹,带有水果嘅清甜,食落去好似返咗小学放学后买糖水嘅日子。花奶浓郁香滑,甜度适中,配啫喱一齐食,简直系将童年回忆一口气带返来,食完同老公都忍唔住笑咗出嚟。
继续阅读
您可能会有兴趣的...