鐵板漁屋日本料理 (如心廣場二期) (已結業)

我地食放題午餐,漏單情況嚴重, 食物等好耐都唔上。叫十樣嘢, 你預嚟六至七樣。刺身還好，熟食大部分都係求其又難食嘅。午市放題話就係三個鐘，可以慢慢食。但佢上菜速度奇慢，又有意無意漏下單。所以你一定要主動同D員工追單。另外，D抬同凳真係有咁窄得咁窄，食得好辛苦。絕不推介，可以用惡劣嚟形容。唯一可取之處係飲品及雪糕選擇頗多。埋單時問D客會唔會加錢做VIP，咁嘅質素點會有人肯。一年前幫襯過，之前都唔係咁。真係越嚟越差。

上菜速度極慢， 今晚想簡簡單單叫些炒飯及炒面， 當時餐廳只坐了三台客， 叫了燒菠蘿$16原來只2x3cm一小塊, $28多春魚原來只手指尾一條DD咁大， 極為寒酸， 叫了的炒飯及炒面， 發了單足足半小時也未見佢地開始炒，但負責鐵板的廚師一直懶懶閒， 趕時間把鬼火取消訂單走人！

其實已經唔係第一次食呢間放題，但佢一直都保持到水準，都係值得我為佢寫個食評！呢間放題係我食過咁多間最好既一間，服務好，地方整潔衛生，上菜快，款式多，無伏。飲品、甜品尤其抵讚，唔係淨係飲罐裝嘢，有雜果賓治、青檸梳打、橙汁、蘋果汁、咖啡，多到選擇困難。甜品又有啲特色嘢，馬卡龍、迷你香蕉船、木糠布甸……魚生擺盤賣相一定可打卡，除非你叫兩塊魚生啦鐵板燒係即燒，真心好食，尤其係個牛柳粒同牛仔骨，必食！唯一缺點係好多人食，要去最好book位。😉

早於2星期前，透過電話book 左29/5(日)中午12點 5位，可安排坐VIP房。今日，第5波確診仍處於250宗左右嘅疫情吓，都冒著可能會被感染情況吓，都要嚟到荃灣食放題，原本滿懷興奮嘅心情(因上年都有食過，覺得唔錯)，入到餐廳一拎起部點餐部Ipad機後，掃晒點餐餐牌，發現蒲燒鰻魚、燒三文魚腩、可樂等較熱門嘅嘢都 '缺貨'，都好唔開心。都算，12:08pm點左刺身，等到12:35pm都未有，揾左侍應跟進，先有刺身到刺身質素確實好。但其後分左幾次點餐，都要等成半個鐘或以上，什至有啲點左嘅食物，係冇厘過，漏單情況極之嚴重，叫薄燒牛肉更加追問吓，先遲遲送上，凡係點貴價食物，總係食唔到。最後埋單後，我見隔離枱，有雪糕紙，問侍應後，先肯比總結是，若再去食放題，寧願去食酒店自助餐，更會有保証。

入去之前有個服務員態度語氣已經係唔好，入到去坐啲位又逼，都算啦黎食野姐。落左單八個字，先黎第一盤魚生仲要係唔齊唔岩數，野飲又係叫完唔知幾耐先到，再叫魚生又要等多半個鐘先黎幾舊，到最後夠鐘cut單都冇人提，我地就同果個態度差嘅待應講，話好多野都冇上，叫左啲特色壽司從來冇上過，佢都係用果種串串貢嘅語氣問你仲有乜未上，最後就一次過上不過都係唔齊。甜品就唔洗講last order冇㩒到焗住食雪糕冇食到啲特色甜品。三百幾蚊嘅價錢我唔知自己有食過啲乜，我俾錢黎食魚生架唔係黎食啲熟食丫！啲牛肉鞋到一個點又冇味，不過如果大家想試下“特色“放題就一定唔可以錯過

好耐無食過放題， 聽聞呢度放題有煎鵝肝，仲有比較少見嘅三文魚頭，三文魚鮫， 想食餐好嘅就book咗呢一間漁屋午市放題試試。午市可以12點至3點，食足3小時。平板電腦落order，睇落都幾多嘢。 但可惜最想食嘅煎三文魚頭，三文魚鮫同鵝肝就暫停供應， 有啲失望。刺身第1 round咩都叫黎試下，但等足9個字先至上菜， 而且仲有啲凍同冰，好似未解哂涷就上枱咁。味道麻麻。壽司都要等9個字先有，味道一般。鐵板燒嘅食物味道就好啲。燒蝦: 有啲蝦肉爽，有啲蝦則比較霉。燒牛柳粒: 味道還可以，但肉質嚡咗少少，加埋蒜片一齊食都幾好。炒韮菜:太鹹，有根燒牛舌: 太淋，無口感，太鹹燒多春魚: 頗脆 蝦多士: 香脆可口，仲有黑松露香味至於飲品都幾多選擇，仲有比較少見嘅雜果賓治，金牛，黑牛同罐裝汽水。今餐放題好壞參半，但價值都要350蚊一位，性價比一般。

平時食開荃新天地嗰間漁屋 放假又見到有間「鐵板」漁屋 咪諗住去試吓咩料 一試難忘中曬伏 一入到去叫嘢食 15分鐘後上咗剌身 之後一坐坐咗半個鐘乜都冇上 連杯嘢飲都冇啊（叫嘢食全部正常份量）咁之後都覺得唔對路 再叫過其他嘢食 後尾係有上嘢食 但大部分都係漏單 基本上冇一樣係嚟齊 嚟到呢度已經係講緊食咗個幾鐘（食兩個鐘）「鐵板」漁屋 一共叫咗三次（全部正常份量）最後差唔多半個鐘終於送到喇 上咗四片牛肉 仲有啲蔥添 但你唔會食到牛味 只會食到成口蔥味 叫三次鐵板三次 最後上咗四片蔥味牛肉 自己諗「鐵板」係你食到落肚定係你隻腳踢到鐵板啦下一再重申 唔係咁差都唔洗comment 食唔食你自己諗

一個八號風球除下的晚上（因為係公司員工聚餐，所以一個月前已經訂枱）一去到已經立刻下單，等咗大約半個鐘。都無得食。問餐廳員工，佢話我叫得太少（其實唔明白佢點解會咁講）為有再落單，再等十五分鐘，就上咗一盤魚生，又再等⋯⋯⋯比多兩粒炸物你食。沒通知last order 就 cut 機。叫餐廳員工上返之前已經落咗單而未到的食物。佢叫我等⋯⋯。最後當然係無。簡直係不知所謂。第二日打電話去理論，重要話無咁既事。所有食物都出會出曬比客人。相當不負責任的一間食肆。

我係第一次寫食評，真心想大家睇完再決定食唔食原本諗住訂觀塘放題，結果冇曬位就改去荃灣食，一開始係諗住冇鐵板燒個間漁屋，但冇曬位唯有揀呢間，本來都有期待下去到發現餐廳好細，本來已經唔多位又搞開放式廚房望落有7-8個廚師整嘢食，諗住上菜會好快，結果我哋一共落咗四次單（唔計雪糕），每次都要等勁耐.隔離枱遲嚟過我哋，我哋叫咗有15分左右佢哋先落單，但竟然係上佢哋枱先？？？？你話同時上都冇咁嬲，佢哋上完我哋仲要等😡既然要同時上菜唔係預計好每枱分量？每一轉我哋都差唔多等咗20-30分鐘先上菜🥱🥱刺身我哋叫咗甜蝦、大赤蝦、帶子、三文魚、北寄貝，全部唔新鮮，蝦仲有怪味，得帶子稍為叫好食¯\_( ͠° ͟ʖ °͠ )_/¯熟食方面，等待時間上面講咗，賣相一般，牛肉落太多調味好咸炸物類：理解到可能即叫即炸/翻炸，但都係等好耐，而且天婦羅外衣完全唔脆，蕃薯上面又撒咗勁多鹽，咸到不得了！野食同飲品選擇好多，水果茶係唯一會再order，炒飯炒烏冬上一大碟，我哋得兩個人上咗4人分量🙂可能因為我哋係最後一輪，正常半個鐘前就會停止order俾雪糕紙，我哋諗住快快食完就走，就提前問佢哋拎咗，選擇都好多，但好多都冇哂，得番焦糖

呢間放題，之前見朋友去過好多次，影啲相出嚟，啲嘢食好大件，一心諗住去試下 ，去之前有啲擔心，因為見到啲食評普通，但係親身去試咗一次之後，發覺其實佢真係好食，好多嘢飲揀啦，有雜果賓治、有鹹檸七、又有薑茶呀，好多熱飲，同平時放題罐裝飲品唔同，一般放題嘅罐裝飲品佢都有，另外佢有一個鐵板燒喺餐廳中間，所以可能會好大油煙味，但係啲嘢食係好新鮮好好， 佢有紫薯啦、榴槤、 佢仲有 燒雞泡魚乾，呢啲係普通 放題無嘅，同埋佢有蟹粥 、花膠雞、仲有蟹肉翅

我對所有漁屋嘅印象本來都係好的，至從今晚之後，我對呢間野係徹底失望。首先，啲刺身越來越難食，真係求其揾間百幾蚊嘅放題啲刺身都好食過佢，其他熟食更加唔洗提...莫講話300蚊，100蚊水平都唔到，明明眼見你地生意日日都咁旺，但啲野食就越來越低質，越做越差，勁失望！希望漁屋嘅負責人睇到我呢個食評會對自己食物質素作出改善，而唔係越做越差，今日食到啲咁劣質嘅野其實真係好嬲，仲要成300幾蚊。。。不過大家不妨試咗先☺️

樓底高，冷氣涼，坐得非常舒服。開放式廚房看到廚師努力地煮嘢：刺身師傅切完一盤又一盤嘅魚生，水吧師傅沖完一杯又一杯的飲料🥤貨如輪轉，想必食物一定新鮮。➰厚切刺身，款式頗多，三文魚和拖羅都不錯。➰玻璃蝦刺身，超喜歡吃，加埋蒜頭和辣椒正！➰比起薄燒牛，我更愛牛舌，香料加晒分。➰燒雞軟骨串麻麻哋，鹹咗少少。➰藍色夢幻，類似波子汽水的味道。➰迷人pink lady，石榴味加奶蓋，細細杯幾好。➰水果茶，有藍莓士多啤梨奇異果，有誠意。➰花膠，第一round已經叫,來得比較慢。

鐵板漁屋算係比較新開既，諗住試下新嘢就搵日book左枱去食。呢度係用QR code 落單📱好方便，食物既選擇都好好多，各式壽司刺身天婦羅鍋物都有。  好正既係佢安排左我地坐一個比較角落啲既，好似獨立包廂咁既位😍勁大張枱而且感覺好夠私人空間👍不過果日冷氣好凍，後尾去到食完埋單既時候店員講起先知原來可以叫佢較細啲個冷氣...早知一早問。凍左好耐🥶  最滿意呢度既係呢度既刺身真係好厚切！件件都勁厚身，食落好滿足！而且有三個鐘比你食，唔洗趕住食，慢慢食下嗌下咁，都食左好多😋  午市放題（$268）  有幾樣嘢係特別推薦食既👍  1⃣️各類刺身 夠曬新鮮同埋真係好厚切！不過個刺身嗌左好耐先到，建議一開始就即刻落左單先。  2⃣️泰式生蝦 好少日式放題店會有泰式生蝦食，值得點黎試下。  3⃣️松露蝦多士 好香黑松露既香味！而且炸得好脆入面壤既蝦肉幾彈牙🦐  4⃣️芝士帆立貝 超多芝士超香濃，帆立貝既size都唔細。  5⃣️花之戀🌸 上面滿滿既蟹籽，一啖一件好滿足。  6⃣️煙肉蠔卷串 煙肉唔會好乾，包住舊蠔一啖食落好鮮味！ 7⃣️美國牛肉薄燒 牛肉一啲都唔韌，中間仲卷住左啲韭菜，食落好juicy！ 8⃣️紐西蘭厚燒牛柳 呢個真

荃灣區講真出名好食高質嘅放題真的不多,見到依個放題,排頭寫著鐵板,做索性去試下,價錢又唔喺平，估計相信不是劣食之塔果種質素放題，但去到第一個感覺喺冷氣好鬼凍，坐位方面都係嗰啲放題質素，又窄又細，但樓底好高沒壓迫感。講到重點去其實表面上選擇喺好多，真係好多，但係落单出菜好耐，甚至冇到勁溜单，都唔知繼續再叫好定等好，怕一叫就嚟兩份，到就夠鐘去埋单，之前叫咗啲小食，都應該有接近半個鐘，以為佢溜左單，居然埋單之後送過來，其實都好浪費食物。味道ok la,唔係難食，但又唔係好好味。

從來冇食過啲咁差嘅晚市放題。講下個環境先，明明環境都已經夠細，都仲要搞開放式廚房，可想而知間野啲油煙同噪音係幾嚴重，唔講仲以為食緊大排檔。環境咁細都仲搞埋啲咩VIP座位，家陣係唔係玩杯葛。路口又窄，成地都係食物殘渣，啲員工又要行嚟行去，非常影響食慾。講下啲服務，人手完全不足。員工非常冇禮貌，一堆客企係門口等位都冇人招待，攞咗位都要睇佢地面色，叫客人攞開啲碗碗碟碟都係呼呼喝喝，連句唔該都冇。另外，經常漏單之餘，最過分係見到我地嗰分魚生攞咗出邊十幾分鐘先有人送過嚟，啲野食又送得慢，一入到去嗌嘅魚生一個鐘後先至嚟，連嗌罐汽水都可以半個鐘先至送嚟。食物質素中規中矩，但見到咁嘅服務你只會想快啲走。張檯勁細，而且搖下搖下。最後攞返去個雪糕仲融埋，完全感受唔到誠意，三百蚊走嚟食咁嘅服務態度？